ចិញ្ចឹមកូន

ត្រួតពិនិត្យវេជ្ជសាស្ត្រដោយ វេជ្ជ. ចាន់ ស៊ីណេត នៅ May 03, 2022

ចិញ្ចឹម​កូន - ​ការ​ចិញ្ចឹម​កូន​តាំង​ពី​ក្នុង​ពោះ ឆ្លង​ទន្លេហើយ រហូត​ធំ​ដឹង​ក្ដី​មិន​មែន​ជា​ការ​ងាយ​ទេ ជា​ពិសេស​ម៉ាក់ប៉ា​ថ្មី​ថ្មោង​ដែល​ខ្វះ​បទពិសោធន៍។ ផ្នែក​នេះ​នឹង​បែង​ចែក​ជា​ដំណាក់កាល​នៃ​ការ​លូតលាស់​ទៅ​តាម​អាយុ​របស់​កូន​តូច​តាំង​ពី​កើត រហូត​ដល់​អាយុ ១ខួប

ចំណេះដឹងទូទៅ

ចិញ្ចឹមកូន

វ៉ាក់សាំងកញ្ជ្រឹល ស្រឡទែន និងស្អូចសម្រាប់មនុស្សពេញវ័យមានគុណប្រយោជន៍សុខភាពអ្វីខ្លះ?

គ្នាយើងខ្លះជឿងថា ប្រសិនបើយើងឆ្លងមេរោគដោយខ្លួនឯង នោះយើងនឹងមានប្រព័ន្ធភាពស៊ាំខ្លាំងជាង បើធៀបទៅនឹងការចាក់វ៉ាក់សាំង។ ប៉ុន្តែការឆ្លងមេរោគកញ្ជ្រឹលអាចបង្កជាផលប៉ះពាល់ធ្ងន់ធ្ងរ ដូចជារលាកសួត រលាកខួរក្បាល និងអាចបាត់បង់ជីវិតផងក៏មាន។ ផ្ទុយទៅវិញ ការចាក់វ៉ាក់សាំងផ្តល់នូវសុវត្ថិភាព ជាមួយប្រព័ន្ធភាពស៊ាំរយៈពេលវែង ដោយមិនមានហានិភ័យឡើយ។ ជាក់ស្តែង វ៉ាក់សាំងវ៉ាក់សាំងកញ្ជ្រឹល ស្រឡទែន និងស្អូច (MMR) ផ្ទុកមេរោគកម្រិតស្រាល ដែលអាចជំរុញប្រព័ន្ធភាពស៊ាំឱ្យផលិតអង់ទីក័រដោយមិនបង្កជាជំងឺផ្សេងៗ។ [embed-health-tool-vaccination-tool] ចំនួនដូសដែលត្រូវចាក់សម្រាប់កុមារ និងមនុស្សពេញវ័យ? កុមារចាំបាច់ត្រូវចាក់វ៉ាក់សាំង MMRចំនួន២ដូស ដោយដូសទី១ត្រូវចាក់នៅចន្លោះអាយុ១២ ដល់១៥ខែ និងដូសទី២ ចាប់ពីអាអូនអាយុបាន៤ ឆ្នាំ ដល់៦ឆ្នាំ។ ចំពោះក្មេងដែលមានអាយុលើសពី៦ឆ្នាំ ក្មេងជំទង់ និងមនុស្សពេញវ័យត្រូវចាក់វ៉ាក់សាំងនេះចំនួន១ដូស ឬ២ដូស ប្រសិនបើនៅមិនទាន់មានអង់ទីក័រប្រឆាំងនឹងមេរោគនៅឡើយ ហើយដូសនីមួយៗត្រូវចាក់នៅចន្លោះរយៈពេល ២៨ថ្ងៃ។ ចង់គណនា BMI ចុចទីនេះ! ចង់គណនា BMR ចុចទីនេះ! ចង់គណនារង្វាស់ចង្វាក់បេះដូង ចុចទីនេះ! ចង់ពិនិត្យសុខភាពប្រព័ន្ធរំលាយអាហារ ចុចទីនេះ! អត្ថប្រយោជន៍នៃវ៉ាក់សាំងកញ្ជ្រឹល ស្រឡទែន និងស្អូច វ៉ាក់សាំងMMR អាចការពារកុមារពីជំងឺកញ្ជ្រឹល ស្រឡទែន និងស្អូច ដែលជាជំងឺធ្ងន់ធ្ងរ និងបង្កឡើងដោយមេរោគ។ នៅពេលដែលកុមារ និងមនុស្សពេញវ័យបានចាក់វ៉ាក់សាំងគ្រប់ចំនួន នោះនឹងអាចចាក់បន្ថយការរីករាលដាលនៃមេរោគ ក៏ដូចជាការធ្លាក់ខ្លួនឈឺធ្ងន់ដោយត្រូវសម្រាកព្យាបាលនៅមន្ទីរពេទ្យ។ ម្យ៉ាងវិញទៀត ប្រសិនបើស្ត្រីឆ្លងជំងឺស្អូចអំឡុងពេលពពោះ ក៏អាចប៉ះពាល់ដល់ការអភិវឌ្ឍរបស់ទារកក្នុងផ្ទៃ ឬអាចបណ្តាលឱ្យទារកស្លាប់ក្នុងផ្ទៃថែមទៀតផង។ ក្រុមមនុស្សប្រភេទណាដែលមិនគួរចាក់វ៉ាក់សាំងនេះ? អ្នកដែលស្ថិតក្នុងលក្ខខណ្ឌទាំងនេះ មិនគួរចាក់វ៉ាក់សាំងMMR […]

អត្ថបទផ្សេងទៀតពី ចិញ្ចឹមកូន

ស្វែងរក ចិញ្ចឹមកូន

កង្វះអាហារូបត្ថម្ភ

ទម្លាប់ផ្ដល់អាហារខុស ម៉ាក់ប៉ាគួរកែចេញ បើចង់ឲ្យអាអូនមានសុខភាពល្អ

ជា​ទូទៅ មនុស្ស​យើង​ម្នាក់ៗ​តែង​តែ​មាន​ទម្លាប់​ចិញ្ចឹម​កូន​តាម​បែប​រៀង​ៗ​ខ្លួន ប៉ុន្តែ​ពេល​ខ្លះ ម៉ាក់​ប៉ា​មាន​ទម្លាប់​មិន​ល្អ​ដែល​ធ្វើ​តៗ​តាម​គ្នា ហើយ​និយម​ធ្វើ​តែ​វិធី​ណា​ដែល​ផ្ដល់​ភាព​ងាយ​ស្រួល​ដល់​ខ្លួន។ ប៉ុន្តែ ទម្លាប់​ចាស់ៗ​អស់​នោះ មាន​មួយ​ចំនួន​ផ្ដល់​ផល​ប៉ះពាល់​ដល់​អា​អូន​ដោយ​មិន​ដឹង​ខ្លួន។ ទាក់​ទង​នឹង​បញ្ហា​នេះ លោក​ស្រី​វេជ្ជបណ្ឌិត កុសល កណិការ ឯកទេស​ជំងឺ​កុមារ មាន​សញ្ញាប័ត្រ​ពី​ប្រទេស​បារាំង បាន​ពន្យល់​ឲ្យ​ដឹង​ថា បើ​ម៉ាក់​ប៉ា​ចង់​ឲ្យ​អា​អូន​លូត​លាស់​បាន​ល្អ ត្រូវ​ប្រាកដ​ថា​វិធី​ចិញ្ចឹម​បី​បាច់​អា​អូន​ដែល​យើង​កំពុង​ប្រើ​មិន​មាន​ផល​ប៉ះពាល់​ណា​ដែល​អាច​បង្អាក់​ដល់​ការ​ធំ​ធាត់​របស់​កូន។ មក​ដល់​ថ្ងៃ​នេះ នៅ​មាន​ម៉ាក់​ប៉ា​មួយ​ចំនួន ឬ​អ្នក​មើល​ថែ​អា​អូន មាន​កំហុស​ឆ្គង​ក្នុង​ការ​ផ្ដល់​អាហារ​ឲ្យ​កូន​តូចៗ​នៅ​ឡើយ​ដូចជា៖ ១. ទម្លាប់​ដាក់​ទឹក​ក្នុង​កំប៉ុង​ទឹក​ដោះ​គោ ឲ្យ​អា​អូន​អាយុ​ក្រោម​៦​ខែ​បៅ​មួយ​ឆ្អែត ហើយ​ចេះ​តែ​ឆ្ងល់​ ហេតុអីបាន​កូន​មិន​សូវ​ឡើង​គីឡូ ២. ទម្លាប់​ដាក់​អំបិល​ក្នុង​បបរ​ឲ្យ​កូន​អាយុ​ក្រោម ​១​ឆ្នាំ ៣. ទម្លាប់​ឲ្យ​អា​អូន​ញ៉ាំ​បបរ​ស​ជាមួយ​ទឹក​ស៊ីអ៊ីវ ៤. ទម្លាប់​ទិញ​បបរ​គ្រឿង​ដែល​មាន​លក់​តាម​ផ្សារ​មាន​ដាក់​អំបិល ប៊ីចេង​ស្ករ​ឲ្យ​កូន​អាយុ​ក្រោម​១ឆ្នាំ ៥. ទម្លាប់​តាម​បញ្ចុក​កូន​រហូត​ដល់​កូន​ធំ មិន​​ឲ្យ​កូន​កាន់​ស្លាប​ព្រា​ញ៉ាំ​បាយ​ខ្លួន​ឯង ៦. ទម្លាប់​ក្នុង​ការ​មិន​ហ៊ាន​ឲ្យ​កូន​រៀន​ទំពា​អាហារ​ដុំ​ៗ​ ចាប់​ពី​អាយុ​១០​ខែ​ឡើង ព្រោះ​ខ្លាច​កូន​ស្លាក់ ៧. ទម្លាប់​ដាស់​កូន​ឲ្យ​បៅ​ពេល​យប់ ព្រោះ​ខ្លាច​កូន​មិន​ឡើង​គីឡូ លុះ​ដល់​ពេល​កូន​ធ្លាប់​បៅ​យប់​ច្រើន​ឆ្អែត លែង​សូវ​ញ៉ាំ​អាហារ “ខ្ញុំ​គ្រាន់​តែ​សង្ឃឹម​ថា ម៉ាក់​ប៉ា​តាយាយ អ្នក​មើល​ថែ​ក្មេង​តូច​ទាំង​អស់ ជាពិសេស​អ្នក​ដែល​នៅ​តាម​ទី​ជន​បទ ផ្លាស់​ប្ដូរ​នូវ​ទម្លាប់​ខុស​ឆ្គង​ទាំង​ប៉ុន្មាន​នេះ ដើម្បី​សុខភាព​កូន​យើង​បាន​ល្អ។" បន្ថែម​ពី​លើ​នេះ វេជ្ជបណ្ឌិត​ជំងឺ​កុមារ​រូប​នេះ បញ្ជាក់​ថា ចាប់​ពី​ពេល​អា​អូន​  អាយុ ​៦​ខែ​ ឡើង​ទៅ ម៉ាក់​ប៉ា​ត្រូវ​ព្យាយាម​ផ្ដល់​អាហារ​បន្ថែម​ដែល​សម្បូរ​ជីវជាតិ​ដូច​វីតាមីន រ៉ែ ឬ​ប្រូតេអ៊ីន ជាដើម ព្រោះ​ថា​បើ​ផ្ដល់​អាហារ​មិន​គ្រប់​គ្រាន់ អាច​បណ្ដាល​ឲ្យ​អា​អូន​ប្រឈម​នឹង​ជំងឺ​ស្លេក​ស្លាំង […]


ការថែទាំទារក

ទឹកដោះគោកូនបៅមិនអស់គួរចាក់ចោល កុំទុកឲ្យបៅបន្ត

ការ​ឲ្យ​កូន​បៅ​ទឹកដោះគោ​ទោះមានគុណសម្បត្តិ​មួយ​ចំនួនមែន តែជា​រឿង​ពិបាក​ ចំណាយ​ពេលក៏​ច្រើន នឿយហត់ និង​បញ្ហា​កង្វះ​អនាម័យ។ ក្នុង​នោះ​វេជ្ជបណ្ឌិត ហ៊ាង រតនា ​ណែនាំ​ថា​ក្រោយ​កូន​បៅ​រួច​ត្រូវ​ប្រញាប់​ចាក់ចោល​ភ្លាម ទោះ​នៅ​សល់​ច្រើន​យ៉ាង​ណា​ក៏​ដោយ។ វេជ្ជបណ្ឌិត​ឯកទេស​ជំងឺ​ទូទៅ​រូប​នោះ​បាន​បន្ថែម​ទៀត​ថា មាន​ម៉ាក់​ៗ​មួយ​ចំនួន​​កូន​បៅ​ទឹក​ដោះ​គោ​សល់​ហើយ មិន​ព្រម​ចាក់ចោល​ឡើយ​ដោយ​ទុក​ឲ្យ​បៅ​នៅ​ពេល​បន្ទាប់​ទៀត។ ទង្វើ​បែប​នេះ​អាច​មាន​គ្រោះថ្នាក់​ចំពោះ​សុខភាព​ទារក ព្រោះ​ទឹក​ដោះ​គោ​ដែល​នៅ​សេសសល់​អាចក​កើត​ជា​បាក់តេរី​ឡើង ក្រោយ​សល់​យូរ​ម៉ោង។ ទោះ​ជា​សល់​មិន​យូរ​ក៏​ដោយ ព្រោះពេល​ខ្លះ​ក្រោយ​កូន​បៅ​រួច យើង​មិន​បាន​គ្រប​ឲ្យ​បាន​ជិត​ល្អ ដោយសារ​ជាប់​រវល់​មើល​កូន ហើយ​រុយ​ ឬសត្វល្អិត​ផ្សេងទៀត​ក៏រោម ឬ​មាន​កម្ទេចកំទីធូលីប៉ើងមកជាប់។ ក្រោយសត្វ​រុយ​​ទុំ និង​រោម​របស់កខ្វក់ នៅ​ពេល​វា​មកទុំ​លើ​ក្បាល​ដប​កូន​បៅ​ ជាតិ​កខ្វក់ដែល​បន្សល់​ទុក​ដោយ​រុយនោះ ត្រូវ​ធ្លាក់​ចូល​ទៅ​ក្នុងមាត់កូន ឆ្លងកាត់​បំពង់ក ​ក្រពះ-ពោះវៀន​កូន ​អាច​បណ្ដាល​ឲ្យក្អួត ​រាករូស ឬ​មេរោគ​បង្ក​ទៅ​ជា​​រលាក​បំពង់ក​ទៅ​វិញ។ មួយ​វិញ​ទៀត​ទឹក​ដោះ​គោ​ក្រោយ​ឆុង​រួច អាច​យក​ទៅ​​ទុក​នៅ​កន្លែង​ស្អាត ​មាន​សីតុណ្ហភាព​ធម្មតា ឬ​​ក្នុង​ទូទឹកកក​បាន​ត្រឹម ១-១ ម៉ោង​កន្លះ​​ប៉ុណ្ណោះ។ ដូចនេះ​ទោះ​សល់​តិច​ច្រើន យូរ ឆាប់ គួរតែ​ចាក់ចោល និង​ឆុង​កំប៉ុង​ថ្មី​ដែល​លាង​សម្អាត​រួច ទើប​មាន​សុវត្ថិភាព​ជាង។


កង្វះអាហារូបត្ថម្ភ

អាអូនអាយុប៉ុននេះ ម៉ាក់ប៉ាអាចឲ្យញ៉ាំយ៉ាអ៊ួបាន ព្រោះវាផ្ដល់ប្រយោជន៍ច្រើន

ពេល​ទារក​លូតលាស់​ធំ​ៗ​ទៅ អ្វី​ទាំង​អស់​នឹង​ផ្លាស់​ប្ដូរ សូម្បី​តែ​របប​អាហារ​របស់​អា​អូន​ក៏​ប្ដូរ​ដែរ។ នៅ​ពេល​ដែល​អា​អូន​ធំ​ទៅ ម៉ាក់​ប៉ា​ត្រូវ​បន្ថែម​អាហារូបត្ថម្ភ​ដទៃ​ច្រើន​ទៀត ហើយ​ក្នុង​នោះ​យ៉ាអ៊ួ គឺ​ជា​ប្រភេទ​អាហារ​បន្ថែម​ល្អ​មួយ​ដែល​អា​អូន​ត្រូវ​ការ ប៉ុន្តែ​យើង​អាច​ឲ្យ​អា​អូន​ញ៉ាំ​យ៉ាអ៊ួ​ចាប់​ពី​អាយុ​ប៉ុន្មាន​ទៅ? "បើ​តាម ​Australian Guide To Healthy Eating ម៉ាក់​ប៉ា​អាច​ផ្ដល់​យ៉ាអួ ឬ yogurt​ បាន​ចាប់​តាំង​ពី​អា​អូន​មាន​អាយុ​៦​ខែ​ឡើង​ទៅ។" នេះ​បើ​តាម​ការ​ឲ្យ​ដឹង​របស់​លោក​ស្រី​វេជ្ជបណ្ឌិត កុសល កណិការ ឯក​ទេស​ជំងឺ​កុមារ សញ្ញាប័ត្រ​ពី​បារាំង។ បើ​ម៉ាក់​ប៉ា​ចង់​បន្ថែម​យ៉ាអ៊ួ ទៅ​ក្នុង​អាហារ​ក្រៅ​ពេល​របស់​អា​អូន យើង​អាច​ចាប់​ផ្ដើម​ផ្ដល់​ឲ្យ​កូន​ញ៉ាំ​ក្នុង​បរិមាណ​ ២០​ មិល្លីលីត្រ ឬ​ ២​ស្លាប​ព្រា​កាហ្វេ រួច​សឹម​ដំឡើង​បរិមាណ​បន្តិច​ម្ដងៗ ទៅ​តាម​តម្រូវ​ការ​របស់​អា​អូន។ មុន​នឹងឲ្យ​អា​អូន​ញ៉ាំ​យ៉ាអ៊ួ ម៉ាក់​ប៉ា​ក៏​ត្រូវ​ជ្រើស​រើស​ប្រភេទ​យ៉ាអ៊ួ​សម​ស្រប​ឲ្យ​កូន មិន​មែន​ឲ្យ​តែ​យ៉ាអ៊ួ​គួរ​តែ​ឲ្យ​កូន​តូច​ញ៉ាំ​បាន​នោះ​ទេ​។ លោក​ស្រី​បន្ត​ថា ចំពោះ​ប្រភេទ​យ៉ាអ៊ួ ម៉ាក់​ប៉ា​គួរ​ជ្រើស​រើស​យ៉ាអ៊ួ​ដែល​មិន​មាន​ជាតិ​ស្ករ និង​បាន​សម្លាប់​មេរោគ (មាន​សរសេរ​ជា​ភាសា​អង់គ្លេស​ថា Plain, Unsweetened, Pasteurized Yogurt) និង​ប្រភេទ​យ៉ាអ៊ួ​មួយ​ទៀត ដែល​យើង​អាច​ជ្រើស​រើស​សម្រាប់​កូនៗ​ដែល​មាន​រសជាតិ​ផ្លែ​ឈើ​ជា​លក្ខណៈ Organic ដែល​ជាតិ​ផ្អែម​ទទួល​បាន​ពី​ផ្លែ​ឈើ។ លើស​ពី​នេះ យ៉ាអ៊ួ​ក៏​ផ្ដល់​ប្រយោជន៍​ល្អៗ​ច្រើន​ទៅ​ដល់​សុខភាព​របស់​អា​អូន​ដែរ​ដូច​ជា៖ - ជួយ​ពង្រឹង​ឆ្អឹង (ក្នុង​យ៉ាអ៊ួ​មាន​ផ្ទុក​ជាតិ​កាល់​ស្យូម​) - ជួយ​ដល់​ការ​រំលាយ​អាហារ - ជួយ​សម្រួល​ដល់ជុះរបស់ក្មេង - ពង្រឹង​ប្រព័ន្ធ​ភាព​ស៊ាំ។ល។ សម្រាប់​យ៉ាអ៊ួ​ដែល​គ្មាន​ជាតិ​ស្ករ ម៉ាក់​ប៉ា​អាច​បន្ថែម​រសជាតិ​សម្រាប់​អា​អូន​ញ៉ាំ​ឲ្យ​កាន់​តែ​ឆ្ងាញ់​បាន​ដោយ​បន្ថែម​ផ្លែឈើ​ធម្មជាតិ​ចូល​ទៅ​ក្នុង​នោះ​ដូច ផ្លែ​ក្រូច ចេក […]


ថ្នាំបង្ការ

សញ្ញាទូទៅក្រោយចាក់វ៉ាក់សាំង ម៉ាក់ប៉ាមិនបាច់ភ័យពេកនោះទេ! (វីដេអូ)

ជា​ទូទៅ ក្រោយ​ចាក់​វ៉ាក់សាំង​ឲ្យ​ទារក​តាម​ខែ​នីមួយ​ៗ ប្រាកដជា​មាន​អាការៈ​មួយ​ចំនួន ដូចនេះ​បើ​ម៉ាក់​ៗ​សង្កេត​ឃើញ​កូន​មាន​សញ្ញា​ទាំងនេះ មិន​បាច់​ព្រួយបារម្ភ​ខ្លាំង​ពេក​នោះ​ទេ។ នេះ​ជា​ការ​លើក​ឡើង​របស់​អ្នក​គ្រូពេទ្យ ពុំ ចន្ទ័ អនុ​ប្រធាន​មណ្ឌល​សុខភាព​ទទួល​បន្ទុក​ចាក់​វ៉ាក់សាំង នៅ​មន្ទីរពេទ្យ​បង្អែក​ស្រុក​ខ្សាច់​កណ្ដាល។ ក្រោយ​ចាក់​វ៉ាក់សាំង​ដែល​ជា​ថ្នាំ​បង្ការ មាន​ប្រសិទ្ធភាព​ការពារ​ជំងឺ ហើយ​ក៏​មិន​បណ្ដាល​ឲ្យ​មាន​ផល​ប៉ះពាល់​អ្វី​នោះ​ទេ បែប​នោះ​យើង​ត្រូវ​យក​កូន​ចាក់​វ៉ាក់សាំង​តាម​កាល​កំណត់​របស់​គ្រូពេទ្យ។


បញ្ហាសុខភាពកុមារផ្សេងទៀត

ម្សៅទឹកដោះគោឆុងទៅឆាប់រលាយ បញ្ជាក់ថាថ្មី ហើយមានគុណភាពល្អ? (វីដេអូ)

