home

បញ្ហាប្រព័ន្ធរំលាយអាហារ

បញ្ហាប្រព័ន្ធរំលាយអាហារ - កូន​កាន់​តែ​ធំ ការ​ញ៉ាំ​ចំណី​ផ្ដេសផ្ដាស បញ្ហា​ការ​រស់​នៅ អាកាសធាតុ សុទ្ធ​តែ​ជា​អ្វី​ដែល​កូនៗ​ប្រឈម។ ដូច្នេះ​ម៉ាក់ៗ គួរ​ស្វែងយល់​ឲ្យ​កាន់​តែ​ច្រើន​ពី បញ្ហាប្រព័ន្ធរំលាយអាហារ ក្រែង​មាន​បញ្ហា​មិន​ប្រក្រតី បង្ក​ផលលំបាក​ដល់​កូន

ចំណេះដឹងទូទៅ

បញ្ហាប្រព័ន្ធរំលាយអាហារ

ម៉ាក់ប៉ាគ្រប់រូបសុទ្ធតែចង់បានកូនលូតលាស់ល្អ សុខភាពរឹងមាំ ខំប្រឹងប៉ូវអាហារឲ្យកូនញ៉ាំ ដើម្បីឲ្យបានឡើងទម្ងន់មានសាច់មានឈាម។ ក្នុងនោះដែរ សុខភាពប្រព័ន្ធរំលាយអាហារ ក៏ជាផ្នែកសំខាន់មួយជួយការលូតលាស់ និងអភិវឌ្ឍខួរក្បាលកូនយើងដែរ។ លោកវេជ្ជបណ្ឌិត អ៊ុន យូ បម្រើការងារនៅមន្ទីរពេទ្យកុមារជាតិបានពន្យល់ឲ្យដឹងថា កាលណាក្រពះពោះវៀនកូនក្មេងមានសុខភាពល្អ ធ្វើឲ្យក្មេងមានការលូតលាស់បានល្អ ទាំងមាឌ និងកម្ពស់បានធម្មតាទាំងអស់។ ម៉ាក់ប៉ាត្រូវចាំថា បើចង់ឲ្យកូនលូតលាស់បានល្អ ឆ្លាតវៃ ម៉ាក់ប៉ាគួរគិតគូរពីបញ្ហាប្រព័ន្ធរំលាយអាហារនេះមុនសិន ព្រោះបើសុខភាពក្រពះពោះវៀនកូនមិនល្អ អាចជះឥទ្ធិពលដល់ការលូតលាស់ខួរក្បាលពួកគេ ធ្វើឲ្យការបឺតស្រូបយកសារធាតុចិញ្ចឹមមួយចំនួន ដែលមានតួនាទីជួយដល់ការអភិវឌ្ឍខួរក្បាលរបស់ក្មេង បណ្ដាលឲ្យខួរក្បាលក្មេងលូតលាស់មិនបានល្អប្រក្រតីនោះទេ។ អត្ថប្រយោជន៍ពេលកូនមានប្រព័ន្ធរំលាយអាហាររឹងមាំ៖ បើប្រព័ន្ធរំលាយអាហារអាអូនល្អ ដូចនេះរាងកាយ និងសុខភាពកូនទទួលបានអត្ថប្រយោជន៍ច្រើន។ ១. ស្រូបយកសារធាតុចិញ្ចឹមបានល្អ កាលណាក្រពះពោះវៀនកូនមានសុខភាពល្អ អាអូនអាចស្រូបយកសារធាតុចិញ្ចឹមបានគ្រប់គ្រាន់ពីអាហារដែលកូនញ៉ាំចូលទៅ។ សារធាតុចិញ្ចឹមដែលក្រពះពោះវៀនកូនស្រូបមានដូចជា ជាតិដែក ប្រូតេអ៊ីន កាបូអ៊ីដ្រាត និងខ្លាញ់ធាត់ ជាសារធាតុចិញ្ចឹមចាំបាច់ដល់រាងកាយមនុស្សយើង។ ២. កម្ចាត់កាកសំណល់ ពោះវៀនទាញយកកាកសំណល់ចេញពីរាងកាយ និងជួយគាំទ្រដល់មុខងារថ្លើម។ ដូចនេះហើយ ដើម្បីឲ្យការបន្ទោរបង់របស់កូនបានទៀងទាត់ និងទប់ស្កាត់បញ្ហាទល់លាមក ម៉ាក់ប៉ាជំរុញ និងបន្ថែមអាហារសម្បូរជាតិសរសៃ ឬ Prebiotics ពិសេសបន្លែផ្លែឈើឲ្យកូនញ៉ាំជាប្រចាំ។ Prebiotics ក៏ត្រូវបានបញ្ចូលទៅក្នុងទឹកដោះគោម្សៅសម្រាប់ក្មេងផងដែរ។ ៣. ប្រព័ន្ធការពាររាងកាយ ពោះវៀនយើងជាលំនៅឋាន៧០% របស់ប្រព័ន្ធការពាររាងកាយយើង ហើយពោះវៀនក៏ជាច្រករបស់ពពួកសត្វល្អិតចូលនៅក្នុងរាងកាយយើងបានផងដែរ។ បើក្រពះពោះវៀនកូនមិនល្អ នឹងបណ្ដាលឲ្យងាយឈឺជាមិនខាន ដូច្នេះយើងគួរបង្កើនសុខភាពក្រពះពោះវៀនកូនដោយបន្ថែមពពួកបាក់តេរីល្អវិញ ដែលហៅថា Probiotics ដែលម៉ាក់ប៉ាអាចរកបាននៅក្នុងទឹកដោះម្តាយ […]

ស្វែងរក​បន្ថែម​ទៀត បញ្ហាប្រព័ន្ធរំលាយអាហារ អត្ថបទ

បញ្ហាប្រព័ន្ធរំលាយអាហារ

ក្រៅពីរោគសញ្ញាផ្សេងៗ ម៉ាក់បា៉​មាន​ដឹង​អត់ សណ្ឋាន និង​ពណ៌​លាមក​របស់​កូន​យើង អាច​បញ្ជាក់​ពី​បញ្ហា​សុខភាព​របស់​ពួក​គេ តើ​មាន​បញ្ហា ឬ​អត់? លោក​វេជ្ជបណ្ឌិត ចាន់ ស៊ីណេត ឯកទេស​ជំងឺ​ទូទៅ នឹង​លម្អិត​ពី​ពណ៌ និង​សណ្ឋាន​លាមក​របស់​ក្មេងៗ​ទាំង​អស់។ ១. លាមក​ទារក​ស្អិតៗ ពណ៌​បៃតង​ចាស់ (លាមកព្រៃ) មាន​សភាព​ក្រាស់ ពណ៌​ខ្មៅ ស្រដៀង​ប្រេង​ម៉ូតូ​រថយន្ត និង​មាន​ក្នុង​ពោះវៀន​ទារក​តាំង​ពី​ពេល​ក្នុង​ផ្ទៃ ហើយ​បញ្ចេញ​មក​ក្រៅ​តាម​លាមកភ្លាមៗ​ក្រោយ​សម្រាល​បាន​ពីរ​បី​​ថ្ងៃ​ដំបូង។ មិន​មាន​អ្វី​គួរ​ឲ្យ​បារម្ភ​នោះ​ទេ លាមក​បែប​នេះ មាន​លក្ខណៈ​ធម្មតា និង​មាន​តែ​ប៉ុន្មាន​ថ្ងៃ​ដំបូង​ក្រោយ​សម្រាល​ប៉ុណ្ណោះ។ ២. លាមកទារកពណ៌លឿងគ្រាប់ៗ ជាលាមកទារកបៅដោះម្ដាយ ដែលជា​ទូទៅ មាន​លក្ខណៈ​ពណ៌​លឿង ស្រដៀង​ល្ពៅ​ទុំ​កិន​ប៉ិៗ ប៉ុន្តែ​​ក្លិនមិន​ស្អុយ​ទេ។ កុំ​បារម្ភ លាមក​កូនពណ៌លឿងគ្រាប់ៗមាន​លក្ខណៈ​ធម្មតា​ទេ។ ទឹក​ដោះ​ម្ដាយ មាន​សារធាតុ​ចិញ្ចឹម​ប្រសើរ​បំផុត​ជួយ​កូន​ឲ្យ​មាន​សុខភាព​ល្អ និង​រឹងមាំ។ ៣. លាមកទារករឹងស្អិតៗ ពណ៌ត្នោតស្រាល ជាលាមកទារកបៅទឹកដោះគោ​មាន​លក្ខណៈ​រឹង ស្អិតៗ ពណ៌​ផ្សេងៗ ដូចជា ពណ៌​ត្នោត​ស្រាល លឿង​លាយ​ត្នោត ឬ​ត្នោត​លាយ​បៃតង។ លាមក​នេះ មាន​ក្លិន​ស្អុយ​ជាង​លាមក​ទារក​ដែល​បៅ​ដោះ​ម្ដាយ តែ​ស្អុយ​តិច​ជាង​លាមក​ទារក​ដែល​ចាប់​ផ្ដើម​ញ៉ាំ​អាហារ​រឹង។ កុំ​បារម្ភ លាមក​កូន​ មាន​លក្ខណៈ​ធម្មតា​ ហើយកូនសុខភាពល្អ។ ៤.លាមកទារកពណ៌ត្នោតលាយបៃតង ជាលាមក​ទារក​ដែល​ចាប់​ផ្ដើម​ញ៉ាំ​អាហារ​រឹង​ វា​ស្រដៀង​នឹង​ប៊ើរ​កិន​ក្រឡុក​ប៉ិៗ។ លាមក​របស់​ទារក​ដែល​ញ៉ាំ​អាហារ​រឹង មាន​ពណ៌​ត្នោត ឬ​ត្នោត​ចាស់ ហើយ​រឹង​ជាង​មុន តែ​ទន់។ […]

បញ្ហាប្រព័ន្ធរំលាយអាហារ

ការ​រស់នៅ​គ្មាន​អនាម័យ ការ​ញុំា​អាហារ​មិនស្អាត ឬ​ឆ្អិន​ល្អ ការ​ប៉ះពាល់​របស់​មិន​ស្អាត និង​លេង​ផ្ទាល់​​ដី ជា​មូលហេតុ​ធ្វើ​ឲ្យ​ក្មេង​កើត​សត្វ​ល្អិត មានព្រូន តេនញ៉ា អៀន ជាដើម។ នេះ​ជា​ការ​លើក​ឡើង​របស់​លោក​វេជ្ជបណ្ឌិត ញឹប អង្គាបុស្ស នាយក​មន្ទីរពេទ្យ​កុមារ​ជាតិ។ រោគ​សញ្ញា​ក្មេង​កើត​សត្វ​ល្អិត - ស្គម​ - ស្លេក​ស្លាំង - ឧស្សាហ៍​ឈឺពោះ - រាករូស - ចង្អោរ ក្អួត - ក្អក - ប៉ោង ឬ​ហើមពោះ - មិន​ឃ្លាន​អាហារ - ស្រក​ទម្ងន់ - ញ៉ាំ​ច្រើន​យ៉ាង​ណា​ក៏​មិន​ធាត់។ តើ​ត្រូវ​ផ្តល់​ថ្នាំ​ទម្លាប់​សត្វ​ល្អិត​ឲ្យ​ក្មេង​នៅ​ពេល​ណា? បើ​តាម​លោក​វេជ្ជបណ្ឌិត កូន​ក្មេង​ដែល​មាន​អាយុ​ចាប់​ពី ១ ឆ្នាំ​ឡើង​ទៅ ម៉ាក់ប៉ា​អាច​ឲ្យ​លេប​ថ្នាំ​ទម្លាក់​សត្វ​ល្អិត​បាន​ហើយ ដែល​ទូទៅ​ក្មេង​តម្រូវ​ឲ្យ​លេប​ថ្នាំ​សម្លាប់​សត្វ​ល្អិត ឬ​ព្រូន រៀង​រាល់ ៦ ខែ/ម្តង នោះ​ទើប​រាងកាយ​លូត​លាស់​បាន​ល្អ មិន​ស្គមស្គាំង។

បញ្ហាប្រព័ន្ធរំលាយអាហារ

ម៉ាក់​ប៉ា​​តែង​តែ​​ខ្វល់​ចិត្ត​មិន​ខាន​ ពេល​ឃើញ​កូន​មិន​សូវ​ជុះ ឬ​ពិបាក​ជុះ​ជា​ដើម។ ជា​ធម្មតា​ ប៉ា​ម៉ាក់​អាច​សង្កេត​បាន​ថាកូន​មាន​បញ្ហា​ទល់​លាមក​ឬ​អត់​​។ ជា​ការ​ណែ​នាំ​​ ក្មេង​​ដែល​មាន​បញ្ហា​ទល់​លាម​ក​គឺ​ជុះ​​តិច​ជាង​បី​ដង​ក្នុង​មួយ​សប្ដាហ៍ ឬ​កូន​ពិបាក​បត់​ជើង លាមក​រឹង និង​ស្ងួត ហើយ​មាន​ទំហំ​ធំ​ជា​ដើម​។ បើ​ប៉ា​ម៉ាក់​សង្កេត​ឃើញ​មាន​បញ្ហា​ទាំង​នេះ អាច​ថា​អូនៗ​ជួប​បញ្ហា​ទល់​លាមក​ហើយ​។ អ៊ីចឹង​ដោះ​ស្រាយ​បែប​ណា? ១. ពិនិត្យ​លើ​របប​អាហារ​ ប៉ា​ម៉ាក់​ត្រូវ​ដឹង​​ថា​អាហារ​មាន​ជាតិ​ខ្លាញ់​ខ្ពស់​ និង​ជាតិ​សរសៃ​ទាប ដូច​ជា​អាហារ​ fast foods នំ​កញ្ចប់ និ​ង​ភេសជ្ជៈ​កំប៉ុង ជាដើម​សុទ្ធ​តែ​អាច​ធ្វើ​ឲ្យ​កូន​យើង​ជួប​បញ្ហា​ទល់​លាមក។ ដូច​គ្នា​ដែរ ការ​ផឹក​ទឹក​មិន​គ្រប់​គ្រាន់ ក៏​ធ្វើ​ឲ្យ​កូន​យើង​មាន​បញ្ហា​ទល់​លាមក​ដូច​គ្នា។​ ដូច​នេះ​ប៉ា​ម៉ាក់​ត្រូវ​ឲ្យ​កូន​ផឹក​ទឹក​ឲ្យ​បាន​ច្រើន​​ និង​កុំ​សូវ​ញ៉ាំ​អាហារ​ដែល​បាន​រៀប​រាប់​ខាង​លើ​ច្រើន​ពេក។ ផ្ទុយមក​វិញ​ ប៉ា​ម៉ាក់​គួរ​ឲ្យ​កូន​ញ៉ាំ បន្លែ ផ្លែឈើ និង​គ្រាប់ធញ្ញជាតិ​ឲ្យ​បាន​ច្រើន ដើម្បី​ជួយ​សម្រួល​ដល់​ការ​បន្ទោ​បង់​។ ដូច​គ្នា​ដែរ ការ​ឲ្យ​កូន​ញ៉ាំ​អាហារ​ទៀង​ទាត់​ ក៏​ជា​ចំណែក​មួយ​ជួយ​ឲ្យ​​​កូន​មាន​ទម្លាប់​បន្ទោ​បង់​ដូច​គ្នា​។​ ​​២. សកម្មភាព​រាង​កាយ​ ក្មេង​ៗ​ដែល​នៅ​សម្ងំ​តែ​លេង​ហ្គេម មើល​ទូរទស្សន៍ មិន​សូវ​បញ្ចេញ​ពល​កម្ម​ គឺ​អាច​ប្រ​ឈម​នឹង​បញ្ហា​ទល់​លាមក​នេះ​ដែរ​។ សកម្ម​ភាព​រាង​កាយ ជួយ​ជំរុញ​ចលនា​​ពោះ​វៀន និង​រំលាយ​អាហារ​បាន​ល្អ។ ដូច​នេះ​ហើយ ប៉ា​ម៉ាក់​គួរ​នាំ​កូន​រត់​លេង ជិះ​កង់ ឬ​ដើរ​លេង​ឲ្យ​បាន​ច្រើន​ ដើម្បី​ជួយ​ដោះ​ស្រាយ​បញ្ហា​ទល់​លាមក​នេះ​។ ការ​ផ្លាស់​ប្ដូរ​របៀប​របប​រស់​នៅ និង​របប​អាហារ​​ដូច​បាន​រៀប​រាប់​ខាង​លើ នឹង​អាច​ជួយ​ឲ្យ​កូន​យើង​មាន​អារម្មណ៍​ល្អ​ប្រសើរ និង​បន្ទោ​បង់​បាន​ស្រួល​ផង​ដែរ។ យ៉ាង​ណា​មិញ បើ​ម៉ាក់​ម៉ាក់​គិត​ថា​ចង់​ប្រើ​ថ្នាំ​ណា​មួយ​​ពេល​កូន​ទល់​លាមក​ត្រូវ​ពិភាក្សា​ជាមួយ​គ្រូ​ពេទ្យ​ជាមុន​។

បញ្ហាប្រព័ន្ធរំលាយអាហារ

ចំពោះ​ទារក ឬ​ក្មេង​តូច​ៗ​ពេទ្យ​តែងតែ​តម្រូវ​ឲ្យ​ញ៉ាំ​អាហារ​ទន់​ៗ ហើយ​ចៀសវាង​ចំណី​រឹង ស្វិត ព្រោះ​មិន​ល្អ​ចំពោះ​សុខភាព​ក្រពះ-ពោះវៀន។ នៅ​មាន​រឿង​មួយ​ទៀត គឺ​នៅ​ពេល​កូន​ញ៉ាំ ឬ​លេប​របស់​រឹង​ទៅ ពេល​កូន​ជុះ​មក​មាន​ឃើញ​របស់​អស់​ទាំង​នោះ​ចេញ​មក​វិញ។ តើ​នោះ​មកពី​អ្វី? វេជ្ជបណ្ឌិត សូ សំណាង ឯកទេស​ជំងឺ​ទូទៅ​បាន​បញ្ជាក់​ថា ចំណី​អាហារ​រឹង​ៗ ជាពិសេស​គ្រាប់​ត្របែក ឬ​លេប​គ្រាប់​រុក្ខជាតិ​បែរជា​ចេញ​មក​វិញ​ទាំងអស់​នោះ​​មកពី​ក្រពះ​ក្មេង ទឹក​អាស៊ីដ​ក្រពះ​មិន​ខ្លាំង​ទេ ដុំ​ល្មម​ៗ​មិន​អាច​រំលាយ​បាន​ទេ ដូច្នេះ​ចេញ​មក​ទាំង​មូល។ លោក​បាន​បន្ថែម​ទៀត​ថា កាលណា​ក្រពះ​មិន​អាច​រំលាយ​បាន ហើយ​ពេល​បញ្ជូន​ទៅ​ពោះវៀន​ របស់​រឹង​អស់​ទាំងនេះ​ធ្វើឲ្យ​លាមក​ប្រែជា​រឹង បណ្ដាល​ឲ្យ​ទៅ​ជា​ក្ដៀន។ ​ចំណី​អាហារ​រឹងៗ​ចំពោះ​ក្មេង​ក្រោម​អាយុ ២ ឆ្នាំ​មិន​ល្អ​ចំពោះ​សុខភាព​ក្រពះ-ពោះវៀន​ទេ សូម្បី​បាយ​ក៏​តម្រូវ​ឲ្យ​មាន​សភាព​ទន់ និង​ញ៉ាំ​ជាមួយ​ម្ហូប​មាន​ជាតិ​ទឹក បន្លែ និង​សាច់ ហើយ​ចៀសវាង​អាហារ​ក្រៀម​ៗ​ដែល​មិន​សម្បូរ​ជីវជាតិ ហើយ​ក្រពះ​ក៏​កិន​រំលាយ​អាហារ​ទាំង​នោះ​ដោយ​ពិបាក ព្រោះ​មាន​សភាព​រឹង។ សុខភាព​ក្រពះ-ពោះវៀន​ល្អ ក៏​ត្រូវ​ពឹង​ផ្អែក​លើ​ប្រព័ន្ធ​ការពារ​រាងកាយ​ដែរ ដូចនេះ​នៅ​ពេល​ប្រព័ន្ធ​ភាព​ស៊ាំ​ល្អ ផ្ដល់​កម្លាំង​ដល់​រាងកាយ​ក្នុង​ការ​ប្រយុទ្ធ​ប្រឆាំង​មេរោគ ក្នុង​ពេល​កើត​ជំងឺ ។ ដើម្បី​ឲ្យ​សុខភាព​ក្រពះ-ពោះវៀន​កូន​តូច​ត្រូវ​ឲ្យ​កូន​ញ៉ាំ​អាហារ​ទន់​ៗ ផ្លែឈើ បន្លែ​គ្រប់​ប្រភេទ និង​ផឹក​ទឹក​ឲ្យ​បាន​ច្រើន។ មួយ​វិញ​ទៀត​សម្រាប់​របស់​រឹង​ៗ កុំ​បណ្ដោយ​ឲ្យ​កូន​លេងឬដាក់ចូលមាត់ទោះ​ជា​​អាច​ចេញ​មក​វិញ​តាម​លាមក តែ​បើ​ប្រហែស​អាច​បណ្ដាល​ឲ្យ​ធ្លាក់​ចូល​ក្នុង​បំពង់​ខ្យល់ នាំ​គ្រោះថ្នាក់​ដល់​អាយុ​ជីវិត​។

បញ្ហាប្រព័ន្ធរំលាយអាហារ

បញ្ហា​មួយ​ក្នុង​ចំណោម​បញ្ហា​ជា​ច្រើន​ដែល​ធ្វើ​ឲ្យ​ឪពុក​ម្តាយ​ឈឺ​ក្បាល​ញឹក គឺ​កូន​ឧស្សាហ៍​ទល់​លាមក ជុះ​មិន​ដែល​ទៀង​ទេ ហើយ​ពេល​ជុះ​ម្តងៗ កូន​ត្រូវ​ប្រឹង​យូរ ស្រែក​ផង​យំ​ផង។ លោក​វេជ្ជបណ្ឌិត ចាន់ ស៊ីណេត ឯកទេស​ទូទៅ បាន​លើក​ឡើង​ថា បញ្ហា​ចម្បង​ដែល​ធ្វើ​ឲ្យ​​  ​ក្មេងៗ​ទល់​លាមក គឺ​កត្តា​ចំណី​អាហារ ដែល​ម៉ាក់ប៉ា​មួយ​ចំនួន​ជ្រើស​រើស​អាហារ​បំប៉ន​កូន​មិន​បាន​ត្រឹម​ត្រូវ។ ៣ ចំណុច ខាង​ក្រោម​នេះ​ជា​តិច​និក​ជ្រើស​រើស​អាហារ​បំប៉ន​កូន ដើម្បី​ឲ្យ​ក្រពះ​ពោះវៀន​មាន​សុខភាព​ល្អ ចៀស​វាង​បញ្ហា​ទល់​លាមក។ ១. ឲ្យ​កូន​ញ៉ាំ​ចំណី​អាហារ​សម្បូរ​ជាតិ​សរសៃ កូន​ធំ​បន្តិច អាច​ញ៉ាំ​ចំណី​អាហារ​បាន ម៉ាក់​ប៉ា​មិន​ត្រូវ​បណ្តោយ​ឲ្យ​ញ៉ាំ​អី​តាម​ចិត្ត​ចង់​នោះ​ទេ ព្រោះ​ក្មេង​ចូល​ចិត្ត​ញ៉ាំ​តែ​សាច់ ញ៉ាំ​តែ Fast food មិន​ចង់​ញ៉ាំ​បន្លែ ផ្លែឈើ​នោះ​ទេ។ ទម្លាប់ និង​ចំណង់​ចំណូល​ចិត្ត​បែប​នេះ​ហើយ​ទើប​ធ្វើ​ឲ្យ​ក្មេងៗ​ទៅ​ជា​មាន​បញ្ហា​ក្រពះ​ពោះវៀន ឧស្សាហ៍​ទល់​លាមក។ យើង​​គួរ​តែ​ទម្លាប់​ឲ្យ​កូន​ញ៉ាំ​ចំណី​អាហារ​ចម្រុះ​មុខ មាន​ទាំង​សាច់ ស៊ុត ត្រី ពិសេស​បន្លែ និង​ផ្លែឈើ ដែល​សម្បូរ​ជាតិ​សរសៃ ចៀស​វាង​អាហារ​ប្រៃ ផ្អែម និង​ខ្លាញ់​ច្រើន។ ២. ជ្រើស​រើស​ម្សៅ​ទឹក​ដោះ​គោ​សម្បូរ​ជាតិ​កាក​សរសៃ និង​ព្រីបាយអូទិក ចំពោះ​កូន​ផឹក​ម្សៅ​ទឹក​ដោះ​វិញ ឪពុក​ម្តាយ​មិន​គួរ​ប្រើ​ផលិត​ផល​តាម​គ្នា​នោះ​ទេ ត្រូវ​ចេះ​ជ្រើស​រើស​ម្សៅ​ទឹកដោះ​គោ​ណា​ដែល​មាន​រូបមន្ត​ផ្សំ​ពី​ជាតិ​កាកសរសៃ និង​ព្រីបាយអូទិក ដែល​ទាំង​២​មុខ​នេះ ជួយ​បញ្ចៀស​បញ្ហា​ទល់​លាមក​របស់​ក្មេងៗ​បាន​ល្អ ឯ​សុខភាព​ក្រពះ​ពោះវៀន​កូន​ក៏​គ្មាន​បញ្ហា​ចោទ​ដែរ។ ៣. ឲ្យ​កូន​ញ៉ាំ​ទឹក​ឲ្យ​បាន​ច្រើន ទឹក​មាន​តួនាទី​សំខាន់​​ទ្រទ្រង់​រាងកាយ​ដូច​គ្នា​នឹង​ចំណី​អាហារ​ដែរ បែប​នេះ​យើង​ត្រូវ​ឲ្យ​កូន​ញ៉ាំ​ទឹក​ឲ្យ​បាន​ច្រើន ដើម្បី​កុំ​ឲ្យ​កូន​បាត់​បង់​ជាតិ​ទឹក និង​មាន​បញ្ហា​ដល់​ក្រពះ​ពោះវៀន​ទៀត។ ក្រៅ​ទឹក​ស្អាត ឪពុក​ម្តាយ​ក៏​អាច​ឲ្យ​កូន​ញ៉ាំ​ទឹក​ផ្លែឈើ​ស្រស់​បន្ថែម​ក៏​បាន តែ​ត្រូវ​ចៀស​វាង​ទឹក​ផ្លែឈើ […]

បញ្ហាប្រព័ន្ធរំលាយអាហារ

ដឹង​ហើយ​ថា ក្មេង​ឧស្សាហ៍​រាក​រូស តែ​ម៉ាក់​ប៉ា​មាន​កត់​ចំណាំ​​អត់​លើ​ទម្លាប់​​រស់នៅ​ប្រចាំ​ថ្ងៃ​របស់​ខ្លួន ឬ​របប​អាហារ​របស់​កូន​ទេ គេ​ញ៉ាំ​ចូល​ចិត្ត​ញ៉ាំ​អី​ខ្លះ? ក្នុង​ករណី​ដែល​ម៉ាក់​ប៉ា​មិន​បាន​ចាប់​អារម្មណ៍​នឹង​ចំណុច​ខាង​ក្រោម​ទាំង​ប៉ុន្មាន​ទេ​នេះ នោះ​កូន​ច្បាស់​ជា​កើត​រាក​រូស​ញឹក​ញាប់​មិន​ខាន។ ១.កូន​មិន​បាន​លាង​សម្អាត​ដៃ​មុន​ចាប់​កាន់​ចំណី​អាហារ កូន​នៅ​តូច ក្រោម១ឆ្នាំ មិន​ចោទ​ជា​បញ្ហា​នោះ​ទេ ដោយ​សារ​តែ​យើង​ជា​អ្នក​បញ្ចុក​ចំណី​អាហារ​កូន តែ​បើ​កូន​ធំ​បន្តិច ចាប់​ពី​អាយុ​២​ឆ្នាំ​ឡើង​ទៅ គេ​អាច​ចាប់​កាន់​ចំណី​អាហារ​ញ៉ាំ​ដោយ​ខ្លួន​ឯង​បាន ក៏​ជា​ពេល​ដែល​កូន​ប្រឈម​នឹង​បញ្ហា​រាក​ដែរ។ លោក​វេជ្ជបណ្ឌិត អ៊ុន យូ បម្រើ​ការងារ​នៅ​មន្ទីរពេទ្យ​កុមារ​ជាតិ​ថា អនាម័យ​ជា​រឿង​សំខាន់ ប្រសិន​បើ​ម៉ាក់​ប៉ា​ឧស្សាហ៍​លាង​សម្អាត​ដៃ​ឲ្យ​កូន​បាន​ល្អ​ត្រឹម​ត្រូវ មុន​ពេល​ឲ្យ​កូន​ចាប់​កាន់​ចំណី​អាហារ ឬ​រៀប​ចំ​អាហារ​ឲ្យ​កូន​ម៉ាក់ប៉ា​លាង​ដៃ​បាន​ស្អាត​ល្អ នោះ​​អាច​កាត់​បន្ថយ​ការ​ចម្លង​មេរោគ​ដែល​បណ្ដាល​ឲ្យ​រាក​រូស​បាន​ច្រើន។ សុខភាពកូនពិតជាសំខាន់ ចុចទីនេះ ដើម្បីទទួលបានព័ត៌មានបន្ថែមអំពីការថែទាំ និងព្យាបាលជំងឺរាកលើកុមារ! ២. កូន​ញ៉ាំ​ទឹក​មិន​ស្អាត ក្មេង​នៅ​ជនបទ​ដាច់​ស្រយាល មាន​ជីវភាព​ក្រីក្រ ងាយ​ប្រឈម​នឹង​ជំងឺ​រាករូស ដោយសារ​កង្វះ​ទឹក​ស្អាត​ប្រើ​ប្រាស់ ឬ​ម៉ាក់ប៉ា​មិន​បាន​ដាំ​ទឹក​ឲ្យ​កូន​ញ៉ាំ។ តាម​គោលការណ៍​របស់​អង្គការ​សុខភាព​ពិភព​លោក និង​ក្រសួង​សុខាភិបាល ណែនាំ​ឲ្យ​ញ៉ាំ​ទឹក​ដាំ​ពុះ ដែល​ជា​ទឹក​បាន​សម្លាប់​មេរោគ។ ៣. កូន​ចូល​ចិត្ត​ញ៉ាំ​របស់​ផ្អែម ក្មេងៗ​ណា​ក៏​ដូច​ក្មេង​ណា​ដែរ ចូល​ចិត្ត​​ញ៉ាំ​របស់​​ផ្អែមៗ ដូចជា ការ៉េម ស្ករគ្រាប់ នំខេក ទឹកផ្លែឈើ ទឹកក្រូច​កំប៉ុង ពេល​ខ្លះ​បាន​ញ៉ាំ​របស់​ទាំង​ហ្នឹង លែង​ចង់​ញ៉ាំ​បាយ​ទឹក។ ម៉ាក់​ប៉ា​ត្រូវ​កត់​ចំណាំ របស់​ផ្អែមៗ​ដែល​មាន​ជាតិ​ស្ករ​ច្រើន ក្មេង​ញ៉ាំ​ទៅ​មិន​ត្រឹម​តែ​ប៉ះពាល់​ដល់​ធ្មេញ ធ្វើ​ឲ្យ​ដង្កូវ​ស៊ី​ធ្មេញ ធាត់​លើស​ទម្ងន់​នោះ​ទេ ធ្វើ​ឲ្យ​រាករូស​ទៀត ដោយសារ​តែ​ពោះវៀន​ក្មេង​នៅ​ខ្ចី មិន​អាច​រំលាយ​ជាតិ​ស្ករ​ដ៏​ច្រើន​នោះ​បាន។

បញ្ហាប្រព័ន្ធរំលាយអាហារ

មិនមែនតែមនុស្សចាស់ទេដែលមានបញ្ហាប្រព័ន្ធរំលាយអាហារ ក្មេងៗក៏ជួបបញ្ហានេះដូចគ្នា ហើយ បើសិនជាឪពុកម្តាយបណ្តោយទុកយូរ អាចប៉ះពាល់ដល់ការលូតលាស់ទាំងផ្នែករាងកាយ និងបញ្ញាស្មារតីកូន។ នាមជាឪពុកម្តាយ យើងត្រូវរៀនសង្កេត បើឃើញកូនៗមានសញ្ញាទាំងប៉ុន្មាននេះ បញ្ជាក់ថា ក្រពះពោះវៀនពួកគេមានបញ្ហាហើយ ត្រូវប្រញាប់រកដំណោះស្រាយ ឬទៅជួបពេទ្យជំនាញ។ ១. ហើមពោះ អត់សូវផោម ក្មេងបញ្ចេញខ្យល់ ឬផោមជាញឹកញាប់ជារឿងធម្មតានោះទេ តែបើហើមពោះញឹកញាប់ មិនសូវផោមនោះទើបគួរឲ្យបារម្ភ។ លោកស្រីវេជ្ជបណ្ឌិតឯកទេសកុមារ គុជ ឆោមដាលីន បម្រើការងារនៅ Singapore Medical Center ថា ក្មេងហើមពោះអាចបណ្តាលមកពីវិបាកជំងឺផ្សេងៗដូចជាការរលាកពោះវៀន ឯករណីមួយទៀត អាចមកពីរបបអាហារមិនសូវមានជាតិសរសៃ (Fiber)។ ២. ពិបាកបត់ជើងធំ មិនពិបាកសម្គាល់ទេ កាលណាក្រពះពោះវៀនកូនដំណើរការមិនបានល្អ ធ្វើឲ្យពិបាកបង់ជើងធំ ពេលជុះម្តងៗ ក្មេងៗយំផងប្រឹងផងទម្រាំជុះចេញមក ជួនកាល ២-៣ថ្ងៃ ទើបកូនជុះម្តង។ ៣. ឧស្សាហ៍ទល់លាមកបន្ទោរបង់មិនទៀងទាត់ អាការៈទល់លាមក ហើយកូនជុះមិនទៀងទាត់ ១ថ្ងៃជួនជុះជួនអត់ ពេលខ្លះច្រើនថ្ងៃបានកូនជុះ មានន័យថា កូនយើងអាចមានបញ្ហាប្រព័ន្ធរំលាយអាហារ ញ៉ាំទឹក និងបន្លែមិនគ្រប់គ្រាន់ ឬក៏មិនមានសកម្មភាពរាងកាយ។ ៤. រាកញឹកញាប់ អាការៈរាកញឹកញឹកក៏ជាបញ្ហាប្រព័ន្ធរំលាយអាហារដែរ ហើយបញ្ហានេះបណ្តាលមកពីការបង្ករោគ មិនមានការបង្ករោគ។ ដូច្នេះហើយក្រពះពោះវៀនមានសុខភាពល្អពិតជាផ្ដល់អត្ថប្រយោជន៍សម្រាប់សុខភាពទូទៅ និងការអភិវឌ្ឍផ្សេងៗ។ ដើម្បីឲ្យក្រពះពោះវៀនមានសុខភាពល្អ ម៉ាក់ៗគួរឲ្យកូនផឹកទឹកឲ្យច្រើន អាចជាទឹកស្អាត […]

បញ្ហាប្រព័ន្ធរំលាយអាហារ

ចូលចិត្តព័ត៌មាន “Hello គ្រូពេទ្យ” សូមចូលរួមស្ទង់មតិនៅទីនេះ។ មតិអ្នកទាំងអស់គ្នា ពិតជាមានតម្លៃសម្រាប់ “Hello គ្រូពេទ្យ” អាចកែលម្អព័ត៌មានឲ្យកាន់តែប្រសើរ! ជំងឺ​ហើម​ពោះ​របស់​ទារក ឬ​កុមារ​កើត​ឡើង​មាន​មូលហេតុ​ ហើយ​ក៏​មាន​វិធី​ព្យាបាល​ត្រឹមត្រូវ​ដែរ។ ប៉ុន្តែ​តាម​ចាស់​ៗ​ពី​មុន ច្រើនតែ​បង្គាប់​ឲ្យ​យក​ស្លឹក​គូឆាយ ស្លឹកម្លូ ឬ​មើម​ខ្ទឹម​ស​យក​មក​បុក រួច​យក​ទៅ​លាប​រឹត​លើ​ពោះ​កូន។ ទង្វើ​បែបនេះ​លោក​វេជ្ជបណ្ឌិត អ៊ុន យូ បម្រើ​ការ​នៅ​មន្ទីរពេទ្យ​កុមារ​ជាតិ​បាន​ឲ្យ​ដឹង​ថា ធ្លាប់​ឮ​គេ​និយាយជាច្រើន​ពី​វិធី​បុរាណ​ថាធ្វើ​បែប​នេះ បែប​នោះ​មែន ដើម្បី​ព្យាបាល​ក្មេង​ៗ​ហើម​ពោះ ហើយ​ក្រៅ​ពី​នោះ​ថែម​ទាំង​លាប​ប្រេង​កូឡា ឬ​ប្រេង​ខ្យល់​ទៀត​ផង។ វេជ្ជបណ្ឌិត​ឯកទេស​រោគ​កុមារ​រូប​នោះ​បន្ថែម​ទៀត​ថា វិធី​ទាំងនោះ​ផ្នែក​វិទ្យាសាស្ត្រ​មិន​គាំទ្រ​ឡើយ ដោយ​តម្រូវ​ឲ្យ​គ្រូពេទ្យស្វែង​រក​មូលហេតុ​នាំដែលឲ្យ​ហើម​ពោះ​នោះសិន ទើប​ព្យាបាល​ដោយ​ថ្នាំ​ផ្សេង​ៗ​ទៅ​តាម​មុខ​សញ្ញា និង​ពពួក​បាក់តេរី​បណ្ដាល​ឲ្យ​ហើមពោះ​វិញ។ ចំពោះ​វិធី​ព្យាបាល​ដោយ​ប្រើ​ប្រេង​កូឡា ប្រេង​ខ្យល់ ឬ​បុក​ស្លឹក​នេះ​ស្លឹក​នោះ គ្រូ​ពេទ្យ​មិន​អនុញ្ញាត​ឡើយ ព្រោះ​អាច​បណ្ដាល​ឲ្យ​រលាក​ស្បែក​ទារក​ទៅ​វិញ។ ដោយសារ​តែ​ស្បែក​ទារក​មាន​សភាព​ខ្ចី​ងាយ​នឹង​ប្រតិកម្ម​ជាមួយ​បរិយាកាស​ជុំវិញ​ខ្លួន ហើយ​ទម្រាំ​តែ​របស់​អស់​ទាំង​នោះ​មាន​ជាតិ​កាត់ ហើយ​ក្ដៅ​ក្រហល់ក្រហាយ ស្បែក​នឹង​ក្រហម ហើម របក រហូត​មាន​បញ្ហា​ធ្ងន់ធ្ងរ​ពិបាក​ព្យាបាល​ទៅ​វិញ។ ដូចនេះ​បើ​កូន​ហើម​ពោះ​ត្រូវ​នាំ​កូន​ទៅ​ឲ្យ​គ្រូពេទ្យ​ពិនិត្យ ដើម្បី​ឲ្យ​ច្បាស់​ថា​កូន​ពិតជា​ហើម​ពោះ​មែន ឬមិន​មែនកុំ​ចេះ​តែ​គោះ​ពោះ​កូន ហើយ​សន្និដ្ឋាន​កូន​ថា​មាន​ជំងឺ​ដោយ​ខ្លួន​ឯង និងទៅ​ផ្សំ​ថ្នាំ​តាម​នឹក​ឃើញ ព្រោះ​គ្រោះថ្នាក់ដល់​កូន​ទៅ​វិញ​។

បញ្ហាប្រព័ន្ធរំលាយអាហារ

យើង​​ធ្លាប់​​តែ​​ដឹង​​ថា ក្មេង​ងាយ​នឹង​រាក​រូស ហើយ​ការ​រាក​នេះ​ទៀតសោត ពេលឲ្យញ៉ាំថ្នាំទៅជួនកាល​​បាត់​​ទៅ​វិញក្នុង​​រយៈ​ពេល​​ខ្លី តែ១ ឬ២ថ្ងៃ ហើយ​ពេល​ខ្លះ​អូស​បន្លាយ​យូរ។ ដើម្បីជាចំណេះដឹងខ្លះៗ អ៊ីចឹងយើងមកដឹងលម្អិតទាំងអស់គ្នាពីប្រភេទជំងឺរាកលើក្មេងៗ តើមានប៉ុន្មានប្រភេទ? ការរាករូសរបស់ក្មេងបណ្តាលមកពីមូលហេតុអីខ្លះ? អង្គការ​សុខភាព​ពិភពលោក (WHO) បាន​បែង​ចែក​ជំងឺ​រាក​ជា​៣​ប្រភេទ ទី១ រាកស្រួចស្រាវ (Acute watery diarrhea ) ទី២ រាក​ស្រួច​ស្រាវ មាន​លាយ​ឈាម (Acute bloody diarrhea) និងទី៣ (Persistent diarrhea)។ ១. រាក​ស្រួច​ស្រាវ ជា​ការ​រាក​ស្រួច​ស្រាវ លាមក​សុទ្ធ​តែ​ទឹក អាច​មាន​រយៈ​ពេល​ខ្លី​ត្រឹម​តែ​ប៉ុន្មាន​ម៉ោង ឬ​ក៏​២-៣ថ្ងៃ ដែល​រាក​ប្រភេទ​នេះ​រួម​បញ្ចូល​ទាំង​ជំងឺ​អាសន្ន​រោគ។ រាក​ប្រភេទ​មិន​សូវ​ធ្ងន់ធ្ងរ​​នោះ​ទេ តែ​ចាំបាច់​រក​មូល​ហេតុ​ឲ្យ​ឃើញ ឲ្យ​កូន​ញ៉ាំ​ថ្នាំ ដើម្បី​បញ្ឈប់​ការ​រាករូស។ បើ​កូន​នៅ​តូចម៉ាក់​អាច​បន្ត​ឲ្យ​កូន​តូច​ម៉ឹម​ដោះ​ដដែល តែ​ឲ្យម៉ឹម​​កាន់​តែ​ច្រើន ចំពោះ​កូន​ធំ​ត្រូវ​ឲ្យញ៉ាំ​ទឹក ឬ​ទឹក​អូរ៉ាលីត​ឲ្យ​ច្រើន ដើម្បី​បង្ការ​ការ​បាត់​បង់​ជាតិ​ទឹក ហើយ​បញ្ឈប់​ការ​ញ៉ាំ​ចំណី​អាហារ ភេសជ្ជៈ​ដែល​ធ្វើ​ឲ្យ​រាក ពិសេស​ភេសជ្ជៈ​ត្រជាក់​ផ្អែមៗ អាហារ​ហឹរ អាហារ​ខ្លាញ់​ជា​ដើម។ ​ ២. រាក​ស្រួច​ស្រាវ មាន​លាយ​ឈាម ជា​ការ​រាក​ លាមក​មាន​លាយ​ឈាម ដែល​យើង​តែ​ចំណាំ​ហៅ​ថា រាក​មួល។ រាក​ប្រភេទ​នេះធ្ងន់ធ្ងរ បង្ក​ឡើង​​ដោយ​ពពួក​បាក់​តេរី ឬ​អាមីប កើតចំពោះក្មេងអាយុចាប់ពី១ឆ្នាំឡើង ដែលជាវ័យក្មេងចេះដើរ ដៃងាយចាប់កាន់របស់កខ្វក់។ សុខភាពកូនពិតជាសំខាន់ […]

បញ្ហាប្រព័ន្ធរំលាយអាហារ

កូនមិនសូវលូតលាស់ ឯទម្ងន់ក៏ឡើងមិនគ្រប់ អាចមកពីបញ្ហាច្រើនយ៉ាង ក្នុងនោះក៏មានពាក់ព័ន្ធនឹងសុខភាពក្រពះពោះវៀនរបស់ក្មេងដែរ។ លោកវេជ្ជបណ្ឌិត ចាន់ ស៊ីណេត ឯកទេសទូទៅបានឲ្យដឹងថា ប្រព័ន្ធរំលាយអាហារក្មេងល្អ មិនត្រឹមតែធ្វើឲ្យអារម្មណ៍ស្រស់ស្រាយនោះទេ ថែមទាំងជួយដល់ការអភិវឌ្ឍខួរក្បាល និងរាងកាយទៀតផង។ ម៉ាក់ប៉ាមានដឹងអត់ ប្រព័ន្ធរំលាយអាហារក្មេងអាចធ្វើរឿងដ៏អស្ចារ្យជាច្រើន អ៊ីចឹងហើយទើបយើងចាំបាច់ត្រូវផ្តល់ការថែទាំ បំប៉នចំណីអាហារឲ្យបានល្អ នោះទើបសុខភាពកូនក៏ល្អ លាស់លាស់លឿនទាំងផ្នែករាងកាយ និងបញ្ហាស្មារតី។ ធ្វើម៉េចដើម្បីឲ្យក្រពះពោះវៀនក្មេងមានសុខភាពល្អ? លោកវេជ្ជបណ្ឌិតបានបន្តថា បញ្ហានេះអាចថាជារឿងងាយផង លំបាកផងសម្រាប់ឪពុកម្តាយគ្រប់រូប ដោយហេតុថា វាអាស្រ័យទៅប្រព័ន្ធការពាររាងកាយកូន របបអាហារផ្តល់ឲ្យកូន កត្តាអនាម័យទាំងការរស់នៅ និងហូបចុក។ ក្នុងនោះលោកវេជ្ជបណ្ឌិតថា ការបំប៉នអាហារកូន ដោយហេតុថាការទទួលបានអាហារគ្រប់គ្រាន់ សម្បូរជីវជាតិ សម្បូរជាតិកាកសរសៃ ហើយចម្អិនដោយមានអនាម័យខ្ពស់នោះ មិនត្រឹមតែក្រពះ-ពោះវៀនកូនទេមានសុខភាពល្អ ការលូតលាស់រាងកាយក៏ល្អដូចគ្នា ហើយបន្ថែមពីនោះយើងត្រូវនាំកូនធ្វើលំហាត់ប្រាណដែរ។ បញ្ហាប្រព័ន្ធអាហារក្មេងជួបញឹកញាប់មានអីខ្លះ? ត្រូវដោះស្រាយបែបណា? ទល់លាមក៖ ក្មេងមានប្រព័ន្ធរំលាយអាហារខ្សោយស្រាប់ផង គួបផ្សំនឹងការផ្តល់របបអាហារមិនបានត្រឹមត្រូវទៀតនោះ ងាយប្រឈមបញ្ហាទល់លាមកញឹកញាប់។ ដូចនេះ ម៉ាក់ប៉ាត្រូវធ្វើយ៉ាងណាឲ្យកូនញ៉ាំទឹកឲ្យបានគ្រប់គ្រាន់ ពិសេសផ្តល់អាហារសម្បូរនូវជាតិកាកសរសៃ ពិសេសឲ្យញ៉ាំបន្លែ និងផ្លែឈើឲ្យបានច្រើន ហើយកូនផឹកម្សៅទឹកដោះគោ ត្រូវចេះជ្រើសរើសប្រភេទណាដែលសម្បូរជាតិកាកសរសៃច្រើន។ ឈឺពោះ៖ ក្មេងមានបញ្ហាប្រព័ន្ធរំលាយអាហារ ញ៉ាំអីចូលទៅងាយនឹងធ្វើឈឺពោះ ហើមពោះ ឬផោមញឹកញាប់ ឯបន្ទោរបង់លាមកមិនទៀងទាត់នោះទេ។ ឡេះឡះ យំមួរម៉ៅ៖ ក្រពះពោះវៀនក្មេងមិនសូវល្អ បង្កឲ្យចុក ឆ្អល់ពោះ ហើយសញ្ញាដែលម៉ាក់ប៉ាអាចសម្គាល់បាននោះ ដោយកូនៗតែងតែបញ្ចេញអារម្មណ៍មួរម៉ៅ […]

គ្រូពេទ្យឯកទេសផ្នែក បញ្ហាប្រព័ន្ធរំលាយអាហារ របស់យើង

មើល​បន្ថែម​ពី​គ្រូពេទ្យ​ឯកទេសsee-more-icon
expert-avatarbadge
វេជ្ជ. ចាន់ ស៊ីណេត

ម​ន្ទីរពេទ្យបង្អែកមិត្តភាពកម្ពុជា-ចិន សែនសុខ

x