គីសដៃស្បូនជាគីសដែលកើតនៅកន្សោមមេជីវិតញី (កន្សោមពង) របស់ស្រ្តី។ ពាក្យថាគីសគឺដូចថង់ទឹកមួយដែលមានទឹកនៅខាងក្នុង។ តើគីសដៃស្បូនមានប៉ុន្មានប្រភេទ? ហើយប្រភេទណាមិនគួរឱ្យបារម្ភ និងប្រភេទណាត្រូវព្យាបាល? ព្យាបាលតាមដោយវិធីណាខ្លះ?
វេជ្ជបណ្ឌិត រ៉ាវុឌ្ឍ សោភារចនា ឯកទេសសម្ភព និងរោគស្ត្រី ជាប្រធានបច្ចេកទេសគ្លីនិកនៅមន្ទីរសម្ភពរ៉ូសបានឱ្យដឹងថា គីសដៃស្បូនមានច្រើនប្រភេទ ដែលអាចចែកចេញជាពីរក្រុមធំៗ។
១. គីសធម្មតា
គីសធម្មតាជាគីសដែលវិវត្តឥតឈប់នៅក្នុងខ្លួនស្រ្តី ហើយជាធម្មតាមានតូចមានធំ រួចក៏រីកកាន់តែធំហើយផ្ទុះចេញជាមេជីវិតញី។ គីសធម្មតាមានទំហំតូច សម្បកស្តើង និងមានផ្ទុកទឹកនៅខាងក្នុង។
២. គីសជំងឺ
គីសជំងឺមានសម្បកខុសពីគីសធម្មតាដែលអាចជាសរសៃឈាម ហើយខាងក្នុងអាចមានស្ថានភាពខុសៗគ្នាទៅតាមប្រភេទរបស់គីសនីមួយៗ៖
- មុយគីស៖ មានរម្អិលខាប់ៗនៅខាងក្នុង
- គីស Dermoid៖ អាចមានសក់ ស្បែក ឬធ្មេញនៅខាងក្នុង
- គីសឈាមរដូវ៖ អាចហៅថាគីសសុកូឡាដែលមានឈាមរដូវកកនៅខាងក្នុង
ចង់ពិនិត្យជំងឺមហារីកសុដន់ ចុចទីនេះ!
ចង់ពិនិត្យជំងឺមហារីកមាត់ស្បូន ចុចទីនេះ!
ចង់គណនាថ្ងៃមេជីវិតញីទុំធ្លាក់ ចុចទីនេះ!
គីសដៃស្បូនមួយណាត្រូវការការព្យាបាល ហើយគីសណាមិនត្រូវការការព្យាបាល?
ជាទូទៅគីសដៃស្បូនប្រភេទធម្មតាអាចបាត់ទៅវិញដោយខ្លួនឯង ហើយគីសដៃស្បូនដែលតម្រូវឱ្យមានការព្យាបាលគឺគីសប្រភេទជំងឺ។ ការព្យាបាលគឺទៅតាមប្រភេទ និងស្ថានភាពរបស់គីសនីមួយៗ៖
- គីសមានទំហំតូច៖ គ្រូពេទ្យអាចមិនទាន់ធ្វើការព្យាបាលទេ
- គីសកោសិកា៖ បើគីសមានសក់ ស្បែក ឬធ្មេញនៅខាងក្នុង គ្រូពេទ្យត្រូវធ្វើការវះយកចេញ ដោយមិនគិតពីទំហំ ដើម្បីឱ្យដឹងថា គីសនោះជាប្រភេទស្លូត ឬកាច ព្រោះពេលខ្លះគីសនេះអាចធ្វើឱ្យគ្រូពេទ្យច្រឡំថាជាគីសកាច។
- គីសឈាមរដូវ៖ គឺអាស្រ័យទៅលើអាការៈរបស់យើង បើចុកពោះខ្លាំងពេលមករដូវ ឬពិបាកមានកូន គ្រូពេទ្យនឹងធ្វើការព្យាបាល តែបើយើងអត់មានធ្វើទុក្ខអ្វីទេ គ្រូពេទ្យមិនធ្វើការព្យាបាលទេ។
[embed-health-tool-ovulation]
គីសដៃស្បូនអាចព្យាបាលតាមវីធីអ្វីខ្លះ?
ការញុំាថ្នាំមិនអាចព្យាបាលគីសជំងឺបានទេ មានតែវិធីវះកាត់ទេដែលអាចព្យាបាលបាន ហើយគីសធម្មតាមិនចាំបាច់ធ្វើការព្យាបាលអ្វីទាំងអស់ព្រោះអាចបាត់ដោយខ្លួនឯង។
បើស្រ្តីមានគីសក្នុងដៃស្បូន អាចមានរោគសញ្ញា ឬអាការៈអ្វីទេ?
ភាគច្រើនគីសក្នុងដៃស្បូនមិនបង្កឱ្យមានរោគសញ្ញាអ្វីទេ តែចាប់ផ្តើមបង្ករោគសញ្ញានៅពេលគីសចាប់ផ្តើមធ្វើទុក្ខដូចជា៖
- គីសចាប់ផ្តើមរមួល៖ នៅពេលគីសមានទំហំកាន់តែធំ គីសអាចរមួលដែលធ្វើឱ្យយើងចុកពោះខ្លាំង
- គីសបែក៖ នៅពេលគីសមានទំហំកាន់តែធំទៅៗ គីសនឹងមានសភាពដូចប៉ោងៗផ្លុំដាក់ទឹកអ៊ីចឹងដែលនឹងផ្ទុះបែក ហើយធ្វើឱ្យយើងចុកពោះខ្លាំងរហូតដល់សន្លប់ក៏មាន
គីសដៃស្បូនមានច្រើនប្រភេទ ហើយបើយើងដឹងថាមានគីសដៃស្បូន យើងកុំទាន់ភ័យស្លន់ស្លោ។ អ្វីដែលសំខាន់ យើងត្រូវដឹងឱ្យច្បាស់ពីប្រភេទគីសដែលយើងមាន និងពិគ្រោះជាមួយគ្រូពេទ្យឱ្យបានជាក់លាក់ថា គីសរបស់យើងត្រូវការធ្វើការព្យាបាល ឬអត់ ទើបជាការល្អ។
អត្ថបទគួរអាន៖
- ជំងឺគីសស្រទាប់រដូវក្រពេញអូវ៉ែ បង្កការឈឺចាប់ ៥ យ៉ាងនេះ
- ជំងឺដុំគីសទឹកលើក្រពេញអូវែ អាចជាបញ្ហាធ្វើឲ្យស្រីៗគ្មានកូន
- ចេញសញ្ញាទាំងនេះ អាចថាមានដុំគីសក្រពេញអូវែ
- ៥ ចំណុចទាក់ទងនឹងដុំសាច់ក្នុងស្បូន ស្រីៗគួរដឹង
- បើមានដុំសាច់ក្នុងស្បូន អាចជាដោយការញុំាថ្នាំឬទេ?
- មូលហេតុទាំងនេះហើយ ធ្វើឲ្យស្រីៗប្រឈមបញ្ហារលាកទ្វារមាស
