ត្រួតពិនិត្យដោយ វេជ្ជ. ចាន់ ស៊ីណេត · ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
គ្រោះថ្នាក់សរសៃឈាមខួរក្បាលមានរោគសញ្ញាប្រហាក់ប្រហែលនឹងការគាំងបេះដូងដែរ។ ជាក់ស្ដែង គ្រោះថ្នាក់សរសៃឈាមខួរក្បាល កើតឡើងនៅពេលដែលផ្នែកខ្លះនៃខួរក្បាលត្រូវបានរំខាន និងធ្វើឲ្យរាងកាយមិនអាចដំណើរការបានប្រក្រតី។
ផ្នែកដែលប៉ះពាល់នៃខួរក្បាល ត្រូវការជំនួយបន្ទាន់ ដោយសារតែខួរក្បាលត្រូវការអុកស៊ីសែនដើម្បីបំពេញមុខងាររបស់ខ្លួន។ យ៉ាងណាមិញ រោគសញ្ញានៃគ្រោះថ្នាក់សរសៃឈាមខួរក្បាលអាចអភិវឌ្ឍយ៉ាងឆាប់រហ័ស ហេតុនេះហើយគ្នាយើងមិនត្រូវធ្វេសប្រហែសនឹងសញ្ញាព្រមានខាងក្រោមនេះឡើយ។
សម្ពាធឈាមខ្ពស់អាចបណ្ដាលឲ្យយើងមានបញ្ហាធ្ងន់ធ្ងរជាច្រើន ដូចជាគ្រោះថ្នាក់សរសៃឈាមខួរក្បាល ដោយបំផ្លាញសរសៃប្រសាទខួរក្បាល ឬធ្វើឲ្យសរសៃឈាមចុះខ្សោយ និងបណ្ដាលឲ្យសរសៃឈាមធ្លុះធ្លាយ។ ក្រៅពីនេះ សម្ពាធឈាមខ្ពស់ក៏ជាមូលហេតុដែលបង្កជាកំណកឈាមនៅក្នុងចរន្តឈាម និងអាចធ្វើដំណើរទៅកាន់ខួរក្បាល ដែលនាំឲ្យយើងកើតមានគ្រោះថ្នាក់សរសៃឈាមខួរក្បាលដូចគ្នា។
មួយវិញទៀត គ្រោះថ្នាក់សរសៃឈាមខួរក្បាលក៏អាចនាំឲ្យយើងមើលឃើញរូបភាពពីរ ងងឹតភ្នែកម្ខាង ឬព្រិលភ្នែកផងដែរ។
ជាទូទៅ អាការៈស្ពឹក ឬខ្សោយផ្ទៃមុខ ដៃ ឬជើងម្ខាង ឬទាំងសងខាង ក៏ជាសញ្ញានៃគ្រោះថ្នាក់សរសៃឈាមដូចគ្នា។ នៅក្នុងករណីខ្លះ វាក៏អាចពិការអវយវៈផ្នែកម្ខាងទៀតនៅត្រង់ទីតាំងដែលកើតមានបញ្ហាគ្រោះថ្នាក់សរសៃឈាមខួរក្បាល។
នៅក្នុងការសិក្សាមួយបានបង្ហាញថា អាការៈវិលមុខ ក៏ជាកត្តាទូទៅក្នុងចំណោមអ្នកដែលកើតមានអាការៈគ្រោះថ្នាក់សរសៃឈាមខួរក្បាល។ ស្ថានភាពនៃការវង្វេងស្មារតីអាចជាលទ្ធផលនៃផ្នែកខួរក្បាលដែលរងផលប៉ះពាល់។
ក្នុងពេលដែលកើតមានអាការៈគ្រោះថ្នាក់សរសៃឈាមខួរក្បាល លំហូរឈាមទៅកាន់ខួរក្បាលត្រូវបានរារាំង ឬកាត់ផ្ដាច់ ដោយសារតែការរំខានដែលបណ្ដាលមកពីចរន្តឈាម។ កត្តានេះអាចបណ្ដាលឲ្យមានការដាច់រហែក ឬខូចខាតសរសៃឈាម ជាលទ្ធផល វាធ្វើឲ្យយើងចាប់ផ្ដើមឈឺក្បាលប្រកាំង ឬឈឺក្បាលភ្លាមៗ។
អត្ថបទគួរអាន៖
សរសៃឈាមដែលដាច់រហែកនៅក្នុងខួរក្បាល អាចបណ្ដាលឲ្យយើងរួយក ឬស្មា។ ប្រសិនបើយើងមិនអាចយកចង្ការបស់ខ្លួនប៉ះទៅនឹងទ្រូងខ្លួនឯងបានទេនោះ ចូរប្រញាប់ទៅជួបជាមួយនឹងគ្រូពេទ្យជាបន្ទាន់។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម
