ស្នាមញញឹម ទម្រង់ សក់វែង ពិសេសស្បែកសបែបធម្មជាតិ សុទ្ធតែជាអាវុធដ៏អស្ចារ្យសម្រាប់មនុស្សស្រី បើស្បែកគ្រើម ខ្មៅ ឬស្រអាប់ ច្បាស់ជាបាត់បង់ភាពទាក់ទាញ និងភាពជឿជាក់មិនខាន បានជាស្រីៗគ្នាយើង សុខចិត្តចំណាយប្រាក់ជាច្រើនទៅលើផលិតថែរក្សាស្បែក ពេលខ្លះក៏ប្រើត្រូវ ពេលខ្លះមិនត្រូវ ថែមទាំងធ្វើឲ្យស្បែកខូចខាតមួយកម្រិតទៀតមិនខាន។ បើអាចគួរសាកល្បងតិចនិកបែបធម្មជាតិ ក្នុងអត្ថបទ “Hello គ្រូពេទ្យ” នេះបន្តិចមើល អាចជួយស្បែកភ្លឺរលោងបាន។

១- រៀបចំផែនការរបបអាហារសុខភាព

ទម្លាប់រស់នៅ ប្រកបដោយផាសុកភាព គួបផ្សំជាមួយរបបអាហារមានតុល្យភាព គឺជាដំណោះស្រាយចម្បងមួយ ជួយឲ្យស្បែកសដោយស្វ័យប្រវត្តិ ហើយអាហារល្អៗទាំងនោះរួមមាន៖

– ផ្លែការ៉ុត៖ ក្នុងផ្លែការ៉ុត មានផ្ទុកបរិមាណវីតាមីន C និងការ៉ូទីន យ៉ាងច្រើនលើសលុប មានអត្ថប្រយោជន៍ខ្លាំង ទៅលើស្បែក និងសក់។ តំបន់ផ្សេងទៀតលើរាងកាយ ក៏ទទួលបានភាពស្រស់ស្អាត និងល្អឥតខ្ចោះនៅពេលយើងញ៉ាំការ៉ុត ឬផឹកទឹកការ៉ុតបានទៀងទាត់។

– ផ្លែប៉េងប៉ោះ៖ ប៉េងប៉ោះ ជាបន្លែស្រស់ មានពណ៌ក្រហម សម្បូរទៅដោយជាតិទឹក ក៏ជាប្រភពនៃ សារធាតុ Lycopene ដែលជាសារធាតុការ៉ូទីន ល្អខ្លាំងចំពោះស្បែក។ លើសពីនេះ ប៉េងប៉ោះ អាចជួយក្នុងដល់ផែនការសម្រកទម្ងន់ និងការពារជំងឺមហារីកទៀតផង។

– ឆៃថាវក្រហម (Beetroot)៖ ឆៃថាវក្រហម គឺសម្បូរទៅដោយវីតាមីន និងជាតិដែក អាចជួយយើងឲ្យមានលំហូរឈាមរត់បានល្អ និងអាចធ្វើថ្ពាល់មានពណ៌ក្រហមស្រាលគួរឲ្យស្រលាញ់ ទោះមិនទាន់ផាត់មុខក៏ដោយ។

– តែបៃតង៖ តែបៃតង ជាភេសជ្ជៈធម្មជាតិ អាចជួយស្បែកឲ្យស្រស់ថ្លា ព្រោះសម្បូរទៅដោយសារធាតុប្រឆាំងអុកស៊ីតកម្ម មានប្រសិទ្ធភាពបំផុត ប្រឆាំងទៅនឹងភាពចាស់ ក៏ដូចជាប្រយុទ្ធប្រឆាំងជាមួយពពួករ៉ាឌីកាល់សេរីទៀតផង។

– ម្ទេសប្លោកលឿង៖ អាហារប្រភេទនេះ ជាដៃគូសក្តិសមបំផុតជាមួយស្បែក ជាប្រភពវីតាមីន Cដ៏ច្រើនលើសលប់។ ម្ទេសប្លោកអាចជួយយើងទទួលបានស្បែកភ្លឺរលោង និងស្រទន់។

– ប្រេងអូលីវ៖ ការស្រាវជ្រាវក្នុងឆ្នាំ ២០១២ រកឃើញថា ប្រើប្រេងអូលីវក្នុងកម្រិតត្រឹមត្រូវជារៀងរាល់ថ្ងៃ ប្រហែល ៨,៤ក្រាម ឬ ២ ស្លាបព្រាកាហ្វេ នឹងជួយឲ្យស្បែកប្រសើរជាងការប្រើត្រឹមកម្រិត ៣,៨ ក្រាម។

សុខភាពស្បែក

ចង់គណនា BMI ចុចទីនេះ !

ចង់គណនា BMR ចុចទីនេះ !

ចង់ពិនិត្យជំងឺសរសៃឈាមបេះដូង ចុចទីនេះ !

ចង់គណនារង្វាស់ចង្វាក់បេះដូង ចុចទីនេះ !

២- តិចនិកដោះស្រាយនៅផ្ទះ

ក្រៅពីរបបអាហារត្រឹមត្រូវ មានសារធាតុចិញ្ចឹមស្បែកខ្ពស់ និងជួយឲ្យសុខភាពល្អ តិចនិកពិសេសមួយចំនួន គួរបញ្ចូលក្នុងទម្លាប់រស់នៅប្រចាំថ្ងៃ ដើម្បីជួយបង្កើនភាពស្រស់ស្អាតដល់ស្បែក ដូចជា៖

– ប្រើម៉ាស់ក្រូចឆ្មារ៖ លាយទឹកក្រូចឆ្មារ ១ ស្លាបព្រាបាយ (១៤,៨ មិល្លីលីត្រ) ជាមួយទឹកប៉េងប៉ោះ ១ ស្លាបព្រាបាយ ទឹកត្រសក់ ១ ស្លាបព្រាបាយ និងម្សៅចម្រាញ់ពីដើមចន្ទន៍ក្រស្នា (Sandalwood Paste) ១ ស្លាបព្រាបាយ (១៤,៨ មីលីលីត្រ) លាយឲ្យសព្វ ហើយលាបទៅលើស្បែក បន្ទាប់មកទុកចោល ១៥-២០ នាទី។ លាងមុខជាមួយទឹកក្តៅ និងលាបផលិតការពារភាពជ្រីវជ្រួញ ជាការស្រេច។

– ឈប់ជក់បារី៖ ជក់បារី នឹងធ្វើឲ្យស្បែកកាន់តែចាស់មុនវ័យ ឈប់ជក់បារី មិនត្រឹមទទួលបានសុខភាពល្អប៉ុណ្ណោះទេ ថែមទាំងជួយស្បែកឲ្យភ្លឺថ្លាទៀតផង។ បើមានមិត្តភក្តិ ឬសមាជិកគ្រួសារ ជក់បារី អាចប្រាប់ឲ្យទៅជក់នៅកន្លែងផ្សេងឆ្ងាយពីយើង។

– ផឹកទឹកឲ្យច្រើន៖ ព្យាយាមផឹកទឹករ៉ែ ៦-៨ កែវ/ថ្ងៃ យើងនឹងទទួលលទ្ធផលល្អប្រសើរពីទឹកធម្មជាតិទាំងនេះ។

– លាបឡេការពារកម្តៅថ្ងៃជាប្រចាំ៖ ព្រះអាទិត្យ បញ្ចេញកាំរស្មី UVអាចជះឥទ្ធិពលអវិជ្ជមានមកលើស្បែក និងអាចនាំឲ្យកើត សម្រស់ ទៀតផង។ ហេតុនេះ មុនពេលចេញក្រៅ ត្រូវការពារស្បែកពីកាំរស្មី UV ដោយពាក់អាវធំ និងលាបឡេការពារកម្តៅថ្ងៃឲ្យបានត្រឹមត្រូវ។

អត្ថបទគួរអាន៖

ចំណុចសំខាន់

ចង់ឲ្យស្បែកសតាមធម្មជាតិ សាកតិចនិកពិសេសនេះលមើល៍!

បញ្ចូលអាហារទាំងនេះទៅក្នុងរបបអាហារប្រចាំថ្ងៃ៖

ផ្លែការ៉ុត
ផ្លែប៉េងប៉ោះ
ឆៃថាវក្រហម (Beetroot)
តែបៃតង
ម្ទេសប្លោកលឿង
ប្រេងអូលីវ

2. បន្ថែមតិចនិកពិសេសមួយចំនួនក្នុងទម្លាប់រស់នៅប្រចាំថ្ងៃ ៖

ប្រើម៉ាស់ក្រូចឆ្មារ
ឈប់ជក់បារី
ផឹកទឹកឲ្យច្រើន
លាបឡេការពារកម្តៅថ្ងៃជាប្រចាំ

ចង់ឲ្យស្បែកសតាមធម្មជាតិ សាកតិចនិកពិសេសនេះលមើល៍!

១- រៀប​ចំ​ផែនការ​របប​អាហារ​សុខភាព

២- តិចនិក​ដោះ​ស្រាយ​នៅ​ផ្ទះ

ចំណុចសំខាន់

១- រៀបចំផែនការរបបអាហារសុខភាព

២- តិចនិកដោះស្រាយនៅផ្ទះ