home

បញ្ហាប្រព័ន្ធរំលាយអាហារ

បញ្ហាប្រព័ន្ធរំលាយអាហារ - កូន​កាន់​តែ​ធំ ការ​ញ៉ាំ​ចំណី​ផ្ដេសផ្ដាស បញ្ហា​ការ​រស់​នៅ អាកាសធាតុ សុទ្ធ​តែ​ជា​អ្វី​ដែល​កូនៗ​ប្រឈម។ ដូច្នេះ​ម៉ាក់ៗ គួរ​ស្វែងយល់​ឲ្យ​កាន់​តែ​ច្រើន​ពី បញ្ហាប្រព័ន្ធរំលាយអាហារ ក្រែង​មាន​បញ្ហា​មិន​ប្រក្រតី បង្ក​ផលលំបាក​ដល់​កូន

ចំណេះដឹងទូទៅ

បញ្ហាប្រព័ន្ធរំលាយអាហារ

ម៉ាក់ប៉ាណាក៏ដូចគ្នាដែរ តែងប្រាថ្នាចង់ឲ្យកូនលូតលាស់ពេញវ័យប្រកបដោយសុខភាពល្អ និងប្រាជ្ញាឆ្លាតវៃ ហើយដើម្បីសម្រេចបំណងប្រាថ្នានេះ ទាមទារឲ្យម៉ាក់ប៉ាថែទាំកូនឲ្យមានសុខភាពល្អ រួមទាំងសុខភាពប្រព័ន្ធរំលាយអាហារកូនដែរ។ កាលណាសុខភាពក្រពះ-ពោះវៀនអាអូនអត់ល្អទេ កូនអាចនឹងជួបឧបសគ្គធំៗ ៣ យ៉ាង រារាំងដល់ការលូតលាស់។ ឧបសគ្គទាំងនោះមានដូចជា៖ ១. កង្វះអាហារូបត្ថម្ភ ក្រពះ-ពោះវៀនមាននាទីចាំបាច់ក្នុងការស្រូបយកសារធាតុចិញ្ចឹមពីអាហារដែលអាអូនញ៉ាំចូលខ្លួន។ បើសុខភាពប្រព័ន្ធរំលាយអាហារមិនល្អ មានន័យថា អាអូនច្បាស់ជាទទួលបានសារធាតុចិញ្ចឹមមិនគ្រប់គ្រាន់តាមតម្រូវការរបស់រាងកាយទេ។ លោកវេជ្ជបណ្ឌិត អ៊ុន យូ បម្រើការងារនៅមន្ទីរពេទ្យកុមារជាតិ ឲ្យដឹងថា កាលណាបើក្រពះ-ពោះវៀនក្មេងមានសុខភាពល្អ គឺធ្វើឲ្យក្មេងមានការលូតលាស់បានល្អ ទាំងមាឌ និងកម្ពស់គឺបានប្រក្រតីធម្មតាទាំងអស់។ ដឹងអត្ថន័យពណ៌ និងរូបរាងលាមកទារក​ ចុចត្រង់នេះ ២. ប្រព័ន្ធការពាររាងកាយខ្សោយ យើងដឹងហើយថា សុខភាពក្រពះពោះវៀន ជះឥទ្ធិពលដល់សុខភាពប្រព័ន្ធការពាររាងកាយកូនតូច ដោយសារក្រពះ-ពោះវៀនមានប្រមាណ ៧០% នៃកោសិកាដែលបង្កើតជាប្រព័ន្ធការពាររាងកាយ ហើយបាក់តេរីល្អៗ រាប់លានមានក្នុងក្រពះ-ពោះវៀន ក៏ជួយទ្រទ្រង់សុខភាពទូទៅរបស់អូនៗ ចៀសឆ្ងាយពីជំងឺតូចតាចមួយចំនួនផងដែរ។ នេះមានន័យថា បើអាអូនមានសុខភាពប្រព័ន្ធរំលាយអាហារខ្សោយ ឬមិនល្អ សុខភាពអាអូនក៏ប្រឈមនឹងជំងឺច្រើនដែរ។ ៣. ខួរក្បាលអភិវឌ្ឍន៍មិនល្អ លោកវេជ្ជបណ្ឌិត អ៊ុន យូ បន្តថា ការលូតលាស់ និងអភិវឌ្ឍន៍ខួរក្បាលកូនល្អប្រក្រតីក៏មានជាប់ពាក់ព័ន្ធសុខភាពក្រពះ-ពោះវៀនកូនដែរ។ បើក្រពះ-ពោះវៀនក្មេងល្អ ការស្រូបយកពពួកសារធាតុចិញ្ចឹមដែលគេហៅថា Mico-nutrient ជាសារធាតុចិញ្ចឹមជួយអភិវឌ្ឍន៍ខួរក្បាលកុមារក៏បានល្អ ជាហេតុជួយឲ្យអាអូនមានប្រាជ្ញាឆ្លាតវៃ ឆាប់យល់សាច់ការ។ ហេតុនេះហើយ ម៉ាក់ប៉ាគួរយកចិត្តទុកដាក់ចំពោះរបបអាហារកូន និងសុខភាពប្រព័ន្ធរំលាយអាហារ […]

អត្ថបទផ្សេងទៀតពី បញ្ហាប្រព័ន្ធរំលាយអាហារ

បញ្ហាប្រព័ន្ធរំលាយអាហារ

ការដែលកូនពិបាកបន្ទោបង់យូរៗម្តង គ្មានបញ្ហាចោទនោះទេ តែបើអាអូនមានបញ្ហាពិបាកជុះញឹកញាប់ ហើយលាមកថែមទាំងរឹង ដែលយើងចំណាំហៅថា ទល់លាមក ឬក្តៀននោះ និងមានលាយឈាមទៀត អាចជាសញ្ញាគ្រោះថ្នាក់។ តាមការពន្យល់របស់លោកស្រីវេជ្ជបណ្ឌិត គុជ ឆោមដាលីន ឯកទេសរោគកុមារ កាលណាក្មេងជុះតិចជាង ឬស្មើ២ដង/សប្តាហ៍ ឬលាមកកូនជុះមានទំហំខុសធម្មតា និងរឹងខុសធម្មតា មានន័យថា កូនមានជំងឺទល់លាមក។ ចំពោះមូលហេតុនាំឲ្យក្មេងទល់លាមក លោកស្រីវេជ្ជបណ្ឌិតឯកទេសកុមាររូបនេះបញ្ជាក់ថា មិនមែនមកពីកត្តាចំណីអាហារដែលមិនសូវសម្បូរជាតិសរសៃមួយមុខទេ គឺមានកត្តារួមផ្សំផ្សេងទៀត ដូចជាក្មេងមានជំងឺពាក់ព័ន្ធនឹងក្រពះពោះវៀន ក្មេងមិនសូវមានសកម្មភាពរាងកាយជាដើម។ ចំណែកមូលហេតុដែលក្មេងៗជុះមកលាមកក្ដៀនជាប់ជាមួយឈាម ដោយសារអាអូន រហែកទ្វារលាមក គឺជាការរហែក ឬដាច់ស្រទាប់ Mucus នៅក្នុងរន្ធគូទ។ ពេលស្រទាប់នេះដាច់នឹងធ្វើឲ្យមានការឈឺចាប់ និងហូរឈាមមកតាមទ្វារលាមក។ នេះបើតាមការឲ្យដឹងពីប្រធានផ្នែកសម្ភព និងរោគស្ត្រី នៃមន្ទីរពេទ្យមិត្តភាពកម្ពុជា-ចិន សែនសុខ លោកវេជ្ជបណ្ឌិត ចាន់ ស៊ីណេត។ ចង់ដឹងពីអត្ថន័យពណ៌ និងរូបរាងលាមកកូនចុចទីនេះ លោកវេជ្ជបណ្ឌិតថា អូនតូចៗដែលមានបញ្ហានេះឈឺចាប់ខ្លាំងពេលបន្ទោបង់ ដែលអាចនៅឈឺរាប់ម៉ោងក្រោយបន្ទោបង់រួច ដោយសារលាមកធំ ឬរឹងខ្លាំង ហើយត្រូវប្រឹងបន្ទោបង់ខ្លាំងពេក។ ម៉ាក់ប៉ាដែលមានកូនជួបបញ្ហានេះ មិនត្រូវបណ្តែតបណ្តោយទុកយូរនោះទេ ត្រូវប្រញាប់នាំកូនទៅជួបគ្រូពេទ្យរកមូលហេតុឲ្យច្បាស់ ព្រោះករណីធ្ងន់ធ្ងរខ្លះ អាចមកពីបញ្ហាហូរឈាមក្នុងពោះវៀនរបស់ទារក ឬកុមារ។

បញ្ហាប្រព័ន្ធរំលាយអាហារ

ម៉ាក់ប៉ាដឹងហើយថា ប្រព័ន្ធការពាររាងកាយកូនតូចនៅមិនទាន់ខ្លាំងក្លាដូចយើងមនុស្សធំនៅឡើយទេ ជាហេតុធ្វើឲ្យកុមារឈឺច្រើន។ ម៉្យាងវិញទៀត សុខភាពប្រព័ន្ធរំលាយអាហារក៏ជាផ្នែកមួយធំជាប់ពាក់ព័ន្ធនឹងភាពរឹងមាំ និងភាពខ្សោយរបស់ប្រព័ន្ធការពាររាងកាយកូនតូចផងដែរ។ លោកវេជ្ជបណ្ឌិត អ៊ុន យូ ឯកទេសរោគកុមារពីប្រទេសកូរ៉េ និងបារាំង បានឲ្យដឹងថា កាលណាបើប្រព័ន្ធរំលាយអាហារកូនតូចមានសុខភាពល្អ ធ្វើឲ្យក្មេងមានការលូតលាស់បានល្អ ទាំងមាឌ និងកម្ពស់គឺបានប្រក្រតីធម្មតាទាំងអស់។ ប្រសិនបើក្រពះ-ពោះវៀនក្មេងល្អ ធ្វើឲ្យការស្រូបយកពពួកសារធាតុមួយចំនួនដែលគេនិយមហៅថា micro-nutrient ដែលមានតួនាទីជួយដល់ការអភិវឌ្ឍន៍ខួរក្បាលរបស់ក្មេងបានល្អ ជាហេតុបណ្ដាលឲ្យការលូតលាស់ខួរក្បាលរបស់ក្មេងក៏បានល្អដូចគ្នាដែរ។ សុខភាពក្រពះពោះវៀន គឺជាផ្នែកសំខាន់មួយជះឥទ្ធិពលដល់សុខភាពប្រព័ន្ធការពាររាងកាយកូនតូច។ តាមពិតទៅ ក្រពះពោះវៀនមានប្រមាណ ៧០% នៃកោសិកាដែលបង្កើតជាប្រព័ន្ធការពាររាងកាយរបស់មនុស្សយើង។ ហើយបាក់តេរីល្អៗ រាប់លានដែលមាននៅក្នុងក្រពះពោះវៀន ក៏ជួយទ្រទ្រង់សុខភាពទូទៅរបស់អូនៗ ចៀសឆ្ងាយពីជំងឺតូចតាចមួយចំនួនផងដែរ។ ដោយសារតែសុខភាពក្រពះពោះវៀនត្រូវបានផ្សារភ្ជាប់ទៅនឹងប្រព័ន្ធទាំងអស់នៅក្នុងរាងកាយ ដូចនេះសុខភាពប្រព័ន្ធរំលាយអាហាររបស់អាអូន អាចប៉ះពាល់ទៅដល់ទាំងសុខភាពផ្លូវកាយ និងផ្លូវចិត្ត។ ស្របគ្នានេះ បើសុខភាពក្រពះពោះវៀនមិនល្អ ក៏អាចចូលរួមចំណែកប៉ះពាល់ដល់ស្ថានភាពសុខភាពផ្លូវចិត្តកុមារដែរដូចជា ការថប់បារម្ភ ការធ្លាក់ទឹកចិត្ត និងការបាក់ស្បាត (PTSD) ជាដើម។ នេះមានន័យថា បើសុខភាពប្រព័ន្ធរំលាយអាហារកូនមិនល្អ ច្បាស់ណាស់ថាប្រព័ន្ធការពាររាងកាយកូនតូចក៏មិនល្អដូចគ្នា ជាហេតុអាចបណ្ដាលឲ្យអាអូនងាកឈឺៗ។ បន្ថែមពីលើនេះ វេជ្ជបណ្ឌិតឯកទេសរោគកុមារដដែលបន្តទៀត បើម៉ាក់ប៉ាចង់ឲ្យកូនមានសុខភាពប្រព័ន្ធរំលាយល្អ និងប្រព័ន្ធរាងកាយរឹងមាំ យើងត្រូវការផ្ដល់អាហារដែលមានជីវជាតិត្រឹមត្រូវដល់កូនដូចជាមានបន្លែ ផ្លែឈើ ត្រី សាច់ ស៊ុត និង អាហារមានជាតិប្រូតេអីន និងកាល់ស្យូមខ្ពស់។ […]

បញ្ហាប្រព័ន្ធរំលាយអាហារ

ម៉ាក់ប៉ាគ្រប់រូបសុទ្ធតែចង់បានកូនលូតលាស់ល្អ សុខភាពរឹងមាំ ខំប្រឹងប៉ូវអាហារឲ្យកូនញ៉ាំ ដើម្បីឲ្យបានឡើងទម្ងន់មានសាច់មានឈាម។ ក្នុងនោះដែរ សុខភាពប្រព័ន្ធរំលាយអាហារ ក៏ជាផ្នែកសំខាន់មួយជួយការលូតលាស់ និងអភិវឌ្ឍខួរក្បាលកូនយើងដែរ។ លោកវេជ្ជបណ្ឌិត អ៊ុន យូ បម្រើការងារនៅមន្ទីរពេទ្យកុមារជាតិបានពន្យល់ឲ្យដឹងថា កាលណាក្រពះពោះវៀនកូនក្មេងមានសុខភាពល្អ ធ្វើឲ្យក្មេងមានការលូតលាស់បានល្អ ទាំងមាឌ និងកម្ពស់បានធម្មតាទាំងអស់។ ម៉ាក់ប៉ាត្រូវចាំថា បើចង់ឲ្យកូនលូតលាស់បានល្អ ឆ្លាតវៃ ម៉ាក់ប៉ាគួរគិតគូរពីបញ្ហាប្រព័ន្ធរំលាយអាហារនេះមុនសិន ព្រោះបើសុខភាពក្រពះពោះវៀនកូនមិនល្អ អាចជះឥទ្ធិពលដល់ការលូតលាស់ខួរក្បាលពួកគេ ធ្វើឲ្យការបឺតស្រូបយកសារធាតុចិញ្ចឹមមួយចំនួន ដែលមានតួនាទីជួយដល់ការអភិវឌ្ឍខួរក្បាលរបស់ក្មេង បណ្ដាលឲ្យខួរក្បាលក្មេងលូតលាស់មិនបានល្អប្រក្រតីនោះទេ។ អត្ថប្រយោជន៍ពេលកូនមានប្រព័ន្ធរំលាយអាហាររឹងមាំ៖ បើប្រព័ន្ធរំលាយអាហារអាអូនល្អ ដូចនេះរាងកាយ និងសុខភាពកូនទទួលបានអត្ថប្រយោជន៍ច្រើន។ ១. ស្រូបយកសារធាតុចិញ្ចឹមបានល្អ កាលណាក្រពះពោះវៀនកូនមានសុខភាពល្អ អាអូនអាចស្រូបយកសារធាតុចិញ្ចឹមបានគ្រប់គ្រាន់ពីអាហារដែលកូនញ៉ាំចូលទៅ។ សារធាតុចិញ្ចឹមដែលក្រពះពោះវៀនកូនស្រូបមានដូចជា ជាតិដែក ប្រូតេអ៊ីន កាបូអ៊ីដ្រាត និងខ្លាញ់ធាត់ ជាសារធាតុចិញ្ចឹមចាំបាច់ដល់រាងកាយមនុស្សយើង។ ២. កម្ចាត់កាកសំណល់ ពោះវៀនទាញយកកាកសំណល់ចេញពីរាងកាយ និងជួយគាំទ្រដល់មុខងារថ្លើម។ ដូចនេះហើយ ដើម្បីឲ្យការបន្ទោរបង់របស់កូនបានទៀងទាត់ និងទប់ស្កាត់បញ្ហាទល់លាមក ម៉ាក់ប៉ាជំរុញ និងបន្ថែមអាហារសម្បូរជាតិសរសៃ ឬ Prebiotics ពិសេសបន្លែផ្លែឈើឲ្យកូនញ៉ាំជាប្រចាំ។ Prebiotics ក៏ត្រូវបានបញ្ចូលទៅក្នុងទឹកដោះគោម្សៅសម្រាប់ក្មេងផងដែរ។ ៣. ប្រព័ន្ធការពាររាងកាយ ពោះវៀនយើងជាលំនៅឋាន៧០% របស់ប្រព័ន្ធការពាររាងកាយយើង ហើយពោះវៀនក៏ជាច្រករបស់ពពួកសត្វល្អិតចូលនៅក្នុងរាងកាយយើងបានផងដែរ។ បើក្រពះពោះវៀនកូនមិនល្អ នឹងបណ្ដាលឲ្យងាយឈឺជាមិនខាន ដូច្នេះយើងគួរបង្កើនសុខភាពក្រពះពោះវៀនកូនដោយបន្ថែមពពួកបាក់តេរីល្អវិញ ដែលហៅថា Probiotics ដែលម៉ាក់ប៉ាអាចរកបាននៅក្នុងទឹកដោះម្តាយ […]

បញ្ហាប្រព័ន្ធរំលាយអាហារ

កូនៗលូតលាស់បានល្អ មានភាពរីករាយ ឆ្លាតទៀតនោះ ម៉ាក់ប៉ាញញឹមបិទមាត់មិនជិតនោះទេ។ តើត្រូវធ្វើម៉េចដើម្បីកូនយើងមានភាពរីករាយ ក្លាយជាក្មេងឆ្លាត? តាមការលើកឡើងរបស់លោកវេជ្ជបណ្ឌិត អ៊ុន យូ ឯកទេសរោគកុមារ នាពេលកន្លងមក ក្មេងលូតលាស់បានល្អ ឆ្លាត ឬមិនឆ្លាត គិតរាប់តាំងពីហ្សែនរបស់ឪពុកម្តាយ ការលូតលាស់របស់គភ៌ក្នុងផ្ទៃ បូករួមទាំងបរិយាកាសរស់នៅ ការថែទាំ និងរបបអាហារក្រោយពេលកើតមក។ "និយាយដល់ការលូតលាស់របស់កូន គឺត្រូវគិតតាំងពីនៅក្នុងផ្ទៃម្តាយមកម្ល៉េះ បើពេលពពោះ ម្តាយមានជំងឺ ច្បាស់ណាស់គភ៌វិវត្តយឺត មិនគ្រប់គីឡូ ខ្វះអវយវៈ ដល់ពេលកើតមកទៅជាខ្សោយ ការលូតលាស់ក៏យឺតដូចគ្នា"។ នេះការរៀបរាប់របស់លោកវេជ្ជបណ្ឌិត អ៊ុន យូ។ ចំពោះតិចនិកថែទាំកូនឲ្យមានភាពរីករាយ ក្លាយជាក្មេងឆ្លាតវិញ លោកវេជ្ជបណ្ឌិត ចាន់ ស៊ីណេត ឯកទេសទូទៅបានលើកឡើងថា ម៉ាក់ប៉ាគ្រប់រូបតែងតែប្រាថ្នាចង់បានដូចគ្នា តែលទ្ធផលអាស្រ័យលើអនុវត្តក្នុងការរស់នៅប្រចាំថ្ងៃ តើបានត្រឹមត្រូវតាមក្បូនខ្នាតកម្រិតណា។ លោកវេជ្ជបណ្ឌិតពន្យល់ថា ក្មេងរីករាយ ខួរក្បាលវៃឆ្លាតទៅបានលុះណាតែមានសុខភាពល្អ មិនសូវឈឺនេះឈឺនោះ សុខភាពប្រព័ន្ធរំលាយអាហារក៏ល្អ។ ធ្វើម៉េចឲ្យប្រព័ន្ធរំលាយអាហារក្មេងដំណើរបានល្អ មិនសូវឈឺនោះ? លោកវេជ្ជបណ្ឌិតឆ្លើយថា ចំពោះក្មេងអាយុ ៣ឆ្នាំឡើង ម៉ាក់ប៉ាត្រូវគិតលើរបបអាហារជាសំខាន់ ដែលក្នុងនោះអាហារដែលមានជាតិកាកសរសៃច្រើន ដូចជាបន្លែផ្លែឈើ ល្អខ្លាំងចំពោះសុខភាពក្រពះពោះវៀនកូន និងត្រូវឲ្យកូនញ៉ាំទឹកឲ្យបានច្រើន។ ដោយឡែកកូនដែលនៅញ៉ាំម្សៅទឹកដោះគោ ម៉ាក់ប៉ាគួរជ្រើសរើសទឹកដោះគោណាដែលសម្បូរជាកាកសរសៃ។ដោយឡែករបបអាហារដែលជួយដល់ការអភិវឌ្ឍន៍ខួរក្បាល និងប្រព័ន្ធប្រសាទវិញ […]

បញ្ហាប្រព័ន្ធរំលាយអាហារ

យើងដឹងហើយថា ក្មេងមានប្រព័ន្ធរំលាយអាហារខ្សោយ គួបផ្សំនឹងម៉ាក់ប៉ាជ្រើសរើសចំណីអាហារ ពិសេសម្សៅទឹកដោះគោឲ្យកូនញ៉ាំមិនត្រូវទៀត ក្រពះពោះវៀនកូនដំណើរមិនបានល្អនោះទេ។ លោកវេជ្ជបណ្ឌិត ចាន់ ស៊ីណេត ឯកទេសជំងឺទូទៅបានលើកឡើងថា បញ្ហាចោទដែលកើតមានញឹកញាប់នៅពេលប្រព័ន្ធរំលាយក្មេងមានបញ្ហារួមមាន ឈឺពោះ ហើមពោះ ទល់លាមក រាករូស យំរករឿង មិនសូវចង់ញ៉ាំ និងគេង។ ចង់ឲ្យក្រពះ-ពោះវៀនកូនដំណើរការល្អ ម៉ាក់ប៉ាត្រូធ្វើបែបណា? សម្រាប់វ័យកុមារ ដើម្បីលូតលាស់បានល្អ គឺត្រូវការសរីរាង្គទាំងអស់របស់រាងកាយ មានសុខភាពល្អផងដែរ ហើយអ្វីដែលសំខាន់នោះគឺក្រពះ-ពោះវៀន ព្រោះប្រព័ន្ធរំលាយអាហារជាផ្នែកមួយផ្គត់ផ្គង់ជីវជាតិទៅរាងកាយ។ នេះបើតាមការឲ្យដឹងរបស់លោកវេជ្ជបណ្ឌិត អ៊ុន យូ បម្រើការងារនៅមន្ទីរពេទ្យកុមារជាតិ ផ្នែកប្រដាប់រំលាយអាហារ ។ លើសពីនេះ ប្រសិនបើក្រពះ-ពោះវៀនក្មេងល្អ ធ្វើឲ្យការស្រូបយកពពួកសារធាតុមួយចំនួនដែលគេនិយមហៅថា micro-nutrient ដែលមានតួនាទីជួយដល់ការអភិវឌ្ឍខួរក្បាលរបស់ក្មេងបានល្អ ជាហេតុបណ្ដាលឲ្យលូតលាស់ខួរក្បាលរបស់ក្មេងបានប្រក្រតីដែរ។ អនុប្រធានមន្ទីរសម្រាកព្យាបាល Maxi Care រូបនេះបានបញ្ជាក់ថា បើម៉ាក់ប៉ាចង់ឲ្យសុខភាពក្រពះ-ពោះវៀនកូនល្អ ត្រូវការផ្ដល់អាហារដែលមានជីវជាតិត្រឹមត្រូវដល់កូនក្នុងនោះមានដូចជា៖ -អាហារសម្បូរជាតិកាកសរសៃ មានបន្លែ និងផ្លែឈើ -សាច់ ស៊ុត សាច់ត្រី -អាហារមានជាតិប្រូតេអីន និងកាល់ស្យូមខ្ពស់ -ឲ្យកូនញ៉ាំទឹកឲ្យបានច្រើន ចំណែកអាហារបំប៉នបែបសម្រន់វិញមាន យាអ៊ួរ នំសម្រាប់កូនក្មេង ទឹកដោះគោ ជាដើមដែលម៉ាក់ប៉ាគួរបំប៉នបន្ថែមឲ្យកូនដើម្បីជួយបំពេញជីវជាតិដល់រាងកាយរបស់កូនឲ្យលូតលាស់បានល្អ ហើយម៉ាក់ប៉ាគួរចៀសវាងដែលមាន ជាតិប្រៃ ផ្អែម និងខ្លាញ់ច្រើន។

បញ្ហាប្រព័ន្ធរំលាយអាហារ

ជំងឺ​ពោះវៀន​លូន​ចូល​គ្នា ជា​ស្ថានភាព​ធ្ងន់ធ្ងរ​មួយ​ដែល​ផ្នែក​មួយ​នៃ​ពោះវៀន​រុល​ចូល​ទៅ​ក្នុង​ផ្នែក​មួយ​ទៀត​នៅ​ជាប់​គ្នា​នៃ​ពោះវៀន។ ជំងឺ​ពោះវៀន​លូន​ចូល​គ្នា​នេះ ភាគ​ច្រើន​កើត​ឡើង​នៅ​លើ​កូន​ក្មេង​អាយុ​ក្រោម​៣​ឆ្នាំ ហើយ​វា​មាន​រោគ​សញ្ញា​មួយ​ចំនួន​ម៉ាក់​ប៉ា​ពិបាក​ស្មាន​ដល់ និង​អាច​បង្ក​ផល​ប៉ះពាល់​ខ្លាំង​ដល់​កូន​ថែម​ទៀត។ ជំងឺ​ពោះវៀន​លូន​ចូល​គ្នា ជា​មូលហេតុ​ទូទៅ​បំផុត​នៃ​ការ​ស្ទះ​ពោះវៀន​លើ​អា​អូន​អាយុ​តិច​ជាង​៣ឆ្នាំ ប៉ុន្តែ មូលហេតុ​នៃ​ការ​កើត​ជំងឺ​ពោះវៀន​លូន​ចូល​គ្នា​លើ​ក្មេង​នៅ​មិន​ទាន់​ដឹង​ច្បាស់​នៅ​ឡើយ។ ចំណែក​មនុស្ស​ធំ​ពេញ​វ័យ​កម្រ​នឹង​កើត​ជំងឺ​នេះ​ណាស់។ រោគ​សញ្ញា​នៃ​ជំងឺ​ពោះវៀន​លូន​ចូល​គ្នា សញ្ញា​ដំបូង​នៃ​ការ​កើត​ជំងឺ​ពោះវៀន​លូន​ចូល​គ្នា​នៅ​លើ​ទារក​មាន​សុខភាព​ល្អ​កើត​មាន​ភ្លាម​ៗ​មួយ​រំពេច យំ​ខ្លាំង​ដែល​បង្ក​ឡើង​ដោយ​ការ​ឈឺ​ពោះ។ ការ​ឈឺ​ចាប់​នៃ​ជំងឺពោះវៀន​នេះ​មាន​សភាព​ឈឺ​បាត់​ៗ​រយៈពេល​ ១៥-២០​នាទី​នៅ​លើក​ដំបូង ហើយ​វា​កាន់​តែ​ឈឺ​ញឹកញាប់ និង​ខ្លាំង​ទៅ​ៗ​តាម​ពេល​វេលា។ រោគ​សញ្ញា​ទូទៅ​ដទៃ​ទៀត​នៃ​ជំងឺ​ពោះវៀន​លូន​ចូល​គ្នា​លើ​ក្មេង​មាន​ដូច​ជា៖ លាមក​លាយ​សម្បោរ និង​លាយ​ឈាម ក្អួត​ពណ៌​ខៀវ ឬ​លឿង រាករូស មាន​ដុំ​ពោះ​នៅ​ផ្នែក​ខាង​ស្ដាំ ពេល​ស្ទាប ស្លេក​ស្លាំង តឹង​ពោះ គ្មាន​កម្លាំង​កំហែង។ មិនមែន​ក្មេង​ទាំង​អស់​ដែល​កើត​ជំងឺ​ពោះវៀន​លូន​ចូល​គ្នា​នេះ សុទ្ធតែ​ចេញ​គ្រប់​រោគ​សញ្ញា​ដែល​បាន​រៀបរាប់​ខាង​លើ​នេះ​ទេ។ ក្មេង​ខ្លះ​មិន​បង្ហាញ​ការ​ឈឺ​ចាប់ ជុះ​មក​មិនមាន​លាយ​ឈាម ឬ​គ្មាន​ដុំ​ពោះវៀន​ពេល​ស្ទាប រីឯ​ក្មេង​រាង​ធំ​បន្តិច​ខ្លះ​កើត​ជំងឺ​នេះ បង្ហាញ​ការ​ឈឺ​ចាប់ តែ​មិន​មាន​រោគ​សញ្ញា​ដទៃ។ គ្រោះ​ថ្នាក់​នៃ​ជំងឺ​ពោះវៀន​លូន​ចូល​គ្នា ជំងឺ​ពោះវៀន​លូន​ចូល​គ្នា​អាច​នាំ​ឲ្យ​ធ្លាយ​ពោះវៀន ការ​ឆ្លង​មេរោគ និង​ការ​ស្លាប់​របស់​ជាលិកា​ពោះវៀន​បាន។ លើស​ពី​នេះ ជំងឺ​នេះ​ធ្វើ​ឲ្យ​អាហារ ឬ​សារធាតុ​រាវ​មិន​អាច​ឆ្លង​កាត់​ពោះវៀន​បាន និង​អាច​ផ្ដាច់​ការ​ផ្គត់ផ្គង់​ឈាម​ទៅ​ផ្នែក​មួយ​នៃ​ពោះវៀន​ដែល​រង​ផល​ប៉ះពាល់​ដែរ។ ពេល​ណា​គួរ​ជួប​ពេទ្យ? ជំងឺ​ពោះវៀន​លូន​ចូល​គ្នា​ទាមទារ​ឲ្យ​ការ​យក​ចិត្ត​ទុកដាក់​ខ្ពស់​ក្នុង​ការ​ព្យាបាល ព្រោះ​វា​ជា​បញ្ហា​ធ្ងន់ធ្ងរ ហេតុ​នេះ​ហើយ បើ​ម៉ាក់​ប៉ា​ឃើញ​កូន​បង្ហាញ​រោគ​សញ្ញា​ដូច​ខាង​លើ ត្រូវ​នាំ​កូន​ទៅ​ជួប​ពេទ្យ​ឲ្យ​បាន​ឆាប់។ ពិសេស​បើ​ចំពោះ​ទារក​ដែល​មាន​ការ​ឈឺ​ពោះ ទាញ​ជង្គង់​របស់​ពួក​គេ​ផ្អឹប​នឹង​ដើម​ទ្រូង នៅ​ពេល​អា​អូន​យំ។

បញ្ហាប្រព័ន្ធរំលាយអាហារ

ពេល​កូន​តូច​មិន​សូវ​ជុះ ហើយ​​មាន​តែ​ផោម សម្រាប់​ម៉ាក់ៗ​ថ្មី​ថ្មោង​ច្រើន​មាន​ការ​បារម្ភ​ពី​រឿង​នេះ។ តើ​នេះ​មាន​អ្វី​កើត​ឡើង​ចំពោះ​កូន? គួរ​ដោះ​ស្រាយ​បែប​ណា?​ ១. កូន​ផោម​ជា​រឿង​ធម្មតា ប៉ា​ម៉ាក់​ត្រូវ​ដឹង​ថា​ កូន​តូច​ផោម​ជា​រឿង​ធម្មតា និង​ចាំបាច់​។ កូន​យើង​អាច​មាន​ហ្គាស​​នៅ​ក្នុង​ពោះ​ដោយ​សារ​បាន​ស្រូប​ខ្យល់​ពេល​បៅ​មិន​ថា​បៅ​ដោះ ឬ​បៅ​ម្សៅ​ទឹក​ដោះ​គោ​នោះ​ទេ​។ ដូច​គ្នា​ដែរ ចំពោះ​កូន​ធំ​អាច​ញ៉ាំ​អាហារ​បន្ថែម​បាន គេ​អាច​នាំ​ជាតិ​​​ហ្គាស​ចូល​ក្នុង​ពោះ​បាន​តាម​រយៈ​អាហារ​មួយ​ចំនួន​ដូច​ជា​​ស្ពៃ​ក្ដោប សណ្ដែក ខ្ទឹមបារាំង និង​ខាត់​ណា​ខៀវ ជា​ដើម​។ នៅ​ពេល​មាន​ខ្យល់​នៅ​ក្នុង​ប្រព័ន្ធ​រំលាយ​អាហារ កូន​យើង​ត្រូវ​ការ​បញ្ចេញ​វា​មក​ក្រៅ​វិញ​តាម​រយៈ​ភើ ឬ​ក៏​ផោម​។ បើ​មិន​បាន​បញ្ចេញ​ខ្យល់​ក្នុង​ពោះ​មក​ក្រៅ​ទេ​ កូន​យើង​អាច​នឹង​មាន​អាការៈ​ដូច​ជា​ឈឺ​ពោះ និង​ហើម​ពោះ​មិន​ខាន​។ ២. ក្មេង​ជុះ​ញឹក​ញាប់​កម្រិត​ណា? ប៉ា​ម៉ាក់​ថ្មី​ថ្មោង​ប្រហែល​ជា​ស្រមៃ​ថា​នឹង​ត្រូវ​ប្ដូរ​ខោ​ទឹកនោម​កូន​ញឹក​ញាប់​មិន​ខាន ព្រោះ​តែ​កូន​ត្រូវ​ជុះ​ញឹក​ញាប់​ក្នុង​មួយ​ថ្ងៃ​ៗ​។ ប៉ុន្តែ មិន​មែន​គ្រប់​ក្មេង​ទាំង​អស់​សុទ្ធ​តែ​ជុះ​ច្រើន​ដង​ក្នុង​មួយ​ថ្ងៃ​នោះ​ទេ ហើយ​ក្មេង​ខ្លះ​ក៏​មិន​ជុះ​រាល់ថ្ងៃ​ដែរ នៅ​ពេល​គេ​ដល់​អាយុ​ជាក់​លាក់​ណា​មួយ​។ បើ​តាម​អ្នក​ជំនាញ នៅ​ក្នុង​ខែ​ដំបូង​ កូន​យើង​អាច​ជុះ​រាល់ថ្ងៃ ដោយ​ថា​ក្មេង​បៅ​ម្សៅ​ទឹក​ដោះ​គោ អាច​ជុះ​ប្រាំ​ដង​ក្នុង​មួយ​ថ្ងៃ ហើយ​នឹង​ជុះ​តិច​ជាង​នេះ​នៅ​ពេល​គេ​កាន់​តែ​ធំ។ សម្រាប់​កូន​បៅ​ដោះ​ម្ដាយ​វិញ អាច​ជុះ​កាន់​តែ​ញឹក​ដែរ​ក្នុង​វ័យ​ដូច​គ្នា​នេះ តែ​ថា​បន្ទាប់​ពី​ដល់​អាយុ​ប្រាំមួយ​សប្ដាហ៍ ក្មេង​ទាំង​នោះ​អាច​នឹង​មិន​ជុះ​រហូត​ដល់​១០​ថ្ងៃ​ក៏​មាន​។ អាច​និយាយ​បាន​ម្យ៉ាង​ទៀត​ថា ការ​ជុះ​របស់​ក្មេង​ញឹក​ញាប់​ប៉ុនណា ក៏​អាស្រ័យ​លើ​អាយុ និង​របប​អាហារ​ផង​ដែរ​។ ៣. កូន​អត់​ជុះ តែ​ផោម តើ​ម៉េច​វិញ? ត្រង់​ចំណុច​នេះ យើង​ដឹង​ហើយ​ថា​ក្មេង​ផោម​គឺ​ជា​រឿង​ធម្មតា ហើយ​ថា​ក្មេង​មិន​ចាំ​បាច់​ត្រូវ​តែ​ជុះ​រាល់​ថ្ងៃ​នោះ​ដែរ​។ ដូច​នេះ ក្មេង​មិន​ជុះ តែ​ផោម​ គឺ​មិន​មែន​ជា​បញ្ហា​គួរ​ឲ្យ​បារម្ភ​នោះ​ទេ​។ ​យ៉ាងណា បើ​កូន​យើង​មិន​ជុះ​ ក៏​អាច​ជា​សញ្ញា​មួយ​ថា​កូន​អាច​ទល់​លាមក​ដែរ​។ ទោះ​យ៉ាង​នេះ​ក្ដី អ្នក​ជំនាញ​ថា​ប៉ា​ម៉ាក់​កុំ​ប្រ​ញាប់​វាយ​តម្លៃ​ថា​កូន​ទល់​លាមក​លឿន​ពេក […]

បញ្ហាប្រព័ន្ធរំលាយអាហារ

ក្រៅពីរោគសញ្ញាផ្សេងៗ ម៉ាក់បា៉​មាន​ដឹង​អត់ សណ្ឋាន និង​ពណ៌​លាមក​របស់​កូន​យើង អាច​បញ្ជាក់​ពី​បញ្ហា​សុខភាព​របស់​ពួក​គេ តើ​មាន​បញ្ហា ឬ​អត់? លោក​វេជ្ជបណ្ឌិត ចាន់ ស៊ីណេត ឯកទេស​ជំងឺ​ទូទៅ នឹង​លម្អិត​ពី​ពណ៌ និង​សណ្ឋាន​លាមក​របស់​ក្មេងៗ​ទាំង​អស់។ ១. លាមក​ទារក​ស្អិតៗ ពណ៌​បៃតង​ចាស់ (លាមកព្រៃ) មាន​សភាព​ក្រាស់ ពណ៌​ខ្មៅ ស្រដៀង​ប្រេង​ម៉ូតូ​រថយន្ត និង​មាន​ក្នុង​ពោះវៀន​ទារក​តាំង​ពី​ពេល​ក្នុង​ផ្ទៃ ហើយ​បញ្ចេញ​មក​ក្រៅ​តាម​លាមកភ្លាមៗ​ក្រោយ​សម្រាល​បាន​ពីរ​បី​​ថ្ងៃ​ដំបូង។ មិន​មាន​អ្វី​គួរ​ឲ្យ​បារម្ភ​នោះ​ទេ លាមក​បែប​នេះ មាន​លក្ខណៈ​ធម្មតា និង​មាន​តែ​ប៉ុន្មាន​ថ្ងៃ​ដំបូង​ក្រោយ​សម្រាល​ប៉ុណ្ណោះ។ ២. លាមកទារកពណ៌លឿងគ្រាប់ៗ ជាលាមកទារកបៅដោះម្ដាយ ដែលជា​ទូទៅ មាន​លក្ខណៈ​ពណ៌​លឿង ស្រដៀង​ល្ពៅ​ទុំ​កិន​ប៉ិៗ ប៉ុន្តែ​​ក្លិនមិន​ស្អុយ​ទេ។ កុំ​បារម្ភ លាមក​កូនពណ៌លឿងគ្រាប់ៗមាន​លក្ខណៈ​ធម្មតា​ទេ។ ទឹក​ដោះ​ម្ដាយ មាន​សារធាតុ​ចិញ្ចឹម​ប្រសើរ​បំផុត​ជួយ​កូន​ឲ្យ​មាន​សុខភាព​ល្អ និង​រឹងមាំ។ ៣. លាមកទារករឹងស្អិតៗ ពណ៌ត្នោតស្រាល ជាលាមកទារកបៅទឹកដោះគោ​មាន​លក្ខណៈ​រឹង ស្អិតៗ ពណ៌​ផ្សេងៗ ដូចជា ពណ៌​ត្នោត​ស្រាល លឿង​លាយ​ត្នោត ឬ​ត្នោត​លាយ​បៃតង។ លាមក​នេះ មាន​ក្លិន​ស្អុយ​ជាង​លាមក​ទារក​ដែល​បៅ​ដោះ​ម្ដាយ តែ​ស្អុយ​តិច​ជាង​លាមក​ទារក​ដែល​ចាប់​ផ្ដើម​ញ៉ាំ​អាហារ​រឹង។ កុំ​បារម្ភ លាមក​កូន​ មាន​លក្ខណៈ​ធម្មតា​ ហើយកូនសុខភាពល្អ។ ៤.លាមកទារកពណ៌ត្នោតលាយបៃតង ជាលាមក​ទារក​ដែល​ចាប់​ផ្ដើម​ញ៉ាំ​អាហារ​រឹង​ វា​ស្រដៀង​នឹង​ប៊ើរ​កិន​ក្រឡុក​ប៉ិៗ។ លាមក​របស់​ទារក​ដែល​ញ៉ាំ​អាហារ​រឹង មាន​ពណ៌​ត្នោត ឬ​ត្នោត​ចាស់ ហើយ​រឹង​ជាង​មុន តែ​ទន់។ […]

បញ្ហាប្រព័ន្ធរំលាយអាហារ

ការ​រស់នៅ​គ្មាន​អនាម័យ ការ​ញុំា​អាហារ​មិនស្អាត ឬ​ឆ្អិន​ល្អ ការ​ប៉ះពាល់​របស់​មិន​ស្អាត និង​លេង​ផ្ទាល់​​ដី ជា​មូលហេតុ​ធ្វើ​ឲ្យ​ក្មេង​កើត​សត្វ​ល្អិត មានព្រូន តេនញ៉ា អៀន ជាដើម។ នេះ​ជា​ការ​លើក​ឡើង​របស់​លោក​វេជ្ជបណ្ឌិត ញឹប អង្គាបុស្ស នាយក​មន្ទីរពេទ្យ​កុមារ​ជាតិ។ រោគ​សញ្ញា​ក្មេង​កើត​សត្វ​ល្អិត - ស្គម​ - ស្លេក​ស្លាំង - ឧស្សាហ៍​ឈឺពោះ - រាករូស - ចង្អោរ ក្អួត - ក្អក - ប៉ោង ឬ​ហើមពោះ - មិន​ឃ្លាន​អាហារ - ស្រក​ទម្ងន់ - ញ៉ាំ​ច្រើន​យ៉ាង​ណា​ក៏​មិន​ធាត់។ តើ​ត្រូវ​ផ្តល់​ថ្នាំ​ទម្លាប់​សត្វ​ល្អិត​ឲ្យ​ក្មេង​នៅ​ពេល​ណា? បើ​តាម​លោក​វេជ្ជបណ្ឌិត កូន​ក្មេង​ដែល​មាន​អាយុ​ចាប់​ពី ១ ឆ្នាំ​ឡើង​ទៅ ម៉ាក់ប៉ា​អាច​ឲ្យ​លេប​ថ្នាំ​ទម្លាក់​សត្វ​ល្អិត​បាន​ហើយ ដែល​ទូទៅ​ក្មេង​តម្រូវ​ឲ្យ​លេប​ថ្នាំ​សម្លាប់​សត្វ​ល្អិត ឬ​ព្រូន រៀង​រាល់ ៦ ខែ/ម្តង នោះ​ទើប​រាងកាយ​លូត​លាស់​បាន​ល្អ មិន​ស្គមស្គាំង។

បញ្ហាប្រព័ន្ធរំលាយអាហារ

ម៉ាក់​ប៉ា​​តែង​តែ​​ខ្វល់​ចិត្ត​មិន​ខាន​ ពេល​ឃើញ​កូន​មិន​សូវ​ជុះ ឬ​ពិបាក​ជុះ​ជា​ដើម។ ជា​ធម្មតា​ ប៉ា​ម៉ាក់​អាច​សង្កេត​បាន​ថាកូន​មាន​បញ្ហា​ទល់​លាមក​ឬ​អត់​​។ ជា​ការ​ណែ​នាំ​​ ក្មេង​​ដែល​មាន​បញ្ហា​ទល់​លាម​ក​គឺ​ជុះ​​តិច​ជាង​បី​ដង​ក្នុង​មួយ​សប្ដាហ៍ ឬ​កូន​ពិបាក​បត់​ជើង លាមក​រឹង និង​ស្ងួត ហើយ​មាន​ទំហំ​ធំ​ជា​ដើម​។ បើ​ប៉ា​ម៉ាក់​សង្កេត​ឃើញ​មាន​បញ្ហា​ទាំង​នេះ អាច​ថា​អូនៗ​ជួប​បញ្ហា​ទល់​លាមក​ហើយ​។ អ៊ីចឹង​ដោះ​ស្រាយ​បែប​ណា? ១. ពិនិត្យ​លើ​របប​អាហារ​ ប៉ា​ម៉ាក់​ត្រូវ​ដឹង​​ថា​អាហារ​មាន​ជាតិ​ខ្លាញ់​ខ្ពស់​ និង​ជាតិ​សរសៃ​ទាប ដូច​ជា​អាហារ​ fast foods នំ​កញ្ចប់ និ​ង​ភេសជ្ជៈ​កំប៉ុង ជាដើម​សុទ្ធ​តែ​អាច​ធ្វើ​ឲ្យ​កូន​យើង​ជួប​បញ្ហា​ទល់​លាមក។ ដូច​គ្នា​ដែរ ការ​ផឹក​ទឹក​មិន​គ្រប់​គ្រាន់ ក៏​ធ្វើ​ឲ្យ​កូន​យើង​មាន​បញ្ហា​ទល់​លាមក​ដូច​គ្នា។​ ដូច​នេះ​ប៉ា​ម៉ាក់​ត្រូវ​ឲ្យ​កូន​ផឹក​ទឹក​ឲ្យ​បាន​ច្រើន​​ និង​កុំ​សូវ​ញ៉ាំ​អាហារ​ដែល​បាន​រៀប​រាប់​ខាង​លើ​ច្រើន​ពេក។ ផ្ទុយមក​វិញ​ ប៉ា​ម៉ាក់​គួរ​ឲ្យ​កូន​ញ៉ាំ បន្លែ ផ្លែឈើ និង​គ្រាប់ធញ្ញជាតិ​ឲ្យ​បាន​ច្រើន ដើម្បី​ជួយ​សម្រួល​ដល់​ការ​បន្ទោ​បង់​។ ដូច​គ្នា​ដែរ ការ​ឲ្យ​កូន​ញ៉ាំ​អាហារ​ទៀង​ទាត់​ ក៏​ជា​ចំណែក​មួយ​ជួយ​ឲ្យ​​​កូន​មាន​ទម្លាប់​បន្ទោ​បង់​ដូច​គ្នា​។​ ​​២. សកម្មភាព​រាង​កាយ​ ក្មេង​ៗ​ដែល​នៅ​សម្ងំ​តែ​លេង​ហ្គេម មើល​ទូរទស្សន៍ មិន​សូវ​បញ្ចេញ​ពល​កម្ម​ គឺ​អាច​ប្រ​ឈម​នឹង​បញ្ហា​ទល់​លាមក​នេះ​ដែរ​។ សកម្ម​ភាព​រាង​កាយ ជួយ​ជំរុញ​ចលនា​​ពោះ​វៀន និង​រំលាយ​អាហារ​បាន​ល្អ។ ដូច​នេះ​ហើយ ប៉ា​ម៉ាក់​គួរ​នាំ​កូន​រត់​លេង ជិះ​កង់ ឬ​ដើរ​លេង​ឲ្យ​បាន​ច្រើន​ ដើម្បី​ជួយ​ដោះ​ស្រាយ​បញ្ហា​ទល់​លាមក​នេះ​។ ការ​ផ្លាស់​ប្ដូរ​របៀប​របប​រស់​នៅ និង​របប​អាហារ​​ដូច​បាន​រៀប​រាប់​ខាង​លើ នឹង​អាច​ជួយ​ឲ្យ​កូន​យើង​មាន​អារម្មណ៍​ល្អ​ប្រសើរ និង​បន្ទោ​បង់​បាន​ស្រួល​ផង​ដែរ។ យ៉ាង​ណា​មិញ បើ​ម៉ាក់​ម៉ាក់​គិត​ថា​ចង់​ប្រើ​ថ្នាំ​ណា​មួយ​​ពេល​កូន​ទល់​លាមក​ត្រូវ​ពិភាក្សា​ជាមួយ​គ្រូ​ពេទ្យ​ជាមុន​។