និយមន័យ

តើជំងឺដង្កូវព្រូនតុសូការីយ៉ាស៊ីសជាអ្វី?

ជំងឺនេះគឺកើតឡើងដោយសារប៉ារ៉ាស៊ីតដែលចម្លងមកមនុស្សដោយសារសត្វ។ ព្រូន ឬ បង្កូវព្រូននេះ មានរូបរាងមូលហើយភាគច្រើនសត្វដែលផ្ទុកច្រើនជាងគេគឺក្នុងពោះវៀនឆ្កែ និងឆ្មា។

តើជំងឺដង្កូវព្រូនតុសូការីយ៉ាស៊ីសឧស្សាហ៍ជួបប្រទះដែរឬទេ?

មនុស្សដែលមានការចម្លងមកហើយជាទូទៅគ្មានរោគសញ្ញានោះទេ។សម្រាប់ព័ត៌មានបន្ថែមសូមពិគ្រោះជាមួយគ្រូពេទ្យ។

រោគសញ្ញា

តើរោគសញ្ញារបស់ជំងឺដង្កូវព្រូនតុសូការីយ៉ាស៊ីសមានអ្វីខ្លះ?

មនុស្សភាគច្រើននៅពេលដែលការចម្លងមកនូវដង្កូវព្រូនប្រភេទនេះចូលក្នុងខ្លួនហើយវាអាចស្លាប់ដោយឯកឯងមិនចាំបាច់ព្យាបាលក្នុងរយៈពេលប៉ុន្មានខែបន្ទាប់។ តែក្នុងករណីខ្លះវាអាចលេចឡើងជារោគសញ្ញាដូចជា៖

ក្អក
ឡើងកម្ដៅ ៣៨អង្សារសេ ឬខ្ពស់ជាងនេះ
ឈឺក្បាល
ឈឺពោះ

ក្នុងករណីកម្រកូនដង្កូវព្រូននេះវាអាចទៅធ្វើទុក្ខទោសលើថ្លើម សួត ភ្នែក ឬខួរក្បាលដែលបង្កជាសញ្ញាធ្ងន់ធ្ងរដូចជា៖

ហត់អស់កម្លាំង
ស្រកទម្ងន់និងមិនឃ្លានអាហារ
រមាស់ស្បែក
ឧស្សាហ៍កណ្ដាស់ និងពិបាកដកដង្ហើម
ប្រកាច់
ព្រឹលភ្នែកហើយភាគច្រើនប៉ះតែលើភ្នែកម្ខាង
ភ្នែកឡើងក្រហមនិងឈឺខ្លាំង
អាចមានសញ្ញាផ្សេងទៀត (គួរពិគ្រោះជាមួយគ្រូពេទ្យ សម្រាប់ព័ត៌មានបន្ថែម)។

ត្រូវទៅជួបគ្រូពេទ្យពេលណា?

ក្នុងករណី មានចម្ងល់ ឬលេចចេញរោគសញ្ញាផ្សេងមិនប្រក្រតី ហើយសង្ស័យ គួរពិគ្រោះជាមួយពេទ្យភ្លាម ព្រោះការឆ្លើយតប ឬដំណោះស្រាយទៅនឹងជំងឺ អាចខុសគ្នា។

មូលហេតុ

តើមូលហេតុអ្វីទើបមានជំងឺដង្កូវព្រូនតុសូការីយ៉ាស៊ីសនេះឡើង?

ប៉ារ៉ាស៊ីតរាងមូលនេះ ជាអ្នកបង្កឲ្យមានជំងឺដង្កូវព្រូនតុសូការីយ៉ាស៊ីស ដែលរស់នៅក្នុងពោះវៀនរបស់សត្វឆ្កែ ឆ្មាជាដើម។ ពងរបស់ព្រូននេះវាកប់ក្នុងលាមករបស់សត្វទាំងនោះនៅលើដីកខ្វក់ជាដើម។

