តើអ្នកបារម្ភពីអ្វី?

close
មិនត្រឹមត្រូវ
ពិបាកយល់
ផ្សេងៗ

ឬ​ចម្លង​តំណភ្ជាប់

កូនមានការអភិវឌ្ឍយឺត អាចមានសញ្ញាទាំងនេះ ប៉ាម៉ាក់គួរសង្កេតមើល

    កូនមានការអភិវឌ្ឍយឺត អាចមានសញ្ញាទាំងនេះ ប៉ាម៉ាក់គួរសង្កេតមើល

    ​ប៉ា​ម៉ាក់​អាច​​មាន​ការ​ព្រួយបារម្ភ​ច្រើន​​ ប្រសិនបើ​ដឹង​ថា​កូន​មាន​ការអភិវឌ្ឍលូតលាស់យឺតយ៉ាវ។ យ៉ាង​ណា​មិញ បញ្ហា​​មួយ​នេះ​អាច​ធ្វើការ​ដោះស្រាយ​បាន​ ហើយ​ក៏​មិន​អាច​កំណត់​ពី​ភាព​ឆ្លាតវៃ​នា​ពេល​អនាគត​របស់​ក្មេង​នោះ​ដែរ។ ពិត​ណាស់​ ក្មេង​ម្នាក់​ៗ​​មាន​ការ​លូតលាស់​ និង​ចេះ​ដឹង​ខុស​ៗ​គ្នា ហើយ​ការអភិវឌ្ឍយឺតយ៉ាវ​សំដៅ​លើ​កុមារ​ដែល​មិន​ទាន់​​ទទួល​បាន​ជំនាញ​អភិវឌ្ឍន៍​​ដែល​រំពឹង​ទុក បើ​ធៀប​ទៅ​នឹង​ក្មេង​ដែល​មាន​អាយុ​ស្របាល​គ្នា។ ភាព​យឺតយ៉ាវ​នេះ​ កើត​ឡើង​នៅ​ផ្នែក​នៃ​មុខងារ​​សរសៃ​ប្រសាទ សម្ដី ភាសា ការ​យល់​ដឹង ការ​លេង​ និង​ជំនាញ​សង្គម។

    ចង់គណនាថ្ងៃសម្រាលកូន ចុចទីនេះ!
    ចង់គណនាទម្ងន់ស្រ្តីពពោះ ចុចទីនេះ!
    ចង់គណនាថ្ងៃមេជីវិតញីទុំធ្លាក់ ចុចទីនេះ!
    ចង់ដឹងអត្ថន័យពណ៌ និងរូបរាងលាមកទារក ចុចទីនេះ!

    មូលហេតុ​នៃ​ការអភិវឌ្ឍ​យឺតយ៉ាវ

    ​កត្តា​ដែល​​អាច​រួម​ចំណែក​នៅ​​មុន​ពេល​កូន​​កើត​ អំឡុង​ពេល​សម្រាល និង​ក្រោយ​សម្រាល​ រួម​មាន​៖

    • លក្ខខណ្ឌ​ហ្សែន​ ឬ​តំណ​ពូជ​ដូចជា​​ជំងឺ​Down syndrome
    • វិបត្តិ​មេតាប៉ូលីស
    • របួស​ខួរ​ក្បាល​ដោយ​សារ​អង្រួន​ ឬ​រលាក់​
    • ការ​ប៉ះ​ទង្គិច​ផ្លូវ​ចិត្ត​ធ្ងន់ធ្ងរ​
    • ប៉ះពាល់​នឹង​សារធាតុ​ពុល​មួយ​ចំនួន​
    • ការ​ឆ្លង​មេរោគ​ធ្ងន់ធ្ងរ​​ផ្សេង​ៗ។

    វះកាត់ត្រចៀក​លើ​កុមារ

    សញ្ញា​ និង​រោគសញ្ញា​នៃ​ការអភិវឌ្ឍយឺតយ៉ាវ

    ​​​​​សញ្ញា​ និង​រោគសញ្ញា​នៃ​ការអភិវឌ្ឍ​យឺតយ៉ាវ មាន​លក្ខណៈ​ផ្សេង​ៗ​គ្នា​ជា​ច្រើន​ ដែល​អាច​កើត​លើ​កុមារ​ ព្រម​ទាំង​មាន​ការ​ប្រែប្រួល​អាស្រ័យ​លើ​លក្ខណៈ​ជាក់លាក់។ ជួនកាល​ ប៉ា​ម៉ាក់​អាច​សង្កេត​ឃើញ​​សញ្ញា​ទាំង​នេះ នៅ​ពេល​ដែល​កូន​នៅ​តូច​ៗ ប៉ុន្តែ​ក្នុង​ករណី​ខ្លះ​ទៀត ប៉ា​ម៉ាក់​​ត្រូវ​រង់ចាំ​រហូត​​ទាល់​តែ​កូន​ចូល​រៀន​​។ រោគសញ្ញា​ទូទៅ​ រួម​មាន​៖

    • រៀន​សូត្រ និង​អភិវឌ្ឍយឺតយ៉ាវ​ជាង​ក្មេង​អាយុ​ស្របាល​គ្នា
    • ចេះ​ក្រឡាប់ អង្គុយ​ វារ ឬ​ដើរ​យឺត​ជាង​ធម្មតា
    • ពិបាក​ក្នុង​ការ​​ទំនាក់ទំនង​ ឬ​ចូលរួម​ក្នុង​សង្គម​ជាមួយ​ក្មេង​ដទៃ​​​
    • ពិបាក​និយាយ ឬ​និយាយ​យឺត
    • មាន​បញ្ហា​ក្នុង​ការ​ចងចាំ​រឿងរ៉ាវ
    • ពិបាក​​ក្នុង​ការ​ដោះស្រាយ​បញ្ហា​
    • ពិបាក​ក្នុង​ការ​រៀន​នៅ​សាលារៀន​
    • អសមត្ថភាព​ក្នុង​ការ​ធ្វើ​កិច្ចការ​ប្រចាំ​ថ្ងៃ ដូចជា​ស្លៀកពាក់​ ឬ​ប្រើ​បន្ទប់​ទឹក​ដោយ​ខ្លួន​ឯង។

    ប្រសិនបើ​ការអភិវឌ្ឍយឺតយ៉ាវ​ បណ្ដាល​មក​ពី​ហេតុផល​វេជ្ជសាស្ត្រ​ណា​មួយ​ យើង​ចាំបាច់​ត្រូវ​ធ្វើ​ការ​កំណត់​ និង​ព្យាបាល​លក្ខខណ្ឌ​នោះ ដើម្បី​ជួយ​ឲ្យ​ជំនាញ​អភិវឌ្ឍន៍​របស់​ក្មេង​​កាន់​តែ​ប្រសើរ​ឡើង។

    អត្ថបទគួរអាន៖

    health-tool-icon

    តារាងកាលវិភាគចាក់ថ្នាំបង្ការ(វ៉ាក់សាំង) ទារក

    សូមប្រើប្រាស់តារាង​ប្រព័ន្ធភាពស៊ាំ​ដើម្បី​ស្វែងយល់បន្ថែម​ពីប្រភេទថ្នាំបង្ការនិងពេលវេលា​ដែល​កូនរបស់អ្នក​ត្រូវការ​

    កូនប្រុសឬស្រី?

    ប្រុស

    ស្រី

    Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    រូបថត​របស់​អ្នក​និពន្ធbadge
    ដោយ នូ សោភ័ណ្ឌ កែសម្រួល​ចុងក្រោយ 23/08/2022
    ត្រួតពិនិត្យដោយ វេជ្ជ. ចាន់ ស៊ីណេត
    Next article: