ទារក និងក្មេងតូចៗត្រូវការគេងឲ្យបានគ្រប់គ្រាន់ ដើម្បីលូតលាស់ និងវិវត្តទាំងរាងកាយ ទាំងប្រាជ្ញាបានល្អ។ ការគេងបានច្រើន ក៏ជួយទៅដល់សុខភាព និងប្រព័ន្ធភាពស៊ាំនៃរាងកាយរបស់ពួកគេដែរ។ ប៉ុន្តែ បើអាអូនគេងមិនបានគ្រប់គ្រាន់វិញ នោះផលប៉ះពាល់មួយចំនួនអាចបង្កជាបញ្ហាដល់អាអូនមិនខាន។
ទារកគេងមិនគ្រប់គ្រាន់ អាចប៉ះពាល់ដល់ការវិវត្តខួរក្បាលអត់?
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
សម្រាប់ទារកទើបនឹងកើត ទាមទារឲ្យគេងច្រើនលើសពី៨ម៉ោងដែលមនុស្សធំពេញវ័យត្រូវការ។ អាអូនត្រូវការគេងយ៉ាងតិចពី១៤-១៨ម៉ោង អាស្រ័យទៅតាមវ័យរបស់កូន។ ហេតុផលដែលទារកត្រូវការគេងឲ្យបានគ្រប់គ្រាន់គឺដោយសារ៖
១. ការលូតលាស់ខួរក្បាលរបស់ទារកភាគច្រើនកើតឡើងនៅពេលដែលអាអូនគេង។ ពេលនេះ ជាពេលដែលបង្កើតឡើងនៃការតភ្ជាប់រវាងអឌ្ឍគោលខាងឆ្វេង និងខាងស្ដាំនៃខួរក្បាលទារក។
២. តំណភ្ជាប់កោសិកាសរសៃប្រសាទខួរក្បាលកើតឡើងក្នុងពេលគេង។ ការតភ្ជាប់ប្រព័ន្ធប្រសាទជាង១លានត្រូវបានបង្កើតឡើងក្នុងមួយវិនាទី/ម្ដង ក្នុងអំឡុងពេល៣ឆ្នាំដំបូងនៃជីវិត។
៣. ការចងចាំ ត្រូវបានផ្គុំ និងរក្សាទុកពេលគេង។ នេះមានន័យថា អ្វីដែលអាអូនបានឃើញ បានរៀននៅពេលថ្ងៃ ខួរក្បាលនឹងរក្សាទុកព័ត៌មានទាំងនោះនៅពេលដែលអាអូនគេង។
៤. ការគេងមិនគ្រប់គ្រាន់ចំពោះទារកអាចបណ្ដាលឲ្យមានបញ្ហាធ្ងន់ធ្ងរដូចជា បញ្ហានៃការយល់ដឹង ឬការពន្យាពេលនៃការវិវត្តន៍ជាដើម។ បញ្ហាទាំងនេះ អាចកើតឡើងដោយសារកត្តាដទៃដែរ តែវាក៏មានទាក់ទងនឹងការគេងមិនគ្រប់គ្រាន់ដូចគ្នា។
ក្រៅពីផលប៉ះពាល់នៃការគេងមិនគ្រាន់មានទៅលើខួរក្បាលអាអូនហើយ វាក៏អាចប៉ះពាល់ទៅផ្នែកអារម្មណ៍របស់ទារកដែរដូចជា ឥរិយាបថទូទៅ ការញ៉ាំអាហារ មួម៉ៅច្រើន ឆាប់ខឹង យំច្រើន។ល។ ចំណែកទារកដែលគេងបានគ្រប់គ្រាន់ល្អ ជាទូទៅនឹងមានការលូតលាស់បានល្អ ញ៉ាំច្រើន(ដែលសំខាន់សម្រាប់ការលូតលាស់) សកម្មច្រើន ឬមិនសូវកិកកុកច្រើនជាដើម។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម