ការថែទាំស្បែក មុន និងក្រោយពេលធ្វើលំហាត់ប្រាណមានសារៈសំខាន់ណាស់ ដើម្បីបញ្ចៀសការកើតមុន និងបញ្ហាស្បែកផ្សេងៗ។ ពិតណាស់ រូបរាងកាយសមសួន គឺជាបំណងប្រាថ្នារបស់ស្រីៗយើងគ្រប់គ្នា ហើយការហាត់ប្រាណជាប្រចាំ គឺជារឿងចាំបាច់ដែលមិនអាចខ្វះបានឡើយ ដើម្បីទទួលបានរាងកាយបែបនេះ។ ដូច្នេះហើយ ដើម្បីទទួលបានស្បែកមុខស្រស់ស្អាត និងរាងកាយដ៏ទាក់ទាញក្នុងពេលតែមួយ គ្នាយើងគួរដឹងពីប្រការគួរធ្វើ និងមិនគួរធ្វើ នៅមុន និងក្រោយពេលធ្វើលំហាត់ប្រាណរួច។
ប្រការគួរ និងមិនគួរធ្វើ ជុំវិញការថែទាំស្បែក មុន និងក្រោយហាត់ប្រាណរួច
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ប្រការគួរធ្វើ មុនពេលធ្វើលំហាត់ប្រាណ
១. ជូតសម្អាតគ្រឿងសម្អាតឲ្យបានស្អាតល្អ៖ ការផាត់មុខ អំឡុងពេលហាត់ប្រាណគឺជាមូលហេតុចម្បងដែលធ្វើឲ្យកើតមុននៅលើផ្ទៃមុខ។ អ៊ីចឹងហើយ យើងគួរជូតសម្អាតគ្រឿងស្អាតទាំងនោះឲ្យបានស្អាតជាមុនសិន។
២. លាងសម្អាត៖ ការលាងសម្អាតផ្ទៃមុខ ដោយប្រើហ្វូមលាងមុខដែលគ្មានជាតិកាត់ មានសារៈសំខាន់ណាស់ ដើម្បីជៀសវាងការស្ទះរន្ធញើស ដែលជាហេតុបណ្តាលឲ្យកើតមុន។
៣. ផ្តល់សំណើម៖ គួរលាបក្រែមផ្តល់សំណើម និងក្រែមការពារកម្តៅថ្ងៃជានិច្ច។
៤. ក្រែមការពារកម្តៅថ្ងៃ៖ ប្រសិនបើយើងហាត់ប្រាណនៅខាងក្រៅ គួរប្រើក្រែមការពារកម្តៅថ្ងៃដែលមានSPFយ៉ាងហោចណាស់៣០ ដើម្បីការពារស្បែកពីកាំរស្មីUV។
៥. ប្រើសំលៀកបំពាក់ហាត់ប្រាណដែលធ្វើពីកប្បាស៖ ទន្ទឹមនឹងនេះដែរ យើងគួរប្រើសំលៀកបំពាក់ហាត់ប្រាណដែលធ្វើពីកប្បាស ដើម្បីកាត់បន្ថយការរមាស់ដោយសារញើស និងការឆ្លងមេរោគផ្សិតផ្សេងៗ។
ប្រការមិនគួរធ្វើ មុនពេលធ្វើលំហាត់ប្រាណ
១. ជម្រុះកោសិកា៖ ជៀសវាងជម្រុះកោសិកាមុនពេលធ្វើលំហាត់ប្រាណ ពីព្រោះវាអាចធ្វើឲ្យរលាកស្បែក នៅពេលប៉ះពាល់នឹងញើស។
២. សាកល្បងប្រើផលិតផលថ្មី៖ ជៀសវាងសាកល្បងផលិតផលថែទាំស្បែកថ្មីៗ មុនពេលហាត់ប្រាណ។
ប្រការគួរធ្វើ ក្រោយពេលធ្វើលំហាត់ប្រាណ
១. លាងសម្អាតដៃ៖ ការលាងសម្អាតដៃ ក្រោយពេលហាត់ប្រាណរួច គឺជារឿងចាំបាច់ដែលយើងមិនគួររំលង ដើម្បីកម្ចាត់ចោលរាល់បាក់តេរី និងអតិសុខុមប្រាណដែលតោងជាប់នឹងឧបករណ៍ហាត់ប្រាណ។ ទម្លាប់មួយនេះ ក៏អាចកាត់បន្ថយបញ្ហាអាលែកហ្ស៊ី និងការឆ្លងបាក់តេរី និងផ្សិតផងដែរ។
២. ងូតទឹក និងផ្លាស់ប្ដូរសំលៀកបំពាក់ថ្មី៖ ដើម្បីបំបាត់ក្លិនខ្លួន និងការពារការឆ្លងមេរោគផ្សេងៗ។
៣. ផ្តល់សំណើម៖ ដើម្បីផ្តល់ជាតិទឹកដល់ស្បែក ដោយការលាបក្រែមផ្តល់សំណើមឲ្យសព្វល្អ នៅបរិវេណមុខ និងក។
៤. ញ៉ាំទឹក៖ ជាមួយគ្នានេះដែរ យើងគួរផ្តល់ជាតិទឹកដល់ស្បែកពីខាងក្នុង ដោយញ៉ាំទឹកឲ្យបានច្រើន ក្រោយធ្វើលំហាត់ប្រាណរួច។
ចង់ពិនិត្យជំងឺមហារីកមាត់ស្បូន ចុចទីនេះ!
ប្រការមិនគួរធ្វើ ក្រោយពេលធ្វើលំហាត់ប្រាណ
១. ប៉ះពាល់ផ្ទៃមុខ៖ ជៀសវាងយកដៃប៉ះផ្ទៃមុខ ជាពិសេសនៅពេលដែលដៃរបស់យើងបែកញើស ពីព្រោះវាអាចបង្កឲ្យមានការឆ្លងបាក់តេរី និងនាំឲ្យកើតមុន។
២. ផាត់មុខក្រាស់ៗ៖ ជៀសវាងផាត់មុខក្រាស់ៗភ្លាមៗក្រោយហាត់ប្រាណរួច ដើម្បីឲ្យស្បែករបស់យើងបានសម្រាកខ្លះ។
៣. មិនបានលាងសម្អាតផ្ទៃមុខ៖ ទោះបីជាយើងហត់នឿយយ៉ាងណា ក៏មិនត្រូវភ្លេចលាងសម្អាតផ្ទៃមុខ ក្រោយហាត់ប្រាណរួចដែរ ពីព្រោះញើសដែលនៅសេសសល់ អាចបង្កឲ្យមានការកើតមុនបានយ៉ាងងាយ។
អត្ថបទគួរអាន៖
- ស្រីៗយើង នេះជារបៀបធ្វើក្រែមលាបមាត់ងាយៗតាមបែប
- វិធីខាត់ស្បែកត្រឹមត្រូវ ការពារកុំឲ្យខូចស្បែកមិនដឹងខ្លួន
- វិធីសាស្រ្តធម្មជាតិធ្វើស្រ្កាប់ខាត់ស្បែកមុខ គួរសាកល្បង
- ចែកគ្នាដឹង! វិធីកម្ចាត់មុនក្បាលខ្មៅលើច្រមុះតាមបែបធម្មជាតិ
- ប្រែបបូរមាត់ពីខ្មៅស្រអាប់ទៅជាទន់ល្មើយផ្កាឈូក ដោយរូបមន្ត ៨ យ៉ាងនេះ
- តិចនិកកម្ចាត់ខ្លាញ់កកក្រោមស្បែកភ្លៅ ស្រីៗយើងចែកគ្នាដឹង
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម