ក្មេងៗឲ្យតែធ្វេសប្រហែសបន្តិច ឬញ៉ាំអីផ្តេសផ្តាសរលាកបំពង់កភ្លាម។ រលាកបំពង់ក ជាជំងឺផ្លូវដង្ហើម បង្កឡើងដោយវីរុស ឬបាក់តេរី ហើយវាសាយភាពតាមដំណក់ទឹកល្អិតៗនៅក្នុងខ្យល់ ចេញពីមនុស្សផ្ទុកមេរោគតាមរយៈកណ្ដាស់ ក្អក ឬការនិយាយគ្នា។
ពេទ្យប្រាប់តិចនិកងាយៗ បង្ការក្មេងៗពីជំងឺរលាកបំពង់ក
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
លោកវេជ្ជបណ្ឌិត អ៊ុន យូ បម្រើការងារនៅមន្ទីរពេទ្យកុមារជាតិ នឹងបង្ហាញពីវិធីបង្ការក្មេងៗពីជំងឺរលាកបំពង់ក។
១- ឲ្យកូនញ៉ាំទឹកឲ្យបានច្រើន
ឲ្យកូនផឹកទឹកស្អាត ឬទឹកក្តៅឧណ្ហៗឲ្យច្រើន ព្រោះវាជួយផ្ដល់សំណើមដល់បំពង់ក មិនធ្វើឱ្យបំពង់កស្ងួត និងបន្ថយជាតិអាស៊ីត តែត្រូវចៀសវាងការញ៉ាំទឹកកក។
២- កុំឲ្យកូនញ៉ាំភេសជ្ជៈកំប៉ុងផ្អែមៗ
ទឹកក្រូច ទឹកផ្លែឈើកំប៉ុង សម្បូរជាតិស្ករ និងអាស៊ីដ ងាយធ្វើឲ្យរលាកបំពង់កបំផុត យើងមិនត្រូវឲ្យកូនញ៉ាំនោះទេ គួរតែឲ្យកូនញ៉ាំផ្លែឈើ ឬទឹកផ្លែឈើស្រស់ជំនួសវិញ។
៣- កុំឲ្យកូនញ៉ាំនំផ្អែម ឬខ្លាញ់
កាលណាញ៉ាំនំផ្អែម ឬរបស់ដែលមានជាតិខ្លាញ់ ហើយមិនបានញ៉ាំទឹកពីក្រោយឲ្យបានច្រើននោះជាតិផ្អែម ឬខ្លាញ់នៅជាប់នឹងក ធ្វើឲ្យវីរុស ឬបាក់តេរីនៅក អាចនឹងដុះដាលលឿន ទៅជារលាកបំពង់ក។
អត្ថបទពាក់ព័ន្ធ៖ ប៉ាម៉ាក់ត្រូវដឹង អាហារទាំងនេះគ្មានសុវត្ថិភាពចំពោះក្មេងតូចៗទេ
៤-ចាក់វ៉ាក់សាំងការពារ
បើមានលទ្ធភាពម៉ាក់ប៉ាគួរណាតែយកកូនទៅចាក់វ៉ាក់សាំងការពារជំងឺផ្តាសាយ នោះអាចការពារជំងឺផ្លូវដង្ហើមបាន។
៥- កុំទៅជិតអ្នកជំងឺ
ម៉ាក់ប៉ាមិនត្រូវនាំកូនតូចទៅជិតអ្នកជំងឺឡើយ ហើយបើសិននៅក្នុងផ្ទះមាននរណាម្នាក់រលាកបំពង់ក ឬផ្តាសាយ ត្រូវឲ្យពាក់ម៉ាស ដើម្បីបង្ការការក្អក ឬកណ្តាស់ ភាយមេរោគទៅសមាជិកផ្សេងៗទៀត ពិសេសកូនតូច។
អត្ថបទពាក់ព័ន្ធ៖ Nasopharyngitis (ជំងឺរលាកច្រមុះ និងបំពង់ក)
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម