បញ្ហាប្រព័ន្ធរំលាយអាហារ

ការញុំាច្រើនជ្រុលមិនត្រឹមតែធ្វើឱ្យកុមារធាត់លើសគីឡូទេ តែអាចបណ្តាល​ឱ្យកុមារ​មានបញ្ហា​ប្រព័ន្ធ​រំលាយអាហារទៀតផង។ តើការញុំាច្រើន​ជ្រុលប៉ះពាល់ដល់​សុខភាពក្រពះពោះវៀន​របស់កុមារ​យ៉ាង​ណា? លោកវេជ្ជបណ្ឌិត ចាន់ ស៊ីណេត ប្រធានផ្នែកសម្ភព និងរោគស្រ្តីនៃមន្ទីរពេទ្យបង្អែកមិត្តភាពកម្ពុជា​ចិនសែន​សុខបានឱ្យដឹងថា កុមារដែលញុំាច្រើនជ្រុលអាចមានបញ្ហាក្រពះពោះវៀនដូចជា៖ ១. រីកក្រពះ ពេលកុមារ​ញ៉ាំ​ច្រើន​ជ្រុល ​​ក្រពះ​របស់អាអូននឹងរីក​ធំជាង​ទំហំ​ធម្មតា​​ដើម្បី​សម្រប​តាម​បរិមាណ​អាហារ​​។ ពេលក្រពះរីកធំ សរីរាង្គ​ផ្សេង​ទៀតៗដែលនៅជិតៗនឹងត្រូវក្រពះ​រុញច្រានចេញពីទីតាំង​ ដែលអាច​ធ្វើ​ឱ្យ​អាអូន​មិនស្រួលក្នុងពោះ។ ២. ហើមពោះ ពេលអាអូនញុំាអាហារច្រើនពេក ក្រពះនឹងបញ្ចេញខ្យល់ច្រើនដែលធ្វើ​ឱ្យ​អាអូនហើមពោះ និង​តឹងពោះ​ពិបាកទ្រាំ។ ចង់គណនាថ្ងៃសម្រាលកូន ចុចទីនេះ! ចង់គណនាទម្ងន់ស្រ្តីពពោះ ចុចទីនេះ! ចង់គណនាថ្ងៃមេជីវិតញីទុំធ្លាក់ ចុចទីនេះ! ចង់ដឹងអត្ថន័យពណ៌ និងរូបរាងលាមកទារក ចុចទីនេះ! ៣. ក្រហាយទ្រូង ដើម្បីបំបែកអាហារ ក្រពះផលិតអាស៊ីដ hydrochloric ។ នៅពេលកុមារញ៉ាំច្រើនជ្រុល ក្រពះ​អាអូន​នឹងពោរពេញទៅដោយអាហារដែលធ្វើឱ្យអាស៊ីដ​ក្រពះច្រាល់ចូលទៅក្នុងបំពង់អាហារ និងបណ្តាល​ឱ្យអាអូនក្រហាយទ្រូង។ ជាពិសេស ប្រសិនបើអាអូនញុំាអាហារដែលមានជាតិខ្លាញ់ច្រើនដូចជា ភីហ្សា ឈីស​ ឬបឺហ្គឺជាដើម។ [embed-health-tool-bmi] ៤. បន្ថយល្បឿនរំលាយអាហារ ការញុំាំច្រើនជ្រុល ជាពិសេសអាហារដែលមិនល្អចំពោះសុខភាពដូចជា អាហារ​ហ្វាសហ្វូត​អាច​បង្កើន​បន្ទុក​ដល់ប្រព័ន្ធរំលាយអាហារ ព្រោះបរិមាណ​អង់ស៊ីមសម្រាប់រំលាយអាហារមានកំណត់។ ដូច្នេះ​ប្រសិនបើបរិមាណអាហារដែលកូនញុំាច្រើន ក្រពះពោះវៀន​នឹងត្រូវការពេល​យូរ​ដើម្បី​រំលាយ​អាហារ។ យូរៗទៅនឹងបណ្តាលឱ្យដំណើរការរំលាយអាហារប្រែទៅជាយឺតដែលមាន​ន័យថា អាហារដែលអាអូនញ៉ាំនឹងស្ថិតនៅក្នុងក្រពះពោះវៀនយូរ ហើយអាចបំប្លែង​ទៅជាជាតិខ្លាញ់ដែល​ធ្វើ​ឱ្យ​ធាត់។ ការញុំាច្រើនជ្រុលធ្វើឱ្យក្រពះពោះវៀនកូនមានបញ្ហា ដូច្នេះដើម្បីឱ្យក្រពះពោះវៀនកូនមានសុខភាពល្អ ម៉ាក់ប៉ាគួរឱ្យអាអូនញុំាបន្លែ និងផ្លែឈើ​ដែល​សម្បូរ​ជាតិ​សរសៃឱ្យបានច្រើន ព្រោះជាតិសរសៃអាចជួយឱ្យអាអូនឆ្អែតបានយូរ និងអាច​កាត់​បន្ថយ​ការញុំា​ញឹក​ញាប់ ឬច្រើន។ អត្ថបទគួរអាន៖ ឲ្យកូនបៅទឹកដោះគោម្សៅរាល់ថ្ងៃ ដឹងថាទឹកដោះគោមានប៉ុន្មានប្រភេទទេ? ឆុងទឹកដោះគោម្សៅជាមួយទឹកបបរ ល្អសម្រាប់អាអូនបៅ? ក្រៅពីជួយពោះវៀន SYNBIOTICS ក៏ជួយ ផ្នែកសំខាន់ […]

បញ្ហា​រើស​ចំណី​អាហារ យើង​សង្កេត​ឃើញ​ហើយ​កូន​ក្មេង​ភាគ​ច្រើន​ជួប​បញ្ហា​នេះ ចំណែក​ក្មេង​ខ្លះ​ទៀត ចំណី​អី​ក៏​មិន​រើស​ដែរ ដាក់​បានៗ។ ចំពោះ​​​ក្មេង​ញ៉ាំ​អាហារ​អី​ក៏​បាន ពី​មួយ​ម៉ោង​ទៅ​មួយ​ម៉ោង យើង​ឃើញ​មាត់​មិន​ទំនេរ​ទេ តែ​អា​អូន​ញ៉ាំ​រហូត​អ៊ីចឹង​អាច​ប្រឈម​នឹង​បញ្ហា​ញ៉ាំ​ច្រើន​​ហួស​កំណត់ មិន​ល្អ​ឡើយ។ ការ​ញ៉ាំ​ច្រើន​ហួស​កំណត់​អាច​ធ្វើ​ឲ្យ​អូន​តូច​លើស​ទម្ងន់​ស្តង់ដារ ហើយ​កាលណា​ក្មេង​លើស​ទម្ងន់​កាន់​តែ​ច្រើន អាច​ប្រឈម​នឹង​បញ្ហា​សុខភាព​មួយ​ចំនួន​ដូចជា ជំងឺ​បេះដូង ទឹក​នោម​ផ្អែម លើស​សម្ពាធ​ឈាម កូលេស្ដេរ៉ូល​ខ្ពស់ ជំងឺ​ហឺត ការ​គេង​បាត់​ដង្ហើម និង​ប្រឈម​កើត​ជំងឺ​មហារីក​ប្រភេទ​មួយ​ចំនួនផង​ដែរ។ បើ​កូន​មាន​បញ្ហា​ញ៉ាំ​ច្រើន​លើស​កំណត់ ម៉ាក់​ប៉ា​គួរ​ដោះ​ស្រាយ​បែប​ណា? ម៉ាក់​ប៉ា​គួរ​ជំរុញ​ទម្លាប់​ញ៉ាំ​អាហារ​សុខភាព​ល្អៗ ដោយ​ក្លាយ​ជា​គំរូ​ដ៏​ល្អសម្រាប់​កូន​ទៅ​លើ​ការ​ញ៉ាំ​អាហារ និង​ការ​ហាត់​ប្រាណ។ បន្ថែម​ពី​លើ​នេះ យើង​អាចមាន​វិធីមួយចំនួន​​ដើម្បី​ជួយ​ដោះ​ស្រាយ​បញ្ហា​កូន​ញ៉ាំ​អាហារ​លើស​​កំណត់​ក៏​បាន​ដោយ៖ -កុំ​រំលង​អាហារ​ពេល៖ ព្យាយាម​កំណត់​ម៉ោង​អាហារ​ពេល និង​អាហារ​សម្រន់​​ឲ្យ​ទៀង​ទាត់​ជា​ប្រចាំ ព្រោះ​មិន​ថា​ចាស់ ឬ​ក្មេង​ទេ ឲ្យ​តែ​ពេល​ឃ្លាន​រមែង​ញ៉ាំ​អាហារ​លើស​កំណត់។ -រៀន​ញ៉ាំ​អាហារ​ល្អៗ៖ លើក​ទឹក​ចិត្ត​ឲ្យ​កូន​តាម​ដាន​អាហារ​ដែល​ពួក​គេ​ញ៉ាំ​រាល់​ថ្ងៃ និង​សម្គាល់​អារម្មណ៍​ពេល​ដែល​ញ៉ាំ​ឆ្អែត។ -សម្គាល់​មូលហេតុ​ធ្វើ​ឲ្យ​កូន​ញ៉ាំ​លើស៖ ជួយ​កូន​ចៀស​ឆ្ងាយ ឬ​គ្រប់​គ្រង​មូលហេតុ​ធ្វើ​ឲ្យ​អា​អូន​ញ៉ាំ​លើស​កំណត់ ព្រោះ​ស្ត្រេស​ក៏​អាច​ធ្វើ​ឲ្យ​កូន​ញ៉ាំ​លើស​ទម្ងន់​បាន​ដែរ យក​ល្អ​ជួយកូន​កាត់​បន្ថយ​ស្ត្រេស​តាម​រយៈ​ការ​លេង ឬស្ដាប់​តន្ត្រី​ជាដើម។ -បង្កើន​សកម្មភាព​ជា​គ្រួសារ៖ ការ​រត់​ប្រលែង​គ្នា​លេង ឬ​នាំ​កូន​ហាត់​ប្រាណ​​ក៏​អាច​ជួយ​កូន​រក្សា​ទម្ងន់​បាន​ល្អ និង​ជួយ​ឲ្យ​សុខភាព​ទូទៅ​កូន​ល្អ​ផង​ដែរ។ ចង់គណនាថ្ងៃមេជីវិតញីទុំធ្លាក់ ចុចទីនេះ! ចង់គណនាថ្ងៃសម្រាលកូន ចុចទីនេះ! ចង់គណនាទម្ងន់ស្រ្តីពពោះ ចុចទីនេះ! ចង់ដឹងអត្ថន័យពណ៌ និងរូបរាងលាមកទារក ចុចទីនេះ! កត្តាមិនគួរមើលរំលង បង្កអតុល្យភាពបាក់តេរីល្អ អាក្រក់ក្នុងពោះវៀន​កូនៗ ក្រពះ​ពោះវៀន​កូន​សុខភាព​ល្អ មាន​នាទី​ជា​រនាំង​ប្រឆាំង​នឹង​បាក់តេរី​អាក្រក់ ពង្រឹង​ការ​រំលាយ​អាហារ និង​ជួយ​គាំ​ទ្រ​ដល់​ប្រព័ន្ធ​ភាព​ស៊ាំ​របស់​អូន​ៗ។ នៅ​ក្នុង​ប្រព័ន្ធ​រំលាយ​អាហារ​ជា​ជម្រក​ ៧០% នៃ​ប្រព័ន្ធ​ការពារ​រាងកាយ ហើយ​មាន​បាក់តេរី​រាប់​រយ​លាន​ទាំង​ល្អ និង​អាក្រក់។ [embed-health-tool-bmr] កត្តា​អ្វី​ខ្លះបង្ក​អតុល្យភាព​បាក់តេរី​ល្អ និង​អាក្រក់​ក្នុង​ពោះវៀន​កូន​​? ម៉ាក់​ប៉ា​ត្រូវ​ដឹង​ថា […]

នៅក្នុងក្រពះពោះវៀនយើងមានប្រហែល ៧០% នៃប្រព័ន្ធភាពស៊ាំ ដែលរង់ចាំការពារសុខភាពពីវីរុសខាងក្រៅ សំខាន់ពិសេសៗសម្រាប់ក្មេងៗតែម្ដង។ ក្មេងៗឧស្សាហ៍កើតមានបញ្ហាប្រព័ន្ធរំលាយអាហារដូចជារាករូស ទល់លាមក ឬហើមពោះណាស់ ហើយកាលណាក្រពះពោះវៀនកើតបញ្ហារហូត អាអូនអាចនឹងងាកឈឺៗក៏ថាបាន។ ធ្វើម៉េចទើបជួយក្រពះពោះវៀនកូនដំណើរការល្អផង ប្រព័ន្ធភាពស៊ាំរឹងមាំទៀតនោះ? ដឹងអត្ថន័យពណ៌ និងរូបរាងលាមកទារក គណនាថ្ងៃសម្រាលកូន គណនាទម្ងន់ស្រ្តីពពោះ គណនាថ្ងៃមេជីវិតញីទុំធ្លាក់ ក្បួនសាមញ្ញជួយក្រពះពោះវៀន និងពង្រឹងប្រព័ន្ធភាពស៊ាំ ១. ឲ្យកូនញ៉ាំទឹកឲ្យបានគ្រប់គ្រាន់ យើងត្រូវឲ្យកូនញ៉ាំទឹកឲ្យបានច្រើន ដើម្បីកុំឲ្យកូនបាត់បង់ជាតិទឹក និងមានបញ្ហាដល់ក្រពះពោះវៀន។ ក្រៅពីទឹកស្អាត ម៉ាក់ប៉ាក៏អាចឲ្យកូនញ៉ាំទឹកផ្លែឈើស្រស់បន្ថែមក៏បាន តែត្រូវចៀសវាងទឹកផ្លែឈើ ឬទឹកក្រូចកំប៉ុង ព្រោះភេសជ្ជៈទាំងនេះមានរសជាតិផ្អែមខ្លាំង។ លើសពីនេះ ទឹកដោះគោមានរូបមន្តថ្មី MFGM ក៏ជួយដល់សុខភាពក្រពះពោះវៀនរបស់កូនបានល្អ ហើយម៉ាក់ប៉ាអាចជ្រើសរើសផ្ដល់ឲ្យកូនញ៉ាំជាប្រចាំរឹតតែប្រសើរ។ ២. ផ្ដល់របបអាហារសម្បូរកាកសរសៃ ដើម្បីឲ្យប្រព័ន្ធរំលាយអាហារកូនដំណើរការបានល្អ ម៉ាក់ប៉ាគួរផ្ដល់អាហារណាដែលសម្បូរជាតិកាកសរសៃ ព្រោះវាជួយសម្រួលដល់ដំណើរការក្រពះពោះវៀន។ នៅក្នុងរបបអាហារប្រចាំកូនត្រូវតែមានបន្លែ ផ្លែឈើ សាច់ ស៊ុត គ្រប់មុខ ព្រោះបន្លែ និងផ្លែឈើនីមួយៗមានផ្ទុកសារធាតុចិញ្ចឹមរាងកាយត្រូវការចាំបាច់ទាំងអស់។ ៣. នាំកូនធ្វើសកម្មភាពរាងកាយច្រើន បន្ថែមពីលើរបបអាហារ លោកវេជ្ជបណ្ឌិត ចាន់ ស៊ីណេត ឯកទេសជំងឺទូទៅឲ្យដឹងថា ម៉ាក់ប៉ាគួរចៀសវាងឲ្យកូនមើលទូរទស្សន៍ ឬទូរស័ព្ទច្រើន ត្រូវបង្កើនភាពស្និទ្ធស្នាលជាមួយកូន ឲ្យអាអូនធ្វើលំហាត់ប្រាណ ធ្វើសកម្មភាពផ្សេងៗទៅតាមវ័យរបស់ពួកគេដូចជា លេងទាត់បាល់ បាល់បោះ ឬហាត់ប្រាណពត់ខ្លួនជាដើម។ ក្រៅពីតិចនិកសំខាន់ៗរៀបរាប់ខាងលើនេះ ម៉ាក់ប៉ាត្រូវប្រយ័ត្នរឿងមួយទៀត បើចង់ឲ្យសុខភាពក្រពះពោះវៀនកូនល្អ និងប្រព័ន្ធការពាររាងកាយរឹងមាំនោះគឺ អាហារប្រភេទ Fast […]

ទំនាក់ទំនងរវាងសុខភាពមាត់ធ្មេញ និងសុខភាពទូទៅបានក្លាយជាការផ្ដោតសំខាន់របស់អ្នកស្រាវជ្រាវមួយរយៈហើយ ក្នុងនោះក៏ផ្ដោតសំខាន់លើសុខភាពមាត់ធ្មេញ និងសុខភាពក្រពះពោះវៀនដែរ។ ហេតុអ្វី មាត់ធ្មេញនៅលើផ្ទៃមុខនេះសោះ បានជាទៅពាក់ព័ន្ធនឹងផ្លូវរំលាយអាហារវិញ? ការកើនឡើងនៃបាក់តេរីអាក្រក់នៅក្នុងមាត់មានសក្ដានុពលធ្វើឲ្យមានបញ្ហាសុខភាពក្រពះពោះវៀន ឬបើមានហើយ កាន់តែធ្វើឲ្យបញ្ហាធ្ងន់ធ្ងរ។ តាមពិតទៅ ការសម្អាត ឬពិនិត្យសុខភាពមាត់ធ្មេញជាប្រចាំ ស្ដាប់ទៅហាក់ដូចជាមិនសំខាន់ចំពោះបាក់តេរីល្អៗមានក្នុងប្រព័ន្ធរំលាយអាហារទេ ប៉ុន្តែការសិក្សានៃសាកលវិទ្យាល័យ Cornell នៃប្រទេសស៊ុយអែត បានរកឃើញថា បាក់តេរីក្នុងមាត់ច្រើនអាចចូលដល់ក្រពះពោះវៀន បង្កជាជំងឺរលាកពោះវៀន ឬបញ្ហាប្រព័ន្ធរំលាយអាហារផ្សេងៗទៀត។ ដឹងអត្ថន័យពណ៌ និងរូបរាងលាមកទារក គណនាថ្ងៃសម្រាលកូន បញ្ហាក្រពះពោះវៀនអស់នេះ អាចកើតឡើងចំពោះអ្នកដែលមានជំងឺអញ្ចាញធ្មេញធ្ងន់ធ្ងរ ដែលមានបាក់តេរីមិនល្អក្នុងមាត់ច្រើន ជាហេតុអាចបង្កជាជំងឺច្រើនយ៉ាង។ តែកុំបារម្ភ! ខាងក្រោមនេះជារឿងមួយចំនួនដែលយើងអាចជួយកូនធ្វើបានដើម្បីការពារសុខភាពមាត់ និងពោះវៀន។ ១. កាត់បន្ថយជាតិស្ករ៖ វាជាការល្អបំផុតក្នុងការកំណត់ការញ៉ាំជាតិស្ករ និងកាបូអ៊ីដ្រាតផ្សេងទៀត ព្រោះវាអាចកាត់បន្ថយភាពចម្រុះនៃបាក់តេរីនៅក្នុងមាត់អាអូន មិនសូវមានបាក់តេរីអាក្រក់។ ២. ញ៉ាំអាហារសម្បូរជាតិកាកសរសៃ៖ យើងគួរតែផ្ដល់អាហារសម្បូរជាតិកាកសរសៃឲ្យកូនញ៉ាំ ពិសេសគឺពពួក Probiotic, Prebiotic, ឬ SYNBIOTICS ដែលជួយទ្រទ្រង់ដល់បាក់តេរីល្អក្នុងពោះវៀន ពង្រឹងប្រព័ន្ធភាពស៊ាំរបស់កូន។ បើថាកូនមិនសូវញ៉ាំបន្លែទេ យើងអាចបន្ថែម​ជាទឹកដោះគោម្សៅ​មានរូបមន្ត SYNBIOTICS ឲ្យកូនញ៉ាំក៏​បាន​ ព្រោះក្មេងៗចូលចិត្តទឹកដោះគោស្រាប់។ ៣. បង្រៀនកូនឲ្យប្រើទឹកខ្ពុរមាត់៖ ក្រោយដុសធ្មេញរួច យើងអាចបង្រៀនកូនឲ្យប្រើទឹកខ្ពុរមាត់ដើម្បីសម្លាប់បាក់តេរីមិនល្អចេញ ក៏ប៉ុន្តែយើងត្រូវដឹងថា ទឹកខ្ពុរមាត់អាចសម្លាប់បានទាំងបាក់តេរីល្អ និងអាក្រក់ ដូច្នេះមុននឹងឲ្យកូនប្រើ គួរតែពិភាក្សាជាមួយអ្នកជំនាញជាមុនសិន។ ចំណុចសំខាន់ ទំនាក់ទំនងរវាងសុខភាពមាត់ធ្មេញ […]

ថ្ងៃ​មុន​កូន​ឈឺ​ពោះ ថ្ងៃ​នេះ​អា​អូន​ផ្ដាសាយ ពី​មួយ​ថ្ងៃទៅ​មួយ​ថ្ងៃ​បើ​កូន​ងាក​ឈឺៗ មាន​ន័យ​សុខភាព​កូន​ខ្សោយ​ណាស់ ទ្រាំ​ទ្រ​នឹង​វីរុស​បង្ក​ជំងឺ​តូច​តាច​មិន​បាន​ផង ចុះ​ទម្រាំ​ជំងឺ​កាចៗ។ ប្រព័ន្ធ​ការពារ​រាងកាយ​ក្មេង​មិន​រឹង​មាំ​ដូច​មនុស្ស​ធំ​ទេ បើ​ម៉ាក់​ប៉ាថែទាំង​មិន​បាន​ល្អ នឹង​ត្រូវ​នាំ​កូន​ជួប​ពេទ្យញឹកមិន​ខាន។ ​វិធី​ជួយ​ឲ្យ​ប្រព័ន្ធ​ភាព​ស៊ាំ​រឹងមាំ​មិន​ពិបាក​ទេ គ្រាន់​តែ​បន្ថែម​អាហារ​ប៉ុន្មាន​នេះ​ឲ្យ​កូន​ញ៉ាំ​រាល់​ថ្ងៃ អា​អូន​លែង​សូវ​ឈឺ​ហើយ។ ដឹងអត្ថន័យពណ៌ និងរូបរាងលាមកទារក គណនាថ្ងៃសម្រាលកូន គណនាទម្ងន់ស្រ្តីពពោះ គណនាថ្ងៃមេជីវិតញីទុំធ្លាក់ អាហារ​ជួយ​ពង្រឹង​ប្រព័ន្ធ​ការពារ​រាងកាយ​ក្មេង​មាន​អ្វី​ខ្លះ​ទៅ? ១. យ៉ាអួរ សារធាតុ​ប្រូបាយអូទិក (Probiotics) មាន​នៅ​ក្នុង​យ៉ាអួរ​ជួយ​ជំរុញ​ដល់​ប្រព័ន្ធ​ការពារ​រាងកាយ​ក្មេង​បាន​ល្អ ព្រោះ​វា​បង្កើន​បាក់តេរី​ល្អ​មាន​ក្នុង​ក្រពះ​ពោះវៀន ហើយ​ក្រពះ​ពោះ​វៀន​គឺ​ជា​ជម្រក​សម្រាប់​ប្រព័ន្ធ​ភាព​ស៊ាំ​ប្រហែល ៧០% នៃ​រាងកាយ។ ពេល​ផ្ដល់​យ៉ាអួរ​ឲ្យ​កូន យើង​ជា​ម៉ាក់​ប៉ា​ត្រូវ​ប្រាកដ​ថា យ៉ាអួរ​នោះ​មិន​បន្ថែម​ជាតិ​ស្ករ ឬ​ជ្រើស​រើស​ប្រភេទ​យ៉ាអួរ​សុទ្ធ​ទើប​ល្អ​ដល់​សុខភាព​កូន។ ២. ស៊ុត ការ​ស្រាវជ្រាវ​បាន​បង្ហាញ​ថា នៅ​ពេល​ដែល​រាងកាយ​ខ្វះ​វីតាមីន D យើង​ងាយ​នឹង​កើត​ជំងឺ ហើយ​ស៊ុត​ជា​អាហារ​មួយ​ក្នុង​ចំណោម​អាហារ​តែ​មួយ​គត់​ដែល​មាន​វីតាមីន D ដែល​កើត​ឡើង​ពី​ធម្មជាតិ ហើយ​ស៊ុត​ក៏​រួម​បញ្ចូល​សារធាតុ​ចិញ្ចឹម​មួយ​ចំនួន​ទៀត​ដែល​ជួយ​ពង្រឹង​ប្រព័ន្ធ​ការពារ​រាងកាយ​ក្មេង និង​មនុស្ស​ធំ​ដូច​ជា វីតាមីន B និង​សេលេញ៉ូម (Selenium)។ ៣. SYNBIOTICS ការស្រាវជ្រាវជាច្រើនបង្ហាញថាសុខភាពប្រព័ន្ធរំលាយអាហារ និងមុខងារប្រព័ន្ធភាពស៊ាំមានទំនាក់ទំនងយ៉ាងជិតស្និទ្ធ ប្រហែល ៧០-៨០%នៃកោសិកាភាពស៊ាំរបស់រាងកាយស្ថិតនៅក្នុងបំពង់រំលាយអាហារ។ SYNBIOTICS អាចជួយបង្កើនមុខងារប្រព័ន្ធភាពស៊ាំដោយបង្កើនបរិមាណបាក់តេរីល្អនៅក្នុងពោះវៀន និងកាត់បន្ថយការរលាកក្នុងពេលដំណាលគ្នា។ SYNBIOTICS ជា​ការ​សំយោគ​រវាង Probiotic និង Prebiotic យើង​អាច​រក​បាន​នៅ​ក្នុង​ទឹក​ដោះ​គោ​ម្សៅ​មួយ​ចំនួន ឬ​អាច​រួម​ផ្សំ​អាហារ​មាន​probiotics និង Prebiotics ដូចជា ចេក ទំពាំង​បាយ​ជូរ​បៃ​តង […]

បើ​យើង​គិត​ទៅ​បញ្ហា​កើត​ឡើង​ទាក់​ទង​នឹង​ប្រព័ន្ធ​រំលាយ​អាហារ​ក្មេង​ដូច​ជា​រាករូស ឬ​ទល់​លាមក​នេះ គ្នា​យើង​ជា​ម៉ាក់​ប៉ា​គេ​ច្បាស់​ជា​ជួប​ញឹក​ញាប់​បន្តិច​ហើយ។ ទន្ទឹម​នឹង​នេះ ម៉ាក់ៗ​​មួយ​ចំនួន​កើត​ជា​ក្ដី​បារម្ភ​ពេល​ឃើញ​កូន​អស់​កម្លាំង​ល្ហិតល្ហៃ​ក្រោយ​រាករូស តែ​អ្នក​ជំនាញ​ថា​មិន​ចោទ​ជា​បញ្ហា​អ្វី​ទេ។ លោក​ស្រី​វេជ្ជបណ្ឌិត កុសល កណិការ ឯកទេស​ជំងឺ​កុមារ បាន​ឲ្យ​ដឹង​ថា ក្រោយ​ពី​ជា​ពី​បញ្ហា​រាករូស​ភា្លមៗ កូន​របស់​យើង​នឹង​នៅ​មាន​អាការៈ​អស់​កម្លាំង​ល្ហិតល្ហៃ និង​បាត់​បង់​ចំណង់​អាហារ​ច្រើន​ថ្ងៃ ជា​ហេតុ​ត្រូវ​ការ​ចំណាយ​ពេល​បន្តិច​ទម្រាំ​តែ​សុខភាព​កូន​ត្រលប់​មក​ដូច​ដើម​វិញ។ លោក​ស្រីវេជ្ជបណ្ឌិត​​ថា​អាការៈ​នេះ​មិន​គួរ​ឲ្យ​ព្រួយ​បារម្ភ​ពេក​នោះទេ​។ ដឹងអត្ថន័យពណ៌ និងរូបរាងលាមកទារក គណនាថ្ងៃសម្រាលកូន ហេតុអ្វី​បាន​ជា​រាករូស​ធ្វើ​ឲ្យ​អស់​កម្លាំង​? មូលហេតុ​ចម្បង​ដែល​បណ្ដាល​ឲ្យ​កូន​អស់​កម្លាំង​ល្ហិតល្ហៃ​ក្រោយ​រាករូស គឺ​បញ្ហា​ខ្វះ​ជាតិ​ទឹក។ អំឡុង​ពេល​រាករូស សារធាតុ​រាវ និង​អេឡិចត្រូលីត​សំខាន់​ៗ ត្រូវ​បាន​ហូរ​ចេញ​ពី​ប្រព័ន្ធ​រាងកាយ ដែល​បណ្ដាល​ឲ្យ​ខ្សោះ​ជាតិ​ទឹក សូម្បី​តែ​ការ​ខ្សោះ​ជាតិ​ទឹក​តិច​តួច ក៏​អាច​ធ្វើ​ឲ្យ​យើង​មាន​អារម្មណ៍​ថា​ងងុយ​គេង និង​អស់​កម្លាំង​ដែរ ដោយ​សារ​តែ​បេះដូង​ធ្វើ​ការ​ខ្លាំងជាង​​ធម្មតា។ កត្តា​មួយ​ទៀត​ដែល​អាច​នាំ​ឲ្យ​កូន​អស់​កម្លាំង​ល្ហិតល្ហៃ​ក្រោយ​រាករូស គឺ​មក​ពី​ខ្វះ​សារធាតុ​ចិញ្ចឹម។ មនុស្ស​ជា​ច្រើន​បាត់​បង់​ចំណង់​អាហារ នៅ​ពេល​ដែល​ពួក​គេ​មាន​អារម្មណ៍​មិន​ស្រួលខ្លួន ហើយ​ការ​រាករូស ២-៣​ថ្ងៃ ក៏​អាច​បណ្ដាល​ឲ្យ​អារម្មណ៍​ហត់​នឿយ​កើត​ឡើង​ដែរ។ យ៉ាង​ណា​ក៏​ដោយ ពេល​កូន​អស់​កម្លាំង​ល្ហិតល្ហៃ​ក្រោយ​រាករូស ម៉ាក់​ប៉ា​អាច​ឲ្យ​អា​អូន​សម្រាក​ឲ្យ​គ្រប់​គ្រាន់​តាម​ដែល​រាងកាយ​ត្រូវ​ការ ឲ្យ​កូន​ញ៉ាំ​ទឹក និង​ញ៉ាំ​អាហារ​ឲ្យ​បាន​ពេញ​ៗ​ពោះ ដើម្បី​បញ្ចៀស​បញ្ហា​ខ្សោះ​ជាតិ​ទឹក ឬ​ខ្វះ​សារធាតុ​ចិញ្ចឹម​ជាដើម។ លើស​ពី​នេះ យើង​ក៏​ត្រូវ​បន្ថែម​អាហារ ឬ​បន្លែ​ផ្លែ​ឈើ​ដែល​សម្បូរ​ជាតិ​កាក​សរសៃ​ឲ្យ​បាន​ច្រើន​កាន់​តែ​ល្អ ដើម្បី​ឲ្យ​ក្រពះ​ពោះ​វៀន​កូន​ដំណើរ​ការ​បាន​ល្អ ទើបមិន​សូវ​ជួប​បញ្ហា​រាករូស ឬ​ទល់​លាមក។ ចំណុចសំខាន់ កូន​របស់​យើង​នឹង​នៅ​មាន​អាការៈ​អស់​កម្លាំង​ល្ហិតល្ហៃ និង​បាត់​បង់​ចំណង់​អាហារ​ច្រើន​ថ្ងៃ ជា​ហេតុ​ត្រូវ​ការ​ចំណាយ​ពេល​បន្តិច​ទម្រាំ​តែ​សុខភាព​អា​អូន​ត្រលប់​មក​ដូច​ដើម​វិញ។ មូលហេតុបណ្ដាលឲ្យកូនអស់កម្លាំងមាន ខ្សោះជាតិទឹក និង​ខ្វះសារធាតុចិញ្ចឹម។ គួរអាន៖ នេះជាពពួកបាក់តេរីល្អ ជួយប្រព័ន្ធរំលាយអាហារ និងប្រព័ន្ធការពារក្មេងៗកាន់តែរឹងមាំ តិចនិកជួយបង្កើនបាក់តេរីល្អក្នុងពោះវៀនកូនតូចៗ ម៉ាក់ប៉ាកត់ចំណាំទុក ការពិតអំពី […]

រាករូស​ជា​បញ្ហា​មួយ​ក្មេងៗ​ភាគ​ច្រើន​តែង​តែ​កើតមាន​ ពិបាក​គេច​បាន​ណាស់​ព្រោះ​ក្មេង​មាន​ក្រពះ​ពោះ​វៀន​ខ្ចី។ ណា​មួយ​ទៀត ក្មេងៗ​ញ៉ាំ​អី​មិន​សូវ​ចេះ​គិត​ទេ ហេតុ​នេះ​ហើយ​ទើប​ម៉ាក់​ប៉ា​គួរ​ដឹង​ពី​អ្វី​មិន​គួរ​ធ្វើ​អំឡុង​ពេល​កូន​រាករូស ដើម្បី​កុំ​ឲ្យ​កាន់​តែ​នាំ​ទុក្ខ​ដល់​កូន។ ដឹងអត្ថន័យពណ៌ និងរូបរាងលាមកទារក គណនាថ្ងៃសម្រាលកូន ពេល​កូន​រាករូស យើង​មិន​គួរ​ធ្វើ​អ្វី​ខ្លះ? ក្មេង​ៗគួរជៀសវាងអាហារមួយចំនួននៅពេលដែលពួកគេរាក​រួម​មាន​អាហារចៀន អាហារ​ខ្លាញ់ អាហារ​កែច្នៃ ឬ​អាហារ ​Fast Food នំដូណាត់ និង​ប្រហិត​ជាដើម។ ក្រៅ​ពី​នេះ ម៉ាក់​ប៉ា​គួរ​ចៀសវាង​ពី​សកម្មភាព​ប៉ុន្មាន​ខាង​ក្រោម​នេះ​ដូច​ជា៖ ចៀសវាង​ផ្ដល់​ភេសជ្ជៈ​មាន​ជាតិ​កាហ្វេអ៊ីន ឬ​កាបូអ៊ីដ្រាត​ឲ្យ​កូន​ញ៉ាំ (មិន​ល្អ​ពេល​រាក) កុំ​ធ្វើ​ទឹក​អូរ៉ាលីត្រ  ដោយ​ខ្លួន​ឯង លុះ​ត្រា​តែ​មាន​ការ​ណែនាំ​ដោយ​គ្រូពេទ្យ​កុមារ ប្រើ​ថ្នាំ​ទប់​រាក​រូស​ដោយ​គ្មាន​វេជ្ជបញ្ជា ម៉ាក់​ប៉ា​ត្រូវ​ប្រយ័ត្ន​ពី​ប្រការ​មិន​គួរ​ធ្វើ​ប៉ុន្មាន​ខាង​លើ​នេះ ដើម្បី​កុំ​ឲ្យ​អាការៈ​កូន​កាន់​តែ​អាក្រក់។ ម៉្យាង​វិញ​ទៀត ពេល​កូន​រាករូស​ម្ដងៗ យើង​ក៏​ត្រូវ​ចាំ​សង្កេត​មើល​សញ្ញា​នៃ​ការ​ខ្វះ​ជាតិ​ទឹក​ដែល​កើត​ឡើង​ពេល​បាត់​បង់​ជាតិ​ទឹក​ច្រើន​ពេក​ដែល​មាន​រោគ​សញ្ញា​ដូចជា មិន​សូវ​នោម​ញឹក យំ​អត់​ចេញ​ទឹក​ភ្នែក ក្ដៅ​ខ្លួន​ខ្លាំង មាត់​ស្ងួត ស្រក​ទម្ងន់ ស្រេក​ទឹក​ខ្លាំង សឹមៗ និង​ភ្នែក​រូង។ ដូច​គ្នា​នេះ ក្នុង​ករណី​កូន​រាករូស​រហូត​បណ្ដាល​ឲ្យ​ខ្វះ​ជាតិ​ទឹក​កើត​ឡើង ម៉ាក់​ប៉ា​គួរ​​បំពេញ​ជាតិ​ទឹក​ឲ្យ​កូន​ដោយ​ឲ្យ​កូន​ញ៉ាំ​អាហារ​សម្បូរ​ជាតិ​ទឹក ឬ​ឲ្យ​កូន​ផឹក​ទឹក​ឲ្យ​បាន​ច្រើន និង​ចៀស​វាង​ពី​ភេសជ្ជៈ​មាន​ជាតិ​កាហ្វេ​អ៊ីន​ដូច​ជា កាហ្វេ តែ ឬ​សូដា ព្រោះ​វា​កាន់​តែ​ធ្វើ​ឲ្យ​រាងកាយ​បាត់​បង់​ជាតិ​ទឹក។ យ៉ាង​ណា​ក៏​ដោយ មុន​នឹង​ឲ្យ​កូន​ប្រើ​ថ្នាំ​បំបាត់​រាក ឬ​ថ្នាំ​អ្វី​ផ្សេង​ត្រូវ​ពិភាក្សា​ជាមួយ​គ្រូពេទ្យ​ជំនាញ​ឲ្យ​បាន​ច្បាស់​លាស់ ហើយ​បើ​កូន​មិន​ធូរ​ស្រាល យក​ល្អ​គួរ​តែ​នាំ​កូន​ឲ្យ​គ្រូពេទ្យ​ពិនិត្យ និង​ព្យាបាល​តាម​បច្ចេកទេស​ពេទ្យ​ឲ្យ​ឆាប់​តាម​ដែល​អាច​ធ្វើ​ទៅ​បាន។​ ចំណុចសំខាន់ ប្រការគប្បីចៀសវាងពេលកូនរាករូសដូចជា៖ ចៀសវាងផ្ដល់ភេសជ្ជៈមានជាតិកាហ្វេអ៊ីន ឬកាបូអ៊ីដ្រាតឲ្យកូនញ៉ាំ (មិនល្អពេលរាក) កុំធ្វើទឹកអូរ៉ាលីត្រ ដោយខ្លួនឯង លុះត្រាតែមានការណែនាំដោយគ្រូពេទ្យកុមារ […]

មកដល់ពេលនេះ គ្នាយើងប្រហែលជាបានឮពី prebiotics probiotics និងSYNBIOTICS ច្រើនហើយ បើបានតាមដាន " Hello គ្រូពេទ្យ " រាល់ថ្ងៃនោះ។ SYNBIOTICS ជាប្រភេទអាហារដែលសំយោគឡើងរវាង Prebiotics និង Probiotics ជួយជំរុញដល់ប្រព័ន្ធរំលាយអាហារ។ ចុះក្រៅពីប្រព័ន្ធរំលាយអាហារ SYNBIOTICS ជួយដល់អ្វីខ្លះទៀត? SYNBIOTICS មិនត្រឹមតែអាចជួយបង្កើនការរំលាយអាហារ និងជួយក្នុងការព្យាបាលជំងឺទូទៅមួយចំនួនប៉ុណ្ណោះទេ ប៉ុន្តែក៏អាចជួយរក្សាបេះដូងយើងឲ្យមានសុខភាពល្អ ជំរុញដល់ការសម្រកទម្ងន់ បំបាត់ការរលាក និងគុណ​ប្រយោជន៍មួយ​ចំនួន​ទៀត​។ ១. ពង្រឹងប្រព័ន្ធភាពស៊ាំ ការស្រាវជ្រាវជាច្រើនបង្ហាញថាសុខភាពប្រព័ន្ធរំលាយអាហារ និងមុខងារប្រព័ន្ធភាពស៊ាំមានទំនាក់ទំនងយ៉ាងជិតស្និទ្ឋ ប្រហែល ៧០-៨០%នៃកោសិកាភាពស៊ាំរបស់រាងកាយស្ថិតនៅក្នុងបំពង់រំលាយអាហារ។ SYNBIOTICS អាចជួយបង្កើនមុខងារប្រព័ន្ធភាពស៊ាំដោយបង្កើនបរិមាណបាក់តេរីល្អនៅក្នុងពោះវៀន និងកាត់បន្ថយការរលាកក្នុងពេលដំណាលគ្នា។ ដឹងអត្ថន័យពណ៌ និងរូបរាងលាមកទារក គណនាថ្ងៃសម្រាលកូន គណនាទម្ងន់ស្រ្តីពពោះ គណនាថ្ងៃមេជីវិតញីទុំធ្លាក់ ២. ជំនួយដល់សុខភាពបេះដូង SYNBIOTICS អាចជួយរក្សាបេះដូងឲ្យមានសុខភាពល្អ និងរឹងមាំបានដោយកាត់បន្ថយកត្តាហានិភ័យជំងឺបេះដូងមួយចំនួន។ ការសិក្សាក្នុងឆ្នាំ ២០១៧ មួយបង្ហាញថា ការបន្ថែមអាហារ ឬថ្នាំបំប៉នផ្ទុក SYNBIOTICS ក្នុងរយៈ ១២សប្ដាហ៍ជួយដល់ដំណើរការអាំងស៊ុយលីន (Insulin Metabolism) និងកម្រិតកូឡេស្ដេរ៉ូល HDL ល្អ សម្រាប់អ្នកជំងឺទឹកនោមផ្អែម និងជំងឺសរសៃឈាមបេះដូង។ មិនត្រឹមតែប៉ុណ្ណោះទេ ការសិក្សាខ្លះក៏ឲ្យដឹងថា Probiotics […]

ចំពោះកូនក្មេង អាការៈឈឺចុកពោះជាបញ្ហាមួយអាអូនឧស្សាហ៍ជួប ដោយសារក្មេងៗញ៉ាំអីមិនសូវចេះគិតទេ ឲ្យតែឃើញទំនងដឹងតែដាក់ចូលក្នុងមាត់ទំពាហើយ។ យ៉ាងណាមិញ ម៉ាក់ប៉ាក៏ត្រូវចាប់អារម្មណ៍ដែរ ក្នុងករណីដែលអាអូនងាកៗត្អូញចុកពោះ ឬឧស្សាហ៍រាករូស នេះអាចថាកូនកំពុងកើតជំងឺរលាកពោះវៀនរ៉ាំរ៉ៃ។ ជំងឺរលាកពោះវៀនរ៉ាំរ៉ៃ (Inflammatory Bowel Disease) បណ្ដាលឲ្យរលាក (ឡើងក្រហម និងហើម) ហើយវាជាស្ថានសុខភាពរ៉ាំរ៉ៃមួយ ដែលអាចមានរយៈពេលយូរ ឬកើតបាត់ៗឥតឈប់ឈរ។ ជំងឺរលាកពោះវៀនរ៉ាំរ៉ៃនេះ រួមមានជំងឺក្រូន (Crohn’ disease) និងជំងឺដំបៅរលាកពោះវៀនធំ (Ulcerative Colitis)។ ជំងឺនេះធ្វើឲ្យរលាកក្នុងពោះវៀន និងរលាកប្រដាប់រំលាយអាហារ។ ជំងឺរលាកពោះវៀនរ៉ាំរ៉ៃបណ្ដាលមកពីមូលហេតុស្មុគស្មាញពាក់ព័ន្ធជាមួយបញ្ហាហ្សែន ឬបញ្ហាប្រព័ន្ធការពាររាងកាយ ទៅវាយប្រហារសរីរាង្គតូចៗក្នុងពោះវៀន នឹងអាចដោយសារមូលហេតុបរិយាកាសជុំវិញមួយចំនួនផ្សេងទៀត។ ដឹងអត្ថន័យពណ៌ និងរូបរាងលាមកទារក គណនាថ្ងៃសម្រាលកូន អ្វីទៅជារោគសញ្ញានៃជំងឺរលាកពោះវៀនរ៉ាំរ៉ៃ? រោគសញ្ញាទូទៅបំផុតនៃជំងឺរលាកពោះវៀនរ៉ាំរ៉ៃគឺឈឺពោះ និងរាករូស ប៉ុន្តែរោគសញ្ញាផ្សេងទៀតរួមមាន៖ ● ឈាមពេលបត់ជើងធំ ● ក្ដៅខ្លួន ● គ្មានកម្លាំងកំហែង ● ស្រកទម្ងន់។ ក្មេងដែលកើតជំងឺរលាកពោះវៀនរ៉ាំរ៉ៃពិបាកក្នុងស្រូបយកកាឡូរី និងអាហារូបត្ថម្ភដែលរាងកាយត្រូវការណាស់ ជាហេតុអាចបណ្ដាលឲ្យមានការលូតលាស់យឺតយ៉ាវ ឬចាប់ផ្ដើមពេញវ័យយឺតជាងធម្មតា។ ជំងឺរលាកពោះវៀនរ៉ាំរ៉ៃក៏អាចបង្កឲ្យមានបញ្ហាផ្សេងៗទៀតដូចជា កន្ទួលរមាស់ បញ្ហាភ្នែក ឈឺសន្លាក់ រលាកសន្លាក់ និងបញ្ហាថ្លើមជាដើម។ ជាទូទៅ គ្រូពេទ្យព្យាបាលជំងឺរលាកពោះវៀនរ៉ាំរ៉ៃជាមួយនឹងឱសថមួយចំនួន ដើម្បីកាត់បន្ថយការរលាក និងជួយការពារឆ្លងមេរោគ។ ជួនកាល ក្មេងៗត្រូវការវះកាត់ ប្រសិនបើអាការៈមិនធូរស្រាលក្រោយប្រើថ្នាំព្យាបាល ឬដោយសារហេតុផលដូចជា៖ ● រន្ធនៅក្នុងពោះវៀន ● […]

បញ្ហា​ជ្រាប​ពោះ​វៀន​លើ​ក្មេង (Leaky Gut) គឺ​ជា​ការ​រលាក​នៃ​ជញ្ជាំង​ពោះវៀន ដែល​បណ្ដាល​ឲ្យ​ជាតិ​ពុល និង​​ភាគ​ល្អិត​អាហារ​មាន​ទំហំ​ធំជាង​ធម្មតា​ចូល​ទៅ​ក្នុង​ចរន្ត​ឈាម។ ការណ៍នេះ​ជំរុញ​ឲ្យ​ប្រព័ន្ធ​ភាព​ស៊ាំ​របស់​យើង​​ឆ្លើយ​តប​តាម​វិធី​ផ្សេងៗ​គ្នា​ ដែល​អាច​នាំ​ឲ្យ​មាន​​​ផល​វិបាក​ច្រើនយ៉ាង​។ បញ្ហា​ជ្រាប​ពោះ​វៀន​លើ​ក្មេង មិន​គ្រោះ​ថ្នាក់​ខ្លាំង​ពេក​ទេ ប៉ុន្តែ​ពោះវៀន​ដែល​ជ្រាប​ពិត​ជា​រួម​ចំណែក​ដល់​ស្ថានភាព​ជា​ច្រើន​ដូច​ជា ជំងឺ Autoimmune, បញ្ហា​ក្រពេញ​ទីរ៉ូអ៊ីត, ADD, ADHD, ជំងឺ​អូទីស្សឹម អាលែកហ្ស៊ី​អាហារ បញ្ហា​ស្បែក និង​ជំងឺ​ហឺត។ ​រោគ​សញ្ញា​​បញ្ហា​ជ្រាប​ពោះ​វៀន​លើ​ក្មេង ម៉ាក់​ប៉ា​អាច​ដឹង​បាន​ថា​កូន​កើត​បញ្ហា​ជ្រាប​ពោះ​វៀន​លើ​ក្មេង ប្រសិន​បើ​កូន​ចេញ​រោគ​សញ្ញា​ប៉ុន្មាន​ដូច​ខាង​ក្រោម​នេះ៖ ហើមពោះ ពិបាករំលាយអាហារ លាមកប្រែប្រួល (រាក ឬទល់លាមក) អាលែកហ្សីអាហារ ជំងឺហឺត ជំងឺត្រអក ការឆ្លងមេរោគប្រហោង​ឆ្អឹង​ច្រមុះរ៉ាំរ៉ៃ អស់កម្លាំង ពិបាក​ផ្ដោត​អារម្មណ៍ ថប់​បារម្ភ និង មាន​បញ្ហា​អាកប្បកិរិយា។ ដឹងអត្ថន័យពណ៌ និងរូបរាងលាមកទារក គណនាថ្ងៃសម្រាលកូន គណនាទម្ងន់ស្រ្តីពពោះ គណនាថ្ងៃមេជីវិតញីទុំធ្លាក់ មូល​ហេតុ​នៃ​បញ្ហា​ជ្រាប​ពោះ​វៀន​លើ​ក្មេង ការ​ប្រើ​ថ្នាំ​ផ្សះ របប​អាហារ​មាន​ជាតិ​ស្ករ​ចម្រាញ់​ខ្ពស់ ញ៉ាំ​អាហារ​មាន​សារធាតុ​រក្សា​ទុក និង​សារធាតុ​គីមី ញ៉ាំ​អាហារ​មាន​ជាតិ​ស្អិត (Gluten) ថ្នាំ​ប្រឆាំង​នឹង​ការ​រលាក ការ​ឆ្លង​មេរោគ​ជាមួយ​ប៉ារ៉ាស៊ីត ភាព​តាន​តឹង​រ៉ាំរ៉ៃ ការ​សម្រាល​កូន​ដោយ​វះកាត់ មិន​ត្រូវ​បាន​បំបៅ​ដោះ​ម្ដាយ។ យើង​អាច​ដោះ​ស្រាយ​បញ្ហា​ជ្រាប​ពោះ​វៀន​លើ​ក្មេង​តាម​របៀប​ណា? ម៉ាក់​ប៉ា​អាច​ជួយ​កាត់​បន្ថយ​ហានិភ័យ​នៃ​ការ​កើត​ឡើង​បញ្ហា​ជ្រាប​ពោះ​វៀន​លើ​ក្មេង​បាន​ដោយ​ជួយ​ពង្រឹង​ប្រព័ន្ធ​រំលាយ​អាហារ​របស់​កូន​ជាមួយ​ក្បួន​ខាង​ក្រោម​៖ អង់ហ្ស៊ីម​រំលាយ៖ អង់​ហ្ស៊ីម​រំលាយ​អាហារ (Digestive enzymes) ជា​ប្រូតេអ៊ីន​ដែល​ត្រូវ​បាន​ផលិត​ជា​ចម្បង​នៅ​ក្នុង​ពោះ​វៀន​តូច និង​លំពែង ក៏​ដូច​ជា​នៅ​ក្នុង​ទឹក​មាត់​ដែល​ជួយ​បំបែក​អាហារ​ដែល​យើង​ញ៉ាំ​ទៅ​ជា​សារធាតុ​ចិញ្ចឹម​​អាច​ស្រូប​យក និង​ប្រើ​ប្រាស់​ដោយ​រាងកាយ។ ម៉ាក់​ប៉ា​អាច​បន្ថែម​ជា​អាហារបំប៉ន​អង់ហ្ស៊ីម​រំលាយ​អាហារ​ឲ្យ​កូន​ញ៉ាំ […]