អ្នកមានជំងឺ​ទឹកនោមផ្អែម គួរជៀសវាង ឬកាត់បន្ថយអាហារប្រភេទណាខ្លះ?

សម្រាប់​អ្នកមាន​ជំងឺទឹកនោមផ្អែម ជា​ការ​ណែ​នាំ​គឺត្រូវចៀស​វា​ង​អាហារ​ដែលសម្បូរ​ជាតិ​ស្ករ ឬ​កាបូអ៊ីដ្រាត ដោយ​បារម្ភ​ថាជាតិ​ស្ករ​ក្នុង​ឈាម​នឹង​កើន​ឡើងធ្វើ​ឲ្យ​ពិបាក​គ្រប់​គ្រង​។​

ចង់គណនា BMR ចុចទីនេះ!

ចង់គណនា BMI ចុចទីនេះ!

ចង់គណនារង្វាស់ចង្វាក់បេះដូង ចុចទីនេះ!

ចង់ពិនិត្យសុខភាពប្រព័ន្ធរំលាយអាហារ ចុចទីនេះ!

ជាក់ស្ដែងណាស់វិធីសាស្ដ្រការពារការកើនឡើងជាតិស្ករក្នុងឈាមខ្ពស់របស់អ្នកជំងឺទឹកនោមផ្អែម គឺការគេចឲ្យផុតពីពពួកអាហារណាមានកម្រិតកាបូអ៊ីដ្រាត​ខ្ពស់​ ព្រោះអាហារសម្បូរកាបូអ៊ីដ្រាត រាងកាយអាចបំបែក និងងាយបំប្លែងទៅជាជាតិស្ករនៅក្នុងឈាមខ្ពស់​ដែរ​។

តើគេចែកប្រភេទអាហារកាបូនអ៊ីដ្រាតប៉ុន្មានប្រភេទ?

យោងតាមរបាយការណ៍ពីម CDC អាមេរិកបានបែងចែករបបអាហារកាបូនអ៊ីដ្រាតជាបីប្រភេទសំខាន់ៗ ដូចជា៖

១.ជាតិស្ករ៖ ប្រភេទអាហារផ្ដោតសំខាន់ទៅលើកម្រិតជាតិស្ករ មិនថាជាតិស្ករធម្មជាតិចេញពីផ្លែឈើស្រស់ បន្លែ ទឹកដោះគោ និង អាហារច្នៃប៉ុណ្ណោះទេ គឺត្រូវរាប់បញ្ចូលទាំងអស់ ហើយអាចបង្កឲ្យកើនឡើងជាតិស្ករក្នុងឈាមបាន គ្រាន់តែបរិមាណតិច ឬច្រើនតែប៉ុណ្ណោះ។

២.ជាតិម្សៅ៖ អាហារដែលមានជាតិម្សៅ ក៏ជាប្រភេទអាហារដែលអាចបណ្ដាលឲ្យកម្រិតជាតិស្ករក្នុងឈាមឡើងបានដែរ ប៉ុន្ដែក្នុងកម្រិតមធ្យម។ អាហារទាំងនោះមានដូចជា ពពួកដំឡូង បាយ នំប៉័ង គ្រាប់ធញ្ញជាតិគ្រៀម ស្រស់ បន្លែ និង ពោតជាដើម។

៣.ជាតិសរសៃ៖ ដែលមាននៅក្នុងបន្លែ ផ្លែឈើស្រស់ គឺមិនបង្កឲ្យកម្រិតជាតិស្ករក្នុងឈាមឡើងខ្ពស់នោះទេ។ ថ្វីដ្បិតជាតិសរសៃអាចពន្យឺត ការបំបែកអាហារក្នុងក្រពះពោះវៀន ប៉ុន្ដែសារធាតុនេះគឺល្អសម្រាប់សុខភាពអ្នកជំងឺទឹកនោមផ្អែមប្រភេទ២។

តាមការស្រាវជ្រាវពីសាកលវិទ្យាល័យរដ្ឋ Ohio សហរដ្ឋអាមេរិក បានធ្វើការពិសោធន៍ទៅលើអ្នកស្ម័គ្រចិត្ត ១៦នាក់ ដោយតាមដានមើលពីរបបអាហាររបស់ពួកគេរយៈពេល១ខែ។ អ្នកស្ម័គ្រចិត្តពាក់កណ្តាលបរិភោគអាហារដែលមានជាតិកាបូអ៊ីដ្រាតតិចជាង ២៣៤ក្រាមក្នុងមួយថ្ងៃ និង ពាក់កណ្ដាលទៀត ញ៉ាំច្រើន ២៣៤ក្រាមក្នុងមួយថ្ងៃដូចគ្នា។

លទ្ធផលបង្ហាញថា អ្នកដែលមានរបបអាហារមានជាតិកាបូអ៊ីដ្រាតតិច មានសុខភាពល្អប្រសើរ កូលេស្ដេរ៉ូលក្នុងឈាមក៏ថយចុះ ពិសេសជួយឲ្យអាំងស៊ុយលីនក្នុងខ្លួនអាចគ្រប់គ្រងជាតិស្ករបានយ៉ាងល្អ ហើយលទ្ធផលនេះផ្ទុយពីអ្នកដែលញ៉ាំអាហារសម្បូរជាតិកាបូអ៊ីដ្រាតច្រើន។ ដូច្នេះប្រភេទអាហារដែលសម្បូរកាបូនអ៊ីដ្រាតគឺ មិនល្អសម្រាប់សុខភាពអ្នកកើតជំងឺទឹកនោមផ្អែមប្រភេទ២ឡើយ។

ជារួមគួរកត់សម្គាល់ថា អាហារដែលសម្បូរជាតិកាបូអ៊ីដ្រាត ហើយប៉ះពាល់ដល់សុខភាពខ្លាំងគឺមានក្នុងប្រភេទអាហារផ្សំពីគ្រាប់ធញ្ញជាតិដូចជា នំប៉័ង ដំឡូងបារាំងបំពង អាហារដែលមានជាតិស្ករ នំស្រួយ នំផ្អែម អាហារកែច្នៃ និង ស្រាបៀរ ជាដើម។