ប្រូតេអ៊ីនអាចជួយសម្រកទម្ងន់ និងជួយឲ្យយើងឆ្អែតបានយូរទៀតផង។ ប៉ុន្តែយើងត្រូវជ្រើសរើសប្រូតេអ៊ីនឲ្យបានត្រឹមត្រូវ និងញ៉ាំក្នុងកម្រិតត្រឹមត្រូវដើម្បីទទួលបានប្រយោជន៍ដល់សុខភាព។
ត្រួតពិនិត្យដោយ ទូច សុខា
ប្រូតេអ៊ីនអាចជួយសម្រកទម្ងន់ និងជួយឲ្យយើងឆ្អែតបានយូរទៀតផង។ ប៉ុន្តែយើងត្រូវជ្រើសរើសប្រូតេអ៊ីនឲ្យបានត្រឹមត្រូវ និងញ៉ាំក្នុងកម្រិតត្រឹមត្រូវដើម្បីទទួលបានប្រយោជន៍ដល់សុខភាព។
គ្រឿងសមុទ្រជាប្រភពនៃប្រូតេអ៊ីនព្រោះគ្រឿងសមុទ្រមានជាតិខ្លាញ់ទាប។ ដោយឡែកត្រីសាល់ម៉ុនគឺមានជាតិខ្លាញ់រាងច្រើនបន្តិច ប៉ុន្តែខ្លាញ់នេះគឺល្អសម្រាប់សុខភាពដែលជាអាស៊ីដខ្លាញ់អូមេហ្គា៣។
យើងគួរញ៉ាំសាច់បក្សីពណ៌សដូចជាសាច់មាន់ជាដើមដើម្បីទទួលបានប្រូតេអ៊ីន។ សម្រាប់សាច់ពណ៌ក្រម៉ៅគឺមានជាតិខ្លាញ់ច្រើនបន្តិច។ ស្បែករបស់សាច់បក្សីសំបូរដោយជាតិខ្លាញ់ឆ្អែត ដូចនេះយកល្អពេលញ៉ាំគួរយកស្បែកចេញ។
ផលិតផលធ្វើពីទឹកដោះគោដូចជាទឹកដោះគោ ឈីស និងយ៉ាអួមិនត្រឹមតែមានប្រូតេអ៊ីនទេ តែនៅផ្ទុកកាល់ស្យូម និងវីតាមីន Dទៀត។ យើងអាចជ្រើសរើសផលិតផលទឹកដោះគោដែលមានជាតិខ្លាញ់តិច ឬគ្មានជាតិខ្លាញ់ដើម្បីជួយឲ្យឆ្អឹង និងធ្មេញរឹងមាំ និងបង្ការជំងឺពុកឆ្អឹងផងដែរ។
ស៊ុតជាប្រភពប្រូតេអ៊ីនដែលមានតម្លៃសមរម្យបំផុត។ សមាគមជំងឺបេះដូងអាមេរិកបាននិយាយថាមនុស្សពេញវ័យអាចញ៉ាំស៊ុតមួយគ្រាប់មួយថ្ងៃ។
សណ្ដែក ២០០ក្រាមផ្តល់នូវប្រូតេអ៊ីនរុក្ខជាតិស្មើនឹងសាច់គោអាំង ២៨,៣៥ក្រាម។ បន្ថែមពីនេះទៀត ពពួកសណ្ដែកនេះមានតម្លៃសមរម្យ និងសំបូរដោយជាតិសរសៃដែលអាចជួយឲ្យយើងឆ្អែតបានរាប់ម៉ោង។
ការញ៉ាំសណ្ដែកសៀង៥០ក្រាមរាល់ថ្ងៃអាចបញ្ចុះកូលេស្តេរ៉ូលរហូតដល់៣%។ ម៉្យាងទៀតការទទួលបានប្រូតេអ៊ីនរុក្ខជាតិពីសណ្ដែកជំនួសឲ្យការទទួលបានប្រូតេអ៊ីនពីប្រភពមានជាតិខ្លាញ់ និងការរក្សារបបអាហារល្អអាចជួយដល់សុខភាពបេះដូង។
សាច់គោគ្មានខ្លាញ់មានជាតិខ្លាញ់ឆ្អែតច្រើនជាងសាច់ទ្រូងមាន់អត់មានស្បែកប្រហែល២ក្រាម។ សាច់គោគ្មានខ្លាញ់ក៏ជាប្រភពដ៏ល្អនៃស័ង្កសី ជាតិដែក និងវីតាមីន B12។
អត្ថបទពាក់ព័ន្ធ៖
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
ទូច សុខា