ត្រួតពិនិត្យដោយ គ្រូពេទ្យឯកទេស. វេជ្ជបណ្ឌិត យ៉ានណែត ឧត្តមដាញ៉ែល · ជំងឺឆ្លង · បន្ទប់ពិគ្រោះព្យាបាល ឧត្តមដាញ៉ែល
ចំណីអាហារកាលណាតែយើងធ្វេសប្រហែស ចម្អិនមិនបានឆ្អិនល្អ ខ្វះអនាម័យ ញ៉ាំទៅអាចឲ្យយើងពុលចំណីអាហារ ទៅជាក្អួតចង្អោរ បាត់បង់ជាតិទឹក គ្រុនក្តៅ ឈឺក្បាល រាករូស ឈឺពេញពោះ វិលមុខ អស់កម្លាំងខ្លាំងឈានទៅបាត់បង់ស្មារតី។
លោកជំទាវ ឱ វណ្ណឌីន រដ្ឋលេខាធិការ និងជាអ្នកនាំពាក្យ ក្រសួងសុខាភិបាល បានទទូចឲ្យពលរដ្ឋ ធ្វើតាមប៉ុន្មានចំណុចខាងក្រោមនេះ ដើម្បីសុវត្ថិភាពចំណីអាហារ ចៀសផុតពីការពុលអាហារក្នុងឱកាសពិធីបុណ្យកាន់បិណ្ឌ និងភ្ជុំបិណ្ឌនេះ។
ចំណីអាហារគ្រប់មុខយើងត្រូវចម្អិនឲ្យបានឆ្អិនល្អ ពិសេស សាច់ សត្វស្លាប ស៊ុត និងគ្រឿងសមុទ្រ។ អាហារឆៅ ឬចម្អិនមិនបានឆ្អិនល្អ អាចធ្វើឲ្យមានគ្រោះថ្នាក់ដល់សុខភាពដោយសារសម្បូរទៅដោយពពួកវីរុស និងបាក់តេរីយ៉ាងច្រើនសន្ធឹក។
ត្រូវដាក់អាហារមិនទាន់ចម្អិនមួយដុំៗផ្សេងៗគ្នា សូម្បីតែការប្រើជ្រញ់ក៏អ៊ីចឹងដែរ ដូចជា សាច់ឆៅម្ខាង ហើយបន្លែ និងផ្លែឈើម្ខាងទៀត ឬមានជ្រញ់សម្រាប់ហាន់សាច់ផ្សេង បន្លែផ្សេង។ ឯអាហារឆ្អិនវិញ ទុកក្នុងចានស្អាត កុំប្រើលាយជាមួយចានដាក់របស់ឆៅ ព្រោះអាចចម្លងមេរោគដល់អាហារឆ្អិន។
កម្មវិធីពិនិត្យជំងឺបម្រុងទឹកនោមផ្អែមអនឡាញ
កម្មវិធីពិនិត្យបញ្ហាលិង្គមិនឡើងរឹងអនឡាញ
ការទុកចំណីអាហាររយៈពេលយូរ ហើយមិនបានគ្របត្រឹមត្រូវ ធ្វើឲ្យអាហារនោះងាយនឹងផ្អូម ជូរ និងមានសត្វរុយ ស្រមោច កន្លាត កណ្តុរវារកាត់ ឬទុំពីលើ។
យើងត្រូវលាងដៃនឹងសាប៊ូមុនពេល និងពេលរៀបចំម្ហូបអាហារ មុនញ៉ាំអាហារ ឯបន្លែ ផ្លែឈើ ត្រី សាច់ និងសម្ភារៈប្រើសម្រាប់ចម្អិនម្ហូបក៏ត្រូវតែស្អាតដែរ នោះទើបមានសុវត្ថិភាព។
អត្ថបទគួរអាន៖
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ គ្រូពេទ្យឯកទេស.
វេជ្ជបណ្ឌិត យ៉ានណែត ឧត្តមដាញ៉ែល
ជំងឺឆ្លង · បន្ទប់ពិគ្រោះព្យាបាល ឧត្តមដាញ៉ែល
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម
