ទម្លាប់ចាស់ៗពីមុន ពេលកូនមានបញ្ហាភ្នែកតែងណែនាំឲ្យម៉ាក់ៗយកទឹកដោះបន្តក់ក្នុងភ្នែកកូន ដើម្បីឲ្យជាឡើងវិញ។ តែមកដល់ពេលឥឡូវ ទម្លាប់បែបនេះត្រូវពេទ្យហាមផ្ដាច់ ព្រោះមិនត្រឹមតែមិនជួយអ្វីបាន ថែមទាំងអាចប៉ះពាល់ដល់ភ្នែកទារកកាន់តែធ្ងន់ធ្ងរទៀតផង។
នេះជាមូលហេតុពេទ្យហាមមិនឲ្យម៉ាក់ៗបន្តក់ទឹកដោះចូលភ្នែកកូន
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
លោកវេជ្ជបណ្ឌិត ប៉ែន កក្កដា ឯកទេសរោគកុមារ និងទារក នៅមន្ទីរពេទ្យកុមារជាតិ បានឲ្យដឹងថា កាលពីមុនទឹកដោះម៉ាក់ៗយកទៅបន្តក់ក្នុងភ្នែកកូនមានប្រសិទ្ធិភាព ព្រោះពីមុនមិនទាន់សាយភាយបញ្ហាសារធាតុគីមីនៅក្នុងបន្លែផ្លែឈើដែលយើងញ៉ាំ។ មានន័យថា ឥឡូវព្រោះតែអាហារសម្បូរជាតិគីមី បូករួមទាំងនឹងម៉ាក់ៗខ្លះមានកើតជំងឺទឹកនោមផ្អែម ទើបធ្វើឲ្យទឹកដោះមិនល្អក្នុងការបន្តក់ភ្នែកទារក។
វេជ្ជបណ្ឌិតឯកទេសរោគកុមាររូបនេះបានបន្តទៀតថា ក្រៅពីបញ្ហា២ ខាងលើនៅមានកត្តាអនាម័យ ដែលសំដៅលើដៃ ឬក្បាលដោះគគ្រិច ហើយមេរោគឆ្លងចូលទៅក្នុងទឹកដោះពេលច្របាច់ដាក់ក្នុងភ្នែក។
អត្ថបទពាក់ព័ន្ធ៖ នេះជាមូលហេតុធ្វើឲ្យភ្នែកទារកសើមស្អិត មានលាយអាចម៍ភ្នែក
លោកក៏បញ្ជាក់ទៀតថា បើម៉ាក់ៗណាមានកូនឈឺភ្នែក ហើយបន្តអនុវត្តក្បួនពីដើមនោះ អាចបណ្ដាលឲ្យបញ្ហាភ្នែកឈឺតិចតួចទៅជាធ្ងន់ធ្ងរវិញបានដូចជា ស្អិត ខ្ទុះ ហើម និងរលាកកញ្ចក់ភ្នែក ហើយបើខ្លាំងអាចពិការភ្នែកក៏មាន។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម