វីតាមីន C ជាសារធាតុចិញ្ចឹមដ៏សំខាន់សម្រាប់សុខភាពរាងកាយទាំងមូល ជាពិសេសសុខភាពស្បែកតែម្តង។ ជាក់ស្តែង វីតាមីនមួយប្រភេទនេះ ជួយបង្កើនខូឡាជែននៃស្បែក និងបញ្ចៀសស្នាមជ្រីវជ្រួញ ព្រមទាំងជួយឲ្យស្បែកមើលទៅក្មេងជាងវ័យ និងបន្តឹងស្បែកថែមទៀតផង។
អាហារណាខ្លះសម្បូរវីតាមីនC ដែលអាចជួយបង្កើនខូឡាជែន និងបញ្ចៀសស្នាមជ្រីវជ្រួញនៃស្បែក?
១. ពពួកផ្លែក្រូច
ពពួកផ្លែក្រូច ដូចជាក្រូចឆ្មា ក្រូចលឿង និងក្រូចថ្លុងជាដើម សម្បូរទៅដោយវីតាមីនC និងសារធាតុប្រឆាំងនឹងអុកស៊ីតកម្ម ដែលអាចជួយជួសជុលកោសិកាស្បែក បង្កើនជាតិខូឡាជែន ព្រមទាំងកាត់បន្ថយស្នាមអុជខ្មៅនៅលើស្បែកថែមទៀតផង។
២. ផ្លែប៊ឺរី
ចំពោះផ្លែប៊ឺរី គឺសម្បូរទៅដោយវីតាមីនC, K និង B9 ដែលជាប្រភពនៃសារធាតុប្រឆាំងអុកស៊ីតកម្ម។ វីតាមីនទាំងនេះ ជួយដល់សុខភាពស្បែក ធ្វើឲ្យស្បែកភ្លឺចេញពីខាងក្នុង និងកាត់បន្ថយស្នាមអុជខ្មៅនៃស្បែក។ លើសពីនេះ ផ្លែប៊ឺរីក៏ជួយបញ្ចៀសស្នាមជ្រីវជ្រួញបានយ៉ាងមានប្រសិទ្ធភាពផងដែរ។
៣. ផ្លែត្របែក
ទន្ទឹមនឹងនេះដែរ ផ្លែត្របែកអាចជួយបណ្តេញជាតិពុលពីខាងក្នុងស្បែក ដោយបន្សុទ្ធឈាម ព្រមទាំងជួយបង្កើនជាតិខូឡាជែន និងពន្យឺតភាពចាស់នៃស្បែក។ ដោយសារតែផ្លែត្របែក អាចជួយលាងសម្អាតពោះវៀន និងស្រូបយកសារធាតុចិញ្ចឹមចូលទៅក្នុងឈាម ប្រការនេះនឹងធ្វើឲ្យស្បែកភ្លឺរលោងតាមបែបធម្មជាតិ។
[embed-health-tool-heart-rate]
៤. ផ្លែគីវី់
ជាមួយគ្នានេះដែរ ផ្លែគីវីជាកំពូលផ្លែឈើដែលផ្ទុកទៅដោយវីតាមីនC, E ហ្វូឡេត និងទង់ដែង ដែលអាចជួយថែបំប៉នស្បែក ព្រមទាំងប្រឆាំងនឹងពពួករ៉ាឌីកាល់សេរី។ បន្ថែមពីនេះ វាក៏ជួយទប់ស្កាត់ភាពចាស់ និងស្នាមជ្រីវជ្រួញនៃស្បែកបានយ៉ាងមានប្រសិទ្ធភាពដូចគ្នា។
ចំណុចសំខាន់
- ពពួកផ្លែក្រូច
- ផ្លែប៊ឺរី
- ផ្លែត្របែក
- ផ្លែគីវី
អត្ថបទគួរអាន៖
- ស្រីៗយើង នេះជារបៀបធ្វើក្រែមលាបមាត់ងាយៗតាមបែប
- វិធីខាត់ស្បែកត្រឹមត្រូវ ការពារកុំឲ្យខូចស្បែកមិនដឹងខ្លួន
- វិធីសាស្រ្តធម្មជាតិធ្វើស្រ្កាប់ខាត់ស្បែកមុខ គួរសាកល្បង
- ចែកគ្នាដឹង! វិធីកម្ចាត់មុនក្បាលខ្មៅលើច្រមុះតាមបែបធម្មជាតិ
- ប្រែបបូរមាត់ពីខ្មៅស្រអាប់ទៅជាទន់ល្មើយផ្កាឈូក ដោយរូបមន្ត ៨ យ៉ាងនេះ
- តិចនិកកម្ចាត់ខ្លាញ់កកក្រោមស្បែកភ្លៅ ស្រីៗយើងចែកគ្នាដឹង
