ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
សក់របស់យើងអាចមានបញ្ហាដោយសារទម្លាប់សាមញ្ញៗមួយចំនួនដែលងាយនឹងធ្វើឱ្យសក់សំពោង ដាច់ បែកចុង ឬជ្រុះ។ ទម្លាប់ប្រចំាថ្ងៃអ្វីខ្លះដែលអាចធ្វើឱ្យសក់យើងខូច ហើយយើងគួរកែបែបណា?
ខាងក្រោមជាទម្លាប់ទាំង ៧ ដែលអាចបំផ្លាញសក់របស់យើង និងវិធីកែទម្លាប់នេះ៖
ជំនួសឱ្យការញីសាប៊ូកក់សក់លើសក់ឱ្យចេញពពុះ យើងគួរញីសាប៊ូកក់សក់ថ្នមៗលើស្បែកក្បាលឱ្យសព្វវិញ ហើយអេះសម្អាតស្បែកក្បាលថ្នមៗ។ បន្ទាប់មកលាងសម្អាតចេញដោយឱ្យទឹក និងសាប៊ូហូរកាត់សក់របស់យើង។ ការធ្វើបែបនេះមិនត្រឹមតែអាចឱ្យយើងសម្អាតស្បែកបានស្អាតល្អទេ ថែមទាំងអាចឱ្យយើងសម្អាតសក់ដោយមិនធ្វើឱ្យសក់កកិតខូចទៀតផង។
យើងគួរប្រើគ្រីមបន្ទន់សក់រាល់ពេលកក់សក់រួចដើម្បីបន្ថែមសំណើមដល់សក់ និងជួយធ្វើឱ្យសក់ទន់រលោងមិនជំពាក់ ព្រោះសារធាតុកាត់ក្នុងសាប៊ូកក់សក់អាចធ្វើសក់យើងបាត់បង់សំណើម និងជាតិប្រេង។
ចង់គណនារង្វាស់ចង្វាក់បេះដូង ចុចទីនេះ!
ចង់ពិនិត្យសុខភាពប្រព័ន្ធរំលាយអាហារ ចុចទីនេះ!
យើងគួរទុកឱ្យសក់ស្ងួតបន្តិចសិន ចាំសិតសក់ថ្នមៗជាមួយក្រាសដែលមានចន្លោះធ្មេញធំៗដើម្បីចៀសវាងការធ្វើឱ្យសក់ជ្រុះ និងខូចព្រោះសក់ដែលសើមមានសភាពទន់ខ្សោយណាស់។
ការផ្លុំសក់ឱ្យស្ងួតអាចបណ្តាលឱ្យសក់បាត់បង់សំណើម ឆេះស្រទាប់ការពារសក់ និងខូចដោយសារកម្តៅ។ ដូច្នេះយើងគួរទុកឱ្យសក់ស្ងួតតាមសម្រួលល្អជាង។ តែបើយើងចាំបាច់ត្រូវផ្លុំសក់ដោយសារប្រញាប់ យើងអាចផ្លុំសក់ដោយប្រើខ្យល់ត្រជាក់ ហើយចៀសវាងប្រើញឹកញាប់ពេក។
ប្រើផលិតផលធ្វើម៉ូដសក់ដូចជា ចាហួយលាបសក់ ឬស្រ្ពៃបាញ់សក់ជាដើមអាចមានផ្ទុកជាតិអាល់កុលដែលធ្វើឱ្យសក់យើងស្ងួត ឬមានផ្ទុកសារធាតុស៊ីលីកូនដូចជា cyclomethicone, amodimethicone និង dimethicone ដែលធ្វើឱ្យសក់យើងឡើងប្រេង។ ដើម្បីចៀសវាងបញ្ហា យើងគួរធ្វើម៉ូដសក់ណាដែលមិនត្រូវការប្រើផលិតផលធ្វើម៉ូដសក់ទាំងនេះ។
បើយើងចង បួងសក់ ឬក្រងសក់បែបតូចៗតឹងៗ យើងអាចទាញសរសៃសក់ពីគល់សក់ខ្លាំងដែលអាចធ្វើឱ្យខូចឫសសក់ និងបង្កឱ្យសក់ជ្រុះ។ ជំនួសមកវិញយើងគួរធ្វើម៉ូដសក់ណាដែលមិនត្រូវការការចង់ ឬបួងសក់តឹងៗ ឬក៏អាចទម្លាក់សក់ក៏បាន។
ក្រៅពីទម្លាប់ប្រចាំថ្ងៃ សក់របស់យើងក៏អាចខូចដោយសារការត្រូវពន្លឺថ្ងៃខ្លំាងក្នុងរយៈពេលយូរដែរ ដែលធ្វើឱ្យសក់ស្ងួត និងផុយ ហេតុនេះហើយយើងគួរពាក់មួក ឬបាំងឆ័ត្រពេលចេញក្រៅត្រូវពន្លឺថ្ងៃ។
អត្ថបទគួរអាន៖
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម
