ជាធម្មតា ក្មេងជំទង់តែងប្រឈមនឹងការប្រែប្រួលអារម្មណ៍ជាញឹកញាប់ ប៉ុន្តែករណីខ្លះ ក៏អាចបង្ហាញពីសញ្ញានៃបញ្ហាផ្លូវចិត្តដូចគ្នា។ ជាក់ស្តែង ជំងឺផ្លូវចិត្តជាច្រើនប្រភេទ អាចព្យាបាលជាសះស្បើយ ប្រសិនបើយើងធ្វើរោគវិនិច្ឆ័យបានត្រឹមត្រូវ។
មាតិកា
បញ្ហាផ្លូវចិត្តកើតលើក្មេងជំទង់ ប៉ាម៉ាក់អាចសង្កេតមើលចំណុចទាំងនេះ
បើកូនមានរោគសញ្ញាទាំង៧នេះ ប៉ាម៉ាក់គួរណែនាំឲ្យកូនធ្វើរោគវិនិច្ឆ័យ
- ប្រែប្រួលដំណេក
- មានអារម្មណ៍ថាខុសឆ្គង
- ប្រែប្រួលថាមពល
- ប្រែប្រួលការផ្ដោតអារម្មណ៍
- ប្រែប្រួលចំណង់អាហារ
- ប្រែប្រួលអារម្មណ៍
- មានគំនិតចង់សម្លាប់ខ្លួន។
ក្នុងករណីដែលក្មេងជំទង់ប្រឈមនឹងរោគសញ្ញាចំនួន៥ ក្នុងចំណោមរោគសញ្ញាទាំងអស់ជារៀងរាល់ថ្ងៃ និងមានរយៈពេលប្រហែល២សប្តាហ៍ឡើងទៅ នោះកូនអាចនឹងជំងឺបាក់ទឹកចិត្តធ្ងន់ធ្ងរ ។
ប្រភេទនៃជំងឺផ្លូវចិត្តដែលកើតលើក្មេងជំទង់
- ការថប់បារម្ភទូទៅ៖ ព្រួយបារម្ភច្រើនជ្រុលពីបញ្ហាប្រចាំថ្ងៃ
- ការភ័យខ្លាចក្នុងសង្គម ៖ គ្មានអារម្មណ៍សុវត្ថិភាពនៅពេលចូលរួមនៅក្នុងសង្គម
- ជំងឺបាក់ទឹកចិត្ត៖ មានអារម្មណ៍កើតទុក្ខ ឬថប់បារម្ភ។
សញ្ញាព្រមាននៃជំងឺផ្លូវចិត្តកើតឡើងលើក្មេងជំទង់ អាចមានលក្ខណៈខុសៗគ្នា។ ចំពោះកុមារភាគច្រើន អាចជួបនឹងបញ្ហាធ្លាក់ចំណាត់ថ្នាក់ ឬប្រែប្រួលទម្លាប់នៅក្នុងសង្គមដូចជាមិនសូវយកចិត្តទុកដាក់នឹងការសិក្សា ដកខ្លួនពីមិត្តភ័ក្ដិ និងសកម្មភាពដែលខ្លួនធ្លាប់តែចូលចិត្ត។
រោគសញ្ញាជាក់លាក់នៃការថប់បារម្ភទូទៅ រួមមាន៖
- មានអារម្មណ៍មិនស្ងប់ល្អ
- ឆាប់អស់កម្លាំង
- ពិបាកផ្ដោតអារម្មណ៍
- ឆាប់ខឹង
- មានអារម្មណ៍តឹងសាច់ដុំ
- ពិបាកគ្រប់គ្រងការព្រួយបារម្ភ
- ពិបាកក្នុងការគេង។
រោគសញ្ញាជាក់លាក់នៃការថប់បារម្ភក្នុងសង្គម រួមមាន៖
- ថប់បារម្ភនៅពេលនៅជិតអ្នកដទៃ និងពិបាកជជែកនឹងអ្នកឯទៀត
- ភ័យខ្លាចការសើចចំអក ឬការបដិសេធ
- អន្ទះអន្ទែងរយៈពេលប៉ុន្មានថ្ងៃ ឬប៉ុន្មានសប្តាហ៍មុនពេលព្រឹត្តិការណ៍សង្គមចាប់ផ្តើម
- ជៀសវាងកន្លែងដែលមានមនុស្សច្រើន
- ពិបាករាប់អានមិត្តភ័ក្ដិ
- មានអាការៈចង្អោរនៅពេលនៅជិតមនុស្សច្រើន។
រោគសញ្ញាជាក់លាក់នៃការបាក់ទឹកចិត្ត រួមមាន៖
- មានអារម្មណ៍កើតទុក្ខ អន្ទះអន្ទែងញឹកញាប់
- អស់សង្ឃឹម
- មានអារម្មណ៍ថាខ្លួនខុសឆ្គង គ្មានតម្លៃ ឬគ្មានទីពឹង
- លែងចាប់អារម្មណ៍ចំពោះសកម្មភាពដែលធ្លាប់លេងសប្បាយ
- គ្មានកម្លាំងកំហែង
- មានអារម្មណ៍រសាប់រសល់
- មានគំនិតចង់សម្លាប់ខ្លួន
- ប្រែប្រួលចំណង់អាហារ ឬទម្ងន់។
អត្ថបទគួរអាន៖
- ក្មេងកើតអូទីស្សឹមអាចព្យាបាលជាទេ?
- អូទីស្សឹម អាចជាមូលហេតុធ្វើឲ្យខ្លាញ់ល្អក្នុងឈាម HDL ធ្លាក់ចុះទាប
- អាហារស្រីៗពពោះគួរញ៉ាំ និងមិនគួរញ៉ាំ ការពារកូនកុំឲ្យកើតមកមានបញ្ហាអូទីស្សឹម
- តិចនិកសាមញ្ញ អាចជួយក្មេងៗរើបម្រះពីជំងឺអូទីស្សឹមបាន
- ពិតទេ ក្មេងៗមើលទូរស័ព្ទយូរ អាចកើតអូទីស្សឹម?
- បើកូនកើតអូទីស្សឹម គួរយកទៅព្យាបាលនៅពេទ្យណា?
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
6 Facts Parents Should Know about Mental Illness in Teens
https://www.pennmedicine.org/updates/blogs/health-and-wellness/2017/may/teens-mental-health
Teen Mental Health: How to Know When Your Child Needs Help
https://www.healthychildren.org/English/ages-stages/teen/Pages/Mental-Health-and-Teens-Watch-for-Danger-Signs.aspx
Four things you can do to support your teen’s mental health
https://www.unicef.org/parenting/health/four-things-you-can-do-support-your-teens-mental-health
កំណែប្រែបច្ចុប្បន្ន
06/04/2023
អត្ថបទដោយ នូ សោភ័ណ្ឌ
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ ទូច សុខា
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម