ជំងឺបេះដូងនៅតែជាមូលហេតុចម្បងទី១ ដែលនាំឲ្យមានការបាត់បង់ជីវិតនៅក្នុងសហរដ្ឋអាមេរិក ហើយរបាយការណ៍ថ្មីមួយបានបង្ហាញថា ស្ត្រីជាភេទដែលងាយប្រឈមនឹងជំងឺមួយនេះច្រើនជាងបុរសទៅទៀត។ ការសិក្សាមួយដែលចេញផ្សាយក្នុងទស្សនាវដ្ដីCirculation របស់សមាគមបេះដូងអាមេរិកបានរកឃើញថា ស្ត្រីប្រឈមនឹងហានិភ័យកើនឡើងចំនួន២០% នៃការវិវត្តទៅជាជំងឺខ្សោយបេះដូង ឬស្លាប់ក្នុងរយៈពេល៥ឆ្នាំ បន្ទាប់ពីការគាំងបេះដូងធ្ងន់ធ្ងរលើកដំបូង បើធៀបនឹងបុរស។
មាតិកា
ស្រ្តីងាយប្រឈមជំងឺខ្សោយបេះដូង ឬស្លាប់ដោយគាំងបេះដូងច្រើនជាងបុរស
ទន្ទឹមនឹងនេះដែរ ជំងឺខ្សោយបេះដូងនៅតែមានកម្រិតខ្ពស់ចំពោះស្ត្រីជាងបុរស អំឡុងពេលសម្រាកព្យាបាលនៅមន្ទីរពេទ្យ និងក្រោយចេញពីមន្ទីរពេទ្យ។ លើសពីនេះ ស្ត្រីក៏មានអត្រាខ្ពស់នៃការស្លាប់ដោយគាំងបេះដូងធ្ងន់ធ្ងរជាងបុរសផងដែរ។ សមាគមបេះដូងអាមេរិក បានឲ្យដឹងថា រោគសញ្ញាគាំងបេះដូងភាគច្រើនដែលកើតលើស្ត្រីគឺឈឺទ្រូង ហត់ ចង្អោរ ឬក្អួត និងឈឺខ្នង ឬឈឺថ្គាម។ ប៉ុន្តែ ស្រីៗយើងតែងតែពន្យារពេលក្នុងការស្វែងរកការព្យាបាលនៅពេលដែលមានរោគសញ្ញាគាំងបេះដូង ដោយយល់ថាទាំងនេះ គឺជារោគសញ្ញាធម្មតា ដូចជាចាល់ទឹកអាស៊ីដប៉ុណ្ណោះ។
អត្ថបទគួរអាន៖
- ទម្លាប់មិនល្អទាំង៦ បំផ្លាញសុខភាពបេះដូងដោយមិនដឹងខ្លួន
- ខ្វះឈាមទៅចិញ្ចឹមបេះដូង អាចចេញរោគសញ្ញាទាំងនេះ
- ផ្លែឈើទាំង៨មុខនេះ ល្អសម្រាប់សុខភាពបេះដូង
- ឈឺទ្រូងផ្នែកកណ្ដាល ឬខាងឆ្វេង ប្រយ័ត្នជំងឺសរសៃឈាមបេះដូង
- គ្រឿងផ្សំក្នុងអាហារ ៣មុខ អាចធ្វើឲ្យបេះដូងលោតខុសធម្មតា
- ធ្វើការពីផ្ទះ មុខកុំព្យូទ័រយូរម៉ោង អាចប្រឈមជំងឺបេះដូង
ក្រោយពេលកើតមានអាការៈគាំងបេះដូងរួច ស្រីៗតែងតែមិនសូវយកចិត្តទុកដាក់ចំពោះការប្រើប្រាស់ថ្នាំតាមវេជ្ជបញ្ជា និងចុះឈ្មោះក្នុងការរៀនពង្រឹងចលនាបេះដូង ។ លោកវេជ្ជបណ្ឌិត Gregg Fonarow ប្រធានផ្នែកជំងឺបេះដូងនៃសាកលវិទ្យាល័យកាលីហ្វ័រញ៉ាមានប្រសាសន៍ថា លោកសង្ឃឹមថា ការសិក្សានេះនឹងជំរុញឲ្យអ្នកជំងឺដែលជាស្ត្រី ចាត់វិធានការដើម្បីកែលម្អសុខភាពបេះដូង ក៏ដូចជាអាចរំលឹកដល់ក្រុមគ្រូពេទ្យឲ្យពិនិត្យឡើងវិញ ព្រមទាំងយកចិត្តទុកដាក់បន្ថែមទៀត ចំពោះអាការៈគាំងបេះដូងនៃអ្នកជំងឺដែលជាស្ត្រី។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Women are more likely than men to develop heart failure or die after a heart attack, study says
https://www.usatoday.com/story/news/health/2020/11/30/women-more-likely-than-men-die-after-heart-attack-aha-study-says/6464145002/
Women found to be at higher risk for heart failure and heart attack death than men
https://newsroom.heart.org/news/women-found-to-be-at-higher-risk-for-heart-failure-and-heart-attack-death-than-men
Study Shows Why Women are More Likely to Die After Heart Attack Than Men
https://www.medindia.net/news/study-shows-why-women-are-more-likely-to-die-after-heart-attack-than-men-206191-1.htm
Women or Men — Who Has a Higher Risk of Heart Attack?
https://health.clevelandclinic.org/women-men-higher-risk-heart-attack/
កំណែប្រែបច្ចុប្បន្ន
04/07/2022
អត្ថបទដោយ នូ សោភ័ណ្ឌ
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ ទូច សុខា
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម