ក្រោយសម្រាលចេញពីផ្ទៃម្តាយ ស្បែកបេប៊ីមានសភាពស្ដើងខ្លាំង ងាយជួបប្រទះបញ្ហាផ្សេងៗ ដូចជា រោល កន្ទួល រមាស់ កន្ទាលត្រអាក ឬជំងឺមុន ជាដើម។ បម្រែបម្រួលអ័រម៉ូនម៉ាក់ៗ អំឡុងពេលពពោះ ជាផលហេតុនាំឲ្យស្បែកអាអូន អាចមានមុន ២-៣ គ្រាប់ ក្រោយសម្រាល។

ខាងក្រោមនេះ ជាវិធីសាស្ត្រព្យាបាល និងថែរក្សាស្បែកអូនៗឲ្យស្រស់ស្អាត និងភ្លឺរលោង៖

១- វិធីព្យាបាលមុនលើស្បែក

ជាធម្មតាជំងឺមុនលើស្បែកក្មេងៗ នឹងបាត់ទៅវិញដោយឯកឯងមិនចាំបាច់ព្យាបាលទេ ប៉ុន្តែម៉ាក់ៗគួរទុកមុខរបស់មុនទាំងនោះឲ្យនៅស្ងួតជានិច្ច ចៀសវាងញេច ព្រោះអាចនឹងបង្កឲ្យមានស្នាម។

ក្នុងករណីជំងឺមុន អាអូនមិនបាត់ទៅវិញ ឬកាន់តែធ្ងន់ធ្ងរ ប្រញាប់ពិគ្រោះយោបល់ជាមួយគ្រូពេទ្យដើម្បីពិនិត្យឲ្យកាន់តែច្បាស់លាស់ ព្រោះស្ថានភាពនេះ អូនៗអាចនឹងមានជំងឺសើស្បែកណាមួយ ជាពិសេសជំងឺ “ត្រអក” តែម្តង។

ចង់ដឹងអត្ថន័យពណ៌ និងរូបរាងលាមកទារក ចុចទីនេះ !

ចង់គណនាថ្ងៃមេជីវិតញីទុំធ្លាក់ ចុចទីនេះ !

២- ដឹងពីសុវត្ថិភាព

ភាគច្រើន ផលិតផលថែរក្សាស្បែកក្មេង មានផ្ទុកសារធាតុគីមីអាចបង្កឲ្យស្បែកអូនៗងាយរងប្រតិកម្ម។ លើសពីនេះ លទ្ធផលស្រាវជ្រាវមួយចំនួនបង្ហាញថា សារធាតុមួយចំនួនដែលជាធាតុផ្សំក្នុងផលិតផលប្រភេទនេះ ដូចជា សារធាតុ Parabens, Phthalates (DBP) សារធាតុ Dimethylphthalate (DMP) និងសារធាតុ Diethyl phthalate (DEP) ជាដើម អាចបង្កឲ្យប៉ះពាល់កម្រិតបរិមាណអ័រម៉ូនក្នុងឈាម បណ្ដាលឲ្យការលូតលាស់បេប៊ីមិនប្រក្រតី។

អត្ថបទគួរអាន៖

៣- ផលិតផលគួរប្រើ

ដើម្បីបញ្ចៀសប្រតិកម្មផ្សេងៗលើស្បែកអូនៗ ម៉ាក់ៗគប្បីប្រើប្រាស់ផលិតផលមានសារធាតុគីមីតិចតួចបំផុត ដូចជា៖

– សាប៊ូធម្មតា៖ ទោះជាសាប៊ូធម្មតាមានប្រតិកម្មតិចតួចលើស្បែកអាអូន (ទារក) ប៉ុន្តែការងូតទឹកមិនត្រូវប្រើសាប៊ូច្រើនពេកទេ ហើយមិនគួរប្រើសាប៊ូពេលងូតទឹកឲ្យអាអូនញឹកញាប់ពេកដែរ គួរប្រើ ២-៣ ដង/សប្តាហ៍ គ្រប់គ្រាន់ហើយ ព្រោះងូតទឹកប្រើសាប៊ូច្រើនដងពេកអាចបណ្ដាលឲ្យស្បែកអាអូនស្ងួត។

– គ្រឿងផ្សំពីធម្មជាតិ៖ គ្រប់ពេលសម្រេចចិត្តទិញផលិតថែរក្សាស្បែក ក្មេងត្រូវដឹងច្បាស់ផលិតផលទាំងនោះផ្សំឡើងពីអ្វី គប្បីជ្រើសរើសផលិតផលផ្សំពីប្រេងធម្មជាតិប្រសើរជាង ប៉ុន្តែបើទោះជាផលិតផលទាំងនោះផ្សំពីប្រេងធម្មជាតិ ក៏ប្រតិកម្មលើស្បែកអាអូន អាចនឹងកើតមានដូចគ្នា គ្រាន់តែថាផលិតផលធម្មជាតិមានសុវត្ថិភាពជាងផលិតផលដទៃប៉ុណ្ណោះ។

– ផលិតផលសាមញ្ញធម្មតា៖ ចៀសវាងប្រើប្រាស់ផលិតផលមានគ្រឿងផ្សំច្រើន ព្រោះគ្រឿងផ្សំកាន់តែច្រើនអាចបង្កឲ្យមានប្រតិកម្មស្បែកកាន់តែច្រើនដូចគ្នា។

ចំណុចសំខាន់

កូនកើតមកភ្លាមអាចមានលេចចេញនូវមុនពីរបីគ្រាប់លើខ្លួន តែប៉ាម៉ាក់មិនបាច់បារម្ភពេកទេ មុននេះអាចនឹងមិនបាត់ទៅវិញ ហើយមិនគួរញេចវានោះដែរ។ ដូចគ្នាដែរ ស្បែករបស់កូនទើបកើតមានសភាពស្តើងខ្លាំង ការប្រើប្រាស់សាប៊ូដុសខ្លួនឲ្យកូនក៏ត្រូវមានការប្រយ័ត្នខ្ពស់ ដើម្បីកុំឲ្យស្បែកកូនមានប្រតិកម្ម។

ស្បែក​អាអូន​មាន​បញ្ហា ប៉ាម៉ា់ក់គួរដឹងពីចំណុចទាំងនេះ

១- វិធីព្យាបាលមុនលើស្បែក

២- ដឹងពីសុវត្ថិភាព

៣- ផលិតផលគួរប្រើ

ចំណុចសំខាន់

ស្បែកអាអូនមានបញ្ហា ប៉ាម៉ា់ក់គួរដឹងពីចំណុចទាំងនេះ