តើការញ៉ាំអាហារហឹរ អំឡុងពេលបំបៅដោះមានអត្ថប្រយោជន៍ចំពោះទារកដែរឬទេ?
ប្រសិនបើអាអូនមិនមានប្រតិកម្មនឹងអាហារហឹរនៅក្នុងទឹកដោះម្ដាយទេនោះ វានឹងមិនបង្កផលប៉ះពាល់ណាមួយឡើយ។ ផ្ទុយទៅវិញ ទារកអាចនឹងទទួលបានអត្ថប្រយោជន៍មួយចំនួនពីទឹកដោះម្ដាយ ដែលមានរសជាតិហឹរដូចជា៖
- ងាយស្រួលក្នុងការផ្ដាច់ដោះ
- អាចស្គាល់ពីរសជាតិផ្សេងៗ
- ពង្រឹងមុខងារក្រពះ
- ទទួលយករបបអាហារល្អប្រសើរ ទាំងនៅវ័យក្មេង

តើម៉ាក់ៗកំពុងបំបៅដោះកូន គួរចាប់ផ្ដើមញ៉ាំអាហារហឹរនៅពេលណា?
ម៉ាក់ៗភាគច្រើនចាប់ផ្ដើមញ៉ាំអាហារហឹរនៅក្នុងបរិមាណតិចតួចបន្ទាប់ពីសម្រាលកូនរួច។ យ៉ាងណាមិញ ម៉ាក់ៗគប្បីរង់ចាំរហូតដល់ទារកស៊ាំនឹងការបំបៅដោះត្រឹមត្រូវ និងអភិវឌ្ឍសុខភាព ក៏ដូចជាភាពស៊ាំរបស់ពួកគេជាមុនសិន មុននឹងចាប់ផ្ដើមញ៉ាំអាហារហឹរ ។