ក្មេងៗមួយចំនួនកើតមកខ្សោយបញ្ញាពីកំណើត ដោយមានរូបរាង និងទម្រង់មុខខុសគេខុសឯង ដែលពាក្យបច្ចេកទេសហៅថា Down syndrome។ ការដែលទារកកើតមកមានជំងឺ Down syndrome បណ្តាលមកពីមូលហេតុអី? អាចមានវិធីបង្ការទេ?

ចង់គណនាថ្ងៃមេជីវិតញីទុំធ្លាក់ ចុចទីនេះ !

ចង់ដឹងអត្ថន័យពណ៌ និងរូបរាងលាមកទារក ចុចទីនេះ !

ប្រធានផ្នែករោគស្ត្រី និងសម្ភព នៃមន្ទីរពេទ្យមិត្តភាពកម្ពុជា-ចិន សែនសុខ លោកវេជ្ជបណ្ឌិត ចាន់ ស៊ីណេត បានពន្យល់ថា ជាទូទៅក្រូម៉ូសូមរបស់មនុស្សយើងមានចំនួន២៣គូ ស្មើនឹង ៤៦ក្រូម៉ូសូម ដែលក្រូម៉ូសូម១គូៗ បានមកពីម្តាយ១ និងឪពុក១។ ក្នុងករណីក្រូម៉ូសូមទី២១ លើសចំនួន ធ្វើឲ្យទារកមានបញ្ហាលូតលាស់ផ្នែករាងកាយ និងសតិបញ្ញាខុសប្រក្រតី ដែលហៅថា ជំងឺ Down syndrome ។

ក្រូម៉ូសូមសរុបទាំងអស់២៣គូ ចាប់ពីគូទី១ ទី២ រហូតដល់២៣ តែចៃដន្យអីអាគូទី២១ហ្នឹងវាលើសចំនួន មិនមែន២ដូចគេទេ ឡើងដល់ទៅ៣ អ៊ីចឹងធ្វើឲ្យប៉ះពាល់ដល់ការលូតលាស់ទារក ទៅជាកើតជំងឺ Down syndrome ទារកមានមុខមូលតូច កខ្លី កម្ពស់ទាប ដៃជើងខ្លី តូចៗ ច្រមុះកំពិត ភ្នែកស្រលៀង មាត់បិតមិនជិត សាច់ដុំខ្សោយ សន្លាក់ទន់ សរីរាង្គផ្សេងៗមិនប្រក្រតី។

វេជ្ជ. ចាន់ ស៊ីណេត

១. កត្តាជំរុញឲ្យទារកមានជំងឺ Down syndrome

– ម្តាយពពោះនៅអាយុច្រើនពេក៖ ស្ត្រីដែលមានកូននៅអាយុច្រើនពេក ចាប់ពីអាយុ ៣៥ឆ្នាំឡើងទៅ កូនមានហានិភ័យខ្ពស់កើតជំងឺ Down syndrome ដោយសារតែការបែងចែកក្រូម៉ូសូមមិនត្រឹមត្រូវ។

– កត្តាហ្សែន៖ មិនថា ស្ត្រី ឬបុរសទេ អ្នកទាំង២អាចចម្លងហ្សែនជំងឺ Down syndrome ទៅកូនបាន។

– ប្រវត្តិធ្លាប់មានកូនកើតជំងឺ Down syndrome៖ ឪពុកម្តាយដែលធ្លាប់មានកូនមុនៗ Down syndrome នោះ កូនទី២ ឬក្រោយៗ អាចនឹងមានឱកាសខ្ពស់កើតជំងឺ Down syndrome ដែរ។

២. វិធីបង្ការមិនឲ្យកូនកើតមកមានជំងឺ Down syndrome

មិនមានវិធីបង្ការជំងឺ Down syndrome នោះទេ នេះបើតាមការអះអាងរបស់លោកវេជ្ជបណ្ឌិត ចាន់ ស៊ីណេត។ បើមានកត្តាប្រឈមទាំង៣ខាងលើ នោះកូនអាចនឹងមានលទ្ធភាពខ្ពស់ក្នុងការកើតជំងឺ Down syndrome អ៊ីចឹងមុនសម្រេចយកកូន ទាំងប្តីទាំងប្រពន្ធគួរតែទៅពិគ្រោះជាមួយគ្រូពេទ្យជំនាញ។ បើកំពុងពពោះ យើងអាចដឹងថាទារកមានជំងឺ Down Syndrome តាមរយៈការពិនិត្យអេកូ នៅចន្លោះសប្តាហ៍ទី១១-១៣ ដោយវាស់កម្រាស់ករបស់ទារកក្នុងផ្ទៃ។

Down syndrome

អត្ថបទគួរអាន៖

កូនកើតមកមានជំងឺ Down syndrome មកពីមូលហេតុអី? មានវិធីការពារទេ?

វេជ្ជ. ចាន់ ស៊ីណេត

១. កត្តា​ជំរុញ​ឲ្យ​ទារក​មាន​ជំងឺ Down syndrome

២. វិធី​បង្ការ​មិនឲ្យកូន​កើត​មក​មាន​ជំងឺ Down syndrome

១. កត្តាជំរុញឲ្យទារកមានជំងឺ Down syndrome

២. វិធីបង្ការមិនឲ្យកូនកើតមកមានជំងឺ Down syndrome