ពេលយើងនៅក្មេង បើនិយាយដល់រឿងស្ពេម (មេជីវិតឈ្មោល) ច្បាស់ជាត្រូវគេសើចមិនខាន ប៉ុន្តែពេលពេញវ័យ វាបែរជារឿងសំខាន់ទៅវិញ ព្រោះជាប់ទាក់ទងដល់ការបង្កកំណើតរបស់យើងបាន។ គ្នាយើងប្រុសភាគច្រើនស្គាល់អ្វីជាស្ពេម ឬទឹកកាម ប៉ុន្តែមានអាថ៌កំបាំងគួរឲ្យចង់សើចខ្លះ ពាក់ព័ន្ធមេជីវិតដ៏សំខាន់នេះអត់ ដែលយើងមិនធ្លាប់ដឹង។ អ៊ីចឹង “Hello គ្រូពេទ្យ’ នឹងប្រាប់គ្នាយើងខ្លះៗក្នុងអត្ថបទនេះ។

១- មេជីវិតឈ្មោល (ទឹកកាម) អាចប្រើជាទឹកថ្នាំសរសេរសំបុត្រសម្ងាត់

ជាការពិតណាស់ អំឡុងពេលសង្គ្រាមលោកលើកទី២ ចារកម្មពិសេសអង់គ្លេស (British Secret Intelligence Service) បានប្រើប្រាស់ទឹកកាម លាយជាមួយសារធាតុរាវក្នុងរាងកាយ ដើម្បីប្រើជាទឹកថ្នាំសម្រាប់សរសេរលើកសារសម្ងាត់។ ភ្នាក់ងារសម្ងាត់អង់គ្លេស ក្នុងអង្គភាព MI6 បានព្យាយាមស្វែងរកសារធាតុមួយដែលគ្មានប្រតិកម្មជាមួយជាតិអ៊ីយ៉ូដ ដើម្បីផលិតជាទឹកថ្នាំគ្មានពណ៌ ដោយក្រោយមក ពួកគេបានរកឃើញថា ទឹកកាមប្រុសយើងនេះឯង ជាសារធាតុឥតខ្ចោះមួយសម្រាប់ផលិតទឹកថ្នាំគ្មានពណ៌នេះ។ ការសិក្សានេះ គឺរកឃើញដោយអគ្គនាយកនៃភ្នាក់ងារពិសេសអង់គ្លេស លោក Mansfield Cumming ជាអ្នកដឹកនាំ។

២- ទឹកកាមអាចបង្កឲ្យមានអាលែកហ្ស៊ី

អាលែកហ្ស៊ីទឹកកាម ស្តាប់ទៅពិតជាកំសត់ណាសម្រាប់គ្នាយើងមួយចំនួន ប៉ុន្តែវាជាការពិត។ អាលែកហ្ស៊ីទឹកកាម ជាលក្ខខណ្ឌសុខភាពកម្រ សម្ដៅទៅលើប្រតិកម្មប្រូតេអ៊ីមានក្នុងទឹកកាម។ រោគសញ្ញាអាលែកហ្ស៊ីទឹកកាម អាចនាំឡើងក្រហម ហើម ឈឺចាប់ មានអារម្មណ៍ដូចជារលាក។

រោគសញ្ញាទាំងនេះ ជាធម្មតាកើតមានលើតំបន់ណាដែលបានប៉ះពាល់ជាមួយទឹកកាម ខណៈប្រតិកម្មអាចចាប់ផ្តើមកើតមានលឿនបំផុត ត្រឹមតែ ១០នាទី បន្ទាប់ពីប៉ះពាល់។ បញ្ហាអាលែកហ្ស៊ីទឹកកាម អាចកើតលើទាំងប្រុសៗ និងស្រីៗ ដោយប្រុសៗអាចនឹងមានបញ្ហាអាលែកហ្ស៊ីជាមួយទឹកកាមខ្លួនឯង ប៉ុន្តែវាជារឿងកម្របំផុត។ អ្វីកាន់តែល្អនោះ អាលែកហ្ស៊ីទឹកកាម អាចព្យាបាលបានដោយប្រើថ្នាំប្រឆាំងជាតិអ៊ីស្តាមីន (Antihistamines) និងការពារដោយការប្រើស្រោមអនាម័យ។

៣- ហាត់ប្រាណប៉ះពាល់ដល់គុណភាពមេជីវិត

ការហាត់ប្រាណ ធ្លាប់ត្រូវអ្នកជំនាញអះអាងថា អាចជួយពង្រឹងគុណភាព និងចំនួនមេជីវិតឈ្មោលបាន។ ប្រុសៗវ័យក្មេង ដែលនិយមហាត់ប្រាណជាប្រចាំ គឺមានមេជីវិតឈ្មោល ច្រើនជាងក្មេងប្រុសៗដែលមិនសូវសកម្មនឹងការហាត់ប្រាណ។ ទោះជាយ៉ាងណា ការអះអាងនេះ មិនមែនមានន័យថា ហាត់ប្រាណមិនមែនសុទ្ធតែជួយជីវិតឈ្មោល បើហាត់លើកកម្រិតក៏នាំឲ្យគុណភាពថយចុះបានដែរ។

ការសិក្សាជាច្រើនបង្ហាញថា ប្រុសៗឧស្សាហ៍បញ្ចេញទឹកកាមបាន ៤ ដង/ខែ គឺមានមេជីវិតសុខភាពល្អ និងចំនួនគ្រប់គ្រាន់។ ការសម្រេចកាមច្រើនដង អាចធ្វើឲ្យចំនួនមេជីវិតធ្លាក់ចុះក៏ពិតមែន ប៉ុន្តែការសិក្សាអះអាងថា គុណភាពមេជីវិតគឺនៅដដែលនោះទេ។

អត្ថបទពាក់ព័ន្ធ៖

៤- មេជីវិតឈ្មោល អាចរស់នៅក្នុងខ្លួនយើង យូរជាងអ្វីយើងធ្លាប់គិតទៅទៀត

មេជីវិតឈ្មោល អាចរស់នៅក្នុងរាងកាយមនុស្សបានរយៈពេលយូរ ដោយការសិក្សាជាច្រើន អះអាងថា មេជីវិតឈ្មោល អាចរស់នៅក្នុងរាងកាយយើងរហូតដល់ទៅ ៥ថ្ងៃ។ ប៉ុន្តែលើសពីការសិក្សានេះទៅទៀត ការពិតមេជីវិតឈ្មោល អាចរស់នៅក្នុងអាងទឹកក្តៅ ឬផ្ទៃស្ងួតបានយូរដូចគ្នា។

៥- រាងកាយមនុស្សប្រុសផលិតមេជីវិតឈ្មោលរហូត

ស្របពេលដែលស្រីៗកើតមក គឺមានពងមេជីវិតញីស្រាប់នោះ ថ្ងៃណាមួយក្នុងជីវិត ពងមេជីវិតញីក្នុងខ្លួនស្រីៗ និងត្រូវអស់ មិនអាចបង្កកំណើតបានទៀតទេ។ ប៉ុន្តែរឿងនេះ ប្រុសៗមិនដូចស្រីៗទេ ព្រោះរាងកាយប្រុសៗ មិនដែលបញ្ឈប់ការផលិតមេជីវិតទេ ទោះជាឈានដល់វ័យចំណាស់ក៏ដោយ ខណៈ DNA មេជីវិតអាចនឹងបែកខ្ញែកកាន់តែច្រើន គ្រាន់តែចំនួនមេជីវិតថយចុះម្តងបន្តិចៗប៉ុណ្ណោះ។

អត្ថបទពាក់ព័ន្ធ៖

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

អាថ៌កំបាំង​ទាំង ៥ ពាក់​ព័ន្ធ​មេជីវិត​ឈ្មោល ប្រុសៗ​ភាគ​ច្រើន​អត់​ដឹង

១- មេជីវិត​ឈ្មោល (ទឹកកាម) អាច​ប្រើ​ជា​ទឹក​ថ្នាំ​សរសេរ​សំបុត្រ​សម្ងាត់

២- ទឹកកាម​អាច​បង្ក​ឲ្យ​មាន​អាលែកហ្ស៊ី

៣- ហាត់​ប្រាណ​ប៉ះ​ពាល់​ដល់​គុណ​ភាព​មេជីវិត

៤- មេជីវិត​ឈ្មោល អាច​រស់​នៅ​ក្នុង​ខ្លួន​យើង​ យូរ​ជា​ងអ្វី​យើង​ធ្លាប់​គិត​ទៅ​ទៀត

៥- រាង​កាយ​មនុស្ស​ប្រុស​ផលិត​មេជីវិត​ឈ្មោល​រហូត

អាថ៌កំបាំងទាំង ៥ ពាក់ព័ន្ធមេជីវិតឈ្មោល ប្រុសៗភាគច្រើនអត់ដឹង

១- មេជីវិតឈ្មោល (ទឹកកាម) អាចប្រើជាទឹកថ្នាំសរសេរសំបុត្រសម្ងាត់

២- ទឹកកាមអាចបង្កឲ្យមានអាលែកហ្ស៊ី

៣- ហាត់ប្រាណប៉ះពាល់ដល់គុណភាពមេជីវិត

៤- មេជីវិតឈ្មោល អាចរស់នៅក្នុងខ្លួនយើង យូរជាងអ្វីយើងធ្លាប់គិតទៅទៀត

៥- រាងកាយមនុស្សប្រុសផលិតមេជីវិតឈ្មោលរហូត