គ្នាយើងដែលឆ្ងល់អត់ម៉េចបានបបូរមាត់មានពណ៌ក្រហម ហើយងាយប្រេះ ឬស្ងួតជាងសរីរាង្គផ្សេងទៀតនៃរាងកាយ? បបូរមាត់ដើរតួសំខាន់សម្រាប់ការញ៉ាំអាហារ ដំណកដង្ហើម និងការនិយាយស្ដី។
ធ្លាប់ឆ្ងល់អត់ហេតុអ្វីបបូរមាត់ពណ៌ក្រហម?
បបូរមាត់ក៏ជាសរីរាង្គមួយដែលមានរំញោចខ្លាំងផងដែរ ដោយសារវាជាបណ្ដុំនៃប្រព័ន្ធប្រសាទប្រហែល១លាន។ ដោយសារតែហេតុនេះហើយបានជាបបូរមាត់ងាយមានប្រតិកម្មពេលប៉ះ ឬពេលមានសីតុណ្ហភាពប្រែប្រួល។
ស្បែកនៅបបូរមាត់មានស្រទាប់កោសិកាពីបីទៅប្រាំស្រទាប់ ដែលមានសភាពស្ដើងខ្លាំងបើធៀបទៅនឹងស្បែកមុខដែលមានរហូតដល់១៦ស្រទាប់។ ទន្ទឹមនឹងមានស្បែកស្ដើង បបូរមាត់ក៏មានផ្ទុកកោសិកាផលិតជាតិពណ៌តិចដែរ។ ដោយសារតែហេតុនេះ ទើបសរសៃឈាមលេចចេញនៅស្បែកបបូរមាត់ ដែលអាចមើលឃើញមានពណ៌ក្រហម។
ដូចគ្នាដែរ ស្បែកបបូរមាត់មានសភាពស្ដើង និងមិនមានក្រពេញញើសទេ ជាហេតុធ្វើឲ្យងាយនឹងប្រេះ ឬស្ងួត។ សំណើមនៅត្រង់បបូរមាត់ ងាយបាត់បង់ជាងសំណើមនៅលើស្បែកមុខ ឬស្បែកនៅកន្លែងផ្សេងទៀតនៃរាងកាយ ដែលជាហេតុធ្វើឲ្យបបូរមាត់ងាយស្ងួតដែរ។
ការសិក្សាមួយចំនួនបានឲ្យដឹងដែរថា ការធ្វើឲ្យបបូរមាត់កាន់តែក្រហមធ្វើឲ្យស្រ្តីកាន់តែមានភាពទាក់ទាញ។ មួយវិញទៀត ពណ៌ក្រហមនៅលើបបូរមាត់ក៏ជាភាពទាក់ទាញមួយដល់ចំណង់ផ្លូវភេទដូចគ្នា។
អត្ថបទគួរអាន៖
ក្រៅពីនេះ បបូរមាត់ក៏ដើរតួចសំខាន់ក្នុងការនិយាយស្ដីផងដែរ។ ការបញ្ចេញសូរសៀងមួយចំនួនត្រូវការចាំបាច់ប្រើបបូរមាត់ បើសិនជាមិនមានបបូរមាត់ទេ យើងនឹងមិនអាចបញ្ចេញសំនៀងនៃពាក្យមួយចំនួនបានច្បាស់នោះដែរ ពិសេសការបញ្ចេញសូរលើស្រះនិស្ស័យ។ក្រៅពីនេះ ចំពោះការញ៉ាំអាហារ បបូរមាត់ដើរតួកាន់តែសំខាន់ថែមទៀត។
ត្រួតពិនិត្យដោយ
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខអត្ថបទដោយ ទូច សុខា · កែ 10/06/2022