ការគេងបានស្កប់ស្កល់មានសារៈសំខាន់ណាស់ សម្រាប់កុមារតូចៗ ទាំងរាងកាយ និងស្មារតី។ ប៉ុន្តែ ចុះបើកូនឆាប់ភ្ញាក់ពីគេង ហើយមានអាការៈហត់នឿយ និងរញ៉ាំរញ៉ូវ ប៉ាម៉ាក់គួរដោះស្រាយបែបណា?

មូលហេតុកុមារតូចៗឆាប់ភ្ញាក់ពីព្រលឹមពេក

តាមធម្មតា កុមារតូចៗតែងភ្ញាក់ពីព្រលឹម ប៉ុន្តែមូលហេតុមួយចំនួន អាចបណ្តាលឲ្យកូនភ្ញាក់កាន់តែលឿនជាងរាល់ដងទៅទៀត៖

គេងថ្ងៃច្រើនជ្រុល
ខោទឹកនោមសើម
ដុះធ្មេញ ហត់នឿយខ្លាំង ឬឃ្លាន
ឆាប់រំញោចទៅនឹងពន្លឺ សីតុណ្ហភាព ឬសំឡេង
អាលែកហ្ស៊ី ឬតឹងច្រមុះ
ច្រាល់អាស៊ីដ ឬឈឺក្រពះ

ចង់គណនាថ្ងៃសម្រាលកូន ចុចទីនេះ !

ចង់គណនាទម្ងន់ស្រ្តីពពោះ ចុចទីនេះ !

ចង់គណនាថ្ងៃមេជីវិតញីទុំធ្លាក់ ចុចទីនេះ !

ចង់ដឹងអត្ថន័យពណ៌ និងរូបរាងលាមកទារក ចុចទីនេះ !

ប៉ាម៉ាក់គួរដោះស្រាយបែបណា?

១. កំណត់ម៉ោងគេងឡើងវិញ

បើកូនឆាប់ភ្ញាក់ពីគេងពេក អាចមកពីកូនឆាប់ចូលគេងពីព្រលប់ពេក។ ដូច្នេះហើយ ប៉ាម៉ាក់គួរពន្យារពេលគេងរបស់កូនប្រហែលជា១៥នាទីជារៀងរាល់យប់ រយៈពេល១ទៅ២សប្តាហ៍។ មួយវិញទៀត យើងមិនត្រូវផ្លាស់ប្ដូរម៉ោងគេងរបស់កូនច្រើនម៉ោងពេកឡើយ ពីព្រោះទង្វើនេះ អាចឲ្យអាអូនហត់នឿយខ្លាំង និងពិបាកគេងនៅពេលយប់។

កូនមិនគេង២

២. កំណត់ម៉ោងគេងថ្ងៃ

ពិតណាស់ បើកូនគេងច្រើននៅពេលថ្ងៃ នោះអាចនឹងប៉ះពាល់ដល់ការគេងយប់មិនខាន។ ដូចនេះ ហើយ ប៉ាម៉ាក់គួរកំណត់ម៉ោងគេងថ្ងៃ ដូចខាងក្រោម៖

កុមារអាយុ២ឆ្នាំ គួរគេង២ម៉ោង
កុមារអាយុ២ឆ្នាំកន្លះ គួរគេង១ម៉ោងកន្លះ
កុមារអាយុ៣ឆ្នាំ គួរគេង១ម៉ោង។

៣. បន្ថយពន្លឺ និងសំឡេងរំខាន

ការរៀបចំបន្ទប់ដែលមានសភាពរាងងងឹត អាចជួយឲ្យក្មេងគេងបានកាន់តែយូរម៉ោង។ មួយវិញទៀត សំឡេងរំខានខ្លះ ក៏អាចជាមូលហេតុដែលធ្វើឲ្យកូនតូចភ្ញាក់លឿនផងដែរ។ អ៊ីចឹងហើយ ប៉ាម៉ាក់គួរប្រើសម្ភារៈកាត់បន្ថយសំឡេងនៅក្នុងបន្ទប់ ដូចជាវាំងនន ឬកម្រាលឥដ្ឋក្រាស់ៗ។

៤. កាត់បន្ថយការញ៉ាំទឹក

ជាមួយគ្នានេះដែរ បើកូនភ្ញាក់លឿនជ្រុល ដោយសារតែខោទឹកនោមសើម ប៉ាម៉ាក់គួរកាត់បន្ថយការផ្តល់ជាតិទឹកដល់កូន មុនម៉ោងគេង។ បន្ថែមពីនេះ យើងក៏អាចសាកល្បងប្រើខោទឹកនោមសម្រាប់ពេលយប់ដែលមានកម្រាស់វែងជាងខោទឹកនោមធម្មតា។

៥. សង្កេតមើលបញ្ហាសុខភាពក្មេង

ចំពោះកុមារតូចៗដែលដុះធ្មេញ ឬមានជំងឺគ្រុនផ្ដាសាយ ឬអាលែកហ្ស៊ី អាចនឹងភ្ញាក់ពីព្រលឹមជ្រុល។ មួយវិញទៀត ប៉ាម៉ាក់ក៏គួរតាមដានពីបញ្ហាសុខភាពមួយចំនួនដូចជា ជំងឺច្រាល់អាស៊ីដក្រពះ ឬគេងមិនដកដង្ហើម។

អត្ថបទគួរអាន៖

ប៉ាម៉ាក់គួរដោះស្រាយបែបណា បើកូនភ្ញាក់ពីព្រលឹមពេក?

មូលហេតុ​កុមារ​តូច​ៗ​ឆាប់​ភ្ញាក់​ពី​ព្រលឹម​ពេក

ប៉ា​ម៉ាក់​គួរ​ដោះស្រាយ​បែប​ណា?

១. កំណត់​ម៉ោង​គេង​ឡើង​វិញ

២. កំណត់​ម៉ោង​គេង​ថ្ងៃ

​៣. បន្ថយ​ពន្លឺ និង​​សំឡេង​រំខាន

៤. កាត់បន្ថយ​ការ​ញ៉ាំ​ទឹក

៥. សង្កេត​មើល​បញ្ហា​សុខភាព​ក្មេង