home

យើង​គួរ​ធ្វើ​ម៉េច​ខ្លះ ដើម្បី​កែលម្អ​បញ្ហា​នេះ?

close
chevron
អត្ថបទ​នេះ​មាន​កំហុស ព័ត៌មាន​ ឬ​តួលេខ​មិន​ត្រឹមត្រូវ
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
អត្ថបទ​នេះ​មាន​ព័ត៌មានមិន​គ្រប់គ្រាន់
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
ហមមម... ខ្ញុំ​មាន​ចម្ងល់​ពី​បញ្ហា​សុខភាព​ខ្លះ​ចង់​សាកសួរ
chevron

ថ្វី​ត្បិត​តែ​ Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​​ក៏​ពិត​មែន ប៉ុន្តែ​ពួក​យើង​ពិត​ជា​ស្វាគមន៍​រាល់​មតិ​កែលម្អិត​ទាំង​អស់​របស់​លោក​អ្នកដែល​តែងតែ​តាមដាន Hello គ្រូពេទ្យ ជា​ប្រចាំ។ សូម​វាយ​បញ្ចូល​មតិយោបល់​របស់​លោកអ្នក​ក្នុង​ប្រអប់​ខាងក្រោម។

wanring-icon
ប្រសិន​បើ​បងប្អូន​កំពុង​ប្រឈម​នឹង​បញ្ហា​សង្គ្រោះបន្ទាន់​ កុំបង្អង់​សូម​ខល​ទាក់ទង​ទៅសេវាសង្គ្រោះ​បន្ទាន់​ភ្លាម​ ឬ​ទៅ​មន្ទីរពេទ្យ ឬ​កន្លែង​សង្គ្រោះ​បន្ទាន់​ដែល​នៅ​ជិត​លោក​អ្នក​បំផុត។

ឬ​ចម្លង​តំណភ្ជាប់

ពេលទារកស្ទះរន្ធទឹកភ្នែក ម៉ាក់ប៉ាអាចដោះស្រាយដោយវិធីសាស្ត្រទាំងនេះបាន

ពេលទារកស្ទះរន្ធទឹកភ្នែក ម៉ាក់ប៉ាអាចដោះស្រាយដោយវិធីសាស្ត្រទាំងនេះបាន

ចូលចិត្តព័ត៌មាន “Hello គ្រូពេទ្យ” សូមចូលរួមស្ទង់មតិនៅទីនេះ។ មតិអ្នកទាំងអស់គ្នា ពិតជាមានតម្លៃសម្រាប់ “Hello គ្រូពេទ្យ” អាចកែលម្អព័ត៌មានឲ្យកាន់តែប្រសើរ!

ធម្មតា យើង​ជា​ម៉ាក់​ប៉ា ច្បាស់​ជា​ព្រួយ​បារម្ភ​ហើយ​ឲ្យ​តែ​ឃើញ​កូន​មាន​បញ្ហា​អ្វី​មួយ​ដែល​យើង​គិត​ថា​មិន​ប្រក្រតី។ ជួន​កាល បញ្ហា​នោះ​គ្រាន់​តែ​ជា​បញ្ហា​សាមញ្ញ​ដែល​កើត​មាន​លើ​អា​អូន​ពី​កំណើត​ដែល​មិន​សូវ​បង្ក​គ្រោះ​ថ្នាក់​ដល់​ឲ្យ​អូន ដូច​បញ្ហា​ស្ទះ​រន្ធ​ទឹក​ភ្នែក​ជាដើម។

បញ្ហា​ស្ទះ​រន្ធ​ទឹក​ភ្នែក​លើ​ទារក​គឺ​ជា​បញ្ហា​មាន​ពី​កំណើត​ដែល​កើត​មាន​ប្រហែល ​៣០%​លើ​ទារក។ ម៉ាក់​ប៉ា​មិន​ចាំ​បាច់​ព្រួយ​បារម្ភ​ពេក​ទេ បើ​អា​អូន​កើត​ជំងឺ​នេះ ពី​ព្រោះ​វា​មិន​បង្ក​ជា​បញ្ហា​ធ្ងន់ធ្ងរ ហើយ​វា ​៩០%​ នឹង​បាត់​ទៅ​វិញ​នៅ​អាយុ​ ៩ខែ​ – ​១​ឆ្នាំ។ នេះ​បើ​តាម​ការ​ឲ្យ​ដឹង​ពី​លោក​ស្រី​វេជ្ជបណ្ឌិត កុសល កណិការ ឯក​ទេស​ជំងឺ​កុមារ សញ្ញាប័ត្រ​ពី​ប្រទេស​បារាំង។

ក្នុង​ករណី​ដែល​អា​អូន​តូច មាន​បញ្ហា​ស្ទះ​រន្ធ​ទឹក​ភ្នែក ប៉ា​ម៉ាក់​អាច​ដោះ​ស្រាយ​តាម​វិធី​ខាង​ក្រោម ដើម្បី​ជួយ​សម្រួល​ដល់​ភ្នែក​កូន​ដូច៖

ស្អំ​កន្សែង​ក្ដៅ​ឧណ្ហៗ៖ ជា​រៀង​រាល់​២-៣​ម៉ោង​ម្ដង យក​កន្សែង ឬ​ដុំ​សម្លី​ជ្រលក់​ទឹក​ក្ដៅ​ឧណ្ហ​ៗ រួច​ពូត​ឲ្យ​ស្ងួត​ទឹក​បន្ដិច យក​ទៅ​ស្អំ​ថ្នម​ៗ​លើ​រន្ធ​ទឹក​ភ្នែក​របស់​កូន រួច​ជូត​បណ្ដោយ​តាម​ភ្នែក​ថ្នមៗ។ ប្រសិន​បើ​កូន​ស្ទះ​រន្ធ​ទឹក​ភ្នែក​ទាំង​សង​ខាង យើង​ត្រូវ​យក​ម្ខាង​ស្អាត​នៃ​កន្សែង ឬ​ដុំ​សម្លីទៅ​ជូត​ភ្នែក​មួយ​ទៀត ឬ​អាច​ប្រើ​កន្សែង ឬ​ដុំ​សម្លី​ថ្មី​ក៏​បាន។

ម៉ាស្សា​ភ្នែក​កូន៖ យើង​អាច​ម៉ាស្សា​លើ​រន្ធ​ទឹក​ភ្នែក​កូន​ថ្នមៗ ដោយ​យក​ម្រាម​ដៃ​មួយ​ទៅ​ញី​ជា​រង្វង់​មូល​ត្រង់​រន្ធ​ទឹក​ភ្នែក​កូន។ អំឡុង​ពេល​ម៉ាស្សា ម៉ាក់​ប៉ា​ត្រូវ​ប្រើ​កម្លាំង​តិច​បំផុត មិន​ត្រូវ​ញី​ខ្លាំង​ពេក ហើយ​សង្កត់​ទៅ​លើ​ភ្នែក​កូន​ទេ។ បើ​អាច នៅ​ពេល​ដែល​យក​កូន​ទៅ​ពិនិត្យ យើង​អាច​សុំ​ឲ្យ​គ្រូពេទ្យ​ជំនាញ​ក្មេង​បង្ហាញ​ពី​របៀប​ម៉ាស្សា​ភ្នែក​សម្រាប់​បញ្ហា​នេះ។

ប្រើ​ថ្នាំ​បន្តក់​ភ្នែក៖ ប្រសិន​បើ​ភ្នែក​អា​អូន​ឆ្លង​មេរោគ​ទៀត គ្រូពេទ្យ​នឹង​អាច​ចេញ​វេជ្ជបញ្ជា​ឲ្យ​ទិញ​ថ្នាំ​បន្តក់​ភ្នែក ដើម្បី​ជួយ​កម្ចាត់​មេរោគ​ចេញ។

ជា​ធម្មតា បញ្ហា​ស្ទះ​រន្ធ​ទឹក​ភ្នែក​នេះ​អាច​បាត់​ទៅ​វិញ​ដោយ​ឯក​ឯង ពេល​ដែល​អា​អូន​ធំ​ទៅ​ៗ ប៉ុន្តែ ក្នុង​ករណី​ដែល​កូន​មាន​អាយុ​ហួស​១​ឆ្នាំ​ហើយ នៅ​តែ​មាន​បញ្ហា​នេះ​ទៀត គ្រូពេទ្យ​អាច​ព្យាបាល​បាន​ដោយ​ការ​ចោះ​ពង្រីក​រន្ធ​ទឹក​ភ្នែក​អា​អូន។

វេជ្ជបណ្ឌិត​រោគ​កុមារ​មួយ​នេះ បន្ត​ថា បើ​កូន​មាន​បញ្ហា​ស្ទះ​រន្ធ​ទឹក​ភ្នែក​នេះ អា​អូន​នឹង​មាន​បង្ហាញ​សញ្ញា​មួយ​ចំនួន​ដូច៖

– ទារក​ហូរ​ទឹក​ភ្នែក​ជា​ប្រចាំ
– មាន​អាចម៍​ភ្នែក (តែ​ក្នុង​ភ្នែក​មិន​ក្រហម)
– ភ្នែកអាអូនហើមតិច ឬក្រហមត្របកភ្នែក
– ត្របក​ភ្នែក​ស្អិត​ជាប់​គ្នា (ធ្វើ​ឲ្យ​អា​អូន​ពិបាក​បើក​ភ្នែក)។

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

រូបថត​របស់​អ្នក​និពន្ធbadge
ដោយ នាង សុខុមដាលីញ៉ា កែសម្រួល​ចុងក្រោយ 02/10/2020
ត្រួតពិនិត្យដោយ វេជ្ជ. វេជ្ជ. ចាន់ ស៊ីណេត
x