គីសលើមាត់ទ្វារមាស គឺជាដុំពកនៅលើ ឬក្រោមស្រទាប់ខាងក្នុងនៃទ្វារមាស និងផ្ទុកទៅដោយសារធាតុរាវ ខ្យល់ ខ្ទុះ ឬសារធាតុផ្សេងទៀត។ ហេតុអ្វីបានជាស្រ្តីមានគីសលើមាត់ទ្វារមាស?
មាតិកា
គីសលើទ្វារមាសកើតឡើង បណ្តាលមកពីមូលហេតុអ្វីខ្លះ?
ជាទូទៅគីសនៅមាត់ទ្វារមាសមិនបង្កជារោគសញ្ញាទេ។ ក្នុងករណីខ្លះ យើងអាចដឹងថាមានគីសនៅមាត់ទ្វារមាសតាមរយៈការមានដុំទន់ៗនៅក្នុង ឬនៅលើជញ្ជាំងទ្វារមាស ហើយគីសអាចមានទំហំប៉ុនគ្រាប់សណ្តែករហូតដល់ប៉ុនផ្លែក្រូចឃ្វិច។ ស្រ្តីមួយចំនួនដែលមានគីសនៅមាត់ទ្វារមាសអាចមានភាពមិនស្រួលនៅពេលដើរ ឬពេលរួមភេទ។
គីសលើមាត់ទ្វារមាសអាចបណ្តាលមកពីមូលហេតុដូចខាងក្រោម៖
១. ការរងរបួសអំឡុងពេលសម្រាលកូន ឬការវះកាត់
របួសពេលសម្រាលកូន ឬការវះកាត់ អាចបណ្តាលឱ្យមានគីសលាយខ្ទុះ ដែលមានទំហំតូច និងមានទីតាំងនៅផ្នែកខាងក្រោមនៃជញ្ជាំងទ្វារមាស។ ដោយសារតែគីសមានទំហំតូច យើងអាចមិនចាប់អារម្មណ៍ថាមានគីសប្រភេទនេះ។
២. ការស្ទះក្រពេញបាតូលីន
ក្រពេញបាតូលីនជាក្រពេញសងខាងមាត់ទ្វារមាស និងមានតួនាទីក្នុងការបញ្ចេញទឹករម្អិល។ ការស្ទះក្រពេញបាតូលីន បណ្តាលឱ្យមានគីសក្រពេញបាតូលីន។ ជាធម្មតាគីសបាតូលីនមិនបង្កឱ្យមានការឈឺចាប់ទេ ប៉ុន្តែប្រសិនបើគីសប្រភេទនេះឆ្លងមេរោគ គីសនឹងឡើងក្រហម ហើម និងមានខ្ទុះ(អាប់សែ)។
ចង់គណនារង្វាស់ចង្វាក់បេះដូង ចុចទីនេះ!
ចង់ពិនិត្យជំងឺមហារីកសុដន់ ចុចទីនេះ!
ចង់ពិនិត្យជំងឺមហារីកមាត់ស្បូន ចុចទីនេះ!
៣. គីស Gartner នៅសេសសល់បន្ទាប់ពីសម្រាល
គីស Gartner មានវត្តមាននៅពេលអំប្រ៊ីយ៉ុងលូតលាស់ ហើយភាគច្រើនបាត់ទៅវិញបន្ទាប់ពីការសម្រាលកូន។ ប្រសិនបើបំពង់ Gartner នៅសេសសល់ នោះអាចនឹងវិវត្តទៅជាគីស Gartner ដែលមានទីតាំងនៅលើជញ្ជាំងទ្វារមាស។
៤. កោសិកាស៊ុតបង្កកំណើតនៅសេសសល់បន្ទាប់ពីអំប្រ៊ីយ៉ុងលូតលាស់
ក្នុងករណីមានកោសិកាស៊ុតបង្កកំណើតនៅសេសសល់បន្ទាប់ពីអំប្រ៊ីយ៉ុងលូតលាស់ ក៏អាចបណ្តាលឱ្យមានគីស Müllerian ដែលមានទីតាំងនៅលើជញ្ជាំងទ្វារមាស ហើយភាគច្រើនមានខ្ទុះ។
ប្រសិនបើយើងដឹងថាអ្នកមានគីសលើមាត់ទ្វារមាស គួរទៅជួបគ្រូពេទ្យជំនាញខាងរោគស្ត្រីដើម្បីពិនិត្យឱ្យច្បាស់ថាជាគីសមិនមែនជាមហារីក ហើយគ្រូពេទ្យអាចធ្វើការព្យាបាល ប្រសិនបើចាំបាច់។ យើងគួរស្វែងរកការព្យាបាលភ្លាមៗ ប្រសិនបើគីសបណ្តាលឱ្យយើងមានការឈឺចាប់ ឬមានសញ្ញានៃការឆ្លងមេរោគ។ រោគសញ្ញាទូទៅនៃការឆ្លងមេរោគគឺការមានខ្ទុះ និងមានក្លិនមិនល្អ។
អត្ថបទគួរអាន៖
- ស្រីៗមករដូវមិនទៀង ក្រោយចាក់វ៉ាក់សាំងកូវីដ-១៩ គួរបារម្ភអត់?
- ធ្លាក់កំណកឈាមធំៗពេលមករដូវ បណ្ដាលមកពីអ្វី?
- អំឡុងពេលមករដូវ ស្រីៗអាចញ៉ាំអាហារជូរបានអត់?
- មករដូវច្រើន និងឈឺចាប់ អាចមកពីបញ្ហាសុខភាពមួយនេះ
- មូលហេតុមកឈាមរដូវតិចជាងធម្មតា អាចមកពីហេតុផលទាំងនេះ
- ពណ៌ឈាមរដូវ អាចបញ្ជាក់ឲ្យដឹងពីបញ្ហាសុខភាពមនុស្សស្រី
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Vaginal cysts
https://www.mountsinai.org/health-library/diseases-conditions/vaginal-cysts
Vaginal cyst
https://www.pennmedicine.org/for-patients-and-visitors/patient-information/conditions-treated-a-to-z/vaginal-cyst
Removal of Vaginal Cysts
https://www.allwomenscarela.com/our-services/gynecology/removal-of-vaginal-cysts
Vaginal cysts
https://en.wikipedia.org/wiki/Vaginal_cysts
កំណែប្រែបច្ចុប្បន្ន
26/11/2024
អត្ថបទដោយ សុខ វណ្ណ
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ នូ សោភ័ណ្ឌ
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម