គេងមិនលក់ អាចបណ្តាលមកពីកត្តាជាច្រើនយ៉ាង រាប់ទាំងការសម្លឹងមើលអេក្រង់ទូរសព្ទដល់យប់ៗជ្រៅផង។ តែយ៉ាងណាមិញ យើងក៏អាចមានវិធីដោះស្រាយបានដោយខ្លួនឯង តាមរយៈការស្រាវជ្រាវជាច្រើនបង្ហាញថា ការទទួលទានភេសជ្ជៈទាំងនេះ អាចជួយឱ្យការគេងរបស់យើងបានប្រសើរ ដោះស្រាយបញ្ហា គេងមិនលក់ ពិសេសជួយឱ្យគេងបានលក់ស្កប់ស្កល់ឡើងវិញ។
១. ទឹកដោះគោក្តៅឧណ្ហៗ
ទឹកដោះគោក្តៅឧណ្ហៗ ជាជម្រើសភេសជ្ជៈល្អបំផុត ដែលជំរុញឱ្យអ្នកទទួលបានដំណេកលង់លក់ ស្កប់ស្កល់។ នៅក្នុងទឹកដោះគោ ផ្ទុកនូវសារធាតុអាមីណូអាស៊ីត Tryptophan ដែលជួយជំរុញអ័រម៉ូនសេរ៉ូតូនីន (អ័រម៉ូនរីករាយ) នៅក្នុងខួរក្បាល ដែលជួយឱ្យរាងកាយទទួលអារម្មណ៍បានល្អៗប្រសើរ ធ្វើឱ្យអ្នកបានគេងលង់លក់។
អត្ថបទពាក់ព័ន្ធ៖
- ពេលវេលាគេងសម្រាប់ក្មេងៗ អាស្រ័យលើអាយុ ចុះជាមធ្យមក្មេងត្រូវគេងប៉ុន្មានម៉ោងទើបត្រឹមត្រូវ?
- គេងមិនលក់ នាំឲ្យមានបញ្ហាសុខភាពទាំងនេះ
២. ទឹកតែជីអង្កាម
ទឹកតែជីអង្កាមមិនត្រឹមតែជួយបំបាត់អាការៈឆ្អល់ពោះ ឈឺពោះ តែប្រភេទតែនេះ សម្បូរដោយសារធាតុប្រឆាំងនឹងដំណើររលាកក្នុងរាងកាយ។ ដូចនេះ ភេសជ្ជៈពិសេសមួយនេះ ជួយសម្រាលសាច់ដុំពីភាពចុករួយ ឈឺចាប់ នឹងជួយឱ្យរាងកាយបានសម្រាក។ ប្រសិនបើ យើងត្រូវមានថ្ងៃប្រលងស្អែក ឬឡើងធ្វើបទបង្ហាញ ត្រូវការសម្រាក តែជួបបញ្ហារសាប់រសល់គេងមិនលក់ ភេសជ្ជៈនេះ ជាជម្រើសល្អបំផុត។
៣. ទឹកផ្លែឈេរី (Cherry)
ដូចទៅនឹងទឹកដោះគោដែរ ទឹកផ្លែឈេរី ផ្ទុកនូវសារធាតុអាមីណូអាស៊ីត Tryptophan ជួយជំរុញរាងកាយយើងឱ្យផលិតអ័រម៉ូន មេឡាតូនីន ជួយបង្កើនគុណភាពដំណេករបស់យើង។ ឆ្លងតាមការសិក្សា ទឹកផ្លែឈើនេះ ជួយដោះស្រាយបញ្ហាគេងមិនលក់ ដោយប្រសិទ្ធភាព។
៤. ទឹកដូង
ពិតណាស់ទឹកដូង មានទាំងជាតិ ម៉ាញ៉េស្យូម និងប៉ូតាស្យូម ដែលជាតិរ៉ែខនិជទាំងពីរនេះ ជួយឱ្យសាច់ដុំសម្រាក (ធូរស្បើយ) នាំឱ្យការទទួលទានដំណេករបស់យើងបានល្អប្រសើរ។ មិនតែប៉ុណ្ណោះទឺកដូង ដែលមាននូវជាតិអេឡិចត្រូលីតធម្មជាតិ ជួយបន្ថយសម្ពាធឈាម ព្រមទាំងបំបាត់អាការៈហើមក្រលៀនទៀតផង។
អត្ថបទពាក់ព័ន្ធ៖
- ក្មេងអាយុ ៣-៤ ឆ្នាំ ក្នុង១ថ្ងៃ គួរឲ្យគេងប៉ុន្មានម៉ោង លេងប៉ុន្មាន ទើបល្អ?
- ឲ្យកូនគេងផ្កាប់ មានទាំងផលល្អ និងអាក្រក់
- បើកូនគេងអត់តុក្កតាមិនបាន ហើយរករឿងច្រើន សាកវិធីទាំងនេះ
៥. ភេស្ជជៈចេកក្រឡុក ជាមួយនឹងទឹកអាល់មុន (Almond)
ក៏ដូចគ្នានឹងភេសជ្ជៈមុនៗដែរ ចេកក៏មានផ្ទុកនូវអាមីណូអាស៊ីត Tryptophan ថែមទាំងមានរ៉ែប៉ូតាស្យូម និងម៉ាញ៉េស្យូមជួយបន្ធូរបន្ថយអាការៈឈឺចាប់សាច់ដុំ។ បន្ថែមពីនេះ ផ្លែឈើនេះ សម្បូរជាតិកាកសរសៃ (Fiber) និងកាបូនអ៊ីដ្រាត ដែលជួយបំពេញក្រពះ មិនឱ្យឃ្លាន នាំឱ្យអាការៈរសាប់រសល់គេងមិនលក់ បាត់ទៅឆ្ងាយ និងជួយឱ្យយើងគេងបានលក់ស្កប់ស្កល់៕
អត្ថបទពាក់ព័ន្ធ៖
- គេងតិច ឬច្រើនពេក ប៉ះពាល់ដល់ការចងចាំ! ចឹងគេងប៉ុន្មានម៉ោងល្អ?
- តិចអត់ជឿទៅ! ស្រីៗគេងក្នុងបន្ទប់មានពន្លឺភ្លើង នឹងឡើងគីឡូ
- មិនចង់មានបញ្ហា ពេលកូនតូចគេង ម៉ាក់ប៉ាប្រយ័ត្នរឿង៤យ៉ាងនេះ
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-bmr]
