សម្រាប់អ្នកមានជំងឺទឹកនោមផ្អែម ការគ្រប់គ្រងជំងឺនេះបានល្អគឺជារឿងចាំបាច់បំផុត ព្រោះថាការគ្រប់គ្រងជំងឺមិនបានល្អ នឹងធ្វើឲ្យអ្នកកើតជំងឺនេះមានផលវិបាកច្រើនយ៉ាង រួមទាំងប្រឈមនឹងបញ្ហាខ្សោយការស្តាប់ផងដែរ។
មាតិកា
បញ្ហាខ្សោយការស្ដាប់ អាចជាផលវិបាកនៃជំងឺទឹកនោមផ្អែម
១. ការសិក្សារវាងជំងឺទឹកនោមផ្អែម និងបញ្ហាខ្សោយការស្ដាប់
ការសិក្សាមួយចំនួនបានបង្ហាញថាបញ្ហាខ្សោយការស្តាប់ អាចកើតមានទ្វេដងលើអ្នកមានជំងឺទឹកនោមផ្អែមប្រភេទ២ ខ្ពស់ជាងអ្នកមិនមានជំងឺនេះ។ ការសិក្សាមួយធ្វើឡើងកាលពីឆ្នាំ២០០៨ បានវាយតម្លៃថាជំងឺទឹកនោមផ្អែមអាចធ្វើឲ្យអ្នកជំងឺជួបបញ្ហាស្ដាប់មិនឮ ឬពិបាកស្ដាប់ ដោយសារតែប្រព័ន្ធប្រសាទ និងសរសៃឈាមបានរងការខូចខាត។ ដូចគ្នាដែរ ការសិក្សាមួយទៀតបានបង្ហាញថាបញ្ហាពិបាកស្ដាប់អាចមានទំនាក់ទំនងនឹងការខូចប្រព័ន្ធប្រសាទ។
ការសិក្សាខាងលើ បានសន្និដ្ឋានថា អ្នកមានជំងឺទឹកនោមផ្អែមអាចជួបបញ្ហាពិបាកស្ដាប់ដល់ទៅពីរដងខ្ពស់ជាងអ្នកមិនមានជំងឺនេះ។
២. មូលហេតុបង្ក
មូលហេតុបង្កឲ្យអ្នកជំងឺទឹកនោមផ្អែមជួបបញ្ហាខ្សោយត្រចៀក ឬខ្សោយការស្ដាប់នៅមិនទាន់ដឹងច្បាស់នៅឡើយ។ យ៉ាងណា ក្រុមអ្នកស្រាវជ្រាវថាកម្រិតជាតិស្ករក្នុងឈាមខ្ពស់អាចបំផ្លាញសរសៃឈាមក្នុងរាងកាយ រួមទាំងត្រចៀកផងដែរ។ បើសិនជាយើងមានជំងឺទឹកនោមផ្អែម និងមិនបានគ្របគ្រងជំងឺនេះឲ្យបានល្អ យូរៗទៅនឹងធ្វើឲ្យមានការខូចខាតបណ្ដាញសរសៃឈាមតូចៗនៅក្នុងត្រចៀក។
ផលវិបាកផ្សេងទៀតកើតពីជំងឺទឹកនោមផ្អែមគឺការខូចខាតប្រព័ន្ធប្រសាទ។ ដូចគ្នាដែរ ជំងឺទឹកនោមផ្អែមក៏អាចបំផ្លាញប្រព័ន្ធប្រសាទសំឡេង នាំឲ្យមានបញ្ហាខ្សោយត្រចៀក។
៣. មូលហេតុផ្សេងទៀតធ្វើឲ្យខ្សោយការស្ដាប់
ក្រៅពីជំងឺទឹកនោមផ្អែម នៅមានកត្តាមួយចំនួនទៀតក៏អាចធ្វើឲ្យមនុស្សយើងមានបញ្ហាខ្សោយការស្ដាប់ដែរ។ កត្តាទាំងនោះរួមមាន៖
- វ័យកាន់តែច្រើន
- រស់នៅមជ្ឈដ្ឋានមានសំឡេងឮខ្លាំងៗ
- មានប្រវត្តិគ្រួសារត្រចៀកខ្សោយ
- មានអាចម៍ត្រចៀក ឬរបស់អ្វីផ្សេងនៅក្នុងត្រចៀក
- ឆ្លងវីរុស ឬក្ដៅខ្លួន
- បញ្ហាត្រចៀកផ្សេងៗទៀត
អត្ថទពាក់ព័ន្ធ៖
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Diabetes and Hearing Loss
https://www.cdc.gov/diabetes/managing/diabetes-hearing-loss.html
Diabetes and Hearing Loss
https://diabetes.org/diabetes/diabetes-and-hearing-loss
Type 2 diabetes and the risk of incident hearing loss
https://www.ncbi.nlm.nih.gov/pmc/articles/PMC6494103/
កំណែប្រែបច្ចុប្បន្ន
26/10/2023
អត្ថបទដោយ ទូច សុខា
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ នូ សោភ័ណ្ឌ
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម