ជាមធ្យម មនុស្សពេញវ័យ អាចកើតជំងឺផ្ដាសាយប្រហែលជា២ ទៅ៣ដងក្នុងមួយឆ្នាំ នេះបើយោងតាមមជ្ឈមណ្ឌលត្រួតពិនិត្យ និងបង្ការជំងឺឆ្លង (CDC)អាមេរិក។ យ៉ាងណាមិញ សម្រាប់ស្ត្រីៗពពោះ ឱកាសនៃការឆ្លងជំងឺផ្ដាសាយមានកម្រិតខ្ពស់ ដោយសារតែប្រព័ន្ធភាពស៊ាំចុះខ្សោយ។

អង្គការMarch of Dimes បានឲ្យដឹងថា ជំងឺផ្ដាសាយមិនអាចបង្កផលប៉ះពាល់ដល់ទារកក្នុងផ្ទៃឡើយ ហើយម៉ាក់ៗនឹងជាសះស្បើយវិញ ក្នុងរយៈពេលប្រហែលជា១សប្ដាហ៍ប៉ុណ្ណោះ។ ប៉ុន្តែ ម៉ាក់មួយចំនួនអាចឆ្លងមេរោគកាន់តែធ្ងន់ធ្ងរ ដូចជាជំងឺផ្ដាសាយធំជាដើម ហេតុនេះហើយ ស្ត្រីពពោះគួរយល់ដឹងពីការបង្ការខ្លួនជាមុនទើបជាការប្រសើរ។

គណនាថ្ងៃសម្រាលកូន

គណនាទម្ងន់ស្ត្រីអំឡុងពពោះ

វិធីបង្ការជំងឺផ្ដាសាយ

ដើម្បីបង្ការជំងឺផ្ដាសាយ ម៉ាក់ៗគួរតែរក្សាអនាម័យឲ្យបានខ្ជាប់ខ្ជួន ដោយ៖

លាងសម្អាតដៃជាមួយនឹងសាប៊ូ និងទឹក
ជៀសវាងប៉ះភ្នែក ច្រមុះ និងមាត់ដោយដៃកខ្វក់
ជៀសវាងនៅជិតអ្នកជំងឺ
ជៀសវាងប្រើកែវចានរួមជាមួយអ្នកដទៃ

ការព្យាបាលជំងឺផ្ដាសាយអំឡុងពេលមានគភ៌

ជាទូទៅ ការប្រើថ្នាំផ្សះក្នុងការព្យាបាលជំងឺផ្ដាសាយគឺពុំមានប្រសិទ្ធភាពឡើយ។ ក្នុងករណីដែលម៉ាក់ចាំបាច់ត្រូវប្រើថ្នាំដែលគ្មានវេជ្ជបញ្ជា ដើម្បីព្យាបាលជំងឺផ្ដាសាយ ម៉ាក់គួរពិគ្រោះយោបល់ជាមួយនឹងគ្រូពេទ្យជាមុនសិន ពីព្រោះថ្នាំមួយចំនួន អាចបង្កផលប៉ះពាល់ធ្ងន់ធ្ងរអំឡុងពេលពពោះ។ ជាធម្មតា ជំងឺផ្ដាសាយភាគច្រើន នឹងបាត់ទៅវិញក្នុងរយៈពេលពី៧ ទៅ១០ថ្ងៃ។

ផ្តាសាយពេលពពោះ

ម៉ាក់គួរធ្វើដូចម្ដេចខ្លះ?

ប្រសិនបើយើងមិនស្រួលខ្លួន គួរញ៉ាំទឹក និងសម្រាកឲ្យបានច្រើន។ បន្ថែមពីនេះ ម៉ាក់ក៏អាច៖

ប្រើសេរ៉ូមប្រៃបាញ់ច្រមុះ ដើម្បីឲ្យសំបោរហូរចេញក្រៅ
ប្រើម៉ាស៊ីនបន្សុទ្ធខ្យល់នៅក្នុងបន្ទប់ដើម្បីជួយកាត់បន្ថយបញ្ហាតឹងច្រមុះ
ផឹកតែក្ដៅឧណ្ហៗដែលគ្មានជាតិកាហ្វេអ៊ីនជាមួយក្រូចឆ្មារ ឬទឹកឃ្មុំ ដើម្បីកាត់បន្ថយអាការៈឈឺបំពង់ក
ចាក់វ៉ាក់សាំងក្អកមាន់ (Tdap) នៅអំឡុងពេលពពោះចំនួន២៧ ទៅ៣៦សប្ដាហ៍។

ម៉ាក់ត្រូវទាក់ទងគ្រូពេទ្យភ្លាមៗ បើម៉ាក់មានរោគសញ្ញាមួយ ឬច្រើនក្នុងចំណោមរោគសញ្ញាខាងក្រោមនេះ៖

ក្ដៅខ្លួនលើសពី៣៨អង្សាសេ
ចេញរោគសញ្ញាលើសពី១០ថ្ងៃ ឬធ្ងន់ធ្ងរ ឬមិនប្រក្រតី
មានរោគសញ្ញានៃជំងឺផ្ដាសាយធំ
ក្អកខ្លាំង និងពិបាកដកដង្ហើម ព្រោះអាចជាសញ្ញានៃជំងឺក្អកមាន់

អត្ថបទគួរអាន៖

រដូវភ្លៀងងាយផ្តាសាយណាស់ ស្រ្តីពពោះបើកើតផ្តាសាយគួរធ្វើម៉េចល្អ?

​វិធី​បង្ការ​ជំងឺ​ផ្ដាសាយ

ការ​ព្យាបាល​ជំងឺ​ផ្ដាសាយ​អំឡុង​ពេល​មាន​គភ៌

ម៉ាក់​គួរ​ធ្វើ​ដូច​ម្ដេច​ខ្លះ​?

វិធីបង្ការជំងឺផ្ដាសាយ

ការព្យាបាលជំងឺផ្ដាសាយអំឡុងពេលមានគភ៌

ម៉ាក់គួរធ្វើដូចម្ដេចខ្លះ?