ការសិក្សាថ្មីមួយបានរកឃើញថាញ៉ាំផ្លែបឺរពីរពេលក្នុងមួយសប្ដាហ៍ បានជួយកាត់បន្ថយហានិភ័យគាំងបេះដូងបានរហូតដល់ជាង ២០ភាគរយ បើធៀបទៅនឹងអ្នកដែលមិនសូវបានញ៉ាំផ្លែបឺរ។
មាតិកា
ការសិក្សា៖ ញ៉ាំផ្លែបឺរពីរដងក្នុងមួយសប្ដាហ៍ កាត់បន្ថយហានិភ័យគាំងបេះដូង
ជំងឺបេះដូង ជាប្រភេទជំងឺមួយដែលនាំមុខគេបណ្ដាលឲ្យមនុស្សស្លាប់ច្រើននៅលើពិភពលោក។ អង្គការសុខភាពពិភពលោកបានប៉ាន់ប្រមាណថាអ្នកស្លាប់ដោយសារជំងឺបេះដូងមានប្រហែល ១៨លាននាក់ក្នុងមួយឆ្នាំៗ។
ការសិក្សាបានរកឃើញថាការញ៉ាំផ្លែបឺរប្រហែល ៨០ក្រាមចំនួនពីរដងក្នុងមួយសប្ដាហ៍ អាចកាត់បន្ថយហានិភ័យបញ្ហាគាំងបានដូងបាន ២១ភាគរយ បើធៀបទៅនឹងអ្នកមិនញ៉ាំ ឬមិនសូវញ៉ាំផ្លែឈើមួយប្រភេទនេះ។
ការសិក្សានេះបានធ្វើឡើងដោយមានអ្នកចូលរួមចំនួន ៦៨ ០០០នាក់ជាស្រ្តី និង៤១ ០០០នាក់ជាបុរស ហើយអ្នកចូលរួមជាមនុស្សដែលគ្មានជំងឺមហារីក ជំងឺសរសៃឈាមបេះដូង និងជំងឺស្រ្តូកឡើង។ ក្នុងរយៈពេល ៣០ឆ្នាំ នៃការសិក្សា អ្នកចូលរួមត្រូវបំពេញកម្រងសំនួរទាក់ទងនឹងរបបអាហាររាល់បួនឆ្នាំម្ដង។ ជាលទ្ធផល ដែលសារព័ត៌មាន CNN ចុះផ្សាយនៅថ្ងៃទី៣០ ខែមីនា ឆ្នាំ២០២២ បានបង្ហាញថា អ្នកដែលបានញ៉ាំផ្លែបឺរពីរដងក្នុងមួយសប្ដាហ៍ បានកាត់បន្ថយហានិភ័យបញ្ហាគាំងបេះក្នុងរង្វង់២០ភាគរយ បើធៀបទៅនឹងអ្នកមិនញ៉ាំ។
ទន្ទឹមនឹងនេះដែរ ក្រុមអ្នកជំនាញបានណែនាំថា ដើម្បីការពារសុខភាពបេះដូង យើងគ្រប់គ្នាគួរថែរក្សាទម្ងន់ខ្លួនឲ្យស្ថិតក្នុងកម្រិតសុខភាពល្អ គ្រប់គ្រងសម្ពាធឈាម និងកូលេស្តេរ៉ូលឲ្យបានល្អ គេងឲ្យបានគ្រប់គ្រាន់ ហាត់ប្រាណជាប្រចាំ កាត់បន្ថយស្រ្តេស កម្រិតការផឹកគ្រឿងស្រវឹង កុំជក់បារី ញ៉ាំបន្លែ ផ្លែឈើឲ្យបានច្រើន និងកាត់បន្ថយការញ៉ាំអាហារមានជាតិស្ករ និងខ្លាញ់ច្រើន។
អត្ថបទគួរអាន៖
- អាការៈគាំងបេះដូងរបស់ស្រ្តីអាចខុសពីបុរស ត្រូវកត់ចំណាំ
- ខ្វះឈាមទៅចិញ្ចឹមបេះដូង អាចចេញរោគសញ្ញាទាំងនេះ
- ទម្លាប់មិនល្អទាំង៦ បំផ្លាញសុខភាពបេះដូងដោយមិនដឹងខ្លួន
- ផ្លែឈើទាំង៨មុខនេះ ល្អសម្រាប់សុខភាពបេះដូង
- ឈឺទ្រូងផ្នែកកណ្ដាល ឬខាងឆ្វេង ប្រយ័ត្នជំងឺសរសៃឈាមបេះដូង
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Eating 2 servings a week of 1 fatty fruit can reduce heart attack risk, study says, https://edition.cnn.com/2022/03/30/health/avocado-heart-attack-wellness/index.html
How to Prevent Heart Disease, https://medlineplus.gov/howtopreventheartdisease.html
Prevent Heart Disease, https://www.cdc.gov/heartdisease/prevention.htm
Eating an avocado once a week may lower heart disease risk, https://www.heart.org/en/news/2022/03/30/eating-an-avocado-once-a-week-may-lower-heart-disease-risk
កំណែប្រែបច្ចុប្បន្ន
31/03/2022
អត្ថបទដោយ ទូច សុខា
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ ទូច សុខា
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម