ផ្លូវអារម្មណ៍កូន ក្នុងការលូតលាស់ពីមួយឆ្នាំទៅមួយឆ្នាំមានការប្រែប្រួលច្រើនដែលម៉ាក់ប៉ាមួយចំនួនមិនសូវចាប់អារម្មណ៍។ តាមពិតទៅ កូនក្មេងក៏ចេះអន់ចិត្ត កើតស្ត្រេស និងអាចមានបញ្ហាផ្លូវអារម្មណ៍បានដូចមនុស្សធំដែរ ប៉ុន្តែការដោះស្រាយបញ្ហាអារម្មណ៍ក្មេងងាយស្រួននោះទេ ឲ្យតែម៉ាក់ប៉ាយល់ពីអ្វីដែលកូនចង់បានទៅតាមអាយុអាអូន។
ម៉ាក់ប៉ាដឹងទេ ពីអាយុ០-៧ឆ្នាំ ផ្លូវអារម្មណ៍កូនអភិវឌ្ឍន៍ម៉េចខ្លះ?
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ដំណាក់កាលនីមួយៗនៃការអភិវឌ្ឍផ្លូវអារម្មណ៍កូន
- អាយុ ០-២ឆ្នាំ ៖ កូនត្រូវការភាពជិតស្និទ្ធពីម៉ាក់ប៉ា
- អាយុ ២-៣ឆ្នាំ ៖ កូនធ្វើត្រាប់តាមម៉ាក់ប៉ា
- អាយ ៣-៤ឆ្នាំ ៖ កូនត្រូវការភក្ដីភាពពីម៉ាក់ប៉ា និងបងប្អូន
- អាយុ ៤-៥ឆ្នាំ ៖ កូនត្រូវការយកចិត្តទុកដាក់ពីម៉ាក់ប៉ាខ្លាំង
- អាយុ ៥-៦ឆ្នាំ ៖ កូនត្រូវការផ្ដល់ក្ដីស្រលាញ់ចំពោះម៉ាក់ប៉ា បងប្អូន សាច់ញាតិ និងសត្វចិញ្ចឹម
- អាយុ ៦-៧ឆ្នាំឡើង ៖ កូនត្រូវការចែករំលែករឿងសម្ងាត់ផ្ទាល់ខ្លួន និងរឿងក្នុងចិត្តជាមួយម៉ាក់ប៉ា។
ហេតុនេះហើយ ម៉ាក់ប៉ាគួរចំណាយពេលស្វែងយល់ពីអារម្មណ៍កូនៗ ពិសេសពេលអាអូនលូតលាស់ដល់វ័យចូលរៀន ជាវ័យដែលអាអូនចេះគិតបានច្រើន។ កាលណាម៉ាក់ប៉ាមិនយល់ពីផ្លូវអារម្មណ៍កូន វាអាចបណ្ដាលឲ្យកូនអន់ចិត្ត ធុញថប់ ឬកើតជាបញ្ហាផ្លូវចិត្តក៏មាន។
តាមពិតទៅ ក្មេងក៏អាចមានបញ្ហាផ្លូវចិត្តដូចយើងមនុស្សធំដែរ។ នេះបើតាមលោកសាស្ត្រាចារ្យវេជ្ជបណ្ឌិត យឹម សុបុត្រា ឯកទេសវិកលវិទ្យា និងជាប្រធានផ្នែកសុខភាពផ្លូវចិត្ត និងបំពានគ្រឿងញៀន នៅមន្ទីរពេទ្យមិត្តភាពខ្មែរ-សូវៀត។
ការស្ដីបន្ទោស គឺធ្វើឲ្យកូនកាន់តែមានសម្ពាធផ្លូវចិត្តខ្លាំងឡើង ព្រោះពេលធ្វើខុស ក្នុងចិត្តកូនមិនស្រណុក ឬភ័យខ្លាចរួចទៅហើយ។ មិនតែប៉ុណ្ណោះពាក្យសម្ដីដាក់កំហិត និងបង្គាប់បញ្ជាមួយចំនួនក៏អាចបំបាក់ទឹកចិត្តកូន ព្រោះនោះជាការដាក់គំនាបដល់ពួកគេ។ មួយវិញទៀតម៉ាក់ប៉ាទាំងឡាយគួរបញ្ឈប់ទម្លាប់ប្រៀបធៀបកូនខ្លួនជាមួយកូនគេអ្នកដទៃ។
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម