home

យើង​គួរ​ធ្វើ​ម៉េច​ខ្លះ ដើម្បី​កែលម្អ​បញ្ហា​នេះ?

close
chevron
អត្ថបទ​នេះ​មាន​កំហុស ព័ត៌មាន​ ឬ​តួលេខ​មិន​ត្រឹមត្រូវ
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
អត្ថបទ​នេះ​មាន​ព័ត៌មានមិន​គ្រប់គ្រាន់
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
ហមមម... ខ្ញុំ​មាន​ចម្ងល់​ពី​បញ្ហា​សុខភាព​ខ្លះ​ចង់​សាកសួរ
chevron

ថ្វី​ត្បិត​តែ​ Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​​ក៏​ពិត​មែន ប៉ុន្តែ​ពួក​យើង​ពិត​ជា​ស្វាគមន៍​រាល់​មតិ​កែលម្អិត​ទាំង​អស់​របស់​លោក​អ្នកដែល​តែងតែ​តាមដាន Hello គ្រូពេទ្យ ជា​ប្រចាំ។ សូម​វាយ​បញ្ចូល​មតិយោបល់​របស់​លោកអ្នក​ក្នុង​ប្រអប់​ខាងក្រោម។

wanring-icon
ប្រសិន​បើ​បងប្អូន​កំពុង​ប្រឈម​នឹង​បញ្ហា​សង្គ្រោះបន្ទាន់​ កុំបង្អង់​សូម​ខល​ទាក់ទង​ទៅសេវាសង្គ្រោះ​បន្ទាន់​ភ្លាម​ ឬ​ទៅ​មន្ទីរពេទ្យ ឬ​កន្លែង​សង្គ្រោះ​បន្ទាន់​ដែល​នៅ​ជិត​លោក​អ្នក​បំផុត។

ឬ​ចម្លង​តំណភ្ជាប់

ចំណីចំណុកច្រើន ហូបផ្តេសផ្តាសប្រយ័ត្នពុលអាហារពិបាកដល់ខ្លួន ទាំងនេះជារោគសញ្ញាគួរសម្គាល់

ចំណីចំណុកច្រើន ហូបផ្តេសផ្តាសប្រយ័ត្នពុលអាហារពិបាកដល់ខ្លួន ទាំងនេះជារោគសញ្ញាគួរសម្គាល់

គ្នា​យើង​មួយ​ចំនួន​នៅ​មិន​ទាន់​ចាប់​អារម្មណ៍​ទៅ​លើ​អាការៈ​ពុល​ចំណី​អាហារ​នៅ​ឡើយ​ទេ ខ្លះ​ឲ្យ​តែ​ឃើញ​ចំណី​ចំណុក​ដឹង​តែ​ពី​ញ៉ាំហើយ​ឲ្យ​តែ​ជា​របស់​ឆ្ងាញ់ៗ។ បើ​យើង​ញ៉ាំ​អាហារ​ផ្ដេសផ្ដាស ដ្បិតតែ​ឆ្អែត​មែន ប៉ុន្តែ​វា​អាច​បង្ក​ឲ្យ​ឈឺ​ពោះ រាក ក្អួត ឬ​បង្ក​ជា​ការ​ពុល​ចំណី​អាហារ​កើត​ឡើង។

ទាក់​ទង​នឹង​បញ្ហា​នេះ លោក​វេជ្ជបណ្ឌិត ចាន់ ស៊ីណេត ឯក​ទេស​ជំងឺ​ទូទៅ បាន​ពន្យល់​ឲ្យ​ដឹង​ថា ការ​ពុល​អាហារ​កើត​ឡើង​នៅ​ពេល​ដែល​យើង​ញ៉ាំ​អាហារ​ដែល​មាន​ផ្ទុក​មេរោគ​ដូច​ជា ពពួក​បាក់តេរី វីរុស និង​ប៉ារ៉ាស៊ីត​។ល។ រោគ​សញ្ញា​នៃ​អាការៈ​ពុល​ចំណី​អាហារ​ខុស​គ្នា​ទៅ​តាម​ប្រភព​នៃ​ការ​ចម្លង​មេរោគ តែ​ភាគ​ច្រើន​វា​មាន​សញ្ញា​ដូចជា៖

– ចង្អោរ ក្អួត
– រាក​រូស​ខ្លាំង (ទឹកៗ ឬ​មាន​លាយឈាម)
– ឈឺ ចុក​ពោះ
– ក្ដៅខ្លួន

រោគ​សញ្ញា​ទាំង​នេះ​អាច​កើត​មាន​ក្នុង​រយៈ​១ម៉ោង ឬ​លើស​នេះ បន្ទាប់​ពី​យើង​ញ៉ាំ​អាហារ​ដែល​មាន​ផ្ទុក​មេរោគ​ហើយ។ ការ​ឈឺ​ចាប់​ដែល​បង្ក​ឡើង​ដោយ​ការ​ពុល​ចំណី​អាហារ​អាច​ធ្វើ​ឲ្យ​យើង​ឈឺ​ច្រើន​ម៉ោង ឬ​ច្រើន​ថ្ងៃ​ក៏​មាន។

វេជ្ជបណ្ឌិត​រូប​នេះ​បន្ត​ថា ភាគ​ច្រើន​នៃ​ការ​ពុល​អាហារ​មាន​សភាព​ស្រាល ហើយ​អាច​បាត់​ទៅ​វិញ​ដោយ​មិន​ចាំ​បាច់​ព្យាបាល។ ប៉ុន្តែ សម្រាប់​មនុស្ស​មួយ​ចំនួន ត្រូវ​ការ​បញ្ជូន​ទៅ​ព្យាបាល​នៅ​មន្ទីរពេទ្យ ព្រោះ​អ្នក​ជំងឺ​មាន​អាច​ពុល​ចំណី​ខ្លាំង ហើយ​ចេញ​រោគ​សញ្ញា​ដូច​ជា៖

– ក្អួត​ញឹកញាប់
– រាក​រូស លើស​ពី​៣ថ្ងៃ
– ឈឺ​ចុក​ចាប់​ពោះ​ខ្លាំង
– ខ្សោះ​ជាតិ​ទឹក (ស្ងួត​មាត់ ស្រេក​ទឹកខ្លាំង មិន​មានទឹក​នោម…)
– ស្រវាំង​ភ្នែក ឬ​ខ្សោយ​សាច់​ដុំ​ជាដើម។

បើ​យើង​ជា​មនុស្ស​ធម្មតា សុខភាព​ល្អ មាំ​ទាំ​ពុល​ចំណី​អាហារ វា​មិន​សូវ​ជា​បង្ក​ហានិភ័យ​ខ្ពស់​ដល់​សុខភាព​ទេ។ ផ្ទុយ​ទៅ​វិញ ក្នុង​ករណី​ដែល មនុស្ស​ចាស់ ស្ត្រី​ពពោះ ទារក ឬកូន​ក្មេង ឬ​អ្នក​មាន​ជំងឺ​រ៉ាំរ៉ៃ​មាន​បញ្ហា​ពុល​ចំណី​អាហារ វា​អាច​គំរាម​កំហែង​ដល់​សុខភាព​ព្រោះ៖

មនុស្ស​ចាស់៖ នៅ​ពេល​វ័យ​កាន់​តែ​ចាស់​ទៅៗ ប្រព័ន្ធ​ការពារ​រាងកាយ​មិន​ខ្លាំង​ក្លា អាច​ការពារ​ខ្លួន​ពី​ការ​ឆ្លង​មេរោគ​ដូច​កាល​នៅ​ក្មេង​​បាន​ឡើយ។

ស្ត្រី​ពពោះ៖ អំឡុង​ពេល​ពពោះ ការ​ប្រែប្រួល​ប្រព័ន្ធ​រំលាយ​អាហារ និង​ចលនា​ឈាម​រត់​អាច​បង្កើន​ហានិភ័យ​នៃ​ការ​ពុល​អាហារ។ ស្ត្រី​ពពោះ​អាច​មាន​ប្រតិកម្ម​ខ្លាំង​ជាង​អ្នក​ដទៃៗ ហើយ​បើ​ក្នុង​ករណី​កម្រ​ខ្លះ វា​អាច​ប៉ះពាល់​ទៅ​ដល់​ទារកក្នុងផ្ទៃ​ផង​ដែរ។

ទារក ឬ​ក្មេង​តូចៗ៖ ដោយ​សារ​នៅ​តូច ប្រព័ន្ធ​ការពារ​រាង​កាយ នៅ​មិន​ទាន់​លូតលាស់​ពេញ​លក្ខណៈ​នៅ​ឡើយ។

មនុស្ស​មាន​ជំងឺ​រ៉ាំរ៉ៃ៖ មាន​ជំងឺ​រ៉ាំរ៉ៃ​ដូច​ជា ជំងឺ​ទឹក​នោម​ផ្អែម ថ្លើម អេដស៍ ឬ​មួយ​ទទួល​ការ​ព្យាបាល​ដោយ​គីមី ឬ​ការ​ព្យាបាល​ដោយ​កាំរស្មី​សម្រាប់​ជំងឺ​មហារីក កាត់​បន្ថយ​ការ​ឆ្លើយ​តប​របស់​ប្រព័ន្ធ​ភាព​ស៊ាំ។

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

រូបថត​របស់​អ្នក​និពន្ធ
ត្រួតពិនិត្យ​ដោយ វេជ្ជ. ចាន់ ស៊ីណេត
អត្ថបទ​ដោយ នាង សុខុមដាលីញ៉ា
កែ 14/09/2020
x