អាលែកហ្ស៊ីកើតជាញឹកញាប់លើកុមារ ហើយរោគសញ្ញានៃអាលែកហ្ស៊ីបង្កជាការរំខានផ្សេងៗដល់ទាំងអាអូន និងប៉ាម៉ាក់។ ជាក់ស្ដែង អាលែកហ្ស៊ីអាចវិវត្តយឺតៗទៅតាមពេលវេលា ហេតុនេះហើយប៉ាម៉ាក់ចាំបាច់មានការអត់ធ្មត់ ក៏ដូចជាគ្រប់គ្រងរោគសញ្ញាអាលែកហ្ស៊ីប្រកបដោយប្រសិទ្ធភាពខ្ពស់។ យ៉ាងណាមិញ ដើម្បីបង្ការ ក៏ដូចជាកាត់បន្ថយបញ្ហាអាលែកហ្ស៊ី ប៉ាម៉ាក់អាចអនុវត្តតាមវិធីសាស្ត្រមួយចំនួនខាងក្រោមនេះ។
ចង់ចាកចេញពី Hellokrupet?
ប្រាកដហើយថា អ្នកចង់ចាកចេញ?
គន្លឹះ ៥ យ៉ាង បញ្ចៀសបញ្ហាអាលែកហ្ស៊ីកើតលើកុមារ
១. ឲ្យកូននៅក្នុងផ្ទះ
ប៉ាម៉ាក់គួរឲ្យកូននៅក្នុងផ្ទះ ដើម្បីជៀសវាងពីភ្នាក់ងារបង្កបញ្ហាអាលែកហ្ស៊ីផ្សេងៗ។ ជាក់ស្ដែង ភ្នាក់ងារបង្កអាលែកហ្ស៊ីច្រើនតែលេចឡើងនៅពេលព្រឹក ហេតុនេះហើយ ដើម្បីថែទាំសុខភាពរបស់កូនឲ្យជៀសឆ្ងាយពីបញ្ហាមួយនេះ ចូរឲ្យកូននៅក្នុងផ្ទះអំឡុងពេលព្រឹកព្រលឹម។
២. ប្រើសេរ៉ូមប្រៃ
នៅពេលក្មេងប្រឈមនឹងការស្ទះទឹកសម្បោរ ដែលជារោគសញ្ញាដ៏អាក្រក់មួយនៃអាលែកហ្ស៊ីកើតលើកុមារ ប៉ាម៉ាក់គប្បីប្រើសេរ៉ូមប្រៃដែលអាចរកបាននៅលើទីផ្សារ ពីព្រោះវាមានប្រសិទ្ធភាព ក៏ដូចជាសុវត្ថិភាព ក្នុងការដោះស្រាយបញ្ហាមួយនេះ។
៣. រក្សាជាតិទឹកក្នុងរាងកាយកូន
នៅរាល់ពេលដែលកូនកណ្ដាស់ និងក្អក អាអូនអាចនឹងខ្វះជាតិទឹក។ ដូច្នេះហើយ ប៉ាម៉ាក់គប្បីឲ្យកូនញ៉ាំទឹកឲ្យបានច្រើន។ ទន្ទឹមនឹងនេះដែរ ប៉ាម៉ាក់ក៏អាចឲ្យកូនញ៉ាំទឹកដូងបានដូចគ្នា។
ចង់ដឹងអត្ថន័យពណ៌ និងរូបរាងលាមកទារក ចុចទីនេះ!
ចង់គណនាថ្ងៃសម្រាលកូន ចុចទីនេះ!
៤. ខ្ពុរមាត់
ការឆ្លងមេរោគបំពង់ក ក៏អាចជារោគសញ្ញាមួយនៃបញ្ហាអាលែកហ្ស៊ីដែរ។ ដូចនេះ ប៉ាម៉ាក់អាចឲ្យកូនខ្ពុរមាត់ជាមួយនឹងទឹកក្ដៅឧណ្ហៗ ឬទឹកអំបិល។ ពិតណាស់ ទឹកអំបិលអាចជួយកាត់បន្ថយការរលាកបំពង់ក និងដូចជាអាចគ្រប់គ្រងរោគសញ្ញាអាលែកហ្ស៊ីបានយ៉ាងស័ក្ដិសិទ្ធិ។
៥. បន្ថែមអាហារប្រឆាំងនឹងការរលាក
ប៉ាម៉ាក់ក៏អាចបញ្ចូលអាហារដែលប្រឆាំងនឹងការរលាកមួយចំនួនទៅក្នុងរបបអាហាររបស់កូន ដើម្បីគ្រប់គ្រងរោគសញ្ញាអាលែកហ្ស៊ី ដូចជាខ្ញី រមៀត ម្រេចខ្មៅ។ មួយវិញទៀត យើងក៏អាចឆុងតែដោយប្រើគ្រឿងផ្សំទាំងនេះ ឬឲ្យកូនផឹកទឹកដោះគោ ឬតែក្ដៅឧណ្ហៗ ទើបជាការប្រសើរ។
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ប្រភព
Allergies In Children: 5 Ways To Help Prevent Allergy Symptoms in Kids
Kids and Allergies
https://kidshealth.org/en/parents/allergy.html
Allergies in Children
Share