វ៉ាក់សាំងជំងឺការពារជំងឺកញ្រ្ជឹល ស្រឡទែន និងស្អូច មិនបានពាក់ព័ន្ធជាមួយភាពប្រឈម កំពុងកើនឡើងនៃជំងឺអូទីស្សឹម (Autism) ក្នុងចំណោមក្មេងៗនោះឡើយ។ តាមការសិក្សាថ្មីរបស់លោកវេជ្ជបណ្ឌិត Anders Hviid នៃវិទ្យាស្ថាន Statens Serum នៅដាណាម៉ាក ករណីប្រឈមខ្ពស់កើតមានជំងឺអូទីស្សឹម ដោយសារក្មេងមានសាច់ញាតិមានកើតជំងឺនេះទេ។
វ៉ាក់សាំងការពារកញ្រ្ជឹល មិនមែនជាមូលហេតុកើតមានជំងឺអូទីស្សឹមលើក្មេងៗទេ
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ការព្រួយបារម្ភខ្លាំងពាក់ព័ន្ធរវាងវ៉ាក់សាំងជំងឺកញ្រ្ជឹល ស្រឡទែន និងស្អូច ជាមួយជំងឺអូទីស្សឹម (វិបត្តិសតិបញ្ញា) បានកើតឡើងអស់រយៈពេល ២ ទសវត្សរ៍មកហើយ ចាប់តាំងពីមានរបាយការណ៍មួយនៅឆ្នាំ១៩៩៨ អះអាងថា វ៉ាក់សាំងទាំងនេះ និងជំងឺអូទីស្សឹម មានជាប់ពាក់ព័ន្ធគ្នាដោយផ្ទាល់។
ក្នុងការសិក្សាថ្មីនេះ លោកវេជ្ជបណ្ឌិតបានធ្វើការពិនិត្យលើក្មេងៗចំនួន ៦៥៧.៤៦១ នាក់។ ក្នុងនោះ ក្មេង ៦.៥១៧ នាក់ មានរោគសញ្ញាជំងឺអូទីស្សឹម។ ការសិក្សានេះ ធ្វើឡើងលើក្មេងៗទាំងអស់ក្នុងប្រទេសដាណាម៉ាក ដែលកើតចន្លោះឆ្នាំ ១៩៩៩-២០១០។ ក្មេងៗទាំងនោះត្រូវបានពិនិត្យមើលចាប់តាំងពីអាយុ ១ ឆ្នាំ រហូតដល់ឆ្នាំ២០១៣។ ក្នុងចំណោមក្មេងទាំងអស់ មាន ៩៥% បានចាក់វ៉ាក់សាំងការពារជំងឺកញ្រ្ជឹល ស្រឡទែន និងស្អូច។
ជាលទ្ធផលនៃការសិក្សា ក្មេងៗមានសាច់ញាតិកើតជំងឺអូទីស្សឹម ប្រឈមនឹងការកើតមានរោគសញ្ញាជំងឺនេះ ដល់ទៅ ៧ដង ច្រើនជាងក្មេងៗគ្មានសាច់ញាតិកើតជំងឺនេះ។ ក្នុងនោះ ក្មេងប្រុសប្រឈមកើតមានរោគសញ្ញាជំងឺ ច្រើនជាងក្មេងស្រីដល់ទៅ ៤ ដង។
ការសិក្សារកឃើញទៀតថា ក្មេងពុំបានទទួលការចាក់វ៉ាក់សាំង មាន ១៧% ប្រឈមកើតមានរោគសញ្ញាជំងឺអូទីស្សឹម ជាងក្មេងបានទទួលការចាក់វ៉ាក់សាំងការពារជំងឺកញ្រ្ជឹល ស្រឡទែន និងស្អូច។
គួរបញ្ជាក់ថា រោគសញ្ញាដំបូងរបស់ជំងឺអូទីស្សឹម អាចមានច្រើនខុសៗគ្នា រួមមាន អាកប្បកិរិយាចូលចិត្តក្ដាប់ ឬលាដៃ យកក្បាលបោកជាមួយវត្ថុផ្សេងៗ ពេលខ្លះឆេវឆាវ ឬក៏ធ្វើឲ្យខ្លួនឯងរបួសជាដើម។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម