កំដៅព្រះអាទិត្យ កាំរស្មីអ៊ុលត្រាវីយូឡេ យើងភាគច្រើន រមែងយល់ច្រលំ ថាវាមានប្រតិកម្មអាក្រក់តែនៅលើស្បែកតែប៉ុណ្ណោះ ។ ពេកធ្វើដំណើរ ចេញក្រៅ យើង តែងតែព្រួយបារម្ភតែផ្នែករាងកាយប៉ុណ្ណោះ ហើយបានប្រើប្រាស់ផលិតផលផ្សេងៗជំនួយការពារស្បែក នៅពេលដើរលេងកម្សាន្ដតាមតំបន់មាត់សមុទ្រជាដើម ។ ប៉ុន្ដែនោះមិនទាន់គ្រប់គ្រាន់ទេ ដែលកាំរស្មីUV ក៏ជះឥទ្ធិពលអាក្រក់ចំពោះភ្នែករបស់យើងផងដែរ។

វេជ្ជបណ្ឌិតផ្នែកសុខភាពភ្នែក លោក Michael Kutryb, MD អ្នកនាំពាក្យរបស់ American Academy of Ophthalmology បាននិយាយថា កាំរស្មីយូវី(UV) មិនថាតែពន្លឺព្រះអាទិត្យ ឬកាំរស្មីសិប្បនិម្មិតក្នុងផ្ទះ សុទ្ធតែអាចធ្វើឱ្យប៉ះពាល់ដល់ ជាលិកាផ្ទៃភ្នែក ក៏ដូចជាកញ្ចក់ភ្នែកបាន មនុស្សជាច្រើនមិនបានដឹងពីគ្រោះថ្នាក់ដែលពន្លឺកាំរស្មីយូវីអាចបង្កឡើងនោះទេ។ ដូច្នេះដើម្បីកាត់បន្ថយបញ្ហានេះបាន ការពាក់វ៉ែនតាការពារកាំរស្មីយូវី គឺជារឿងដែលល្អបំផុត ហើយអាចកាត់បន្ថយហានិភ័យនៃជំងឺភ្នែក និងដុំសាច់ដែលអាចឈានទៅដល់ពិការភ្នែកបាន។

ក្រៅពីការពាក់វែនតា ក៏នៅមានវិធីសាស្ដ្របន្ទាប់បន្សំទៀត ដូចជាការ ពាក់មួកមានហាមធំៗ ឬទទូរឆ័ត្ររាល់ពេលធ្វើដំណើរចេញក្រៅ។ ដូចគ្នាដែរ យើងគួរញ៉ាំទឹកឲ្យបានច្រើនផងដែរ ពេលធ្វើដំណើរក្នុងអាកាសធាតិក្ដៅ។

ញ៉ាំទឹក

ដូចគ្នាដែរ ក្រោយពេលដំណើរកម្សាន្ដនៅតំបន់មាត់សមុត្រ ឬតំបន់ក្ដៅផ្សេងទៀត ហើយមានអារម្មណ៍ថា ភ្នែកមានអាការៈ ព្រិល ឬហៀរទឹកភ្នែកខុសពីធម្មតា ជាពិសេសតែងមានអារម្មណ៍ថា ក្ដៅស្ងួត យើងគួរតែប្រញាប់ទៅជួបគ្រួពេទ្យ ដើម្បីត្រួតពិនិត្យ និងពិគ្រោះឲ្យបានដឹងច្បាស់ ជៀសវាងមានផលប៉ះពាល់ គ្រោះថា្នក់ដល់ភ្នែក។

ចំណុចសំខាន់

កំដៅ UV របស់ព្រះអាទិត្យ ពិតជាបង្ករផលប៉ះពាល់ជាខ្លាំងចំពោះភ្នែក។ ដូច្នេះយើងទាំងអស់គ្នាត្រូវតែប្រុងប្រយ័ត្ន ការពារ ឲ្យបានល្អដោយវិធីសាស្ដ្រមានដូចជា៖

ត្រូវពាក់វែនតាការពារពន្លឺពេលចេញក្រៅ
ត្រូវពាក់មួក ឬប្រើឆ័ត្រ ដើម្បីទប់ពន្លឺព្រះអាទិត្យ
ត្រូវញ៉ាំទឹកឲ្យបានច្រើន
ត្រូវទៅពិនិត្យភ្នែកក្រោយពេលមានអារម្មណ៍ខុសប្រក្រតី

វិធីសាស្ដ្រងាយៗ ការពារសុខភាពភ្នែកពីកាំរស្មីយូវីព្រះអាទិត្យ

ចំណុចសំខាន់