កំពូលអាហារ ៦ ប្រភេទ ជួយកាត់បន្ថយហានិភ័យកើតជំងឺមហារីក

ជំងឺ​មហារីក​អាចកើតឡើងដោយសាររបបអាហារដែលយើងញុំា។ ផ្ទុយមកវិញ របបអាហារមួយ ចំនួនក៏អាចជួយ​ការពារ និង​ប្រឆាំង​នឹង​ជំងឺមហារីក​បានដែរ។ តើរបបអាហារអ្វីខ្លះមានឥទ្ធិពល ជួយកាត់បន្ថយជំងឺមហារីក?

១. ផ្លែឈើអម្បូរបឺរី

ផ្លែឈើអម្បូរបឺរីមានដូចជា ផ្លែស្ត្របឺរី ប្លូបឺរី ប្លែកបឺរី រាសបឺរី ក្រេនបឺរី និងផ្លែមនជាដើមមានផ្ទុក សារធាតុប្រឆាំងអុកស៊ីតកម្មដូចជា Phytonutrients, Anthocyanins, Resveratrol និងអាស៊ីដ Allagic ដែលអាចពន្យឺត បញ្ឈប់ និងការពារការរីកលូតលាស់នៃដុំសាច់។ ផ្លែឈើអម្បូរបឺរីអាច កាត់​បន្ថយ​ហានិភ័យ​នៃ​ការ​កើតជំងឺ​មហារីក​សួត ក្រពះ និង​មាត់។ នេះ​បើ​តាម​ការ​សិក្សា​​រាប់រយ​របស់​មូលនិធិ​ស្រាវជ្រាវ​មហារីក​ពិភពលោក និង​វិទ្យាស្ថាន​អាមេរិក​សម្រាប់​ការ​ស្រាវជ្រាវ​មហារីក។

២. ស្ពៃក្តោបពណ៌ស្វាយ និងផ្កាខាត់ណាខៀវ

ស្ពៃក្តោបពណ៌ស្វាយ និងផ្កាខាត់ណាខៀវសម្បូរទៅដោយសារធាតុ Anthocyanins , Sulforaphane និង Indole-3-carbinol ដែលជួយដល់ការជួសជុល DNA នៅក្នុងកោសិកា រាងកាយ និងរារាំងការលូតលាស់នៃកោសិកាមហារីក។

៣. បន្លែស្លឹកបៃតង

បន្លែស្លឹកបៃតងអាចជួយកាត់បន្ថយហានិភ័យកើតជំងឺមហារីក ព្រោះសម្បូរទៅដោយសារធាតុ ហ្វូឡា ដែលជួយដល់ការបង្កើត DNA ចម្លង DNA បានត្រឹមត្រូវ ហើយក្នុងករណីខ្លះអាចជួយ ជួសជុល DNA ទៀតផង ។ ការប្រែប្រួល DNA ក្នុងរាងកាយអាចប្រែក្លាយកោសិកាធម្មតាទៅ ជាកោសិកាមហារីក។

ចង់គណនា BMR ចុចទីនេះ!

ចង់ពិនិត្យជំងឺមហារីកសុដន់ ចុចទីនេះ!

ចង់ពិនិត្យជំងឺមហារីកមាត់ស្បូន ចុចទីនេះ!

ចង់គណនាថ្ងៃមេជីវិតញីទុំធ្លាក់ ចុចទីនេះ!

៤. សណ្តែក

សណ្តែកសម្បូរទៅដោយសារធាតុ៖

• Protease inhibitors, Phytates៖ អាចពន្យឺត និងការលូតលាស់ដុំសាច់
• ម៉ង់ហ្គាណែស៖ ជួយបង្កើតអង់ស៊ីមការពារកោសិកាពីការបំផ្លាញ
• Kaempferol និង Quercetin៖ មានលក្ខណៈសម្បត្តិប្រឆាំងអុកស៊ីតកម្ម និងប្រឆាំងនឹងការរលាក
• សារធាតុ Flavonoids៖ មាននៅក្នុងស្រទាប់សណ្តែកខាងក្រៅក៏ជាសារធាតុប្រឆាំង អុកស៊ីតកម្មដ៏អស្ចារ្យដែរ។

៥. អាស៊ីដខ្លាញ់អូមេហ្កា ៣

អាស៊ីដខ្លាញ់អូមេហ្កា ៣​ មានក្នុងផ្លែប័រ គ្រាប់ខួរក្បាល គ្រាប់ឈៀ ប្រេងអូលីវ ត្រីសាល់មុន ត្រីធូណាជាដើម អាចកាត់បន្ថយទំហំនៃដុំសាច់មហារីក។ រាងកាយយើងត្រូវការអាស៊ីដខ្លាញ់ អូមេហ្កា ៣ សម្រាប់ដំណើរការប្រព័ន្ធសរសៃប្រសាទ និងអភិវឌ្ឍកោសិកា។ ការស្រាវជ្រាវបាន រកឃើញថា អាស៊ីដខ្លាញ់អូមេហ្កា ៣ អាចកាត់បន្ថយការប្រមូលផ្តុំកោសិកាឈាមស ភាពតានតឹងអុកស៊ីតកម្ម (Oxidative stress) ក៏ដូចជាការរលាកទូទៅ ដែលជំនួយដល់ការ កាត់បន្ថយការរីកលូតលាស់នៃដុំសាច់មហារីក។

៦. អាហារសម្បូរសារធាតុ Carotenoids

សារធាតុប្រឆាំងអុកស៊ីដកម្ម Carotenoids សម្បូរនៅក្នុងអាហារមានពណ៌ទឹកក្រូច និងក្រហម ដូចជា ការ៉ុត ប៉េងប៉ោះ ល្ហុង ដំឡូងជ្វា មើមយេនជាដើម។ សារធាតុប្រឆាំងអុកស៊ីតកម្មជួយ ការពារកោសិការពីការខូចខាតដែលអាចប្រែក្លាយទៅជាកោសិកាមហារីក។

ថ្វីត្បិតតែអាហារដូចរៀបរាប់ខាងដើមអាចជួយកាត់បន្ថយហានិភ័យកើតជំងឺមហារីក តែជំងឺ មហារីកអាចបង្កឡើងដោយកត្តាជាច្រើន។ អ្នកវិទ្យាសាស្រ្ត និងគ្រូពេទ្យបានណែនាំថា ដើម្បី កាត់បន្ថយជំងឺមហារីក យើងត្រូវចៀសវាងអាហារ និងកត្តាបង្កជំងឺមហារីក រក្សាគីឡូឱ្យស្ថិតក្នុង រង្វង់ល្អចំពោះសុខភាព និងហាត់ប្រាណជាប្រចាំ។

អត្ថបទគួរអាន៖

• ផ្លែមន មានប្រយោជន៍ច្រើនយ៉ាងដល់សុខភាពរាងកាយ
• កន្ទួតព្រៃមានប្រយោជន៍ដល់បេះដូង និងប្រព័ន្ធភាពស៊ាំ
• ដំណើបខ្មៅជួយរក្សាទម្ងន់ និងមានអត្ថប្រយោជន៍ជាច្រើនដល់សុខភាព
• បន្លែ-ផ្លែឈើពណ៌សល្អចំពោះបេះដូង និងសុខភាព
• ជីរខិនឆាយផ្តល់ប្រយោជន៍ ៧ យ៉ាងដល់សុខភាព
• ចូលចិត្តញុំាទឹកប៉េងប៉ោះ អានអត្ថបទនេះសិន