ម្សៅទឹកដោះគោសម្រាប់ក្មេង មិនមែនផ្សំឡើងពីទឹកដោះគោតែមួយមុខនោះទេ គឺមានបញ្ចូលសារធាតុច្រើនមុខដូចជា ប្រូតេអុីន ប្រេងបន្លៃ អស៊ីតខ្លាញ់ល្អ កាបូអុីត្រាត វីតាមីន ជាតិរ៉ែ និងគ្រឿងផ្សំដទៃទៀត ដើម្បីបំពេញតម្រូវការ ការលូតលាស់ផ្នែករាងកាយ និងបញ្ញាសកមារតី របស់ក្មេង។ បែបនេះហើយទើបម្សៅទឹកដោះគោងាយរលាយ ឬមិនងាយរលាយ អាស្រ័យលើរូបមន្តផលិត និងគ្រឿងផ្សំរបស់វាថាមានអ្វីខ្លះ។ នេះបើតាមការលើកឡើងរបស់លោកវេជ្ជបណ្ឌិត ចាន់ ស៊ីណេត ប្រធានផ្នែកសម្ភព និងរោគស្ត្រី នៅមន្ទីរពេទ្យបង្អែកមិត្តភាពកម្ពុជា-ចិន សែនសុខ។


រោគសញ្ញាទូទៅ

ងូតទឹក និងស្អំកន្សែងសើមលើកូនពេលក្ដៅខ្លួនមិនអាចឲ្យទឹកចូលសួតទេ តែមកពីបញ្ហានេះវិញ

យើង​ដឹង​ស្រាប់​ហើយ​ថា អា​អូន​តូចៗ​ឧស្សាហ៍​ក្ដៅ​ខ្លួន​ណាស់ ព្រោះ​អា​អូន​ងាយ​នឹង​ឆ្លង​មេរោគ​បណ្ដាល​ឲ្យ​កើត​ជំងឺ​ផ្សេងៗ​ច្រើន។ មាន​វិធីសាមញ្ញ​មួយ​ដែល​ម៉ាក់ប៉ា​និយម​ប្រើ​ពេល​កូន​ៗ​ក្ដៅ​ខ្លួន គឺ​យក​កន្សែង​សើម​មក​ជូត​ខ្លួន ឬ​រុំ​ខ្លួនឲ្យ​កូន ដើម្បី​ជួយ​ឲ្យ​កម្ដៅ​ខ្លួន​អា​អូន​ចុះ។ ទាក់​ទង​នឹង​បញ្ហា​នេះ លោក​ស្រី​វេជ្ជបណ្ឌិត កុសល កណិការ ឯកទេស​រោគ​កុមារ សញ្ញាប័ត្រ​ពី​ប្រទេស​បារាំង​ពន្យល់​ឲ្យ​ដឹង​ថា នៅ​ពេល​អា​អូន​ឈឺ​ហើយ​មាន​អាការៈ​ក្ដៅ​ខ្លួន​ខ្លាំង ការ​ដណ្ដប់​កន្សែង​សើម និង​ការ​ងូត​ទឹក​ក្ដៅ​ឧណ្ហ​ៗ គឺ​ជា​មធ្យោបាយ​មួយ​ដែល​ជួយ​បញ្ចុះ​កម្ដៅ​កូន​បន្ទាប់​ពី​បាន​ប្រើ​ថ្នាំ​បញ្ចុះ​កម្ដៅ​រួច​ហើយ។ តើ​ការ​រុំ​កន្សែង​សើម​នេះ​យូរ អាច​ធ្វើ​ឲ្យ​ទឹក​ចូល​សួត​អា​អូន​អត់? បើ​ម៉ាក់​ប៉ា​បារម្ភ​ពី​បញ្ហា​ទឹក​ចូល​សួត​អា​អូន​ដោយ​សារ​ការ​រុំ​កន្សែង​នេះ មិន​បាច់​ព្រួយ​ទេ។ លោក​ស្រី​បន្ត​ថា ការ​ដែល​រុំ​កន្សែង​សើម​ឲ្យ​កូន​ពេល​ក្ដៅ​ខ្លួន​មិន​មាន​អ្វី​ប៉ះពាល់​ដល់​កូន​ទេ ព្រោះ​ជាតិ​ទឹក​មិន​អាច​ជ្រាប​ចូល​ទៅ​ក្នុង​ស្រោម​សួត តាម​រយៈ​រន្ធ​ញើស​ដូច​ដែល​ម៉ាក់​ប៉ា​ធ្លាប់​បាន​គិត​នោះ​ទេ។ ចំណែក​ឯ​ករណី​ទឹក​ចូល​សួត​អា​អូន​នោះ អាច​កើត​ឡើង​បណ្ដាល​មក​ពី​មូល​ហេតុ​ច្រើន ដែល​ក្នុង​នោះ​រួមមាន ជំងឺ​រលាក​សួត​ធ្ងន់ធ្ងរ និង​ការ​ព្យួរ​សេរ៉ូម​ច្រើន​ជ្រុល​លើស​ពី​តម្រូវ​ការ​រាងកាយ​របស់​អា​អូន​ជា​ដើម។ វេជ្ជបណ្ឌិត​ជំងឺ​កុមារ​រូប​នេះ បញ្ជាក់​ថា យក​ល្អ ពេល​អា​អូន​ក្ដៅ​ខ្លួន ម៉ាក់​ប៉ា​ត្រូវ​រក​មូល​ហេតុ​បង្ក​ឲ្យ​បាន​ច្បាស់​លាស់ ព្រោះ​ជូន​កាល​វា​ជា​បញ្ហា​ធម្មតា តែ​វា​ក៏​អាច​ជា​រោគ​សញ្ញា​របស់​ជំងឺ​មួយ​ចំនួន​ដែរ។ ក្នុង​ករណី​ដែល​អា​អូន​ក្ដៅ​ខ្លួន​ធម្មតា ម៉ាក់​ប៉ា​អាច​ដោះ​ស្រាយ​ដោយ​៖ ១.ស្លៀក​ពាក់​ស្ដើង​ៗឲ្យ​កូន និង​កុំ​ឲ្យ​កូន​ឃ្លុំ​ភួយ​ក្រាស់ៗ ២.ឲ្យ​កូន​ញ៉ាំ​ទឹក​ឲ្យ​បាន​ច្រើន ៣.ផ្ដល់​ថ្នាំ​ត្រឹម​ត្រូវ​ដល់​កូន។ បើ​សិន​ផ្ដល់​ថ្នាំ​ផង ជូត​ខ្លួន​ផង កម្ដៅ​ខ្លួន​អា​អូន​នៅ​តែ​មិន​ចុះ យក​ល្អ ម៉ាក់​ប៉ា​គួរ​នាំ​កូន​ទៅ​ពិនិត្យ​នៅ​មន្ទីរពេទ្យ​ភ្លាម កុំ​ទុក​យូរ ដើម្បី​ចៀស​វាង​អា​អូន​ក្ដៅ​ខ្លួន​ខ្លាំង​រហូត​អាច​ប្រកាច់ គ្រោះ​ថ្នាក់​ធ្ងន់​បាន។ ​


កង្វះអាហារូបត្ថម្ភ

អាហារទាំង ៥ ប្រភេទនេះ សក្តិសមបំផុតសម្រាប់រៀបចំឲ្យអូនៗញ៉ាំនៅសាលា

ចិញ្ចឹមកូន មិនមែនជារឿងងាយស្រួលទេ ព្រោះត្រូវរៀបចំគ្រប់បែបយ៉ាងដើម្បីអូនៗធំឡើងជាមួយសុខភាពល្អ និងប្រាជ្ញាឆ្លាតវៃ។ កាន់តែពិបាកនោះ អំឡុងពេលអូនៗចាប់ផ្តើមចូលសាលារៀន ម៉ាក់ៗគួរតែគិតគូរពីអាហារ ពិសេសអាហារថ្ងៃត្រង់របស់អូនៗឲ្យបានច្រើន ព្រោះជាពេលអូនបញ្ចេញថាមពលច្រើនខុសពីនៅផ្ទះ។ ខាងក្រោមនេះ “Hello គ្រូពេទ្យ” នឹងណែនាំក្រុមអាហារល្អៗ សក្តិសមបំផុតសម្រាប់វៀបចំឲ្យអូនៗញ៉ាំនៅសាលា។ ១- គ្រាប់ធញ្ញជាតិ ពពួកគ្រាប់ធញ្ញជាតិ ជាប្រភេទអាហារល្អខ្លាំង ដោយសារមានអាស៊ីដខ្លាញ់ល្អ ដូចជា អូមេហ្គា ៣ និងសារធាតុចិញ្ចឹម វីតាមីនជាច្រើន ខណៈអាហារផលិតគ្រាប់ធញ្ញជាតិទាំងនោះមានដូចជា៖ – នំស្រូវសាលីស្រួយ – Cereal ក្រៀម – ពោតលីង (Popcorn) – នំបុ័ងក្រៀម – នំដុត (Muffin) – នំប៊ឺហ្គឺរតូចៗ – នំស្រួយ Granola bar – ធញ្ញជាតិ Granola – នំកង (Pretzels) – ប៉ាស្តាចម្អិតស្រេច – នំពុម្ភ នំបុ័ងបារាំង និងផេនខេក – នំស្រួយ Pita។ អត្ថបទពាក់ព័ន្ធ: ម៉ាក់ប៉ាត្រូវដឹង! នេះវីតាមីនសំខាន់ៗបំផុត ក្មេង​ត្រូវការ ខានមិនបាន នៅ​ក្មេង​ក៏​អាចកើត​​ជំងឺ​ពុក​ឆ្អឹង​ដែរ ឲ្យ​តែ​មាន​ប៉ុន្មាន​ចំណុច​នេះ កាល់​ស្យូមល្អសម្រាប់​ក្មេង បើខ្វះច្បាស់ជាមាន​បញ្ហា​ឆ្អឹង​ធ្ងន់ធ្ងរ ក្រោម​ ៤-៦ ខែ ចេះតែឲ្យកូនញ៉ាំអាហារបំប៉នផ្តេសផ្ដាស ចៀសមិនផុតពីបញ្ហាទាំង ៤ […]


បញ្ហាប្រព័ន្ធរំលាយអាហារ

ក្រពះពោះវៀនកូនមិនល្អ ជះឥទ្ធិពលដល់ការលូតលាស់ខួរក្បាល?

មិន​ថា​សម័យ​ណា​នោះ រឿង​ដែល​ម៉ាក់​ប៉ា​ខ្វាយ​ខ្វល់​មុន​គេ គ្មាន​អ្វី​ក្រៅ​ភាព​ឆ្លាត​វៃ​របស់​កូន​នោះ​ទេ ម្នាក់ៗ​ប្រាថ្នា​ចង់​បាន​តែ​កូន​មាន​សុខភាព ហើយ​ឆ្លាត។ តើ​ធ្វើ​ម៉េច​ដើម្បី​ឲ្យ​ឆ្លាត សុខភាព​ក្រពះ​ពោះ​វៀន​កូន​មិន​ល្អ បើងាកៗ ហើមពោះ រាក ទល់លាមក អាច​ជះ​ឥទ្ធិពល​ដល់​ការ​លូត​លាស់​ខួរ​ក្បាល​កូន​ទេ? កូន​ឆ្លាត​ទៅ​បាន​អាស្រ័យ​លើ​កត្តា​ច្រើន ដូចជា​របប​អាហារ កត្តាហ្សែន ស្ថានភាព​សុខភាព និង​បរិស្ថាន​រស់​នៅ​ជុំវិញ​ជាដើម។ ជាពិត សុខភាព​ក្រពះ​ពោះ​វៀន​កូន​មិន​ល្អ អាច​ជះ​ឥទ្ធិពល​ដល់​ការ​លូតលាស់​ខួរក្បាល​ពួក​គេ ធ្វើ​ឲ្យ​ការ​បឺត​ស្រូប​យក​សារធាតុ​ចិញ្ចឹម​មួយ​ចំនួន (គេ​និយម​ហៅថា micro-nutrient) ដែល​មាន​តួនាទី​ជួយ​ដល់​ការ​អភិវឌ្ឍន៍​ខួរក្បាល​របស់​ក្មេង បណ្ដាល​ឲ្យ​លូតលាស់​ខួរក្បាល​របស់​ក្មេង​មិន​បាន​ល្អ​ប្រក្រតី​នោះ​ទេ។ នេះ​បើ​តាម​ការ​លើក​ឡើង​របស់​លោក​វេជ្ជបណ្ឌិត អ៊ុន យូ បម្រើ​ការងារ​នៅ​មន្ទីរពេទ្យ​កុមារ​ជាតិ។ “កាល​ណា​បើ​ក្រពះ-ពោះ​វៀន​ក្មេង​មាន​សុខភាព​ល្អ គឺ​ធ្វើ​ឲ្យ​ក្មេង​មាន​ការ​លូតលាស់​បាន​ល្អ ទាំង​មាឌ និង​កម្ពស់​គឺ​បាន​ប្រក្រតី​ធម្មតា​ទាំង​អស់”។ ធ្វើម៉េច​ទើប​ដឹង​ថា ក្រពះ​ពោះវៀន​កូន​មាន​សុខភាពល្អ? កាល​ណា​ក្រពះ​ពោះវៀន​ក្មេង​មាន​សុខភាព​ល្អ មាន​ន័យថា ពួក​គេ​ស្រួល​គេង ស្រួល​ញ៉ាំ មិន​សូវ​ឈឺ រីករាយ​ស្រស់​ថ្លា ចូល​ចិត្ត​លេង ហើយ​ក្នុង​នោះ​ម៉ាក់ប៉ា​អាច​សម្គាល់​បាន​តាម​រយៈ​ប៉ុន្មាន​ចំណុច​ខាង​ក្រោម​នេះ។ ១. កូន​គ្មាន​បញ្ហា​ប្រព័ន្ធ​រំលាយ​អាហារ បើ​កូន​យើង​មិន​សូវ​មាន​បញ្ហា​រាក​រូស ទល់​លាមក ឬ​ហើម​ពោះ​នោះ​មាន​ន័យ​ថា ប្រព័ន្ធ​រំលាយ​អាហារ​ពួក​គេ​ដំណើរ​ការ​បាន​ល្អ មិន​ចាំ​បាច់​បារម្ភ​ច្រើន​នោះ​ទេ។ ២. កូន​រីករាយ​គ្រប់​ពេល ស្នាម​ញញឹម និង​ភាព​រីករាយ​របស់​កូន ជា​សញ្ញា​បញ្ជាក់​ថា កូន​មាន​សុខភាព​ល្អ​ហើយ ចំណែក ប្រព័ន្ធ​រំលាយ​អាហារ​វិញ​ក៏​ធ្វើការ​បាន​ល្អ​ដែរ គ្មាន​បញ្ហា​ចោទ​នោះ​ទេ។  ៣. បន្ទោរ​បង់​ទៀង​ទាត់ កាល​ណា​ក្រពះ​ពោះវៀន​កូន​ល្អ ពេល​ញ៉ាំ​អ្វី​ទៅ​មិន​ធ្វើ​ឲ្យ​ហើម ចុក […]


អាហារូបត្ថម្ភទារក

ទារកអាយុក្រោម ៦ ខែ គួរបន្តក់ទឹកឲ្យញ៉ាំអត់?

ការ​បន្តក់​ទឹក​ឲ្យ​កូន​តូច អាយុ​ក្រោម ៦ខែ ញ៉ាំ នៅ​តែ​មាន​មតិ​ផ្ទុយ​គ្នា​នៅ​ឡើយ ដោយ​អ្នក​ខ្លះ​មិន​គួរ​កូន​ញ៉ាំ​នោះ​ទេ ឯ​ខ្លះ​ទៀត​ថា បើ​មិន​ញ៉ាំ​ទឹក​សោះ មិន​កើត​ទេ កូន​អាច​ខះ​ក។ បើ​តាម​អង្គការ​សុខភាព​ពិភពលោក (WHO) ទារក​ដែល​ម៉ឹម​ដោះ​ម្តាយ មិន​ត្រូវ​ផ្តល់​ទឹក​ឲ្យ​ញ៉ាំ​នោះ​ទេ។ ចំពោះ​ហេតុ​ផល​ដែល​យើង​មិន​គួរ​ផ្តល់​ទឹក​ឲ្យ​កូន​បំបៅ​ដោះ​អាយុ ក្រោម ៦ខែ ​ទោះ​ជា​អាកាស​ធាតុ​ក្តៅ​បែប​ណា ដោយសារ​តែ​ការ​បន្តក់​ទឹក​ឲ្យ​កូន​តូច​ញ៉ាំ អាច​ធ្វើ​ឲ្យ​ពួក​គេ​រាករូស និង​ប្រឈម​បញ្ហា​ខ្វះ​អាហារូបត្ថម្ភ។ ទឹក​អាច​មិន​ស្អាត និង​ធ្វើ​ឲ្យ​ទារក​ងាយ​ឆ្លង​រោគ ម្យ៉ាង​វិញ​ទៀត ការ​ផ្តល់​ទឹក​ឲ្យ​កូន​ញ៉ាំ អាច​នឹង​ធ្វើ​ឲ្យ​ពួកគេ​បៅ​ដោះ​ម្តាយ​តិច មិន​ចង់​បៅ ឬ​ឈប់​បៅ​តែ​ម្តង ធ្វើ​ឲ្យប្រឈម​នឹង​កង្វះ​អាហារូបត្ថម្ភ​​ធ្ងន់ធ្ងរ។ ក្នុង​នោះ​អង្គការ​សុខភាព​ពិភពលោក​បាន​បន្ថែម​ថា ប្រសិន​ម្តាយ​ផ្តល់​ទឹក​ឲ្យ​កូន​ញ៉ាំ​ជំនួសទឹ​កដោះ​ កូន​លែង​ចង់​បៅ អាច​ធ្វើ​ឲ្យ​ម្តាយ​មាន​ទឹក​ដោះ​តិច មានន័យថា ការ​ផលិត​ទឹក​ដោះ​កាន់​តែ​ថយទៅៗ។ ចុះបើកូនស្រេកទឹកធ្វើម៉េច? លោក​ជំទាវ​វេជ្ជបណ្ឌិត ប្រាក់ សោភ័ណនារី អនុរដ្ឋលេខាធិការ ក្រសួង​សុខាភិបាល ទទួល​បន្ទុក​ផ្នែក​អាហារូបត្ថម្ភ បាន​ពន្យល់​ថា តាម​ការ​សិក្សា​ជ្រាវ​ជ្រាវ ទឹកដោះ​ម្តាយ​មាន​ជាតិ​ទឹក​ដល់​ទៅ ៨០% ឯណោះ ហើយ​មាន​ផ្ទុក​រាល់​សារធាតុ​ចិញ្ចឹម​ទាំង​អស់​ដែល​ទារក​ត្រូវ​ការ ដូច្នេះ​ចំពោះ​ម៉ាក់ៗ​ដែល​បំបៅ​កូន​ដោយ​ទឹកដោះ មិន​ចាំបាច់​បន្ថែម​អាហារ ទឹក ឬ​ភេសជ្ជៈ​ដល់​អាអូន​នោះ​ទេ ចាប់​ពេល​កើត រហូត​ដល់​​អាយុ បាន ៦ខែ ឲ្យ​តែ​កូន​ម៉ឹមដោះ​​មួយ​មុខ​ប៉ុណ្ណោះ ទោះ​ជា​ក្នុង​លក្ខខណ្ឌ​ណា​ក៏​ដោយ […]

ad iconផ្សព្វផ្សាយពាណិជ្ជកម្ម
សំណួរដែលសួរញឹកញាប់
ad iconផ្សព្វផ្សាយពាណិជ្ជកម្ម
ad iconផ្សព្វផ្សាយពាណិជ្ជកម្ម

អ្នកជំនាញវេជ្ជសាស្ត្ររបស់យើង

ក្រុមគ្រូពេទ្យជំនាញ និង​អ្នក​ត្រួតពិនិត្យ​មាតិការាល់ការចេញផ្សាយ សុទ្ធតែជា​ក្រុម​គ្រូពេទ្យ​ដែល​បញ្ចប់ការសិក្សាត្រឹមត្រូវ និង​ទទួល​ស្គាល់​ជាផ្លូវការ​ដោយ​ក្រសួងសុខាភិបាលឬស្ថាប័ន​ពាក់ព័ន្ធ​ផ្លូវការ ដើម្បីលើកស្ទួយ​សហគមន៍​របស់យើង​ដោយ​មាតិកា​ចេញផ្សាយជាបន្តបន្ទាប់សម្រាប់សាធារណជន។ តួនាទីរបស់​ក្រុមគ្រូពេទ្យ ឬ​អ្នក​ជំនាញ​ក្នុងការ​ត្រួតពិនិត្យ​ខ្លឹមសារ​មាតិកា គឺ​ត្រូវ​ប្រាកដ​ច្បាស់ ១០០% ត្រឹមត្រូវ​ទៅតាម​ក្បួនខ្នាតវេជ្ជសាស្ត្រ មិនហួសសម័យ និង​មានមូលដ្ឋាន​ជា​ភ័ស្តុតាង​ត្រឹមត្រូវ​ពី​ការ​ស្រាវជ្រាវ ឬ​ព័ត៌មាន​សុខភាព​ពី​ប្រភព​ទុកចិត្ត​ជាផ្លូវការ។ ក្រុមគ្រូពេទ្យជំនាញ និង​ឯកទេស​របស់យើង​ធ្វើការ​ទាំង​ថ្ងៃទាំងយប់ សម្រាក​តិចម៉ោង ប្រសិន​បើ​តម្រូវ​ឲ្យ​ត្រួតពិនិត្យ​រាល់​មាតិកា​ពី​បញ្ហា​សុខភាព​នានា​ដើម្បី​ចេញ​ផ្សាយ ដើម្បី​ជា​គុណប្រយោជន៍ ជា​ទំនុកចិត្ត ជា​ប្រភព​ព័ត៌មាន​ដ៏​ត្រឹមត្រូវ ឲ្យសាមញ្ញ​ងាយយល់ ក្នុងគោលបំណង​តែមួយ​គត់​គឺ ជួយ​ឲ្យ​រាល់ការសម្រេចចិត្ត​របស់​អ្នក​កាន់តែ​ល្អ និង​ល្អ​បំផុត។

មើល​បន្ថែម​ពី​គ្រូពេទ្យ​ឯកទេស
មាតិកា
ឧបករណ៍សុខភាព
សុខភាពរបស់ខ្ញុំ