គ្នាយើងច្រើនចង់ដឹងពាក់ព័ន្ធបញ្ហាផ្លូវភេទ ពិសេសអ្នកធាត់ៗ ប៉ុន្តែអៀនអត់ហ៊ានទៅសួរពេទ្យទេ ហើយសំណួរចង់ដឹងជាងគេ អាចជា តើរួមភេទជួយឲ្យឡើងទម្ងន់ ឬស្រក់ទម្ងន់? ឬលើសទម្ងន់ ប៉ះពាល់ដល់ជីវិតផ្លូវភេទអត់? បើអ៊ីចឹង “Hello គ្រូពេទ្យ’ មានចម្លើយបន្តិចបន្តួចសម្រាប់គ្នាយើង។

១- ទម្ងន់ និងសកម្មភាពផ្លូវភេទ

មានវិធីជាច្រើនអាចបញ្ជាក់ថា ការឡើងទម្ងន់ នឹងធ្វើឲ្យជីវិតផ្លូវភេទយើងប្រែប្រួលបាន ប៉ុន្តែលក្ខណៈនៃការប្រែប្រួល ក៏ខុសគ្នាសម្រាប់ប្រុសៗ និងស្រីៗដែរ។

– ចំពោះប្រុសៗ៖ ប្រុសៗលើសទម្ងន់ គឺប្រឈមផលវិបាកច្រើនអំឡុងពេលរួមភេទ បើធៀបជាមួយប្រុសៗមានរាងស្លីមៗ។ ក្រុមអ្នកជំនាញអះអាងថា បញ្ហាខ្សោយមុខងារផ្លូវភេទ ជាផលប៉ះពាល់កើតចេញពីជំងឺធាត់។ ប្រុសៗអាចនឹងមានបញ្ហាលិង្គមិនឡើងរឹង នៅពេលទម្ងន់ឡើងកាន់តែខ្លាំងមិនអាចគ្រប់គ្រងបាន ខណៈបញ្ហាជំងឺថប់បារម្ភ និងខ្សោយសមត្ថភាពផ្លូវភេទ ក៏អាចកើតមានដូចគ្នា។ ប្រុសៗមានជំងឺធាត់ ក៏ប្រឈមរងគ្រោះជាមួយរោគសញ្ញាជំងឺកប់លិង្គ (buried penis syndrome) ដែលជាលក្ខខណ្ឌសុខភាពមួយ សំដៅលើករណីលិង្គកប់ក្រោមស្បែក។

– ចំពោះស្រីៗ៖ ការសិក្សាជាច្រើនបង្ហាញថា ស្រីៗមានសន្ទស្សន៍ BMI ខ្ពស់ជាកម្រិតធម្មងតា ភាគច្រើនប្រឈមបញ្ហាសុខភាពផ្លូវភេទ។ អ្នកស្រាវជ្រាវមួយចំនួនជឿថា វាអាចមានទំនាក់ទំនងនឹងដំណើរឈាមរត់មិនបានល្អក្នុងប្រដាប់ភេទ។ ពិបាករួមភេទ ប្រហែលអាចនាំស្រីៗឈានទៅដល់បញ្ហាធ្លាក់ចុះចំណង់ផ្លូវភេទ និងធ្វើឲ្យរាងកាយកាន់តែចុះខ្សោយ។

ពិតណាស់ បើទោះជាការសិក្សាជាច្រើនពិតជាបង្ហាញថា ខ្សោយមុខងារផ្លូវភេទ មានទំនាក់ទំនងជាមួយជំងឺធាត់ក៏ពិតមែន តែមិនមានន័យថា ទម្ងន់យើងជាមូលហេតុនាំឲ្យមានបញ្ហារឿងលើគ្រែក្តី ជាក់ស្តែង ការសិក្សាមួយចំនួនបង្ហាញថា ជំងឺធាត់ មិនមែនជាកត្តាប្រឈមបង្កឲ្យខ្សោយមុខងារផ្លូវភេទនោះទេ។ ប៉ុន្តែបើគ្នាយើងលើសទម្ងន់ ហើយធ្លាប់មានបញ្ហាអំឡុងពេលរួមភេទ ឬមិនសូវមានអារម្មណ៍ផ្លូវភេទ គួរតែពិភាក្សាជាមួយគ្រូពេទ្យ ដើម្បីស្វែងរកមូលហេតុឲ្យបានច្បាស់។

អត្ថបទពាក់ព័ន្ធ៖

២- រួមភេទធ្វើឲ្យឡើងទម្ងន់?

បើយើងមិនធ្លាប់ជួបបញ្ហាក្នុងជីវិតលើគ្រែ យើងអាចនឹងបារម្ភថា ឬឆ្ងល់ រួមភេទអាចបង្កឲ្យឡើងទម្ងន់ដែរអត់? យ៉ាងណា ទោះការគិតថា បញ្ចេញសកម្មភាពរាងកាយ បែរជាធ្វើឲ្យឡើងទម្ងន់នោះ ជាទស្សនៈស្តាប់ទៅដូចឆ្កួតឡប់ក៏ពិតមែន ប៉ុន្តែលើបណ្តាញសង្គមបច្ចុប្បន្ន ទាំងប្រុសៗ ទាំងស្រី សុទ្ធតែកំពុងបង្ហាញអារម្មណ៍ខ្វាយខ្វល់ច្រើន។

មន្ទិលសង្ស័យដែលថា រួមភេទច្រើនធ្វើឲ្យឡើងទម្ងន់ ផ្ទុះចេញពីការស្រាវជ្រាវមួយរបស់ប្រទេសឥណ្ឌា ដែលទើបចេញផ្សាយ អះអាងថា កំណើនកម្រិតអ័រម៉ូនប្រូឡាក់ទីន (Prolactin) បណ្តាលឲ្យឡើងទម្ងន់។ អ័រម៉ូនប្រូឡាក់ទីន គឺរាងកាយយើងជាអ្នកផលិតផ្ទាល់ នៅពេលអ័រម៉ូននេះឡើងខ្លាំង បន្ទាប់ពីយើងឡើងឋានសួគ៌រួច។ ប៉ុន្តែទស្សនៈនេះ នៅមិនទាន់់មានភស្តុតាងមកបញ្ជាក់ច្បាស់នៅឡើយទេ ខណៈអ្នកស្រាវជ្រាវដទៃទៀត និយាយថា កំណើនកម្រិតអ័រម៉ូននេះ មិនអាចធ្វើឲ្យយើងឡើងទម្ងន់បានទេ។

៣- អុីចឹងមានតែរួមភេទជួយសម្រកទម្ងន់?

បើរួមភេទមិនធ្វើឲ្យឡើងទម្ងន់ តើអាចជួយសម្រក់ទម្ងន់អត់? និយាយរួម រួមភេទ អាចចាត់ទុកជាសកម្មភាពរាងកាយដ៏អស្ចារ្យមួយ ហើយបើរួមភេទ ធ្វើឲ្យយើងរីករាយខ្លាំង គ្មានហេតុផលអ្វីយើងមិនឧស្សាហ៍រួមភេទដើម្បីសម្រក់ទម្ងន់នោះដែរ។

ចំនួនដុតកាឡូរីរាងកាយដុតអំឡុងពេលធ្វើរឿងក្តៅសាច់ វាអាស្រ័យទាំងលើរយៈពេល និងក្បាច់យើងប្រើ ខណៈកាឡូរីរាងកាយដុតអំឡុងពេលរួមភេទ ជាធម្យមចន្លោះពី ៨៥-១០០ កាឡូរី។

អត្ថបទពាក់ព័ន្ធ៖

យ៉ាងណាត្រូវចាំថា សកម្មភាពរួមភេទមានសុវត្ថិភាព អាចធ្វើឲ្យយើងមានអារម្មណ៍ល្អ ហេតុនះវាប្រហែលមិនអាចជួយយើងសម្រក់ទម្ងន់តាមចិត្តចង់នោះដែរ ខុសគ្នាពីចង្កេះរបស់យើង ទោះរួមភេទរៀងរាល់សប្តាហ៍ ឬរាល់ថ្ងៃ នឹងជួយឲ្យរាងចង្កេះកាន់តែស្អាត។

អត្ថបទពាក់ព័ន្ធ៖ សឹងតែ១០០% នៃអ្នកធាត់ គេចមិនរួចពីជំងឺរ៉ាំរ៉ៃមួយនេះទេ គ្រាន់តែយូរ ឬឆាប់

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

ពិតអត់!​ អ្នកធាត់ខ្លាំងសម្មភាពលើគ្រែធ្លាក់ចុះ?

១- ទម្ងន់ និង​សកម្មភាព​ផ្លូវ​ភេទ

២- រួមភេទ​ធ្វើ​ឲ្យ​ឡើង​ទម្ងន់?

៣- អុីចឹង​មាន​តែ​រួម​ភេទ​ជួយ​សម្រក​ទម្ងន់?

ពិតអត់! អ្នកធាត់ខ្លាំងសម្មភាពលើគ្រែធ្លាក់ចុះ?

១- ទម្ងន់ និងសកម្មភាពផ្លូវភេទ

២- រួមភេទធ្វើឲ្យឡើងទម្ងន់?

៣- អុីចឹងមានតែរួមភេទជួយសម្រកទម្ងន់?