ការពពោះ គឺជាបទពិសោធន៍ដ៏អស្ចារ្យមួយសម្រាប់ស្រីៗយើង ដែលរួមផ្សំជាមួយនឹងភាពរំភើបរីករាយ និងស្រ្តេសក្នុងដំណើរការមួយនេះ។ ពិតណាស់ ម៉ាក់ត្រូវយកចិត្តទុកដាក់ទៅលើរបបអាហារ ដំណេក ការប្រើថ្នាំ និងសុខភាពផ្លូវចិត្តគ្រប់ត្រីមាសទាំងអស់ ដើម្បីបញ្ចៀសផលវិបាកផ្សេងៗ។ ដូច្នេះហើយ ដើម្បីឲ្យការពពោះវិវត្តដោយរលូន និងមានសុវត្ថិភាពគ្រប់ត្រីមាសទាំង ម៉ាក់ៗអាចអនុវត្តន៍គន្លឹះងាយៗខាងក្រោមនេះ។

គណនាទម្ងន់ស្ត្រីអំឡុងពពោះ

អំឡុងពេលត្រីមាសទី១

ចាប់ពីពេលទើបមានផ្ទៃពោះ រហូតដល់សប្តាហ៍ទី១២ ស្ត្រីពពោះគប្បី៖

ញ៉ាំអាហារបំប៉នផ្សំពីអាស៊ីដហ្វូលីក
ញ៉ាំអាហារដែលឆ្អិនល្អ
ញ៉ាំអាហារតិចតួច ប៉ុន្តែឲ្យបានញឹកញាប់
ញ៉ាំទឹកឲ្យបានច្រើន ដើម្បីរក្សាជាតិទឹកក្នុងរាងកាយ
សម្រាកឲ្យបានគ្រប់គ្រាន់
ដើរឲ្យបានរាល់ថ្ងៃ ពិសេសក្រោយញ៉ាំអាហារ
ព្យាយាមគ្រប់គ្រងស្រ្តេសឲ្យបានល្អ
ជៀសវាងប្រើប្រាស់ថ្នាំ ដោយគ្មានវេជ្ជបញ្ជា
គេងផ្អៀងទៅខាងឆ្វេង ដើម្បីបង្កើនការផ្គត់ផ្គង់ឈាមទៅកាន់ទារកក្នុងផ្ទៃ
ជៀសវាងជក់បារី កុំញ៉ាំគ្រឿងស្រវឹង និងកុំញ៉ាំជាតិកាហ្វេអ៊ីន
ជៀសវាងញ៉ាំផ្លែល្ហុងឆៅក្នុងដំណាក់កាលនេះ។

ថែទាំពេលពពោះ

អំឡុងពេលត្រីមាសទី២ និងទី៣

ត្រីមាសទី២ ចាប់ផ្តើមពីសប្តាហ៍ទី១៣ និងបញ្ចប់នៅសប្តាហ៍ទី២៦។ ចំពោះត្រីមាសទី៣ គឺរាប់ចាប់ពីសប្តាហ៍ទី២៧ ដល់ពេលដែលម៉ាក់ៗសម្រាល។ អំឡុងត្រីមាសទាំង២នេះ ស្ត្រីពពោះ អាចប្រឈមនឹងអាការៈឈឺចាប់ និងហើម។ គន្លឹះដែលយើងគួរធ្វើ៖

ញ៉ាំប្រូតេអ៊ីនឲ្យបានគ្រប់គ្រាន់
ញ៉ាំទឹកឲ្យបានគ្រប់គ្រាន់
ហាត់យូហ្គា និងសមាធិ
ជៀសវាងញ៉ាំគ្រឿងស្រវឹង កុំជក់បារី កុំប្រើប្រាស់គ្រឿងញៀន និងកុំញ៉ាំជាតិកាហ្វេអ៊ីន
ជៀសវាងរួមភេទ នៅត្រីមាសទី៣
ស្លៀកសំលៀកបំពាក់រលុងៗ
ជៀសវាងធ្វើដំណើរផ្លូវឆ្ងាយអំឡុងពេលត្រីមាសទី២ និងទី៣ ជាពិសេស ប្រសិនបើយើងមានហានិភ័យនៃជំងឺបម្រុងក្រឡាភ្លើង បែកទឹកភ្លោះមុនកំណត់ និងសម្រាលកូនមុនខែ។

អត្ថបទគួរអាន៖

ម៉ាក់ៗថែទាំខ្លួនបែបណាល្អនៅត្រីមាសទី១ដល់ទី៣? ដើម្បីសុវត្ថិភាពយើង និងទារកក្នុងផ្ទៃ

អំឡុង​ពេល​ត្រី​មាស​ទី​១

អំឡុង​ពេល​ត្រី​មាស​ទី​២ និង​ទី​៣

អំឡុងពេលត្រីមាសទី១

អំឡុងពេលត្រីមាសទី២ និងទី៣