តើអ្នកបារម្ភពីអ្វី?

close
មិនត្រឹមត្រូវ
ពិបាកយល់
ផ្សេងៗ

ឬ​ចម្លង​តំណភ្ជាប់

ទឹកដោះម្ដាយក៏មានជាតិពុលដែរ តែកុំទាន់ភ័យ ស្វែង​យល់​បន្តិច​សិន

ទឹកដោះម្ដាយក៏មានជាតិពុលដែរ តែកុំទាន់ភ័យ ស្វែង​យល់​បន្តិច​សិន

ទឹក​ដោះ​ម្ដាយ​ ជា​អាហារ​ដំបូង​ល្អ និង​សំខាន់​បំផុត​សម្រាប់​ទារក​​ក្នុង​រយៈពេល​ ៦​ ខែ​ដំបូង ដោយ​ផ្ដល់​​សារធាតុ​ចិញ្ចឹម​គ្រប់គ្រាន់​សម្រាប់​ទារក​លូតលាស់​ ព្រម​ទាំងបង្កើន​ភាព​ស្និទ្ធស្នាល​រវាង​ម្ដាយ ​និង​ទារក។ ​ប៉ុន្តែ​អ្វី​ដែល​នឹកស្មាន​មិន​ដល់​ ​អ្នក​វិទ្យាសាស្ត្រ​បាន​រក​ឃើញ​ថា ក្នុង​ទឹក​ដោះ​ម្ដាយ​គឺ​មាន​សារធាតុ​ពុល​មួយ​ចំនួន​។

១- អ្វីទៅជាសារធាតុពុល?

សារធាតុពុល ​គឺជា​សារធាតុគីមី​គ្រោះថ្នាក់​តែង​មាន​ក្នុង​ធម្មជាតិ​ជុំវិញ​ខ្លួន​យើង។ ​ជាតិពុល​ទាំងនោះ​មាន​ក្នុង​អាហារ​ គ្រឿង​សម្អាង​ ទឹក ​និង​ខ្យល់ ​ឬ​វត្ថុ​ប្រើប្រាស់​ប្រចាំថ្ងៃ ​ប៉ុន្តែ​ដោយសារ​ជាតិ​ពុល​ទាំង​នោះ​មាន​កម្រិតទាប​ ដូចនេះ​វា​មិន​គ្រោះថ្នាក់​នោះ​ទេ។

health-tool-icon

គណនាថ្ងៃសម្រាលកូន

ប្រើ​វិធី​គណនា​នេះ​​ គឺ​ដើម្បី​រក​ថ្ងៃ​សម្រាល​កូន​។ វិធី​​នេះ​អាច​ប៉ាន់ស្មាន​ថ្ងៃ​សម្រាល​បាន​ តែ​មិន​ធានា​ថា​ត្រឹម​ត្រូវ​ទាំង​ស្រុង​ទេ​។ ស្រ្តី​ភាគ​ច្រើន មិន​ទាំង​អស់​ទេ អាច​ឆ្លង​ទន្លេ​មុន​ ឬ​ក្រោយ​មួយ​សប្ដាហ៍ នៃ​ពេល​វេលា​ប៉ាន់​ស្មាន​នេះ។

រយៈពេល​វដ្ដរដូវ

28 ចំំនួន​ថ្ងៃ​

២- សារធាតុពុលក្នុងទឹកដោះម្ដាយ​អាចប៉ះពាល់ដល់ទារកឬយ៉ាងណា?

នៅ​ក្នុង​ទឹកដោះ​ម្ដាយ​មាន​សារធាតុ​ពុល​តិចតួច​ប៉ុណ្ណោះ ​ហេតុនេះ​ វា​​គ្មាន​ផល​ប៉ះពាល់​ដល់​សុខភាព​ទារក​នោះ​ទេ។ ការពិត​ ​ពេល​នៅ​ក្នុង​ផ្ទៃ​ម្តាយ​ ទារក​ក៏​បាន​ប៉ះពាល់​នឹង​សារធាតុ​ពុល​ច្រើន​ ប៉ុន្តែ​គ្មាន​ភស្តុតាង​ណា​បង្ហាញ​ថា​ សារធាតុ​ពុល​ទាំង​នោះ​ប៉ះពាល់​ដល់​ខួរក្បាល​ទារក​ឡើយ។

កម្មវិធីពិនិត្យ​គ្រោះថ្នាក់ជំងឺកូវីដ-១៩ អនឡាញ​

គណនាថ្ងៃមេជីវិតញីទុំធ្លាក់ ចុចទីនេះ!
ដឹងអត្ថន័យពណ៌ និងរូបរាងលាមកទារក ចុចទីនេះ!

៣- ម្ដាយគ្រប់រូបគួរបន្តបំបៅកូនដោយទឹកដោះទៀតទេ?

គួរ​បន្ត​ ព្រោះ​ទឹកដោះ​ម្ដាយ​ជា​អាហារ​បំប៉ន​ល្អ​ឥត​ខ្ចោះ​សម្រាប់​ទារក​។ ​ទឹក​ដោះ​ម្តាយ​មាន​អង់ទីករការពារ​កូន​ពី​ជំងឺ​មួយ​ចំនួន ​ដូចជា​ ជំងឺ​គ្រុនពោះវៀន​ ផ្ដាសាយ​ រលាក​សួត ​និង​រលាក​ត្រចៀក​ ជាដើម។

បំបៅដោះ

៤- វិធីណាខ្លះដើម្បីបន្ថយកម្រិតជាតិពុលក្នុងទឹកដោះ?

វិធី​ចាំបាច់​បំផុត ​គឺកាត់បន្ថយ​ញ៉ាំអាហារ​​មាន​ជាតិ​ខ្លាញ់​ខ្ពស់។​ ត្រូវ​ប្រាកដ​ថា​អាហារ​ដែលយើង​ញ៉ាំ ​នៅ​ស្រស់ ​និង​មាន​អនាម័យ​ល្អ។ យក​ល្អ ​គួរ​ពិគ្រោះ​ជាមួយ​អ្នក​ជំនាញ​ខាង​ផ្នែក​ចំណី​អាហារ​ដើម្បី​ប្រាកដ​ថា​វា​មិន​ប៉ះពាល់​ដល់​ទារក។

ការផ្លាស់ប្ដូរ​របប​អាហារ​ ​មិនបាន​ជួយ​យើង​ច្រើន​ទេ ​ប៉ុន្តែ​​ប្រសើរ​ជាង​មិនបាន​ធ្វើ​អ្វី​សោះ។ ​បើ​យើង​ខ្លាច​ជាតិពុល​ទាំង​នោះ​ឆ្លង​​ទៅ​ទារក ​​អាច​អនុវត្ត​តាម​ជំហាន​ទាំងនេះ៖

គួរអាន៖

ញ៉ាំ​អាហារ​មាន​ជីវជាតិ​គ្រប់គ្រាន់ ​ដូចជា ​ផ្លែឈើ ​បន្លែ​ ផលិតផល​ទឹក​ដោះ​គោ​ សាច់​ត្រី ​និង​អាហារ​ម្សៅ ​ដូច្នេះ​ម៉ាក់ៗ​​អាច​កាត់​បន្ថយ​ហានិភ័យ​ដែល​បង្ក​ដោយ​ជាតិពុល​ពី​ប្រភព​តែ​មួយ។
យក​ជាតិ​ខ្លាញ់​ចេញ​ពី​សាច់​មុន​ពេល​ចម្អិន
ប្ដូរ​ទៅ​ប្រើ​ ឬញ៉ាំផលិតផល​ទឹកដោះគោ​មាន​ជាតិ​ខ្លាញ់​ទាប
ខ្លាញ់​ត្រី​ល្អ​ណាស់​សម្រាប់​ម៉ាក់ៗ និង​កូន ​ប៉ុន្តែ​គួរ​ញ៉ាំ​តែ ​២ ដង​ក្នុង​មួយ​សប្ដាហ៍​បាន​ហើយ។ ​ឯ​ត្រី​ឆ្លាម គួរ​ញ៉ាំត្រឹម​តែ​មួយ​សប្ដាហ៍​មួយដង ​ព្រោះ​វា​មាន​ជាតិ​បារត​ខ្ពស់។
– ​បើ​អាច​ គួរញ៉ាំអាហារ​សរីរាង្គ លាង​សម្អាត​បន្លែ ​និង​ចិត​សំបក​ផ្លែឈើ​ ​​មុន​ពេល​បរិភោគ
កុំ​ប្រើ​ថ្នាំ​ប្រភេទ​ខ្លាញ់​ត្រី​ដែល​ចម្រាញ់​ចេញ​ពី​ថ្លើម​ត្រី ព្រោះ​ថ្លើម​ត្រី​ជា​កន្លែង​ផ្ទុក​កាកសំណល់​ និង​ជាតិ​ពុល។ គួរញ៉ាំ​​ថ្នាំ​ប្រភេទ​ខ្លាញ់​ត្រី ឬ​ផលិត​ចេញ​ពី​សាច់ត្រី​ជំនួស​វិញ។

ចំណុចសំខាន់

នៅ​ក្នុង​ទឹកដោះ​ម្ដាយ​មាន​សារធាតុ​ពុល​តិចតួច​ប៉ុណ្ណោះ ​ហេតុនេះ​ វា​​គ្មាន​ផល​ប៉ះពាល់​ដល់​សុខភាព​ទារក​នោះ​ទេ។ ការពិត​ ​ពេល​នៅ​ក្នុង​ផ្ទៃ​ម្តាយ​ ទារក​ក៏​បាន​ប៉ះពាល់​នឹង​សារធាតុ​ពុល​ច្រើន​ ប៉ុន្តែ​គ្មាន​ភស្តុតាង​ណា​បង្ហាញ​ថា​ សារធាតុ​ពុល​ទាំង​នោះ​ប៉ះពាល់​ដល់​ខួរក្បាល​ទារក​ឡើយ។

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

ប្រភព

Toxins in breastmilk

https://www.babycentre.co.uk/a562362/toxins-in-breastmilk

Contaminants in Human Milk: Weighing the Risks against the Benefits of Breastfeeding

https://www.ncbi.nlm.nih.gov/pmc/articles/PMC2569122/

Study Finds High Levels of Toxic Chemicals in Mothers’ Breast Milk

https://www.verywellhealth.com/toxic-chemicals-breast-milk-study-5185881

100% of breast milk samples tested positive for toxic “forever chemicals”

https://saferchemicals.org/2021/05/13/100-of-breast-milk-samples-tested-positive-for-toxic-forever-chemicals/

Study finds alarming levels of ‘forever chemicals’ in US mothers’ breast milk

https://www.theguardian.com/environment/2021/may/13/pfas-forever-chemicals-breast-milk-us-study

រូបថត​របស់​អ្នក​និពន្ធbadge
ដោយ Duk Panharat កែសម្រួល​ចុងក្រោយ 12/04/2022
ត្រួតពិនិត្យដោយ វេជ្ជ. ចាន់ ស៊ីណេត