ការបំបៅដោះកូន ចាំបាច់ណាស់សម្រាប់អាអូន និងម៉ាក់ៗគ្រប់រូប ព្រោះគ្មានអាហារអ្វីផ្សេងដែលផ្ដល់ដល់ប្រយោជន៍ល្អដល់អាអូនដូចជាទឹកដោះម្ដាយផ្ទាល់នោះទេ។ បើម៉ាក់ៗចង់ឲ្យកូនលូតលាស់ល្អ គួរឲ្យអាអូនបៅរហូតដល់អាយុប៉ុន្មានទើបល្អទៅ?

ទាក់ទងនឹងបញ្ហានេះ លោកវេជ្ជបណ្ឌិត ចាន់ ស៊ីណេត បានឲ្យដឹងថា ការបំបៅដោះកូនដល់អាយុណានោះ ជាជម្រើសរបស់ម៉ាក់ៗទេ។ ប៉ុន្តែ អង្គការសុខភាពពិភពលោក WHO បានណែនាំឲ្យ ម្ដាយគ្រប់រូបបំបៅដោះកូនយ៉ាងតិចឲ្យគ្រប់ ៦ខែ សិនសឹមផ្ដាច់ឲ្យកូនបៅទឹកដោះគោ ឬផ្ដល់ចំណីអាហារផ្សេងៗដល់កូន។ ទោះយ៉ាងនេះក្ដី ម៉ាក់ៗអាចជ្រើសយកការបំបៅដោះកូន រហូតអាអូនមានអាយុ ១-២ខួប ឬលើសនេះ ក៏មិនមានបញ្ហា ឲ្យតែជម្រើសនោះសមស្របសម្រាប់ម៉ាក់ៗ។

ចង់គណនាថ្ងៃសម្រាលកូន ចុចទីនេះ !

ចង់គណនាទម្ងន់ស្រ្តីពពោះ ចុចទីនេះ !

ចង់គណនាថ្ងៃមេជីវិតញីទុំធ្លាក់ ចុចទីនេះ !

ចង់ដឹងអត្ថន័យពណ៌ និងរូបរាងលាមកទារក ចុចទីនេះ !

ការបំបៅដោះកូនមានអត្ថប្រយោជន៍ច្រើនផ្ដល់ដល់ទាំងម្ដាយ និងកូន។ មិនតែប៉ុណ្ណោះ មានការស្រាវជ្រាវច្រើនបានបង្ហាញឲ្យឃើញថា ការបំបៅដោះកូនអាចកាត់បន្ថយហានិភ័យកូនៗកើតបញ្ហាសុខភាពផ្សេងៗដូចជា រាករូស ឆ្លងមេរោគក្នុងត្រចៀក ឬអាចការពារកូនពីជំងឺទឹកនោមផ្អែម ជំងឺធាត់ ជំងឺហឺត និងបញ្ហាទារកស្លាប់ភ្លាមៗ (SIDS)។

បំបៅដោះ១

ប្រធានផ្នែកសម្ភព និងរោគស្ត្រីនៃមន្ទីរពេទ្យមិត្តភាពកម្ពុជា-ចិន សែនសុខ បញ្ជាក់ថា ចំពោះម៉ាក់ៗវិញ ការបំបៅដោះកូនជួយដុតកម្លោចកាឡូរី និងជួយបង្រួមស្បូនឡើងវិញ។ លើសពីនេះ ម៉ាក់ៗដែលបំបៅដោះកូនអាចស្រកទម្ងន់មកធម្មតាវិញបានលឿន ហើយមិនតែប៉ុណ្ណោះ ការបំបៅដោះកូន ក៏អាចកាត់បន្ថយហានិភ័យស្ត្រីកើតជំងឺដូចជា៖

១. ជំងឺមហារីកសុដន់

២. ជំងឺលើសសម្ពាធឈាម

៣. ជំងឺទឹកនោមផ្អែម

៤. ជំងឺបេះដូង។ល។

លើសពីនេះ ការបំបៅដោះកូនក៏អាចជួយការពារម៉ាក់ៗពីជំងឺមហារីកស្បូន និងមហារីកក្រពេញអូវ៉ែ។

អត្ថបទគួរអាន៖

ម៉ាក់ៗគួរបំបៅដោះកូន ដល់អាយុប៉ុន្មានទើបល្អដល់ការលូតលាស់អាអូន?