ជំងឺ Thalassemia ស្ថិតនៅលើក្រូម៉ូសូមរបស់ម្តាយឪពុកដែលបង្កកំណើតផ្តល់ទៅកូន បើទាំង២នាក់ (ឪពុក និងម្តាយ) មានជំងឺ Thalassemia នោះកូននឹងមានឱកាសកើតជំងឺនេះដែរ។ នេះបើតាមលោកសាស្ត្រាចារ្យវេជ្ជបណ្ឌិត ជាន សុផល ប្រធានផ្នែកជំងឺឈាមកុមារ នៃមន្ទីរពេទ្យកុមារជាតិ។

លោកបន្តថា ផ្ទុយទៅវិញ បើក្នុងចំណោម ២នាក់ (ម្តាយ និងឪពុក) មានតែម្នាក់មានផ្ទុកជំងឺ Thalassemia នេះ នោះកូននឹងមានឱកាសឆ្លងជំងឺនេះ ៥០% តែប៉ុណ្ណោះ (៥០% អាចអត់អី ឯ ៥០% ទៀតអាចកើតជំងឺនេះដូចឪពុក ឬម្តាយ)។

ផលពិបាកនៃជំងឺ Thalassemia

– កើតជំងឺ Thalassemia កម្រិតមធ្យម-ធ្ងន់ធ្ងរអាចជួបផលពិបាកដូចជា៖

លើសជាតិដែក៖ អ្នកកើតជំងឺនេះអាចមានជាតិដែកច្រើនពេកនៅក្នុងខ្លួន មិនថាមកពីជំងឺ ឬពីការបញ្ចូលឈាមញឹកញាប់ទេ។ ការមានជាតិដែកច្រើនពេកអាចបណ្តាលឲ្យខូចបេះដូង ថ្លើម និងប្រព័ន្ធអង់ដូគ្រីន (endocrine) រួមមានក្រពេញផលិតអ័រម៉ូន ដែលគ្រប់គ្រងដំណើរការនានាទូទាំងរាងកាយ។
ឆ្លងមេរោគ៖ អ្នកកើត Thalassemia មានការកើនឡើងហានិភ័យនៃការឆ្លងមេរោគ ពិសេសប្រសិនបើអ្នកបានដកលំពែងចេញ។

គណនា BMI

គណនា BMR

កម្មវិធីពិនិត្យគ្រោះថ្នាក់ជំងឺកូវីដ-១៩ អនឡាញ

– ក្នុងករណីធ្ងន់ធ្ងរ thalassemia ផលពិបាកខាងក្រោមអាចកើតឡើង៖

ខូចទ្រង់ទ្រាយឆ្អឹង៖ Thalassemia អាចធ្វើឲ្យខួរឆ្អឹងពង្រីក បណ្ដាលឲ្យឆ្អឹងរីកធំ។ នេះអាចបណ្តាលឲ្យរចនាសម្ព័ន្ធឆ្អឹងប្រែជាមិនធម្មតា ជាពិសេសនៅលើមុខ និងលលាដ៍ក្បាល។ ការពង្រីកខួរឆ្អឹងក៏ធ្វើឲ្យឆ្អឹងស្ដើង និងផុយ ដែលបង្កើនឱកាសនៃការបាក់ឆ្អឹង។
លំពែងរីកធំ៖ លំពែងជួយរាងកាយប្រយុទ្ធប្រឆាំងនឹងការឆ្លងមេរោគ និងច្រោះសារធាតុមិនចាំបាច់ ដូចជាកោសិកាឈាមចាស់ ឬខូច។ Thalassemia ជារឿយៗត្រូវបានអមដោយការបំផ្លាញកោសិកាឈាមក្រហមមួយចំនួនធំ នេះបណ្ដាលឲ្យលំពែងរីកធំ និងធ្វើការខ្លាំងជាងធម្មតា។ ការរីកធំនៃលំពែងអាចធ្វើឲ្យភាពស្លេកស្លាំងកាន់តែធ្ងន់ធ្ងរ ហើយវាអាចកាត់បន្ថយអាយុជីវិតរបស់កោសិកាឈាមក្រហមដែលបានបញ្ចូល។ ប្រសិនបើលំពែងធំពេក គ្រូពេទ្យជំនាញអាចស្នើឲ្យវះកាត់ ដើម្បីយកចេញ។
អត្រាលូតលាស់យឺត៖ ភាពស្លេកស្លាំងអាចពន្យឺតការលូតលាស់របស់កុមារ និងពន្យារភាពពេញវ័យ។
បញ្ហាបេះដូង៖ ជំងឺខ្សោយបេះដូង ស្ទះបេះដូង និងចង្វាក់បេះដូងខុសប្រក្រតី អាចទាក់ទងនឹងជំងឺ Thalassemia ធ្ងន់ធ្ងរ។

ក្នុងករណីភាគច្រើន យើងមិនអាចការពារជំងឺ Thalassemia បានទេ។ ប្រសិនបើដឹងខ្លួនមានជំងឺនេះ ឬប្រសិនបើយើងមានហ្សែន Thalassemia គួរពិចារណាពិគ្រោះជាមួយគ្រូពេទ្យជំនាញ ដើម្បីទទួលបានការណែនាំ ប្រសិនបើចង់មានកូន។

ចំណុចសំខាន់

Thalassemia ជាជំងឺតំណពូជនៃឈាមដែលបណ្តាលឲ្យរាងកាយរបស់អ្នកមានអេម៉ូក្លូប៊ីនតិចជាងធម្មតា។ ក្នុងករណីកើតជំងឺនេះក្នុងកម្រិតមធ្យម វាអាចបង្កផលពិបាកដូចជា៖

លើសជាតិដែក
ឆ្លងមេរោគ។

ក្នុងករណីកើតជំងឺនេះក្នុងកម្រិតធ្ងន់ធ្ងរ នោះអាចបង្កឲ្យមានផលពិបាកដូចជា៖

ខូចទ្រង់ទ្រាយឆ្អឹង
លំពែងរីកធំ
អត្រាលូតលាស់យឺត
បញ្ហាបេះដូង។

អានបន្ថែម៖

អ្នកកើតជំងឺ Thalassemia អាចប្រឈមផលវិបាកទាំងនេះច្រើន

ផល​ពិបាក​នៃ​ជំងឺ Thalassemia

ចំណុចសំខាន់

ផលពិបាកនៃជំងឺ Thalassemia