ប៉ាម៉ាក់អាចមានការព្រួយបារម្ភច្រើន ប្រសិនបើដឹងថាកូនមានការអភិវឌ្ឍលូតលាស់យឺតយ៉ាវ។ យ៉ាងណាមិញ បញ្ហាមួយនេះអាចធ្វើការដោះស្រាយបាន ហើយក៏មិនអាចកំណត់ពីភាពឆ្លាតវៃនាពេលអនាគតរបស់ក្មេងនោះដែរ។ ពិតណាស់ ក្មេងម្នាក់ៗមានការលូតលាស់ និងចេះដឹងខុសៗគ្នា ហើយការអភិវឌ្ឍយឺតយ៉ាវសំដៅលើកុមារដែលមិនទាន់ទទួលបានជំនាញអភិវឌ្ឍន៍ដែលរំពឹងទុក បើធៀបទៅនឹងក្មេងដែលមានអាយុស្របាលគ្នា។ ភាពយឺតយ៉ាវនេះ កើតឡើងនៅផ្នែកនៃមុខងារសរសៃប្រសាទ សម្ដី ភាសា ការយល់ដឹង ការលេង និងជំនាញសង្គម។
កត្តាដែលអាចរួមចំណែកនៅមុនពេលកូនកើត អំឡុងពេលសម្រាល និងក្រោយសម្រាល រួមមាន៖
- លក្ខខណ្ឌហ្សែន ឬតំណពូជដូចជាជំងឺDown syndrome
- វិបត្តិមេតាប៉ូលីស
- របួសខួរក្បាលដោយសារអង្រួន ឬរលាក់
- ការប៉ះទង្គិចផ្លូវចិត្តធ្ងន់ធ្ងរ
- ប៉ះពាល់នឹងសារធាតុពុលមួយចំនួន
- ការឆ្លងមេរោគធ្ងន់ធ្ងរផ្សេងៗ។
![កុមារកើតអូទីស្សឹម](https://cdn.hellokrupet.com/wp-content/uploads/2023/03/shutterstock_1422996182-scaled.jpg)
សញ្ញា និងរោគសញ្ញានៃការអភិវឌ្ឍយឺតយ៉ាវ
សញ្ញា និងរោគសញ្ញានៃការអភិវឌ្ឍយឺតយ៉ាវ មានលក្ខណៈផ្សេងៗគ្នាជាច្រើន ដែលអាចកើតលើកុមារ ព្រមទាំងមានការប្រែប្រួលអាស្រ័យលើលក្ខណៈជាក់លាក់។ ជួនកាល ប៉ាម៉ាក់អាចសង្កេតឃើញសញ្ញាទាំងនេះ នៅពេលដែលកូននៅតូចៗ ប៉ុន្តែក្នុងករណីខ្លះទៀត ប៉ាម៉ាក់ត្រូវរង់ចាំរហូតទាល់តែកូនចូលរៀន។ រោគសញ្ញាទូទៅ រួមមាន៖
ប្រសិនបើការអភិវឌ្ឍយឺតយ៉ាវ បណ្ដាលមកពីហេតុផលវេជ្ជសាស្ត្រណាមួយ យើងចាំបាច់ត្រូវធ្វើការកំណត់ និងព្យាបាលលក្ខខណ្ឌនោះ ដើម្បីជួយឲ្យជំនាញអភិវឌ្ឍន៍របស់ក្មេងកាន់តែប្រសើរឡើង។
អត្ថបទគួរអាន៖