ការមានផ្ទៃពោះលើកដំបូងគឺជាពេលវេលាដ៏រំភើបបំផុតនៅក្នុងជីវិតរបស់ស្រីៗយើងគ្រប់រូប។ អំឡុងពេលពពោះនេះដែរ យើងតែងតែជួបប្រទះនូវផលវិបាក និងបញ្ហាសុខភាពជាច្រើន ហើយការថែទាំខ្លួននៅក្នុងរយៈពេលប៉ុន្មានខែនេះ មិនត្រឹមតែមានសារសំខាន់ចំពោះទារកប៉ុណ្ណោះទេ វាក៏ជះឥទ្ធិពលដល់សុខភាពរបស់ម៉ាក់ៗផងដែរ។
មាតិកា
សម្ពាធឈាមខ្ពស់ពេលពពោះដំបូង អាចបង្កើនឱកាសគាំងបេះដូង?
ប្រសិនបើយើងជួបបញ្ហាដូចជាហើមមុខ ដៃ និងជើង អំឡុងពេលពពោះ វាអាចជាសញ្ញានៃជំងឺបម្រុងក្រឡាភ្លើងដែលជាដំណើរនៃការឡើងសម្ពាធឈាមភ្លាមៗ។ ការឡើងសម្ពាធឈាមអំឡុងពេលពពោះលើកដំបូង អាចជាសញ្ញាព្រមានមួយចំពោះការកើនឡើងឱកាសនៃការគាំងបេះដូង និងស្លាប់ដោយសារជំងឺសរសៃឈាមបេះដូងដល់ទៅ៤ដង។
ប្រហែលជា២ទៅ៨% នៃស្ត្រីដែលមានផ្ទៃពោះទូទាំងពិភពលោក ត្រូវបានធ្វើរោគវិនិច្ឆ័យថា មានជំងឺបម្រុងក្រឡាភ្លើង ដែលចាប់ផ្ដើមបន្ទាប់ពីសប្ដាហ៍ពី២០នៃការពពោះ។ ទោះបីជាជំងឺបម្រុងក្រឡាភ្លើងនេះ នៅមិនទាន់ត្រូវបានកំណត់ពីមូលហេតុច្បាស់លាស់ក៏ពិតមែន ប៉ុន្តែវាអាចទាក់ទងទៅនឹងសរសៃឈាមនៃសុក ។
ក្រុមអ្នកស្រាវជ្រាវបានធ្វើការវិភាគទៅលើស្ត្រីចំនួន៦៣៦០នាក់ ដែលមានអាយុចាប់ពី១៨ឆ្នាំ ដល់៥៤ឆ្នាំ ដែលពពោះលើកដំបូង និងមានជំងឺបម្រុងក្រឡាភ្លើង ចាប់ពីឆ្នាំ១៩៩៩ ដល់ឆ្នាំ២០១៣ ចំពោះជំងឺសរសៃឈាមបេះដូង ព្រមទាំងធ្វើការប្រៀបធៀបពួកគេទៅនឹងស្ត្រីដែលពុំមានជំងឺបម្រុងក្រឡា ភ្លើង ដោយរកឃើញថា អ្នកដែលមានជំងឺនេះ អំឡុងពេលពពោះជាលើកដំបូងអាចនឹងកើតមានអាការៈគាំងបេះដូង ឬស្លាប់ដោយសារជំងឺសរសៃឈាមបេះដូងច្រើនជាងអ្នកធម្មតាដល់ទៅ៤ដងឯណោះ។
ហេតុដូច្នេះហើយ ស្រីៗយើងគួរធ្វើតេស្តរកមើលជំងឺបម្រុងក្រឡាភ្លើង នៅអំឡុងពេលមានគភ៌ ក៏ដូចជាតាមដានឲ្យបានដិតដល់ ប្រសិនបើកើតមានជំងឺនេះនៅពេលសម្រាលកូនលើកដំបូង ពីព្រោះវាក៏អាចកើតមានចំពោះការសម្រាលកូនលើកក្រោយៗទៀតផងដែរ។
អត្ថបទគួរអាន៖
- ក្រោយសម្រាលកូន បើនៅមានបញ្ហាទាំងនេះ កុំទាន់រួមដំណេក
- ស្បែកយារធ្លាក់ក្រោយសម្រាល សាកអនុវត្តតិចនិក ៥ នេះ
- ក្រោយសម្រាលកូនដើមទ្រូងឡើងសរសៃខៀវខ្វាត់ខ្វែង ធ្វើម៉េចទើបបាត់វិញ?
- ហេតុអ្វីក្រោយសម្រាលកូន ពេទ្យឲ្យម៉ាក់ៗលេបថ្នាំទម្លាក់សត្វល្អិត?
- ហេតុអីសម្រាលកូនរួច វដ្តរដូវម៉ាក់ៗមិនទៀងដូចមុន?
- សម្រាលកូនរួច ពេលណាម៉ាក់ៗអាចងូតទឹកបាន?
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
https://medicalxpress.com/news/2019-06-high-blood-pressure-pregnancy-heart.html
Chronic high blood pressure during pregnancy doubled between 2008 and 2021 in the U.S.
https://newsroom.heart.org/news/chronic-high-blood-pressure-during-pregnancy-doubled-between-2008-and-2021-in-the-u-s
High Blood Pressure in Pregnancy
https://www.myheart.org.sg/heart-news/pregnancy-blood-pressure/
High Blood Pressure During Pregnancy
https://www.cdc.gov/high-blood-pressure/about/high-blood-pressure-during-pregnancy.html
កំណែប្រែបច្ចុប្បន្ន
30/10/2024
អត្ថបទដោយ នូ សោភ័ណ្ឌ
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ នូ សោភ័ណ្ឌ
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម