ជំងឺអេដស៍ នៅតែជាបញ្ហាប្រឈមសម្រាប់កម្ពុជា ដោយសារតែមានអ្នកឆ្លងថ្មីចំនួន៤នាក់ក្នុង១ថ្ងៃ និងមានចំនួនអ្នកស្លាប់៣នាក់ក្នុង១ថ្ងៃ ស្របពេលដែលកំណើននៃការឆ្លងថ្មីទាំងនោះ គឺស្ថិតក្នុងចំណោមបុរស និងក្មេងប្រុស ដែលស្រឡាញ់ភេទដូចគ្នា ដែលមានរហូតដល់៧៩% ក្នុងចំណោមអ្នកផ្ទុកមេរោគអេដស៍សរុប ៧៦ ០០០នាក់។ នេះបើយោងទៅតាមរបាយការណ៍ដែល Hello គ្រូពេទ្យ ទទួលបានកាលពីល្ងាចថ្ងៃទី៣០ ខែវិច្ឆិកា ឆ្នាំ២០២៣។
ចង់គណនារង្វាស់ចង្វាក់បេះដូង ចុចទីនេះ!
ចង់ពិនិត្យសុខភាពប្រព័ន្ធរំលាយអាហារ ចុចទីនេះ!
ចង់ពិនិត្យជំងឺមហារីកមាត់ស្បូន ចុចទីនេះ!
ចង់ពិនិត្យជំងឺមហារីកក្រពេញអូវែ ចុចទីនេះ!
លោកអៀង មូលី ប្រធានអាជ្ញាធរជាតិប្រយុទ្ធនឹងជំងឺអេដស៍ បានថ្លែងក្នុងទិវាពិភពលោកប្រយុទ្ធនឹងជំងឺអេដស៍ ឆ្នាំ២០២៣ បានថ្លែងថា៖ «យោងតាមប្រភពទិន្នន័យសង្ខេបឆ្នាំ២០២២ របស់មជ្ឈមណ្ឌលជាតិប្រយុទ្ធនឹងជំងឺអេដស៍ សើស្បែក និងកាមរោគ និងអង្គការ UNAIDS បានឱ្យដឹងថា ចំនួនប៉ាន់ស្មានអ្នកផ្ទុក មេរោគអេដស៍សរុប មានប្រមាណ ៧៦.០០០នាក់»។
លោកបានបន្តថា៖ «ចំនួនប៉ាន់ស្មាននៃអ្នកឆ្លងថ្មី មាន ១.៤០០នាក់ (មានការកើនឡើង ៣០០នាក់ បើប្រៀបធៀបនឹងតួលេខក្នុងឆ្នាំកន្លងទៅ ដែលមានត្រឹមតែ ១.១០០នាក់ប៉ុណ្ណោះ) និងអ្នកស្លាប់មានចំនួន ១.១០០នាក់ ( ឬមានមនុស្ស៤នាក់បានឆ្លងថ្មីក្នុង១ថ្ងៃ និងមានមនុស្សស្លាប់ដោយសារជំងឺអេដស៍ ៣នាក់ក្នុង១ថ្ងៃ)។ ការវិភាគក៏បានបង្ហាញថា កំណើននៃការឆ្លងមេរោគអេដស៍ថ្មីគឺស្ថិតក្នុងចំណោមបុរស និងក្មេងប្រុស មានចំនួន៧៩%»។
[embed-health-tool-bmi]
ប៉ុន្តែ បើយោងទៅតាមរបាយការណ៍ដដែល កម្ពុជា ក៏សម្រេចបានសមិទ្ធផលដ៏គួរឲ្យកត់សម្គាល់ផងដែរ ក្នុងគោលដៅយុទ្ធសាស្ត្រ ៩៥‐៩៥‐៩៥ ដែលឈានដល់ការលុបបំបាត់អេដស៍នៅកម្ពុជា ត្រឹមឆ្នាំ២០២៥។
សម្រាប់គោលដៅ ៩៥ទី១ ដែលមានន័យថា ៩៥%នៃអ្នកដែលផ្ទុកមេរោគអេដស៍ទាំងអស់ បានដឹងពីស្ថានភាពផ្ទុកមេរោគអេដស៍ពួកគេ កម្ពុជា សម្រេចបានត្រឹមតែ៨៦%ប៉ុណ្ណោះ។
ប៉ុន្តែ សម្រាប់គោលដៅ ៩៥ទី២ ដែលមានន័យថា ៩៥% នៃអ្នកផ្ទុកមេរោគអេដស៍ដែលបានធ្វើរោគវិនិច្ឆ័យ និង ទទួលការព្យាបាលដោយឱសថប្រឆាំងនឹងមេរោគអេដស៍ជាប់ជាប្រចាំ កម្ពុជាសម្រេចបានដល់ទៅ៩៩% ហើយ ៩៥ទីបី ដែលសម្តៅលើ ៩៥% នៃអ្នកដែលទទួលការព្យាបាលដោយឱសថប្រឆាំងនឹងមេរោគអេដស៍ និងទទួលបានប្រសិទ្ធភាពខ្ពស់ក្នុងការកាត់បន្ថយចំនួនមេរោគអេដស៍នៅក្នុងខ្លួន មាន៩៨%។
លោកអៀង មូលី បានបញ្ជាក់ថា៖ «ក្រោយពីបានសម្រេចនូវគោលដៅ៩០-៩០-៩០ មុនកាលកំណត់ នៅឆ្នាំ២០១៧ កម្ពុជាបានបន្តប្តេជ្ញាចិត្តប្រកបដោយមហិច្ឆតាក្នុងការលុបបំបាត់ការឆ្លងរីករាលដាលមេរោគអេដស៍ នៅឆ្នាំ២០២៥ គឺមុនគោលដៅពិភពលោក៥ឆ្នាំ។ ដែលក្នុងនោះ យើងត្រូវធ្វើឱ្យសម្រេចគោលដៅ៩៥-៩៥-៩៥ នៅឆ្នាំ២០២៥ និងមិនទុកនរណាម្នាក់ចោលដោយមិនបានទទួលការយកចិត្តទុកដាក់ឡើយ។ យើងមានក្តីសង្ឃឹមយ៉ាងមុតមាំថានឹងកសាងមនុស្សជាតិជំនាន់ថ្មីមួយដែលគ្មានអេដស៍»។
ជាមួយគ្នានេះ លោកវេជ្ជបណ្ឌិត ហួត សេរីរដ្ឋ ប្រធាននាយកដ្ឋានទាក់ទង និងចលនាប្រភពធនធាន នៅអាជ្ញាធរជាតិប្រយុទ្ធនឹងជំងឺអេដស៍ ក៏បានលើកឡើងពីបញ្ហាប្រឈមទាក់ទងនឹងការសម្រេចឲ្យបានគោលដៅក្នុងការលុបបំបាត់អេដស៍ក្នុងឆ្នាំ២០២៥ផងដែរ។ លោកបានឲ្យដឹងថា៖ «ថវិកាដែលជាជំនួយអន្តរជាតិ ជាពិសេសមូលនិធិសកលសម្រាប់សកម្មភាពបង្ការ ត្រូវបានកាត់បន្ថយបណ្តើរៗ និងឆ្ពោះទៅបញ្ចប់នៅឆ្នាំ២០៣០»។
យ៉ាងណាក៏ដោយ អាជ្ញាធរជាតិប្រយុទ្ធនឹងជំងឺអេដស៍ បានដាក់ចេញនូវគោលនយោបាយមួយចំនួន ក្នុងគោលបំណងលុបបំបាត់អេដស៍នៅឆ្នាំ២០២៥ខាងមុខ និងធានាថា មេរោគអេដស៍នឹងមិនរីករាល ដាលបង្កជាគ្រោះថ្នាក់ដល់សុខភាពសាធារណៈផ្សេងទៀត នៅពេលដែលកម្ពុជាឈប់ទទួលហិរញ្ញវត្ថុពីប្រភពខាងក្រៅ។
គោលនយោបាយទាំងនោះរួមមាន ពង្រឹងប្រព័ន្ធជាតិឆ្លើយតបនឹងមេរោគអេដស៍ និងជំងឺអេដស៍ ពន្លឿនអត្រាគ្របដណ្តប់កម្មវិធីបង្ការឱ្យបានលើសពី៩៥% ពង្រីក ពង្រឹង និងពន្លឿនកម្មវិធីបង្ការ ពង្រីក ពង្រឹង និងពន្លឿនកម្មវិធីគាំពារសង្គម បញ្ចប់ការរើសអើង និងមាក់ងាយ ចលនាធនធាន និងពង្រឹងប្រសិទ្ធភាពប្រព័ន្ធតាមដាន និងវាយតម្លៃជាតិ៕
អត្ថបទគួរអាន៖
- លេបទឹកកាមអ្នកផ្ទុកមេរោគអេដស៍ អាចឆ្លងអេដស៍ដែរអត់?
- អាថ៌កំបាំងកន្លែងសម្ងាត់ ស្រីៗខ្លួនឯងភាគច្រើនអត់ដឹង
- ស្ត្រីចៀសមិនផុតពីការផ្លាស់ប្ដូរទ្វារមាស ៤ យ៉ាងនេះ ក្រោយសម្រាលកូនរួច
- ជំងឺកាមរោគទាំង៤នេះ ចេញរោគសញ្ញាតិចតួច ឬគ្មានរោគសញ្ញា
- ប្រដាប់តេស្តមេរោគអេដស៍ដោយខ្លួនឯង មានលក់ជាផ្លូវការនៅថៃ
- ដាក់ជ្រុលពីយប់ ព្រឹកឡើងងីងើ សាកតិចនិកនេះអាចជួយសម្រាលបាន
ចំំណុចសំខាន់
- កម្ពុជា មានអ្នកឆ្លងជំងឺអេដស៍ថ្មីចំនួន៤នាក់ក្នុង១ថ្ងៃ និងមានចំនួនអ្នកស្លាប់៣នាក់ក្នុង១ថ្ងៃ
- ក្នុងកំណើននៃការឆ្លងថ្មីទាំងនោះ បុរស និងក្មេងប្រុស ដែលស្រឡាញ់ភេទដូចគ្នា មានកំណើនខ្ពស់ជាងគេរហូតដល់៧៩% ក្នុងចំណោមអ្នកផ្ទុកមេរោគអេដស៍សរុប ៧៦ ០០០នាក់។
