គ្រូពេទ្យថា សម្រាលកូនរួចឆ្អើរភ្លើង គ្រោះថ្នាក់ទាំងម្ដាយទាំងកូន
បើទោះជាបច្ចេកទេសពេទ្យជឿនលឿនក៏ដោយ តែម៉ាក់ៗនៅស្រុកខ្មែរយើងមួយចំនួននៅតែប្រកាន់ខ្ជាប់របៀបបុរាណខ្លះៗ ដូចជាផឹកថ្នាំឫសឈើ និងចំណាំងឈើ ស្រាថ្នាំ ហើយរឿងមួយសំខាន់មួយទៀត គឺអាំងភ្លើងដែលនាំឲ្យប៉ះពាល់ដល់សុខភាព។ លោកវេជ្ជបណ្ឌិត ហ៊ាង រតនា ឯកទេសជំងឺទូទៅ បានឲ្យដឹងថា ទង្វើបែបនោះមិនត្រឹមតែនាំឲ្យប៉ះពាល់សុខភាពម្តាយប៉ុណ្ណោះទេ កូនតូចនៅក្បែរនោះ ក៏រងគ្រោះដូចគ្នាដែរ។
១- ផលប៉ះពាល់ចំពោះម៉ាក់ៗ
- ស្រូបជាតិពុលចូលក្នុងសួត
- ពុលផ្សែងភ្លើង
- ប៉ះពាល់ភ្នែក
- ស្ងួតស្បែក
- គ្រោះថ្នាក់ដោយការរលាក ឬឆេះជាយថាហេតុ
- សុខភាពកាន់តែខ្សោយខ្លាំងដោយខ្លួនប្រឹងទប់នឹងកម្ដៅ
- សម្ពាធឈាមចុះ
- ឈឺក្បាល វិលមុខ
- ចង់ក្អួតចង្អោរ
- ខ្សោះជាតិទឹក
- ងាយមានការធ្លាក់ឈាមក្រោយសម្រាល
- គ្មានកម្លាំងកំហែង។
២- ផលប៉ះពាល់ចំពោះកូន
ក្នុងករណីម៉ាក់ៗសម្រាលកូនហើយ ឆ្អើរភ្លើង ហើយទុកកូនតូចនៅក្បែរនោះដែរ អាចនឹងមានផលប៉ះពាល់ដូចគ្នា។
- ឈ្លក់ផ្សែងភ្លើង
- ស្រូបជាតិពុលចូលក្នុងសួត
- ប៉ះពាល់ភ្នែក
- ប៉ះពាល់ដល់ការលូតលាស់ និងខួរក្បាល។
លោកវេជ្ជបណ្ឌិតបានផ្ដាំថា ក្រោយសម្រាលកូនរួចមិនតម្រូវឲ្យមានការឆ្អើរភ្លើងនោះទេ ម៉ាក់ៗគ្រាន់តែសម្រាក និងញាំអាហារសម្បូរជីវជាតិឲ្យគ្រប់គ្រាន់។ មួយវិញទៀត ក្រោយសម្រាលកូនបានមួយសប្ដាហ៍អាចចាប់ផ្ដើមហាត់ប្រាណ និងធ្វើការងារផ្ទះតិចតួចបានហើយ ការធ្វើដូចនេះជួយឲ្យសុខភាពល្អ និងសម្រស់ត្រឡប់មកស្អាតវិញលឿន។
អត្ថបទពាក់ព័ន្ធ៖
- សម្រាលកូន (វះកាត់) អង្កាល់យកកូនមួយទៀតល្អ?
- គួរធ្វើអីខ្លះ? ត្រៀមអីខ្លះ? ទាំងមុន និងក្រោយសម្រាល
- ពីថ្ងៃពពោះដល់សម្រាល ម៉ាក់ៗឡើងគីឡូប៉ុន្មានទើបល្អ?
- មួយជីវិត ស្រីៗអាចសម្រាលកូនដោយវះកាត់ប៉ុន្មានដង?
- មាន៤ចំណុចនេះ ស្រីៗយើងមិនព្រួយរឿងពិបាកកើតកូន
- ឈប់ប្រើវិធីបុរាណនេះទៀត ព្រោះធ្វើឲ្យម៉ាក់ៗសម្រាលកូនរួច ស្អិតស្បូន
- ពេលកូនខ្ចីសាច់ឡើងសស្អាត និងម៉ដ្តរលោង បើម៉ាក់ៗអាចធ្វើរឿងទាំងនេះ
- កើតអាអូនរួច ម៉ាក់ៗនៅតែមានរាងស្អាតដូចដើម បើធ្វើតាម ៥ វិធីនេះបាន
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-pregnancy-weight-gain]
