ការឈឺពោះសម្រាលកូន មិនមែនឈឺភ្លាម សម្រាលភ្លែតនោះទេ ឯសញ្ញាឈឺពោះសម្រាលកូនទៀតសោត ក៏មិនមែនមានតែឈឺពោះមួយមុខនោះដែរ មានសញ្ញាផ្សេងៗទៀតរួមផ្សំ។ ម៉ាក់ៗពពោះកូនដំបូង ឬកៀកថ្ងៃសម្រាល ចង់ដឹងទេថា ស្ត្រីអាចសម្រាលកូននៅសប្តាហ៍ទីប៉ុន្មាន? តើសញ្ញាឈឺពោះសម្រាលកូនមានអីខ្លះ?

បើតាមការឲ្យដឹងពីប្រធានផ្នែកសម្ភព និងរោគស្ត្រី នៃមន្ទីរពេទ្យបង្អែកមិត្តភាពកម្ពុជា-ចិន សែនសុខ លោកវេជ្ជបណ្ឌិត ចាន់ ស៊ីណេត ក្បួនពេទ្យបានកំណត់រយៈពេល ៤០ សប្តាហ៍ ជាថ្ងៃគ្រប់ខែសម្រាលកូន តែបើស្ត្រីសម្រាលក្រោយ ៣៧ សប្តាហ៍ទៅ ក៏ពេទ្យចាត់ទុកថា គ្រប់ខែដែរ។

ក្នុងនោះសញ្ញាឈឺពោះសម្រាលកូន រួមមាន៖

– ឈឺចង្កេះឈឺខ្នង៖ អាការចុករួយចង្កេះខ្នង កើតមានញឹកញាប់ចំពោះស្ត្រីមានផ្ទៃពោះ តែដល់ពេលឈឺពោះសម្រាលវិញ ម៉ាក់ៗមានអាការឈឺចង្កេះផ្នែកខ្នងកាន់តែខ្លាំងឡើងៗ ដែលចាស់ៗចំណាំហៅថា លីញចង្កេះខ្នងនោះអី។ នេះដោយសារតែមុនពេលសម្រាល សាច់ដុំ និងសន្លាក់ផ្លាស់ទី និងយារ សម្រាប់ត្រៀមខ្លួនសម្រាល។

ចង់ដឹងអត្ថន័យពណ៌ និងរូបរាងលាមកទារក ចុចទីនេះ !

ចង់គណនាថ្ងៃសម្រាលកូន ចុចទីនេះ !

ចង់គណនាទម្ងន់ស្រ្តីពពោះ ចុចទីនេះ !

ចង់គណនាថ្ងៃមេជីវិតញីទុំធ្លាក់ ចុចទីនេះ !

ចង់គណនាកម្ពស់ធៀបកម្ពស់ (BMI) ចុចទីនេះ!

– សៀតពោះ ឈឺពោះ៖ ឈឺពោះសម្រាលកូន ខុសពីឈឺពោះរាករូស ដោយវាមានសណ្ឋានខ្មួលៗ។

– ធ្លាក់ទឹករម្អិល៖ ការធ្លាក់ទឹករម្អិលដែលមានសភាពខាប់ៗតាមទ្វារមាស ពេលខ្លះមានលាយឈាមតិចៗមកជាមួយ ជាសញ្ញាបញ្ជាក់ថា ការឈឺពោះសម្រាលកូនកាន់តែកៀកមែនទែនហើយ។ ជួនកាលម៉ាក់ៗនោមមានចេញលាយទឹករម្អិល និងឈាមមកជាមួយផង។

– ស្បូនកន្ត្រាក់៖ នៅដំណាក់កាលដំបូង ស្បូនកន្ត្រាក់យូរៗម្តងប៉ុណ្ណោះ តែកៀកពេលសម្រាល ឬដល់ពេលឈឺពោះកើតកូនមែនទែនហើយ ស្បូនកន្ត្រាក់កាន់តែញឹក ឈឺពោះកាន់តែខ្លាំងទៅ ដែលពេលខ្លះម៉ាក់ៗសឹងតែទ្រាំមិនបាន។

ឈឺពោះសម្រាល

– ជ្រាប ឬបែកទឹកភ្លោះ៖ បែកទឹកភ្លោះជាការបែកស្រោមទឹកភ្លោះក្នុងពោះ ហើយចេញតាមទ្វារមាស ដែលទឹកភ្លោះស្ត្រីមួយចំនួនតូចអាចបែកទឹកភ្លោះមុនសម្រាល ឯភាគច្រើនទៀតបែកទឹកភ្លោះក្នុងពេលសម្រាល៕

ចំណុចសំខាន់

អាការឈឺពោះសម្រាលកូន រួមមាន៖
– ឈឺចង្កេះឈឺខ្នង
– សៀតពោះ ឈឺពោះ
– ស្បូនកន្ត្រាក់
– ជ្រាប ឬបែកទឹកភ្លោះ

អត្ថបទគួរអាន៖

ទាំងនេះជាសញ្ញាឈឺពោះសម្រាលកូន ម៉ាក់ៗថ្មីថ្មោងគួរដឹង!

ក្នុង​នោះ​សញ្ញា​ឈឺពោះ​សម្រាល​កូន រួម​មាន៖

ចំណុចសំខាន់

ក្នុងនោះសញ្ញាឈឺពោះសម្រាលកូន រួមមាន៖