ពងរបស់វាអាចចម្លងទៅមនុស្សនិងបង្កជំងឺបានគឺបន្ទាប់ពី ១០-២១ថ្ងៃក្រោយចេញពីរាងកាយរបស់សត្វដូចនេះវាមិនចម្លងតាមលាមកថ្មីៗនោះទេ។ ប៉ុន្តែទោះជាយ៉ាងណាក៏ដោយក៏វាអាចស្ថិតនៅក្នុងខ្សាច់និងដីហើយអាចរស់នៅដល់ទៅរាប់ខែក៏មាន។

មនុស្សឆ្លងបានគឺដោយសារការចូលទៅក្នុងមាត់ផ្ទាល់។នៅពេលណាដែលវាចូលទៅដល់ក្នុងខ្លួនហើយវានឹងញាស់បញ្ចេញកូនដង្កូវព្រូនទាំងនោះនៅក្នុងពោះវៀន ហើយវាអាចធ្វើដំណើរបានគ្រប់ទិសទីក្នុងសារពាង្គកាយយើង។

លើសពីនេះទៀតរាងកាយមនុស្សមិនមែនជាកន្លែងតែមួយដែលពងវាអាចញាស់បាននោះទេវាអាចវិវត្តលើសពីការពងទៅទៀតដូចជាការចម្លងពីមនុស្សម្នាក់ទៅមនុស្សម្នាក់ទៀត។

ហានិភ័យ

តើកត្តាប្រឈមអ្វីខ្លះដែលបង្កឲ្យមានជំងឺដង្កូវព្រូនប្រភេទនេះ?

គ្រប់មនុស្សទាំងអស់មិនថាចាស់ឬក្មេងសុទ្ធតែអាចមានឳកាសកើតជំងឺនេះទាំងអស់។ ក្មេងតូចៗនិងអ្នកដែលចិញ្ចឹមសត្វឆ្មានិងឆ្កែ មានហានិភ័យខ្ពស់ជាងគេ។

អត្ថបទពាក់ព័ន្ធ៖

រោគវិនិច្ឆ័យនិងការព្យាបាល

រោគវិនិច្ឆ័យ

ទោះជាការកំណត់រោគវិនិច្ឆ័យធ្វើទៅបានលុះត្រាតែយកជាលិកាទៅពិនិត្យក៏ដោយការច្រឹបយកសាច់វិភាគទៅមើលនៅតែមានការលំបាកតែជាកត្តាចាំបាច់។ ការធ្វើរោគវិនិច្ឆ័យ គឺពឹងផ្អែកលើសញ្ញាគ្លីនិក និងតេស្តឈាម។

ការព្យាបាល

ប្រសិនបើគ្មានសញ្ញា ឬមានសញ្ញាតិចតួចគឺមិនត្រូវការព្យាបាលនោះទេ។ ប៉ុន្តែអ្នកជំងឺត្រូវប្រើថ្នាំ (ទម្លាក់សត្វល្អិត) ព្យាបាលពេលដែលសង្កូវព្រូននោះវាចូលទៅដល់សរីរាង្គ។ Albendazole ដែលគេប្រើជាញឹកញាប់ហើយ Mebendazole គឺជម្រើសបន្ទាប់។

ថ្នាំទាំងនេះគឺមិនសូវបង្កផលប៉ះពាល់ធ្ងន់ធ្ងរនោះទេតែទោះជាយ៉ាងណាក៏ដោយក៏មានអ្នកខ្លះអាចឈឺក្បាលនិងឈឺពោះក្រោយពេលប្រើដែរ។

គួបផ្សំជាមួយថ្នាំទម្លាក់សត្វល្អិតនេះហើយថ្នាំស្តេរ៉ូអ៊ីតគឺត្រូវប្រើផ្គួបគ្នាដើម្បីបន្ថយការរលាកដោយសារការករោគធ្ងន់ធ្ងរ។

ក្នុងករណីដង្កូវព្រូនទៅដល់ភ្នែកថ្នាំស្តេរ៉ូអ៊ីតគឺគេប្រើជំនួសថ្នាំទម្លាក់សត្វល្អិត។ ការវះកាត់អាចជាវិធីព្យាបាលដ៏សមស្របនៅពេលដែលមានការរបើកសរសៃបាតភ្នែក។ អ្នកខ្លះអាចជាសះស្បើយ១០០% និងមិនមានផលវិបាកនោះទេតែក៏នៅមានមួយចំនួនអាចទទួលរងការបាត់គំហើញតែម្ដងនៅពេលដែលភ្នែកតែម្ខាងត្រូវបានប៉ះពាល់។

ចំណេះដឹងបន្ថែម

វិធីសាស្ត្រងាយៗដែលជួយការពារនិងជៀសវាងជំងឺដង្កូវព្រូនតុសូការីយ៉ាស៊ីស

អ្នកអាចយកវិធីងាយៗខាងក្រោមនេះយកទៅអនុវត្តបានដូចជា៖

យកសត្វចិញ្ចឹមទៅឲ្យពេទ្យសត្វចាក់ថ្នាំឲ្យការពារ និងទម្លាក់សត្វល្អិត។ ក្នុងករណីត្រូវព្យាបាលសូមស្ដាប់តាមការណែនាំរបស់ពេទ្យសត្វ។
លាងដៃនឹងសាប៊ូឲ្យបានស្អាតក្រោយពេលលេងជាមួយសត្វចិញ្ចឹម ឬសត្វដទៃទៀតដែលអាចមានដង្កូវព្រូនរួមទាំងសកម្មភាពផ្សេងៗជាមួយសត្វនៅក្រៅផ្ទះ និងពិសេសមុនពេលញ៉ាំអាហារ។
បង្រៀនក្មេងឲ្យយល់ដឹងពីប្រយោជន៍នៃការលាងដៃ និងការបង្ការរោគ
មិនត្រូវអនុញ្ញាតឲ្យកូនៗទៅលេងនៅកន្លែងណាដែលមានសត្វមានមេរោគនិងដីកខ្វក់នោះទេពិសេសកន្លែងដែលមានលាមកសត្វ។
សម្អាតកន្លែងដែលសត្វរស់នៅយ៉ាងហោចណាស់ ១អាទិត្យម្ដង។ លាមកសត្វត្រូវយកទៅចោលឲ្យបានត្រឹមត្រូវឬកប់ចោល។ បន្ទាប់មកត្រូវលាងដៃឲ្យបានស្អាត។
ប្រយ័ត្នបំផុតពេលកុមារបៀមដី(ដាក់ចូលមាត់) ឬបៀមវត្ថុមិនស្អាតក្នុងមាត់នោះទេ។

Toxocariasis (ដង្កូវ​ព្រូន​តុសូការីយ៉ាស៊ីស)

និយមន័យ

តើ​ជំងឺ​ដង្កូវ​ព្រូន​តុសូការីយ៉ាស៊ីស​ជា​អ្វី​?

តើ​ជំងឺ​ដង្កូវ​ព្រូន​តុសូការីយ៉ាស៊ីស​ឧស្សាហ៍​ជួប​ប្រទះ​ដែរ​ឬ​​ទេ?

រោគ​សញ្ញា

តើ​រោគ​សញ្ញា​របស់​ជំងឺ​ដង្កូវ​ព្រូន​តុសូការីយ៉ាស៊ីស​មាន​អ្វី​ខ្លះ?

​ត្រូវ​ទៅ​ជួប​គ្រូពេទ្យ​​​ពេល​ណា?

មូលហេតុ

តើ​មូលហេតុ​អ្វី​ទើប​មាន​ជំងឺ​ដង្កូវ​ព្រូន​តុសូការីយ៉ាស៊ីស​នេះ​ឡើង​?

ហានិភ័យ

តើ​កត្តា​ប្រឈម​អ្វី​ខ្លះ​ដែល​បង្ក​ឲ្យ​មាន​ជំងឺ​ដង្កូវ​ព្រូន​ប្រភេទ​នេះ?

រោគវិនិច្ឆ័យ​និង​ការ​ព្យាបាល

រោគ​វិនិច្ឆ័យ

ការ​ព្យាបាល

ចំណេះដឹង​បន្ថែម

វិធី​សាស្ត្រ​ងាយ​ៗ​ដែល​ជួយ​ការពារ​និង​ជៀស​វាង​ជំងឺ​ដង្កូវ​ព្រូន​តុសូការីយ៉ាស៊ីស

Toxocariasis (ដង្កូវព្រូនតុសូការីយ៉ាស៊ីស)