បើតាមលោកវេជ្ជបណ្ឌិត ប៉ែន កក្កដា ឯកទេសរោគកុមារ និងទារក នៅមន្ទីរពេទ្យកុមារជាតិ បានប្រាប់មកកាន់ Helloគ្រូពេទ្យ ថា ទារកដែលទើបនឹងកើតអាចមានបញ្ហារលាកកញ្ចក់ភ្នែកខ្លាំងណាស់ ប្រសិនបើគ្រូពេទ្យមិនបានយកចិត្តទុកដាក់លាងសម្អាតដោយប្រើសេរ៉ូមប្រៃ ពេលចេញពីពោះម៉ាក់ៗភ្លាម។
កូនទើបកើតរលាកកញ្ចក់ភ្នែក ម៉ាក់ប៉ាគួរធ្វើបែបណា?
លោកវេជ្ជបណ្ឌិតខាងលើបានបន្ថែមថា៖ “ជាធម្មតាពេលទារកកើតមកភ្លាមពេទ្យតែងតែបន្តក់ថ្នាំ ដែលជាសេរ៉ូមប្រៃរួច ទើបអនុញ្ញាតឲ្យចេញពីបន្ទប់ តែបើមិនបានបន្តក់ ហើយកើតតាមផ្លូវក្រោមទៀតនោះភ្នែកនឹងរលាក ធ្វើឲ្យកញ្ចក់ភ្នែកក្រហម ហើយចេញខ្ទុះឡើងសពេញភ្នែកទាំងសងខាង ឬខ្លះទៀតអាចមកពីម្ដាយយកទឹកដោះ ទឹកនោម ឬទឹកដូងទៅដាក់ភ្នែកកូន”។ សម្រាប់ម៉ាក់ៗសម្រាលកូនតាមធម្មជាតិ ងាយនឹងឆ្លងបាក់តេរីទៅភ្នែកកូនបំផុត ដូចនេះបើឃើញកូនមានអាការៈនោះ គួរតែសួរនាំគ្រូពេទ្យជាបន្ទាន់ ហើយពេលគ្រូពេទ្យពិនិត្យរួចរាល់ ទើបដាក់សេរ៉ូមប្រៃ និងមានថ្នាំបន្តក់តាមដំណាក់កាលអាការៈជំងឺ។
ចង់គណនាថ្ងៃមេជីវិតញីទុំធ្លាក់ ចុចទីនេះ!
ចង់គណនាថ្ងៃសម្រាលកូន ចុចទីនេះ!
ចង់គណនាទម្ងន់ស្រ្តីពពោះ ចុចទីនេះ!
ចង់ដឹងអត្ថន័យពណ៌ និងរូបរាងលាមកទារក ចុចទីនេះ!
លោកគ្រូពេទ្យបានបញ្ជាក់ថា ម៉ាក់ៗមួយចំនួនតែងតែហៅជំងឺបែបនោះថា រលាកភ្នែក ភ្នែកក្រហម ហើយណែនាំម៉ាក់ប៉ាឲ្យចៀសឆ្ងាយពីទង្វើទាំងប៉ុន្មាននោះ ព្រោះពិតជាប៉ះពាល់ និងអាចបណ្ដាលឲ្យភ្នែកប៊េបីមានបញ្ហាធំបាន បើនៅតែប្រព្រឹត្ត ឬមិនព្យាបាលឲ្យបានទាន់ពេលវេលា។
ជាចុងក្រោយវេជ្ជបណ្ឌិតខាងលើក៏បានណែនាំម៉ាក់ៗទាំងអស់ថា គួរតែមានសេរ៉ូមប្រៃនៅផ្ទះ ដើម្បីទុកព្យាបាលជំងឺភ្នែក ឬច្រមុះកម្រិតស្រាលៗ។
អត្ថបទគួរអាន៖
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម