ធ្លាប់ឮគេថា កើតទឹកនោមផ្អែម ស្រួលមិនស្រួលអាចកាត់ជើងចោល ដែរអត់? ពិត មិនពិត ស្ដាប់ “Hello គ្រូពេទ្យបកស្រាយសិន។
- អនាម័យប្រអប់ជើងជាប្រចាំ
- ពាក់ស្បែកជើង និងស្រោមជើងជានិច្ច
- ឈប់ជក់បារី
ត្រួតពិនិត្យដោយ គ្រូពេទ្យឯកទេស. វេជ្ជបណ្ឌិត ហ៊ួយ បញ្ញា · ជំងឺទឹកនោមផ្អែម និងក្រពេញអ័រម៉ូនបុរស និងស្រ្តី · គ្លីនិក កុងត្រូល ទឹកនោមផ្អែម
ធ្លាប់ឮគេថា កើតទឹកនោមផ្អែម ស្រួលមិនស្រួលអាចកាត់ជើងចោល ដែរអត់? ពិត មិនពិត ស្ដាប់ “Hello គ្រូពេទ្យបកស្រាយសិន។
អ្នកទឹកនោមផ្អែម ជាទូទៅ អាចមានបញ្ហាជើង ដោយសារទឹកនោមផ្អែមធ្វើឲ្យសរសៃប្រសាទខូចខាត និងបន្ថយចរន្តឈាមទៅបាតជើង។ អ៊ីចឹងហើយ ទើបគ្នាយើង ក៏ដូចជាម៉ាក់ប៉ា កើតទឹកនោមផ្អែម តែងមានអារម្មណ៍ស្ពឹកចុងដៃចុងជើង។ អនាម័យជើង ជារឿងសំខាន់ ដើម្បីការពារកុំឲ្យមានបញ្ហាធ្ងន់ធ្ងរ ពិសេសឈានដល់ការកាត់ប្រអប់ជើង ឬជើង។
– លាងជើងឲ្យស្អាត ហើយជូតឲ្យស្ងួត
– មើលចំណុចក្រហម ឬស្បែកក្រិននៅម្ដុំណាមួយ
– កាត់ក្រចកឲ្យបានស្អាត។ វិធីល្អ គឺកាត់ក្រោយពេលងូតទឹករួច ហើយហាមឆ្កៀលក្រចកជ្រៅៗផង
– ឧស្សាហ៍ពិនិត្យមើលជើង ក្រែងឡើងដំបៅ ផ្សិត ត្រចៀកក្រាញ់ ហើយបើមានពងទឹក កុំញេច ព្រោះអាចបង្ករោគឲ្យកាន់តែធ្ងន់។
ស្វែងយល់បន្ថែមតាមរយៈវីដេអូខាងក្រោម៖
ចង់ពិនិត្យជំងឺទឹកដក់បាតភ្នែក ចុចទីនេះ!
ចង់ពិនិត្យជំងឺវរង្វេងវង្វាន់ ចុចទីនេះ!
ចង់ពិនិត្យជំងឺស្ទះដង្ហើមរុំារ៉ៃ ចុចទីនេះ!
អ្នកទឹកនោមផ្អែមមិនត្រូវដើរជើងទទេឡើយ ព្រោះអាចមុតជើង ហើយពិបាកជា។ ខាងក្រោមនេះ ជាតិចនិកខ្លះៗ៖
– ករណីខ្លះ ពេទ្យប្រាប់ឲ្យពាក់ស្បែកជើងពិសេស
– ពាក់ស្បែកជើងការពារជើងទៅតាមអាកាសធាតុ
– កុំអង្គុយគងអន្ទាក់ខ្លា ឬកាយវិការណាដែលអាចទប់ឈាម មិនឲ្យហូរទៅចិញ្ចឹមបាតជើង
– ប្ដូរស្រោមជើងជាប្រចាំ ហើយប្រើស្រោមជើងណាធ្វើពីសរសៃអំបោះធម្មជាតិ អាចស្រូបយកញើសបាន កុំឲ្យបាតជើងសើម
– ពាក់ស្រោមជើងខាងខុស ប្រសិនស្រោមជើងមានថ្នេរក្រាស់ៗ ការពារសង្កត់ជើងនឹងថ្នេរ
– ចៀសវាងស្បែកជើងកែង ព្រោះសម្ពាធទម្ងន់ខ្លួន នឹងធ្លាក់លើម្រាមជើង។ ស្បែកជើងសង្រែក ក៏កុំដែរ ព្រោះម្រាមជើងចំហ អាចមុត ឆ្លងរោគគ្រប់ពេល។ ពាក់ស្បែកជើងណារុំជើងជិតៗ។
ប៉ាអ៊ំ ឬ គ្នាយើង កើតទឹកនោមផ្អែម ហើយជក់បារី នឹងប៉ះពាល់ចរន្តឈាមក្នុងរាងកាយ ធ្វើឲ្យឈាមរត់ទៅបាតជើងអត់គ្រប់គ្រាន់ អាចប៉ះពាល់ធ្ងន់ធ្ងរដល់ប្រអប់ជើង និងជើង។ យកល្អ ត្រូវឈប់ជក់បារី។
សរុបមក មានជំងឺទឹកនោមផ្អែមត្រូវប្រយ័ត្នបំផុត ពេលជើងហើម ឬមុត។ ផ្អាកធ្វើចលនា ឬហាត់ប្រាណ រង់ចាំជាសិន។ កុំព្យាយាមព្យាបាលខ្លួនឯង បើមានរបួសជើង ត្រូវប្រញាប់ទៅពេទ្យជាបន្ទាន់។
អត្ថបទគួរអាន៖
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ គ្រូពេទ្យឯកទេស.
វេជ្ជបណ្ឌិត ហ៊ួយ បញ្ញា
ជំងឺទឹកនោមផ្អែម និងក្រពេញអ័រម៉ូនបុរស និងស្រ្តី · គ្លីនិក កុងត្រូល ទឹកនោមផ្អែម