តើអ្នកបារម្ភពីអ្វី?

close
មិនត្រឹមត្រូវ
ពិបាកយល់
ផ្សេងៗ

ឬ​ចម្លង​តំណភ្ជាប់

null

កូនបៅទឹកដោះគោ ម៉ាក់ៗកែទម្លាប់ ៤ នេះ កុំឲ្យកូនឈឺច្រើន

    កូនបៅទឹកដោះគោ ម៉ាក់ៗកែទម្លាប់ ៤ នេះ កុំឲ្យកូនឈឺច្រើន

    ដើម្បីចិញ្ចឹមកូនឲ្យលូតលាស់ និងមានសុខភាពល្អ ម៉ាក់ប៉ាត្រូវយកចិត្តទុកដាក់ទាំងលើរបបអាហារ ការថែទាំដិតដល់ រួមទាំងការអនាម័យជាដើម។ ចំពោះម៉ាក់ប៉ាដែលឲ្យកូន​បៅ​ទឹកដោះគោ គួរតែកែប្រែទម្លាប់មិនល្អខាងក្រោមនេះចេញ ទើបជំងឺមិនសូវមកតោងខ្លួនកូន ។

    ចុចត្រង់នេះដឹងពីអត្ថន័យពណ៌ និងរូបរាងលាមកទារក

    ១. ផ្ដល់ទឹកដោះគោនៅសល់ឲ្យកូន

    ម៉ាក់ប៉ាខ្លះ ជ្រុលដៃលាយម្សៅទឹកដោះគោឲ្យកូនបៅអត់អស់ មិនចាក់ចោលទេ បែរជាទុកឲ្យកូនបៅពេលក្រោយទៀត។ នេះជាទម្លាប់អាក្រក់មួយធ្វើឲ្យកូនឧស្សាហ៍ឈឺ ដោយសារទឹកដោះគោកូនម៉ឹមសល់ មិនអាចទុកយូរលើសពីមួយម៉ោងបានទេ។ តាមការពន្យល់របស់លោកស្រីវេជ្ជបណ្ឌិតឯកទេសរោគកុមារ កុសល កណិការ ពេលកូនបៅទឹកដោះគោហើយ មេរោគនឹងចូលទៅក្នុងទឹកដោះនៅសល់នោះតាមទឹកមាត់កូន ហើយបើយើងទុកយូរម៉ោងបន្តិច កូនយើងបៅទឹកដោះគោដែលនៅសល់អាចបង្កឱ្យកូនឈឺពោះ រាករូសជាដើម។

    ២. បន្ថយ ឬបន្ថែមបរិមាណទឹក ឬម្សៅទឹកដោះគោ

    ការឆុងទឹកដោះគោមានក្បួនខ្នាត និងរង្វាស់ត្រឹមត្រូវ តែទោះយ៉ាងណា ម៉ាក់ប៉ាមួយចំនួនបានបំពានក្បួនច្បាប់ទាំងនោះ នៅពេលកូនមានបញ្ហា ដូចជារាក ឬទល់លាមក។ ជាក់ស្ដែង ពេលកូនទល់លាមក ម៉ាក់តែងបន្ថយបរិមាណទឹកដោះគោ ដោយរក្សាបរិមាណទឹកដដែល ឬក៏រក្សាបរិមាណទឹកដោះគោដដែល តែបន្ថែមបរិមាណទឹកវិញ ដោយគិតថា ការបន្ថែមបរិមាណទឹក អាចកាត់បន្ថយអាការៈទល់លាមកកូនបាន។ លោកវេជ្ជបណ្ឌិត ចាន់ ស៊ីណេត ប្រធានផ្នែកសម្ភព និងរោគស្ត្រី នៃមន្ទីរពេទ្យបង្អែកមិត្តភាពកម្ពុជា-ចិន សែនសុខ អះអាងថា វិធីនេះមិនត្រឹមត្រូវទេ ថែមទាំងធ្វើឲ្យកូនមានបញ្ហាសុខភាពធ្ងន់ធ្ងរ អាចនឹងខ្វះអាហារូបត្ថម្ភក៏ថាបាន។

    ៣. ប្រើទឹកឆុងទឹកដោះគោកូនមិនបានត្រឹមត្រូវ

    អង្គការសុខភាពពិភពលោក (WHO) បានណែនាំឲ្យម៉ាក់ប៉ាប្រើទឹកដែលល្អសម្រាប់ឆុងទឹកដោះគោឲ្យក្មេង គឺទឹកដាំពុះ ទុកឲ្យនៅក្តៅឧណ្ឌៗ មិនមែនជាទឹកត្រជាក់ ឬទឹកមានជាតិរ៉ែខ្ពស់នោះទេ។ ការយកទឹកក្តៅឧណ្ហៗមកឆុងទឹកដោះគោ ធ្វើឲ្យម្សៅទឹកដោះគោងាយរលាយ អាចកាត់បន្ថយអាការៈទល់លាមករបស់ក្មេងបានថែមទៀត។

    ៤. ប្រើដបទឹកដោះគោកខ្វក់

    ក្នុងនាមជាម៉ាក់ប៉ាមួយថ្ងៃៗ មិនមែនទំនេរមើលតែកូនមួយមុខទេ ព្រោះតែរវល់ ម៉ាក់ប៉ាមួយចំនួនយកដបទឹកដោះគោប្រើរួចដែលមិនទាន់លាង មកឆុងទឹកដោះគោឲ្យកូនម៉ឹមម្ដងទៀត។ ការធ្វើបែបនេះអាចឲ្យកូនហើមពោះ ដោយសារដបទឹកដោះគោប្រើរួចទុកយូរដោយមិនបានលាងសម្អាត បាក់តេរីនឹងកកើតឡើង ទៅជាជូរផ្អូម។

    បៅម្សៅ​ទឹក​ដោះ​សត្វ

    health-tool-icon

    តារាងកាលវិភាគចាក់ថ្នាំបង្ការ(វ៉ាក់សាំង) ទារក

    សូមប្រើប្រាស់តារាង​ប្រព័ន្ធភាពស៊ាំ​ដើម្បី​ស្វែងយល់បន្ថែម​ពីប្រភេទថ្នាំបង្ការនិងពេលវេលា​ដែល​កូនរបស់អ្នក​ត្រូវការ​

    កូនប្រុសឬស្រី?

    ប្រុស

    ស្រី

    Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    ប្រភព

    Formula Feeding FAQs: Preparation and Storage https://kidshealth.org/en/parents/formulafeed-storing.html

    What Happens If You Don’t Sanitize A Baby’s Bottle? https://www.amazingwaterinc.com/blog/what-happens-if-you-dont-sanitize-a-babies-bottle

     

    រូបថត​របស់​អ្នក​និពន្ធbadge
    ដោយ នាង សុខុមដាលីញ៉ា កែសម្រួល​ចុងក្រោយ 28/09/2021
    ត្រួតពិនិត្យដោយ វេជ្ជ. ចាន់ ស៊ីណេត