ហេតុអ្វីអ្នកខ្លះតែងតែ​ឈឺពោះក្រោយញ៉ាំអាហាររួច?

គ្នា​យើង​មួយ​ចំនួន​អាច​មាន​អាការៈ​ឈឺ​ពោះ​ ក្រោយ​ញ៉ាំ​អាហារ​រួច ដែល​​បញ្ហា​នេះ​បណ្ដាល​មក​ពី​អាហារ​ដែល​យើង​ញ៉ាំ​តែ​ម្ដង​។ ប៉ុន្តែ បើ​យើង​ឈឺ​ពោះ​ញឹកញាប់​ក្រោយ​ញ៉ាំ​អាហារ នោះ​អាច​ជា​បញ្ហា​សុខភាព​ធ្ងន់ធ្ងរ​ ដែល​យើង​ចាំបាច់​ត្រូវ​យក​ចិត្ត​ទុក​ដាក់។

មួយ​វិញ​ទៀត ប្រសិនបើ​យើង​មាន​រោគសញ្ញា​ខាង​ក្រោម​នេះ គួរ​តែ​ពិគ្រោះ​យោបល់​ជាមួយ​នឹង​គ្រូពេទ្យ​ភ្លាម​៖

• ឈឺពោះ​ខ្លាំង​
• លាមក​មាន​ឈាម​
• ក្អួត ឬ​រាករូស​
• ស្រក​ទម្ងន់​ដោយ​គ្មាន​មូលហេតុ​

រោគសញ្ញា​នៃ​ការ​ឈឺ​ពោះ​ក្រោយ​ញ៉ាំ​អាហារ​រួច​

ភាគ​ច្រើន​ មូលហេតុ​នៃ​បញ្ហា​រំលាយ​អាហារ​ក្រោយ​ញ៉ាំ​អាហារ​រួច​ មិន​គួរ​ឲ្យ​ព្រួយ​បារម្ភ​ឡើយ​។ យ៉ាង​ណា​មិញ ប្រសិន​បើ​យើង​ឈឺ​ពោះ​ខ្លាំង ភ្លាម​ៗ ឬ​មាន​រយៈពេល​យូរ​នោះ​ យើង​គួរ​តែ​ទៅ​ពិគ្រោះ​ជាមួយ​នឹង​គ្រូពេទ្យ​ឲ្យ​បាន​ឆាប់​​កាន់​តែ​ប្រសើរ​។

កម្មវិធីពិនិត្យ​សុខភាពក្រពះពោះវៀនអនឡាញ

កម្មវិធីពិនិត្យ​​ជំងឺ​រលាក​ពោះ​វៀន​រ៉ាំរ៉ៃ​អនឡាញ

សញ្ញា​ព្រមាន​ទូទៅ​មួយ​ចំនួន​នៃ​ការ​ឈឺ​ពោះ​ ក្រោយ​ញ៉ាំ​អាហារ​ រួម​មាន៖

• ហើម​ពោះ​
• ទល់​លាមក​
• ក្រហាយ​ទ្រូង​
• ចង្អោរ​

រោគសញ្ញា​ដទៃ​ទៀត និង​សញ្ញា​ព្រមាន​ដែល​ទាក់ទង​នឹង​ការ​ឈឺ​ពោះ​ក្រោយ​ញ៉ាំ​អាហារ​រួច​៖

• ជំងឺ​ខាន់​លឿង
• ​ក្អួត
• គ្រុន​ក្ដៅ

មូលហេតុ​នៃ​ការ​ឈឺ​ពោះ ក្រោយ​ញ៉ាំ​អាហារ​រួច​

ពិត​ណាស់​ មាន​លក្ខខណ្ឌ​ជា​ច្រើន​ដែល​អាច​ធ្វើ​ឲ្យ​យើង​ឈឺ​ក្រពះ ឬ​ឈឺ​ពោះ​ក្រោយ​ញ៉ាំ​អាហារ​រួច​ ដែល​មាន​ដូចជា៖

• ​បណ្ដុំ​រោគសញ្ញា​នៃ​ជំងឺ​រលាក​ពោះវៀនរុាំរៃ
• ពិបាក​រំលាយ​អាហារ​
• រលាក​លំពែង​ស្រួចស្រាល់
• ជំងឺ​រលាក​ខ្នែង​ពោះវៀន
• ដំបៅ​ក្រពះ​
• រលាក​ថង់​ទឹក​ប្រមាត់

គន្លឹះ​ដោះស្រាយ​អាការៈ​ឈឺ​ពោះ ក្រោយ​ញ៉ាំ​អាហារ​

ក្នុង​ករណី​ស្រាល​ គ្រូពេទ្យ​អាច​ណែនាំ​ឲ្យ​យើង​ញ៉ាំ​អាហារ​តិចតួច​ ប៉ុន្តែ​ញឹកញាប់​ រហូត​ដល់​យើង​ស៊ាំ​ទៅ​នឹង​អាហារ​។ បន្ថែម​ពី​នេះ យើង​គួរ​តែ​ញ៉ាំ​ភេសជ្ជៈ​កីឡា ស៊ុប និង​ទឹក​ផ្លែឈើ (លែង​លើក​ទឹក​ក្រូច​ឆ្មារ) ទើប​​​ជា​​ការ​ប្រសើរ​។

អត្ថបទគួរអាន៖

• ប្រភេទអាហារទាំងនេះ មិនគួរញុំាក្នុងពេលជាមួយគ្នា អាចពិបាករំលាយ
• អាហារយើងញ៉ាំត្រូវការពេលប៉ុន្មានទើបរំលាយអស់?​
• ម៉េចបានកើតស្ត្រេស អាចបង្កឲ្យ​មានបញ្ហាក្រពះពោះវៀន?
• ដើរបន្តិចបន្តួចក្រោយញ៉ាំអាហារ​មានប្រយោជន៍ដល់ក្រពះពោះវៀន
• ញ៉ាំផ្លែម្នាស់អាចជួយពង្រឹងប្រព័ន្ធភាពស៊ាំ និងប្រព័ន្ធរំលាយអាហារ
• សុខភាពពោះវៀនល្អ ផ្ដល់គុណប្រយោជន៍​ច្រើន​ដល់រាងកាយ